Morgunblaðið - 26.10.1988, Blaðsíða 18
18
MORGUNBLAÐIÐ, MBÐVIKUDAGUR 26. OKTÓBER 1988
• +
Asetin dag-
skrá hjá Sig-
ríði Ellu
SIGRÍÐUR Ella Magnúsdóttir
hélt tónieika ásamt Jónasi
Ingimundarsyni í Gerðubergi
í gærkvöldi. Hún mun þó ekki
dvelja lengi hérlendis að
þessu sinni þvi f nóvember
hefjast æfingar á Aidu í
Ensku þjóðaróperunni í Leeds
þar sem Sigrfður Ella syngur
hlutverk Amneris.
Sigriður Ella sagðist, í sam-
tali við Morgunblaðið, aðeins
hafa komið heim í stutta heim-
sókn og notað tækifærið til að
syngja hér. Annars væri dag-
skrá vetrarins mjög ásetin hjá
sér. Fyrir utan að syngja Amn-
eris í Aidu í Leeds yrði hún með
í franskri uppfærslu á Grímu-
dansleiknum i febrúar og auk
þess yrði nútímaópera sem hún
hefði sungið í á Italíu í sumar
færð upp í Bretlandi i febrúar.
í janúar myndi hún syngja söng-
ljóð eftir Wagner á hljómsveitar-
tónleikum í Frakklandi og Sviss
og um páskana ætlaði hún að
syngja í Matthíasarpassíunni
eftir Bach í Frakklandi. Með
vorinu yrðu svo tvennir tónleik-
ar í Bretlandi og tvennir í
Frakklandi þar sem hún syngi
Requiem Verdis.
Morgunblaðið/Þorkell
Biskup íslands, herra Pétur Sigurgeirsson, setti 19. Kirlguþing f gær. Honum á hægri hönd er Halldór
Asgrímsson, kirkjumálaráðherra og hinum megin Sigurður Guðmundsson vigslubiskup.
Ráðstefha
um meðferð
fíkniefna-
neytenda
RÁÐSTEFNA um meðferðar-
úrræði fyrir ávana- og fikni-
efnaneytendur verður haldin'
miðvikudaginn 26. október
nk. f Borgartúni 6, 4. hæð og
stendur kl. 13.00 til 17.00.
Á ráðstefnunni verða flutt tvö
erindi: Hver verður núverandi
þörf fyrir meðferðarúrræði fyrir
ávana- og fíkniefnaneytendur?
og ný viðhorf varðandi með-
ferðarúrræði fyrir ávana- og
fíkniefnaneytendur.
Pallborðsumræður verða og
ráðstefnustjóri verður Ólafur
Ólafsson landlæknir.
Ráðstefnan er öllum opin.
Þátttaka tilkynnist afgreiðslu
félagsmálaráðuneytisins.
19. Kirkjuþing sett í gær:
Stöndum vörð um þjóðararf
sem byggist á kristinni trú
- sagði biskup íslands í setningarræðu
KIRKJUÞING, hið nftjánda f röð-
inni, var sett f Bústaðakirkju í
Reykjavik í gær. í ræðu herra
Péturs Sigurgeirssonar biskups
kom fram að meðal þess sem
þingið ræðir að þessu sinni er
skipulag kirkjunnar og innri
málefni hennar.
Áður en Kirkjuþingið hófst var
guðsþjónusta með altarisgöngu í
Bústaðakirkju. Gunnlaugur Finns-
son kirkjuráðsmaður predikaði og
altarisþjónustu önnuðust vígslu-
biskupamir sr. Ólafur Skúlason og
sr. Sigurður Guðmundsson. Orgel-
Ieik annaðist Guðni Þ. Guðmunds-
son, Einar Öm Einarsson söng ein-
m söng og kór Bústaðakirkju leiddi
sönginn.
Að lokinni guðsþjónustu var
gengið til safnaðarsals Bústaða-
kirkju, þar sem biskupinn, herra
Pétur Sigurgeirsson, setti þingið.
