Morgunblaðið - 28.04.1989, Blaðsíða 26

26
MORGUNBLAÐIÐ FÖSTUDAGUR 28. APRÍL 1989
Samtök um jafiirétti og félagshyggju;
Svipan á loft til að fá
ríkisstjómina til verka
„Á ALÞINGI er ákaflega ein-
kennilegt andrúmsloft. Það fer
ekki á milli mála að það er ókyrrð,
sundurþykkja í öllum stjórnmála-
flokkum, en minnst áberandi hjá
Kvennalistakonum. Ef taka ætti
mið af þvi hvemig andrúmsloftið
er og frammi fyrir hvaða vanda-
málum ríkisstjóm og þing standa
nú, þá bendir flest til þess að hún
muni ekki sitja lengi enn. Eg get
ekki séð annað en kosningar verði
Morgunblaðið/Rúnar Þór
I verksmiðju Sæplasts hf. á Dalvík er unnið allan sólarhringinn alla
daga vikunnar. Nú hefúr verið ákveðið að sameina Sæplast og Pla-
steinangmn hf. á Akureyri og verður þegar í stað hafíst handa við
um endurskipulagningu á rekstrinum, en þær fela m.a. í sér sam-
þjöppun starfseminnar, sölu eigna, fækkun starfsmanna og aukið
hlutafé. ___________________
Sæplast hf. og Plasteinangrun hf. sameinast:
Fyrirtækin eru að framleiða
‘vörur fyrir sömu kaupendur
- segir Pétur Reimarsson framkvæmdastj óri
STJÓRNIR Sæplasts hf. og Plasteinangrunar hf. hafa ákveðið að sam-
eina fyrirtækin, en samningur félaganna felur í sér að Sæplast hf.
kaupir öll hlutabréf Plasteinangmnar hf. en lætur í staðinn 35% hlut
í Sæplasti. Þegar í stað verður hafíst handa við endurskipulagningu á
rekstri fyrirtækjanna og verður Pétur Reimarsson framkvæmdastjóri
Sæplasts einnig framkvæmdastjóri Plasteinangmnar. Pétur sagði að
á síðustu ámm hefði mikið verið rætt um sameiningu, en fyrirtækin
tvö hafa starfað saman að markaðsmálum og em saman í útflutnings-
hópi með áherslu á Bandaríkin, Kanada og Grænland.
Samningur um sameiningu er háð- andi kröfum sínum um síðustu ára-
ur staðfestingu hluthafafundar hjá
Sæplasti, sem Pétur sagði að yrði
fljótlega og einnig hluthafa Plastein-
angrunar, sem er í eigu Kaupfélags
Eyfírðinga og Sambandsins.
Ástæður sameiningarinnar sagði
Pétur margar, fyrirtækin væru að
framleiða vörur fyrir sömu kaupend-
ur og bæði hafa flutt mikið af sinni
framleiðslu á erlendan markað, auk
þess að starfa saman í áðumefndum
útflutningshópi. Pétur sagði að menn
fyndu mjög fyrir þeim rekstrarvanda
sem væri í fískvinnslunni og útgerð-
inni, en hann hefði haft í för með
sér samdrátt og veruleg vanskil.
Fyrirtækin afskrifuðu samtals tæp-
lega 20 milljónir króna af útistand-
mót. Auk þess hafa almenn rekstrar-
skilyrði verið erfíð og gengið hefur
á eigið fé fyrirtækjanna.
Endurskipulagning rekstursins
felur í sér margvíslegar aðgerðir,
uppsagnir og fækkun starfsmanna,
sölu eigna, samþjöppun starfseminn-
ar, endurskipulagningu fjárhagsins
og jafnframt verður hlutafé aukið til
að styrkja stöðu félagsins.
Sæplast hf. er nú með starfsemi
á tveimur stöðum, á Dalvík og á
Akureyri, en starfsemi Plasteinangr-
unar fer fram á Akureyri. Samtals
starfa 53 starfsmenn hjá fyrirtæk-
inu, 23 hjá Plasteinangrun, 22 hjá
Sæplast á Dalvík og 8 við einingar-
framleiðslu Sæplasts á Akureyri.
Pétur sagði að öllum starfsmönnum
Plasteinangrunar yrði sagt upp um
mánaðamótin, en hluti þeirra endur-
ráðinn aftur. Hann sagði að fyrir-
hugað væri að hafa einungis tvær
verksmiðjanna í gangi í stað þriggja
nú.
Áætluð velta hins nýja fyrirtækis
er tæpar 500 milljónir á ári og verð-
ur það með fjölbreytta framleiðslu
fyrir fískvinnslu, útgerð og aðrar
atvinnugreinar. Eigendur og stjóm-
endur fyrirtækisins vona að með
sameiningunni takist að skapa traust
og öflugt fyrirtæki sem geti með
auknum þunga sótt á erlendan mark-
að og skapað starfsmönnum sínum
góða og örugga atvinnu.
