Morgunblaðið - 06.05.1989, Qupperneq 44

JBTÆFJFÆAfÆSr
Aukin þægindi
ofar skýjum
FLUGLEIÐIR
LAUGARDAGUR 6. MAÍ 1989
VERÐ í LAUSASÖLU 80 KR.
Alhvítur
steinbítur
Dráttarbátur dregur TF-AFM til lands við Kristiansand.
Morgunblaðið/Fædrelandsvennen
Ekki talið að leki hafi komið að geymum
Flugmennimir heppnir að vera á lífi, segja rannsóknarmenn í Kristiansand í Noregi
FULLVIST er talið að flugvélin
TF-AFM, sem nauðlenti í sjónum
við Kristiansand í Noregi á mið-
vikudagskvöld, hafí orðið benz-
ínlaus. Að sögn rannsóknar-
manns lögreglunnar í Kristian-
sand, Tangstad að nafni, voru
um 12 lítrar í geymum vélarinn-
ar, afgangseldsneyti sem benzín-
dælurnar ná ekki til. Nú er unn-
ið að því að athuga hvort elds-
neytismælir hafí verið bilaður,
en að sögfn flugmanns vélarinnar
sýndu mælar um 140 Iítra í tönk-
unum, sem hefðu átt að nægja
til klukkustundarflugs í viðbót.
Rannsóknarnefíid lögreglunnar
telur að ekki hafí komið leki að
tönkunum.
Vélin kom niður á grunnsævi,
og dró dráttarbátur hana á land
seint í fyrrakvöld. Að sögn Tang-
stads er hún mikið skemmd. „Þeir
eru heppnir að vera á lífi, flugstjórn-
arklefinn er mölbrotinn," sagði
hann. Hann taldi vélina ónýta að
öðru leyti en því að hugsanlegt
væri að nýta hreyflana.
Gunnar Þorvaldsson, sem flaug
vélinni, á að útskrifast af sjúkrahús-
inu í Kristiansand í dag, en Stefán
Árnason félagi hans verður í nokkra
daga í viðbót. Gunnar slapp með
skrámur úr slysinu, en Stefán hand-
ar-, handleggs- og viðbeinsbrotnaði.
Kjaradeiia BHMR og ríkisins;
Aðilar nánast í sömu spor-
um eftir mánaðarverKfell
tilEyja
Vestmannaeyjum.
Náttúrugripasafíiinu í Vest-
mannaeyjum barst í gær al-
hvítur steinbítur en ekki er
vitað til þess að hvítur stein-
bítur hafi sést hér áður. Það
voru skipveijar á Gandí sem
veiddu hvitingjann. Tókst
þeim að halda lífínu í honum
og komu með hann til Vest-
mannaeyja í gær. Fiskurinn
var orðinn talsvert slappur
þegar hann kom í safíiið, en
þegar leið á daginn hresstist
hann og var farinn að synda
um í búri sínu.
Kristján Egilsson safnvörður
sagðist ekki hafa heyrt getið um
hvítan steinbít áður. Hann sagði
að hvít afbrigði af laxi, grá-
sleppu og kola hefðu komið í
safnið og hann hefði heyrt getið
um hvíta ýsu og lúðu. Erfítt
væri að fullyrða um hvort fiskur
þessi væri einsdæmi, en alltjent
hefðu þeir sem hann hefði haft
samband við og vel þekktu til
aldrei áður heyrt getið um hvítan
steinbít. Grímur
Morgunblaðið/Sigurgeir
Steinbítshvítinginn í Vest-
mannaeyjum ásamt frænda
sínum sem telst eðlilegur á
lit.
-4ÍR0N flytur
inn smjörlíki
KAUPFÉLAG Reykjavíkur og ná-
grennis hefur fengið leyfi við-
skiptaráðuneytisins til að flytja
inn 20 tonn af smjörlíki.
Að sögn Snævars Guðmundssonar
hjá KRON er þama um tilraun að
ræða. Hann sagði að það færi eftir
viðtökum viðskiptavina KRON hvort
um frekari innflutning yrði að ræða.
Þetta er sama magn og Hagkaup
fékk leyfi til að flytja inn fyrir
skömmu.
GUÐLAUGUR Þorvaldsson, ríkis-
sáttasemjari, sagði í gærkveldi að
loknum samningafundi Bandalags
háskólamenntaðra ríkisstarfs-
manna og sljómvalda að það væri
flarri lagi að deiluaðilar hefðu
nálgast, en þeir skiptust á tilboð-
um í gær og í fyrrinótt. Lokatil-
raun verði gerð á fundi sem hann
heftir boðað klukkan 14 í dag til
að koma viðræðum á rekspöl.
