Morgunblaðið - 26.07.1988, Blaðsíða 35
MORGUNBLAÐIÐ, ÞRIÐJUDAGUR 26. JÚLÍ 1988
Hvammstangi:
Verslun Sigurðar Pálma-
sonar hf. lýst gjaldþrota
VERSLUN Sigurðar Pálmasonar
hf. á Hvammstanga var lýst gjald-
þrota á föstudaginn, 22. júlí.
Stjórn félagsins óskaði eftir gjald-
þrotaskiptum eftir að ársreikning-
ur fyrir árið 1987 og uppgjör
fyrstu 5 mánaða þessa árs lágu
fyrir. Skiptaráðandi féllst á beiðni
stjórnar félagsins.
í fréttatilkynningu frá stjóm versl-
unarinnar segir að þeir erfiðleikar
sem verslun og önnur atvinnustarf-
semi á landsbyggðinni búa við hafi
bitnað harkalega á verslun Sigurðar
Pálmasonar hf.
Félagið hefur stundað alhliða
verslunarrekstur og rekið sláturhús
um árabil. Á undanfömum misserum
hafa rekstrarskilyrði farið síversn-
andi. Stjórn félagsins treysti sér ekki
til að halda rekstrinum gangandi
lengur. Bókfært eiginfé félagsins var
neikvætt um 56 milljónir króna um
síðustu áramót og bráðabirgðaupp-
gjör sýnir áframhaldandi rekstrartap
eftir 5 fyrstu mánuði þessa árs. Því
var ekki hjá gjaldþroti komist.
Varúðar-
lending
á Sandskeiði
FLUGMAÐUR fjögurra sæta
eins hreyfils Jodel-vélar, TF-
RJR, lenti í erfiðleikum vegna
gangtruflana í vélinni yfir Svína-
hrauni siðdegis á laugardag.
Flugmaðurinn, sem var einn í
vélinni, tók þann kost að lenda vél-
inni á flugvellinum við Sandskeið.
„Það er varla hægt að tala um
nauðlendingu, varúðarlending væri
nær lagi,“ sagði Skúli Jón Sigurðar-
son hjá Loftferðaeftirlitinu. Við at-
hugun kom í ljós að ventilgormur
hafði brotnað.
Morgunblaðið/Guðmundur Steingrímsson
Guðmundur Ingólfsson píanóleikari, Guðmundur Steingrimsson
trommuleikari og Þórður Högnason bassaleikari léku jazztónlist í
Jónshúsi í Kaupmannahöfn fyrir stuttu.
Kaupmannahöfn:
Jazztónleikar í Jónshúsi
Jónshúsi, Kaupmannahöfn.
Jazztónleikar voru haldnir i
Jónshúsi 20. júlí, annan miðviku-
daginn í röð. Lék Tríó Guðmund-
ar Ingólfssonar lengi kvölds við
mikinn fögnuð gesta.
Tríóið skipa, auk Guðmundar
Ingólfssonar, Guðmundur Steingr-
ímsson trommuleikari og Þórður
Högnason bassaleikari. Eru þeir að
koma frá Rostock, en þar léku þeir
í Hljómsveit Hauks Morthens á
„Musik Sommerfestival", sem hald-
inn er árlega.
Þeir voru greinilega í essinu sínu
í félagsheimilinu, ekki síst Guð-
mundur Ingólfsson, sem lék kvöldin
á undan á La Fontaine og gerði
mikla lukku. Hljómlistarmennirnir
Leiðrétting
HINN 22. júlí birtist í Morgun-
blaðinu grein eftir dr. Benjamin
H. J. Eiríksson, sem bar heitið
Litið um öxl.
í greininni er vitnað í grein eftir
Árna Bergmann ritstjóra og hún
sögð hafa birst í Þjóðviljanum hinn
11. júlí. Það var hins vegar ritvilla
fyrir 1. júlí, en hið rétta er að grein-
in birtist í Sunnudagsblaði Þjóðvilj-
ans þann 3. júlí. Greinin heitir Þriðji
dauði Stalíns.
þrír náðu vel saman og nutu sín
þó vel í einleik. Einkum hafa þeir
nafnamir næmt samband sín á
milli, enda hafa þeir leikið saman
síðan 1978. Guðmundur
Steingrímsson, sem kallaður hefur
verið „Papa jazz“ heima, hefur ver-
ið í tónlistinni í 45 ár, alla tíð í jazz,
sem er hugsjón þeirra nafnanna,
eins og hann komst að orði. í vetur
lék Guðmundur trommuleikari á ný
með KK-sextettinum í dagskránni
sem nefnd var Gullárin með KK á
Hótel íslandi og naut hann þess
vel. Þórður Högnason er aðeins 25
ára gamall og hefur verið nemandi
ýmissa bassaleikara Sinfóníuhljóm-
sveitar íslands og leikið með henni
í 5 ár. í sumar hefur hann verið í
Hljómsveit Hauks Morthens, en jazz
hefur hann spilað með Guðmundi
Ingólfssyni í 2 ár. Þórður hyggur
á framhaldsnám í kontrabassaleik
í Kaupmannahöfn í vetur.
Er Tríó Guðmundar Ingólfssonar
hverfur héðan tekur strax við Fær-
eyjaferð með Hljómsveit Hauks
Morthens. Mun hljómsveitin leika á
mörgum stöðum í Færeyjum á veg-
um Brands Ossurarsonar og fyrir
íslendingafélagið í Færeyjum. Er
ætlunin að „hita fólkið upp“ fyrir
Ólafsvökuna sem hefst 28. júlí.