Nú er unnið allan sólarhringinn í
verksmiðju Sæplasts á Dalvík alla
daga vikunnar. Pétur sagði að hlut-
deild fyrirtækisins á erlendum mörk-
uðum hefði aukist ár frá ári, en á
síðasta ári fór um 30% af framleiðsl-
unni á markaði erlendis og reiknaði
Pétur með að aukinni hlutdeild á
þessu ári, eða um 40% framleiðslunn-
ar.
á næsta hausti," sagði Stefán Val-
geirsson þingmaður Samtaka um
jafiu-étti og félagshyggju á íúndi
Samtakanna sem haldinn var í
Eyjafirði síðastliðið föstudags-
kvöld. Á fúndinum var lagt fram
vinnuplagg Samtakanna, sem
leggja á fyrir viðræðunefiid á
vegum Þjóðarflokksins annars
vegar og Samtaka um jafiirétti
og félagshyggju hins vegar. Stef-
án og fleiri samtakamenn kváðust
bjartsýnir á árangur í þeim við-
ræðum.
Stefán sagðist hafa tekið þá af-
stöðu að reyna yrði til þrautar að fá
ríkisstjómina til að taka á málum
og til þess þyrfti að hafa svipuna á
lofti. Ef það hins vegar sýndi sig að
hún væri þess ekki umkomin, þá
væri það ábyrgðarhluti að styðja
hana nema einn til tvo mánuði í við-
bót. Stefán sagðist myndu gera allt
sem í hans valdi stæði til að koma
stjórninni til verka.
Á fundinum gerði Stefán grein
fyrir viðræðum milli Samtakanna og
Þjóðarflokksins um sameiginlegt
framboð. Hann sagði að samtaka-
menn hefðu sest niður og komið sam-
an vinnuplaggi að stefnuskrá er lagt
yrði til grundvallar frekari viðræðum.
„Það eru verulegar líkur á, að þeir
menn sem tilnefndir voru í viðræðu-
nefndina af hálfu flokksins og marg-
ir aðrir muni reyna sitt til þess að
samkomulag á milli okkar og þeirra
náist,“ sagði Stefán. Hann sagðist
ekki vilja greina að svo stöddu frá
öðrum viðtölum en við aðila Þjóðar-
flokksins, en slíkar viðræður hefðu
farið fram. „Ég met það svo að við
getum verið hæfílega bjartsýn." Ekki
vildi Stefán spá neinu um hvort tæ-
kist að bjóða fram í öllum kjördæm-
um svo sem stefnt væri að, en hann
teldi það ekki draumsýn.
Gunnar Hilmarsson formaður At-
vinnutryggingarsjóðs sagði á fundin-
um að hann vonaði að viðræður
bæru árangur. Ef tækist að fá fleiri
aðila til liðs við sjónarmið Samtak-
anna yrði um sterkt afl að ræða.
Bjarni Guðleifsson og Jóhann A.
Jónsson nefndu í erindum sínum á
fundinum að ástæða væri til bjart-
sýni á að sterkur landsbyggðaflokkur
byði fram í næstu kosningum, en
Jóhann sagði að menn yrðu að hugsa
sinn gang áður en steinn yrði lagður
í götu þessarar stjórnar. „Við vitum
hvað við höfum, ekki hvað við fáum,“
sagði Jóhann. Gunnar Hilmarsson
spáði viðreisnarstjóm næstu átta
árin kæmi til kosninga nú. „Og guð
hjálpi landsbyggðinni þá,“ sagði
Gunnar.
Fjórir menn voru tilnefndir til við-
ræðna við Þjóðarflokksmenn, þeir
Bjarni Guðleifsson, Eiríkur Hreiðars-
son, Gunnar Hilmarsson og Tómas
Gunnarsson.
Lúðrasveitin
fær 200 þús.
BÆJARSTJÓRN Akureyrar sam-
þykkti fyrir nokkru að hækka
styrk til Lúðrasveitar Akureyrar
úr 100 þúsund krónum í 200 þús-
und. Lúðrasveitin tekur þátt í
lúðrasveitamóti í Austur-Þýska-
landi í sumar.
Aðrar styrkveitingar sem sam-
þykktar voru í bæjarstjóm voru
50.000 króna styrkur til Geðvemdar-
félags Akureyrar vegna stofnbúnað-
arkaupa í sambýli við Álfabyggð og
20.000 krónur til AFS á Akureyri
vegna íjögurra skiptinema.
Þá hefur Skíðaráði verið veittur
150.000 króna styrkur vegna kostn-
aðar við alþjóðlegt skíðamót sem
haldið var í Hlíðarfjalli nýlega.
Að lokum má geta þess að bæjar-
stjóm hefur fært blakdeild KA
100.000 krónur að gjöf í tilefni þess
að liðsmenn deildarinnar urðu ís-
landsmeistarar í blaki árið 1989.
