Morgunblaðið - 28.06.1988, Blaðsíða 64

Ensk kona
drukknaði í
Jökulsá á Dal
ENSK ferðakona féll í Jökulsá á
Dal og drukknaði skammt frá
brúnni við Fossvelli síðdegis í
gær. Lík konunnar fannst í gær-
kvöldi.
Konan var á ferðalagi með fleiri
útlendingum í langferðabíl. Bíllinn
hafði stansað við brúna og ferða-
langamir stigið út til að teygja úr
sér, er slysið varð. Ekki var full-
ljóst í gærkvöldi hvemig það bar
að höndum þar sem lögreglan hafði
ekki lokið við að taka skýrslu af
ferðafélögum konunnar.
Lík konunnar fannst um einum
kílómetra neðar í ánni.
*’ „Sambands-
slita-Danir“
félluútaf
kjörskránni
ER NOKKRIR kjósendur af
dönskum uppruna hugðust neyta
kosningaréttar síns á kjördag
kom í ljós að nöfn þeirra var
hvergi að finna á kjörskrá í
Reykjavík. Brátt kom f ljós að
nöfn 29 Dana höfðu fallið út af
kjörskránni vegna mistaka. Allir
eiga þeir sameiginlegt að hafa
verið búsettir á Islandi við sam-
bandssiitin 1944. Fengu þeir þá
kosningarétt samkvæmt ákvæð-
um sambandslaganna um rétt
danskra þegna á íslandi. Þetta
fólk hefur stundum verið kallað
„Sambandsslita-Danir“ meðal
embættismanna.
Vakt var höfð í borgardómi á kjör-
dag til þess að hægt væri að skera
úr ágreiningsmálum varðandi kjör-
skrá, en það er ekki unnt nema með
dómi. Strax og mistökin urðu ljós
sendi Manntalsskrifstofa Reykjavík-
ur borgardómi vottorð um að fólkinu
bæri að hafa kosningarétt. Voru all-
ir hinir danskættuðu kjósendur
dæmdir inn á kjörskrána aftur og
gátu þeir neytt kosningaréttar síns.
Að sögn Eyþórs Fannberg, yfir-
manns manntalsskrifstofunnar, var
mannlegum mistökum um að kenna
að svona fór. Danimir hafa ennþá
danskt ríkisfang þrátt fyrir að njóta
sömu réttinda og íslenskir þegnar
og þarf því að kæra þá inn á kjör-
skrá fyrir hveijar kosningar. Það
fórst fyrir í þetta sinn og mun orsök-
in vera flýtir við gerð kjörskrárinn-
ar. Kjörskrárstofn barst óvenjuseint
frá Hagstofunni vegna þess með hve
stuttum fyrirvara kosningamar bar
að, og var hann notaður að mestu
óbreyttur.
Spriklandi hafbeitarlaxi mokað upp
Morgunblaðið/Sverrir
Það var handagangur f öskjunni hjá starfsmönnum Vogalax í Vogum
á Vatnleysuströnd f gær þegar á milli tvö til þrjúhundruð hafbeitar-
löxum var mokað upp úr sjónum. Útlit er fyrir að hafbeit hafi geng-
ið mjög vel f ár og hefur fjöldi laxa farið fram úr björtustu vonum
Vogalaxmanna. Alls hafa tæplega 2000 laxar verið teknir upp frá þvi
í sfðustu viku og aUt að 700 fiskar á dag. Vogalaxmenn slepptu 400
þúsund laxaseiðum á hafbeit f fyrra og gera þeir sér vonir um að
ná um 100 tonnum af laxi úr sjó f sumar.
Kanadamenn og Færeyingar;
Verð á fiski lækkar í kjöl
far fallandi afurðaverðs
Verð á þorski í þessum löndum mun lægra en hérlendis
VERÐ á þorski upp úr sjó, einkum smáum, hefur lækkað mikið
að undanförnu í ýmsum löndum, sem byggja mikið á sjávarút-
vegi, svo sem Kanada og Færeyjum. Verðlækkunin kemur í kjölfar
lækkandi markaðsverðs, en frystar fiskafurðir seljast nú í Evrópu
og Bandaríkjunum á sama eða svipuðu verði og fékkst fyrir einu
og hálfu til tveimur árum siðan. Verð á fiski upp úr sjó hefur á
sama tima haldið áfram að hækka.
