Morgunblaðið - 20.07.1988, Qupperneq 51

...
L
MORGUNBLAÐIÐ, MIÐVIKUDAGUR 20. JÚLÍ 1988
VELVAKANDI
SVARAR í SÍMA
691282 KL. 10-12
FRÁ MÁNUDEGI
TIL FÖSTUDAGS
Eim um Frí-
kirkjuna
Til Velvakanda
„Fríkirkjufólk! Er ekki kominn
tími Jtil fyrir okkur að spyrna við
fótum og reyna að koma í veg fyr-
ir slys innan kirkjunnar. Óstjóm sú,
sem ræður innan safnaðarins, er
óþolandi. Við verðum að koma íi/eg
fyrir brottrekstur séra Gunnars
Björnssonar. í fyrsta lagi var ólög-
lega að málum staðið og í öðru lagi
er uppsögnin algerlega ástæðulaus.
Það er leiðinlegt ef fáeinir safnaðar-
meðlimir fái svo miklu ráðið.
Við sem kusum séra Gunnar
höfum svo sannarlega ekki orðið
fyrir vonbrigðum með starf hans,
sem hann hefur unnið af kostgæfni
og alúð. Ef svo fer sem horfir getur
söfnuðurinn átt von á því að prest-
ar komi og fari sem á færibandi,
ef nokkur sækir um starfið.
Ég skora á stjórnina að endur-
skoða uppsögnina með heiðarlegu
hugarfari og hafa þá í huga vilja
safnaðarmeðlima."
Valgerður H. Gísladóttir
Málefni Fríkirkjunnar
Til Velvakanda
Kæru lesendur. Mér finnst vera
kominn tími til að einhver skrifí á
móti öllu þessu rugli um séra Gunn-
ar Björnsson og konu hans. Séra
Gunnar reisti Fríkirkjuna algerlega
við ásamt söfnuði sínum. Eg hef
aldrei orðið vör við annað hjá þeim
hjónum en ljúfmennsku og prúð-
mennsku. Ég hef þó nokkuð oft
farið til kirkju og alltaf hef ég kom-
ið frá kirkjunni minni glaðari í
hjarta og með frið í sál.
Barnamessurnar eru séra Gunn-
ari til sóma. Þær eru í anda mann-
vinarins mikla og góða, séra Frið-
riks Friðrikssonar. I trúfræði er ég
ekki svo fróð að ég geti dæmt um
ræður hans. En allt sem hann seg-
ir er fallegt og gott og sérhver
maður getur lært eitthvað af því
ef áhugi er fyrir hendi. Mér finnst
að söfnuðurinn mætti vera stoltur
af því hvað við höfum falleg og góð
prestshjón. Svo er kirkjan svo vel
rekin fjárhagslega að sómi er að.
Virðingarfyllst,
Elsa Kristjánsdóttir
Verðbólgan:
Hinn raunverulegi fjandi
Athugasemd við skrif Guðrúnar Jacobsen
Til Velvakanda
Velvakandi birti þann 16. júlí
síðastliðinn grein eftir Guðrúnu
Jacobsen, þar sem hún veitist að
undirrituðum fyrir grein í Morgun-
blaðinu 13. júlí. Ég hef fulla samúð
með Guðrúnu, enda þolandi verð-
bólgunnar eins og hún. En ég and-
mæli málflutningi hennar því að
hann er í veigamiklum atriðum
bæði rangur og hættulegur. Hún
segir: „Það er ekki okkar að kveða
niður verðbólguna.“ Þetta er dæmi-
gert fyrir rangan og stórháskalegan
hugsunarhátt almennings í landinu.
Hver einasti íslendingur, sem
óskar eftir batnandi samfélagi,
verður einmitt að gera allt sem
hann getur til að kveða niður
verðbólguna. Og Guðrún Jacobsen
hefur vissulega burði til að leggja
fram lið í þessari óhjákvæmilegu
baráttu, meðal annars að vekja
skilning fólks á því, að hinn raun-
verulegi fjandi er verðbólgan, en
ekki einhverjar vísitölur.
Því miður er hugur Gurúnar svo
altekinn misskilningi, að hún getur
ekki einu sinni lesið orð mín rétt.
Hún hefur mál sitt á því, að ég
„fullyrði að vaxtakjör lánþega séu
góð, jafnvel of góð ...“ Þetta er
ósatt Guðrún Jacobsen. Þvert á
móti vek ég ítrekað athygli á því,
að lán séu nú svo dýr, að þau eru
háskaleg almenningi. Ég segi:
„Vextir umfram verðbólgu, raun-
vextir, ættu hins vegar jafnan að
vera lágjr, og þeir eru nú um
stundir miklu hærri en nokkru
tali tekur.“ Á öðrum stað vara ég
við þessum dýru lánum svo: „Við
núverandi aðstæður er vissulega
þarflegt að vekja ótta fólks við að
taka lán. Sérhver viðvörun er þakk-
arverð." Þessi orð sýna fullvel að
það er ekki ég, sem segi lánakjör
„góð eða of góð“.
Það er oft erfitt að henda reiður
á staðreyndum og getur komið fyr-
ir alla að fara rangt með. Þetta er
þó of einfalt atriði til að ruglast á.
En nú heiti ég á Guðrúnu Jacobsen
að lesa á ný grein mína frá 13.
júlí og endurskoða viðhorf sín. Við
þurfum að standa saman gegn hin-
um geigvænlega óvini, óðaverð-
bólgunni, sem er að ríða þjóðfélag-
inu á slig. Enga leikur hún verr en
hina fátæku. Guðjón Jónsson

Þessir hringdu . . .
Kettlingur fundinn
Grár angórublandaður kettling-
ur með hvítar hosur og hvíta
bringu fannst síðastliðinn mið-
vikudag í Hafnarfirði. Eigandinn
getur vitjað hans á Dýraspítalann.
Kápa tekin í mis-
gripum
Ljós kápa var tekin í misgripum
á heilsuvemdarstöðinni á Borg-
arspítalanum í júní. Ef einhver
kannast við þetta er hann beðinn
að hafa samband við Önnu Jóns-
dóttur í síma 30472.
Veiðihjól tapaðist
ABU-veiðihjól tapaðist laugar-
dagskvöldið 9. júlí við Eimskipafé-
lagsbryggjuna á Akureyri.
Finnandi er beðinn að hafa sam-
band við Guðrúnu í síma
96-26929. Fundarlaunum er hei-
tið.
Týndi goillúrinu
sinu
Valgerður hringdi og sagði
dóttur sína hafa týnt gullúrinu
sínu, sem amma hennar gaf henni
í fermingargjöf, í miðbæ
Reykjavíkur. Biður hún finnand-
ann að hringja í síma 29713.
Gleraugn fundust
Kvenlesgleraugu í hvítri umgjörð
fundust við Brúarhlöð hjá Gull-
fossi miðvikudaginn 13. júlí. Eig-
andinn getur haft samband við
Fríðu í síma 656274 eftir klukkan
18.

I