Hann kvaðst fagna nýjuni kirkju-
málaráðherra, Halldóri Ásgríms-
syni, sem hefði lýst því yfír að hann
vildi gera kirkjuna sem sjálfstæð-
asta. Þá þakkaði hann Jóni Sigurðs-
syni, fyrrverandi kirkjumálaráð-
herra, vel unnin störf í þágu kirkj-
unnar. Biskup rakti því næst sögu
Kirkjuþings, en nú em 30 ár liðin
frá því að það var fyrst haldið. í
forsæti fyrsta kirkjuþings var þá-
verandi biskup, Asmundur Guð-
mundsson.
Biskupinn sagði að Kirkjuþing
hefði miklu hlutverki að gegna í
nútíma samfélagi og bæri að standa
Halli ríkissjóðs rúmir 5 milljarðar fyrstu 9 mánuði ársins:
Til greina kemur að auka
tekjuöflun á næstunni
- segir Ólafiir Ragnar Grímsson flármálaráðherra
REKSTRARHALLI ríkissjóðs
fyrstu 9 mánuði ársins var 5.252
milljónir króna og halli á
greiðsluafkomu var 6.921 milljón
króna. Eru það fyrst og fremst
tekjuliðir sem ekki hafa skilað
sér samkvæmt áætlunum. Fjár-
málaráðherra segir að f Ijósi
þessa komi tíl greina að grfpa á
næstunni til aukinnar tekjuöflun-
ar fyrir rfkissjóð og með bjart-
sýni megi sétla að að halli á rfkis-
sjóði í árslok geti orðið um 3-4
milljarðar, þar sem reynslan sýni
að tekjur skili sér betur sfðustu
mánuði ársins. Fjármálaráð-
herra segir einnig að ríkissjóður
eigi háar Qárhæðir útistandandi
hjá fyrirtækjum og öðrum aðil-
um sem ekki hafa staðið í skilum
með söluskatt.
Ólafur Ragnar Grímsson fjár-
málaráðherra sagði við Morgun-
blaðið að tekjur ríkissjóðs hefðu
dregist verulega saman frá því áður
var talið. Ástæðan væri fyrst og
fremst sú að ástandið í efnahags-
málum og atvinnumálum, og stefna
fyrrverandi ríkisstjómar, hefði leitt
til verulegs samdráttar á mörgum
sviðum, sem hefði aftur leitt til
minnkandi tekna af söluskatti,
vörugjaldi og ýmsum öðram tekju-
póstum. Hann sagði að í áætlunum
væri að vísu reiknað með halla-
rekstri ríkissjóðs á þessum tíma,
en hann væri um 3 milljörðum
meiri en ætlað var.
Samkvæmt áætlun fjármála-
ráðuneytisins í ágústbyijun var
greiðsluafkoma ríkissjóðs neikvæð
um 3,9 milljarða fyrstu sex mánuði
ársins, en gert var ráð fyrir að stað-
an bættist um 1,15 milljarða næstu
þijá mánuði og yrði því neikvæð
um 2,75 milljarða í septemberlok.
Ólafur sagði aðspurður að inn-
heimta söluskatts væri mun minni
en veltutölur gæfu tilefni til. „Það
er ljóst að þegar fyrirtæki hafa
verið í miklum erfíðleikum þá inn-
heimtist söluskattur verr vegna
þess að rekstrarstöðvun eða gjald-
þrot fyrirtækja endurspeglast í því
að þau standa ekki í skilum. Það
hafa borist fréttir af ijölda fyrir-
tækja sem ekki hafa getað staðið
í skilum og eru að verða gjald-
þrota, og þau byija á því, áður en
að stoppinu kemur, að fresta
greiðslum til rfkisins. Það er því
miður mikið um það að ríkið eigi
útistandandi skuldir hjá fyrirtækj-
um og öðrum aðilum,“ sagði Ólafur
Ragnar.