Verð á smáum þorski í Kanada | að minnsta kosti. Skýringin á þeirri
er nú allt niður í 12 krónur á kíló-
ið eða 18 kanadísk sent á pundið
og hefur lækkað um 35 til 40%
lækkun er meðal annars vaxandi
hluti smáfísks í afla Kanadamanna
og verðlækkun á frystum físki í
Raforkuverð hækkar
STJÓRN Landsvirkjunar hefur samþykkt 8% hækkun gjaldskrár frá
og með 1. júlí. Hækkunin hefur í för með sér um 5% hækkun á
gjaldskrám rafmagnsveitna að sögn Halldórs Jónatanssonar, for-
stjóra Landsvirkjunar.
Ákvörðun um gjaldskrárhækkun
var tekin síðastliðinn föstudag á
stjómarfundi Landsvirkjunar að
höfðu samráði við Friðrik Sophus-
son, iðnaðarráðherra, og er í sam-
ræmi við umsögn Þjóðhagsstofnun-
ar. Að sögn Halldórs Jónatanssonar
svarar 8% hækkun heildsöluverðs
til um það bil 5% hækkunar smá-
söluverðs á raforku, en hækkanir
umfram 5% myndu stafa af auknum
kostnaði hjá dreifíveitum.
Þorsteinn Pálsson, forsætisráð-
herra, sagði að ríkisstjómin hefði
ekki sett hækkunum opinberra fyr-
irtækja neinn ákveðinn ramma,
heldur yrði haft með þeim eftiriit
og beitt ströngu aðhaldi við heimild-
ir til verðhækkana á opinberri þjón-
ustu. „Ég hef hins vegar margtekið
fram að það er ekki ætlunin að
steypa opinbem fyrirtækjunum út
í hallarekstur með erlendri lántöku
og þar af leiðandi meiri verðbólgu
síðar. Þeirra sjónarmiða hefur verið
gætt og verður gætt,“ sagði forsæt-
isráðherra.
Bandaríkjunum. Kanadamenn
bjóða nú þorskblokkina á. 1,35
dali, en við seljum hana vestan
hafs á 1,50. Sama verð fengum
við fyrir blokkina á síðasta árs-
fjórðungi 1986, en í lok síðasta árs
var hún seld á 2 dali.
Færeyingar lækkuðu verð á
þorski upp úr sjó hjá sér í gær um
allt að 25%. Fyrir þorsk 70 senti-
metra og stæmi greiddu frystihús-
in áður 8 krónur færeyskar, 52,80
kr. en nú 7 krónur eða 46,20.
Fyrir þorsk minni en þetta vom
áður greiddar 4 færeyskar krónur,
26,40 kr. en nú um 3 krónur,
19,80. Lágmarksverð Verðlagsr-
áðs sjávarútvegsins á tveggja kílóa
þorski hér er um 33 krónur á kíló,
en almennt fískverð hér hækkaði
um 5% frá og með síðustu mánaða-
mótum. Skýring Færeyinga á verð-
lækkuninni er lágt afurðaverð.
Verð á frystum flökum í Banda-
ríkjunum hefur á skömmum tíma
fallið úr 2,21 dal í 1,85 og á blokk
um 2 dölum í 1,50. Verð á helztu
frystum afurðum í Evrópu er nú
svipað og það var árið 1986. Verð
á saltfiski hefur farið lækkandi á
þessu ári og verð á ferskum fiski
í Bretlandi og Vestur-Þýzkalandi
sömuleiðis.
Riðuveiki
í Hruna-
mannahreppi
Syðra-Langholti.
Á BÆNUM Efra-Langholti hér
riðuveiki verið staðfest í
tveggja vetra gamalli á. Riðu-
veiki hefur ekki komið upp
áður á svæðinu á milli Þjórsár
og Hvítár í Ámessýslu.
Ákveðið hefur verið að skera
niður féð í Efra-Langholti, en þar
voru á fóðrum rúmlega 100 fjár
sl. vetur. Jörðin er afgirt og fór
fé ekki á afrétt þaðan í fyrra. í
sveitinni voru um 8.000 fjár á
fóðrum sl. vetur. Sauðfé í Hrepp-
um, á Skeiðum og í Flóa hefur
verulegan samgang á afréttum
og einnig er samgangur við sauð-
fé Biskupstungnamanna.
- Sig.Sigm.