- G.L.Ásg.
3f>
Rekstrarstaða ríkissjóðs í lok hvers mánaðar 1988.
MILLJ. KR.
Áætlun fjármálaráðuneytisins um rekstrarstöðu ríkissjóðs i lok hvers mánaðar 1988. Til samanburðar
er staða ríkissjóðs fyrstu sex mánuði ársins.
Horfur á auknum
halla ríkissjóðs í ár
ÝMSAR blikur eru á lofti í heil-
brigðiskerfinu og i landbúnaði
sem gætu haft áhrif á afkomu
ríkissjóðs á síðari hluta ársins
og aukið á rekstrarhalla hans,
samkvæmt upplýsingum fjár-
málaráðuneytisins. Nú þegar
stefnir í um 700 milljón króna
halla. í fjárlögum þessa árs er
gert ráð fyrir hallalausum ríkis-
búskap.
Fyrstu sex mánuði ársins var
rekstrarhalli ríkissjóðs um 2,9 millj-
arðar króna, en gert er ráð fyrir
að tekjuafgangur á síðari hluta árs-
ins nemi 2,2 milljónum.
Samkvæmt upplýsingum §ár-
málaráðuneytisins hafa verðlags-
hækkanir valdið samdrætti í veltu
sem meðal annars dregur úr sölu-
skattstekjum ríkissjóðs. Hækkun á
launum, gengi og verðlagi hafa hins
vegar vegið þyngra í útgjöldum, og
auk þess hafa verið teknar ákvarð-
anir um að hækka ýmis útgjöld
umfram það sem ákveðið var í fjár-
lögum sem nemur um 450 milljón-
um króna.
Alls eru tekjur ríkissjóðs nú tald-
ar munu nema 67,5 milljörðum, sem
er um 4,5 milljörðum hærra en §ár-
lög gerðu ráð fyrir. Gjöld eru talin
munu nema 68,14 milljörðum, sem
er 5,1 milljarði hærra en ijarlög
gerðu ráð fyrir.
Eins og komið hefur fram í Morg-
unblaðinu stefnir í 2,5 til 3 millj-
arða króna halla á ríkissjóði á næsta
ári, samkvæmt frumdrögum að
fjárlögum næsta árs. Til viðbótar
því misgengi sem þegar er orðið á
rekstri ríkissjóðs er gert ráð fyrir
minni tekjum vegna niðurfellingar
tekjustofna. Gert er ráð fyrir að
tekjur ríkissjóðs lækki um 1,5 millj-
arð vegna þessa, þrátt fyrir tekjur
af bjórsölu. Auk þess er búist við
auknum útgjöldum til skólamála og
heilbrigðismála.
Jón Baldvin Hannibalsson fjár-
málaráðherra, uppýsti á blaða-
mannafundi að sérstakar athuganir
yrðu gerðar á því hvemig koma
megi við lækkun ríkisútgjalda með
aukinni hagræðingu og aðhaldi.
Vinnuhópar munu taka til starfa á
vegum fjármálaráðuneytisins og
viðkomandi ráðuneyta sem geri út-
tekt á íjárfrekum málaflokkum oe
komi með tillögur um leiðir til
lækka útgjöld. Sérstök nefnd at-
hugar leiðir til að draga úr útgjöld-
um í límdbúnaði. Þá nefndi fjár-
málaráðherra að í undirbúningi
væru frumvörp um breytingar á
ýmsum ríkisreknum þjónustu- og
rannsóknarstofnunum, þannig að
rekstur þessara stofnana yrði sjálf-
stæðari.
I Neðstakaupstað var hátíðarstemmning og flaggað á öllum fjórum húsunum. Á Krambúðinni var
hvítbláinn við hún, á Tjöruhúsinu fálkafáni Sigurðar málara, á Turnhúsinu þorskafáni Jörundar hunda-
dagakonungs og íslenski fáninn blakti við hún á Faktorshúsinu. Búið er að opna Turnhúsið fyrir almenn-
ing. Báturinn í fjörunni er frægur úr Bolungarvík en safninu hlotnaðist hann á síðasta ári.
ísafjörður:
Fallbyssa á Sjóminjasafnið
VARÐSKIPIÐ Týr kom til ísa-
fjarðar föstudaginn 22. júlí með
25 mm fallbyssu og víraklippur
sem dómsmálaráðherra, Jón
Sigurðsson, færði Sjóminjasafni
ísa- fjarðar að gjöf.
■Hátíðarstemmning var í
Neðsta: kaupstað þar sem Sjó-
minjasafnið er til húsa í elstu hús-
um landsins, byggðum á 17. öld.
Fallbyssan sem er sömu gerðar
og var á Maríu Júlíu, björgunar-
skipi Vestfjarða, er um aldargömul
en í góðu standi. Víraklippurnar
eru af þeirri gerð sem mest voru
notaðar til að klippa togvíra bre-
skra togara í þorska- stríðunum.
Sigurður Þ. Árnason skipherra
á varðskipinu Tý afhenti Sjóminja-
safninu gripina fyrir hönd ráð-
herra en Jón Páll Halldórsson for-
stöðumaður safnsins tók við þeim.
Morgunblaðið/Úlfar Ágústsson
Afhending fallbyssunnar og klippanna fór fram á þyrluþilfari varð-
skipsins Týs. Sldpherra er lengst til hægri, en frá honum talið eru
Daníel Sigmundsson, en hann hefur þjónað skipum Landhelgis-
gæslunnar á ísafirði um áratuga skeið, Jón Páll Halldórsson og Jón
Sigurpálsson safnvörður.