Hann sagðist vera að afla ná-
kvæmra upplýsinga um upphæðir
og vildi ekki staðfesta tölur í því
sambandi, en samkvæmt upplýsing-
um Morgunblaðsins er talið að þess-
ar upphæðir skipti milljörðum.
Ólafur Ragnar sagðist í ljósi
þessa alls, vinna að því að skila inn
fjárlagafrumvarpi fyrir næsta ár
með verulegum tekjuafgangi þótt
það hefði í för með sér að hann
þyrfti að fara í veralegan tekjuöfl-
unarleiðangur út í þjóðfélagið og
leggja töluverðar byrðar á þá sem
gætu borið þær. Hann sagðist bú-
ast við að endanlega yrði gengið
frá fjárlagafrumvarpinu í dag, á
fundi formanna stjómaflokkanna,
og framvarpið yrði síðan lagt fyrir
Alþingi á mánudag. Hann sagði að
afgreiðslu lánsfjárlaga væri ekki
endanlega lokið en þau kæmu í
beinu framhaldi. Þar yrði gert ráð
fyrir samdrætti í erlendum lántök-
um og innlendum fjárfestingum.
vörð um þann þjóðararf íslendinga,
sem byggðist á kristinni trú.
Halldór Ásgrímsson, kirkjumála-
ráðherra, flutti þessu næst ávarp.
Hann fjallaði um samskipti ríkis og
kirkju og sagði að til greina kæmi
að auka á sjálfræði kirkjunnar í
ýmsum málum. Löggjöf væri nauð-
synleg, en mjög nákvæm lagaleg
skipan í málefnum kirlq'unnar hefði
oft gengið út í öfgar. í lok ræðu
sinnar sagði ráðherra: „Ég vænti
þess að kirkjan fái nauðsynlegan
stuðning þannig að hún geti áfram
stutt okkur sem best til meiri þroska
og hamingju."
Morgunblaðið/Þorkell
Hlíf Siguijónsdóttir, David Tutt og Christian Giger leika á tónleikum
i Listasafni Sigurjóns Ólafssonar i kvöld kl. 20.30.
Tvennir tónleikar í Lista-
safiii Sigurjóns Olafssonar
HLÍF Siguijónsdóttir fiðluleik-
ari, David Tutt píanóleikari frá
Kanada og Christian Giger
sellóleikari frá Sviss leika á
miðvikudagskvöld kl. 20.30 á
þriðju tónleikunum sem haldnir
eru í tilefiii opnunar Listasafiis
Siguijóns Ólafssonar á Laugar-
nesi.
Flutt verður píanótríó eftir
Dvorák, hið svokallaða „Dumky“
og píanótríó op. 8 í H-dúr eftir
Brahms.
Hlíf og David hafa oftsinnis
haldið tónleika hér heima. Christ-
ian Giger kemur frá Sviss og hafa
þau þijú haldið fjölda tónleika í
Sviss undanfarin ár. Þetta er í
fyrsta skipti sem tríóið spilar hér
á landi.
Fjórðu tónleikar Listasafnsins
verða á fostudagskvöld kl. 20.30.
Þá leikur kanadíski píanóleikarinn
Walter Prossnitz verk, meðal ann-
ars eftir F.J. Haydn, F. Lászt, Al-
ban Berg og Frank Martin.
Walter stundaði píanónám í
Kanada og við Juilliard tónlistar-
skólann í New York þar sem hann
var nemandi Abbey Simon. Nú býr
hann í Ziirich og heldur hann fjölda
tónleika beggja vegna Atlants-
hafsins, m.a. með hljómsveitum í
Ziirich og á Arosa-hátíðinni í Sviss.
Hann hefur og komið fram bæði
í útvarpi og sjónvarpi í Kanada,
Bandaríkjunum og Hong Kong.
Hann er einn af fáum listamönnum
sem hafa farið sem einleikarar í
tónleikaferðir til Kína. Meðal verð-
launa sem hann hefur unnið til eru
fyrstu verðlaún í „National Festiv-
al in Toronto" og „Montreal Symp-
hony Competition".
(Fréttatilkynning)