Morgunblaðið - 26.07.1988, Blaðsíða 41
MORGUNBLAÐIÐ, ÞRIÐJUDAGUR 26. JÚLÍ 1988
Hrefna Sigmjóns
dóttir - Minning
Fædd 11. mars 1907
Dáin 16. júií 1988
Hrefna Siguijónsdóttir, Barma-
hlíð 53, lést laugardaginn 16. júlí
eftir tæpa vikudvöl í Borgarspíta-
lanum. Hún var fram til þessa heil-
sugóð að því er virtist. Annað lét
hún ekki í ljós. Ekki var hún þó
laus við liðagigt eða slitgigt, enda
var hún í uppvexti í sveitinni í
margskonar erfiðisvinnu eins og
algengt var á fyrrihluta þessarar
aldar. Því fylgdi vosbúð og slit fyr-
ir aldur fram. En Hrefna lét þó
ekki á neinu bera, var sívinnandi
meðan dagur entist að sínu heimili
og hugðarefnum. Hún var okkur
nágrönnunum ætíð nálæg ef um
lasleika eða annað var að ræða.
Hún hafði margt í fari sínu, sem
gerði hana aðlaðandi og kæra í
kynnum.
Hrefna var fædd í Hrísey 11.
mars 1907, dóttir hjónanna Kristín-
ar Benediktsdóttur og Sigurjóns
Gunnlaugssonar. Þegar Hrefna var
á fjórða ári fluttist fjölskyldan að
Bröttuhlíð á Árskógsströnd og átti
Hrefna þar heima til 17 ára aldurs.
Faðir hennar lést 1923 og fluttist
þá móðir hennar aftur til Hríseyjar.
Hrefna átti þijú systkini, þau Láru,
fyrrverandi stöðvarstjóra Pósts og
síma í Hrísey, Steinunni sem lést
1940 og Þóri, deildarstjóra hjá
Skattstofu Reykjavíkur.
Næst lá leið Hrefnu til Akureyrar
og vann hún um árabil í Hanska-
gerð Iðunnar á Akureyri. Hrefna
hafði góða söngrödd og hafði yndi'
af góðri tónlist. Hún söng í Kant-
ötukór Akureyrar um tíma. Það
voru henni ógleymanlegar stundir.
Síðan fluttist hún til Reykjavíkur.
Árið 1946 giftist Hrefna Gunnari
Elíassyni, húsasmið. Þau eignuðust
Æk
K*”W
eina dóttur, Auði, fyrrverandi hótel-
stjóra á Húsavík, nú gjaldkeri í
Samvinnubankanum þar. Auður er
gift Gunnari Höskuldssyni kennara
og eiga þau þijú börn, Gunnar
Hrafn, Þóri Örn og Hrefnu Regínu.
Auður er vel gefin dugleg og elsku-
leg kona og fjölskyldan öll verið
gleðigjafi foreldra hennar.
Kynni okkar Hrefnu hófust fyrir
tæpum 40 árum er við urðum ná-
grannar hér í Barmahlíðinni. Flutt-
um inn um líkt leyti í nýbyggð hús
okkar. Haukur minnist góðs félags-
skapar er verið var að byggja hér
efst við Barmahlíð. Þá komu sér
vel hjálpsemi og góð ráð reynds
húsasmiðs eins og Gunnars Elías-
sonar. Ætíð síðan hefur okkur þótt
gott að leita til Gunnars.
Hrefna var ein af stofnendum
Kvenfélags Háteigssóknar, er það
var stofnað 1953. Hún tók þátt í
félagsstarfinu af miklum áhuga allt
fram á þetta síðasta vor, er við
fórum saman í hina árlegu sumar-
ferð félagsins. Hrefna vann mikla
handavinnu fyrir basarinn og tók
þátt í köku- og kaffisölu. Allt var
lagt fram af gleði og kostgæfni.
Hún átti miklum vinsældum að
fagna í þessu samstarfi. Sjálfboða-
liði var hún á vegum Kvenfélagsins
í Lönguhlíð 3 við félagsstarf aldr-
aðra. Það hvarflaði ekki að henni
að notfæra sér þessa þjónustu sér
til handa þótt hún hefði fullan rétt
á því. Nú var 81 ár að baki, ekkert
mál, bara kveðja að kveldi og þakka
vináttu er þessi þjónusta hennar
gaf henni og áhuga til að lifa lífinu
lifandi meðan stætt var. Félags-
fundi sótti hún flesta öll þessi ár.