Atvinnurekendur
vilja gjaman ráða
fatlaða til vinnu
ATVINNUREKENDUR á Akureyri virtust mjög jákvæðir gagnvart
því að ráða fatlaða einstaklinga í vinnu. Þetta kom fram á fúndi
sem Svæðisstjórn um málefni fatlaðra á Norðurlandi eystra og
Félagsmálastofiiun boðuðu til með atvinnurekendum á Akureyri. A
fúndinum kom fram að atvinnurekendur væri opnir fyrir því að
veita fotluðum einstaklingum tækifæri á að spreyta sig. Jón Bjöms-
son félagsmálastjóri sagði að verið væri að leita að þess konar vinnu
sem fatlaðir gætu stundað til jafús við aðra.
I rúmt ár hefur atvinnuleit fyrir
fatlaða verið starfrækt á Akureyri
og sagði Inga Magnúsdóttir starfs-
maður atvinnuleitarinnar að á þeim
tíma hefðu rúmlega fímmtíu manns
skráð sig. Um þrjátíu hafa fengið
starf, en leitað er að störfum fyrir
um tuttugu fatlaða einstaklinga
ýmist á vemduðum vinnustað eða
á almennum vinnumarkaði.
„Þetta fór vel af stað, en í vetur
hefúr gengið heldur illa að útvega
fólki vinnu. Það er kannski ekki
undarlegt þegar fullfrískt fólk hef-
ur gengið atvinnulaust, að fólk með
hamlaða starfsgetu fái ekki vinnu.
En sem betur fer er heldur að
glæðast núna," sagði Inga.
Á Akureyri eru starfandi tveir
starfsskólar, báðir við Löngumýri,
þar sem annars vegar unglingar
og hins vegar fullorðnir eru búnir
undir störf á vinnumarkaði. Magni
Hjálmarsson í starfsskólanum við
Löngumýri 15 sagði að frá því
skólinn var stofnaður haustið 1985
hefðu sextán nemendur verið í skól-
anum. Hluti af þeim er nú í starfi.
sem skólinn hefði útvegað og sagði
Magni að viðbrögð vinnuveitenda
hefðu verið jákvæð er leitað var
aðstoðar þeirra. 1 skólanum við
Löngumýri 9 eru þrír sem gegna
starfi á almennum vinnumarkaði,
en fjórir eru í leit að vinnu. Sunneva
Filipusdóttir sagði að það fólk sem
Morgunblaðið/Rúnar Þór
Atvinnurekendur eru jákvæðir gagnvart því að taka fatlaða einstaklinga í vinnu og reynsla þeirra
af fötluðum starfsmönnum er yfirleitt góð. Þetta kom fram á fúndi sem Svæðisstjórn um málefni
fatlaðra og Félagsmálastofiiun Akureyrar boðuðu til með vinnuveitendum.
í skólanum væri vildi vinna og
gæti unnið, en ekki hvaða starf sem
væri.
í máli vinnuveitenda kom fram
mikil ánægja með störf þeirra fötl-
uðu einstaklinga sem hjá fyrirtækj-
um þeirra starfa. Brynleifur Halls-
son frá Mjólkursamlaginu sagði að
búið væri að ákveða að hafa ætíð
eitt starf laust fyrir fatlaðan ein-
stakling. Þórhalla Þórhallsdóttir
frá Hagkaup sagði frá reynslu fyr-
irtækisins af fötluðum, en hjá Hag-
kaup starfa nú tíu andlega fatlaðir
einstaklingar og tveir líkamlega
fatlaðir. Á Kjötiðnaðarstöðinni
vinna tveir fatlaðir einstaklingar
og sagði Óskar Erlendsson að
reynsla stöðvarinnar af þeim væri
góð, fatlaðir væru mjög samviskus-
amir starfsmenn.
Fundarboðendur voru inntir eftir
því hvort áætlanir þeirra hefðu
gengið betur, verr eða jafnvel og
upphaflega var haldið og svaraði
Magni Hjálmarsson því til að í
fyrstu hefði gengið ótrúlega vel.
Bakslag hefði hins vegar komið í
seglin í vetur. „Það er auðvitað
erfltt að útvega fötluðum atvinnu
þegar fullfrískir einstaklingar fá
ekki vinnu. Ef atvinnuleysi verður
varanlegt þá verðum við auðvitað
að breyta okkar markmiðum í þá
átt að búa fólk undir það að vera
atvinnulaust,“ sagði Magni.
Einnig kom fram fyrirspum
varðandi það hvort ekki væri tíma-
bært að kortleggja atvinnumarkað-
inn á Akureyri með það í huga
hvar fatlaðir einstaklingar hugsanT
lega gætu fengið vinnu. Jón Bjöms-
son sagði það vissulega ágætt
markmið, en slíka kortlagningu
þyrfti að endurskoða reglulega.
Ifyrir nokkrum árum hefði vinnu-
markaðurinn verið skoðaður gaum-
gæfílega, en nú hefði óhemju mik-
ið af störfum sem hentuðu fötluð-
um horfíð.