Taldi það skyldu sína. Hún mat líka
mikils þann góða félagsanda er þar
hefur ávallt ríkt.
Ég var nýbúin að líta inn til
þeirra hjóna áður en Hrefna veikt-
ist. Það hvarflaði ekki að mér að
þetta væru okkar síðustu viðræður.
Ég var með myndir úr ferðalaginu
okkar, þar á meðal svo góða mynd
af Hrefnu. Mér fannst þau bæði
að sjá við líka heilsu og glöð að
vanda. Það er aðeins yfir götu að
ganga milli heimila okkar og því
oft litið inn án erindis. Þannig var
gott að eiga þau að og njóta trygg-
lyndis, sem öllum er kærkomið.
Nú er þessi hógværa artarkona
svo snögglega horfín sjónum. Ég
hefði viljað vitja hennar er hún
háði sitt síðasta hér í heimi, vera
henni eitthvað og nálæg. Mér finnst
ég standa í þakkarskuld við hana
iífs og liðna. Við áttum mikið sam-
an að sælda. Náin kynni öll þessi
ár verða okkur hjónum þakkarefni
ævilangt. Ég vissi ekki um veikindi
Hrefnu fyrr en kvöldið áður en hún
lést vegna fjarveru minnar uppi í
sveit. Ég vonaði og trúði að hún
fengi bata og tækifæri gæfist til
að sjást og talast við. Öll viljum við
frest á því er veldur trega.
Nú hafa þrír góðir nágrannar hér
í Barmahlíðinni kvatt á þessu vori.
Við Haukur kveðjum þetta fólk með
söknuð í huga og þakkir fyrir allt.
Innilega samúð vottum við Gunn-
ari, Auði og fjölskyldu. Biðjum Guð
að blessa þeim ókomin ár.
Lára Böðvarsdóttir
Birting afmælis- og
minningargreina
Morgunblaðið tekur afmælis- og minningargreinar til
birtingar endurgjaldslaust. Tekið er við greinum á rit-
stjórn blaðsins á 2. hæð í Aðalstræti 6, Reykjavík og á
skrifstofu blaðsins í Hafnarstræti 85, Akureyri.
Athygli skal á því vakin, að greinar verða að berast með
góðum fyrirvara. Þannig verður grein, sem birtast á í miðviku-
dagsblaði að berast síðdegis á mánudegi og hliðstætt er með
greinar aðra daga.
í minningargreinum skal hinn látni ekki ávarpaður. Ekki
eru tekin til birtingar frumort ljóð um hinn látna. Leyfilegt er
að birta ljóð eftir þekkt skáld, 1—3 erindi og skal þá höfund-
ar getið. Sama gildir ef sálmur er birtur. Meginregla er sú,
að minningargreinar birtist undir fullu nafni höfundar.
VERÐBRÉFAVTÐSKIPTI SAMVINNIJBANKANS
Á NÝJUM STAÐ
AÐ SUÐURLANDSBRAUT 18
Við hjá Verðbréfaviðskiptum Samvinnu-
bankans erum nú flutt í nýtt húsnæði að
Suðurlandsbraut 18.
Sem fyrr kappkostum við að veita faglega
og persónulega ráðgjöf um allt það sem við
kemur verðbréfaviðskiptum, hvort sem fólk
er að hugsa um að ávaxta peninga eða þarf á
fjármagni að halda.
Verið velkomin!
VT>
- ffármál eru okkar fag!
IIEBÐBBfeFfllllÐSKIPTI
SAMUINNUBANKANS
SUÐURLANDSBRAUT 18 • SÍMI 688568
29. júlí. Flogið á
klukkutíma fresti frá
kl. 08.00 og til baka
1. ágúst.
Getum útvcgaö
gistingu fyrirþá
eróskai
Verða
kr.
8.020,-
pakka
T ryggið ykkur sæti
strax f dag!
mannahelgina
Brottför frá Ferðaskrifstofu
Reykjavikur, Aðalstræti 16,
föstudaginn 29. júli kl.
13.00. Komið heim um mið-
hætti mánudaginn 1.
ágúst.
Verð á pakka
kr. 8.500,-
FERÐASKRIFSTOFA
RÉYKJAVÍKUR
AÐALSTRÆT116 - SÍMI621490