Beri það ekki árangur, muni hann
slíta fundi án þess að boða til
annars. Svavar Gestsson, mennta-
málaráðherra, sagði við umræður
á Alþingi í gær að um helgina
yrði gerð úrslitatilraun til að ná
samkomulagi. Hann upplýsti að
hann hefði boðað skólameistara
framhaldsskólanna og fræðslu-
syóra umdæmanna til fundar við
sig á mánudag, en ráðherra tók
fram að engar ákvarðanir yrðu
teknar fyrr en eftir verkfall um
hvernig lokum skólahalds verður
háttað. í dag er mánuður liðinn
frá því verkfall ellefu félaga í
BHMR hófst og hið tólfta bættist
í hópinn 11. apríl.
Stjórnvöld gerðu BHMR tilboð í
fyrrinótt eftir dægurlangan samn-
ingafund og BHMR svaraði með
gagntilboði seinnipartinn í gær. Til-
boð ríkisins er um samning fram á
mitt næsta ár. Samkvæmt því kemur
3,35% hækkun á laun 1. maí, 1,25%
1. september, 1,25% 1. nóvember og
2% 1. janúar. Breytingar eru gerðar
á próf- og starfsaldurskerfi. Kemur
það í stað flokkatilfærslna og er
metið á liðlega 0,5%. Þá er gert ráð
fyrir endurskoðun á námsmatskerf-
inu, sem komi til framkvæmda í maí
á næsta ári og er talið jafngilda 1,5%
launahækkun að meðaltali. Ef al-
mennar launahækkanir á fyrrihluta
næsta árs verða meiri en kveðið er
á um í tilboðinu er réttur til endur-
skoðunar. Gerð er tillaga um breyt-
ingu á endurmenntunarmálum þann-
ig að til sameiginlegs endurmenntun-
arsjóðs renni 1% af föstum launum.
Samkvæmt heimildum Morgun-
blaðsins hefur BHMR í gagntilboði
sínu meðal annars lækkað kröfu sína
um lágmarkslaun úr 71.500 krónum
í 69.500 krónur og breytingar á
hvernig menntun skuli metin til launa
hafa verið færðar til síðari hluta árs-
ins. Ekki var hægt að fá nánari upp-
lýsingar um tilboð BHMR. Bent var
á að samkvæmt lögum væri það sem
fram færi á sáttafundum hjá ríkis-
sáttasemjara trúnaðarmál.
„í tilboði BHMR er ekkert nýtt
sem gefur tilefni til þess að samning-
ar takist. Það er öllum upphaflegu
kröfunum í meginatriðum haldið til
streitu og það er ennþá farið fram
á marga tugi prósenta umfram það
sem samið var um við aðra,“ sagði
Indriði H. Þorláksson, formaður
Samninganefndar ríkisins. Aðspurð-
ur sagði hann tilboð BHMR alls ekki
vera umræðugrundvöll.
Wincie Jóhannsdóttir, formaður
Hins íslenska kennarafélags, sagði
að tilboð ríkisins hefði komið há-
skólamönnum á óvart. Þau héldu að
menn hefðu verið búnir að koma sér
saman um að skoða möguleika á
samningi til lengri tíma, en með því
móti hefði verið hægt að liðka fyrir
í sambandi við það sem kæmi á
styttri tíma. Þetta tilboð hefði verið
það sama og þau væru búin að fá
þrisvar eða fiórum sinnum áður.
Sjá ennfremur fréttir á bls. 4
og þingsíðu á bls. 24.
Skoðanakönnun Félagsvísindastofiiunar:
54% þeirra sem taka afstöðu
hlynntir umsókn um EB-aðild
Þriðjungur óákveðinn - mestur stuðningur hjá ungu fólki
ÍSLENDINGAR skiptast í þijá
álíka stóra hópa hvað afstöðu til
hugsanlegrar inngöngu íslands
í Evrópubandalagið varðar. I
nýrrí skoðanakönnun, sem Fé-
lagsvísindastofhun Háskóla ís-
lands hefur gert fyrir Morgun-
blaðið, kemur I ljós að 35,2%
te^ja æskilegt að íslendingar
sæki um aðild að EB, 29,4% telja
það óæskilegt og 35,4% eru
óvissir í afstöðu sinni. Sé ein-
göngu litið á þá, sem afstöðu
tóku til spurningarínnar „telur
þú æskilegt eða óæskilegt að
Island sæki um aðild að Evrópu-
bandalaginu?", telja 54% það
æskilegt, en 46% telja það óæski-
legt.
I niðurstöðum könnunarinnar
kemur fram að stuðningur við
umsókn íslands um aðild að EB
er langmestur meðal yngsta hóps-
ins. 52% aðspurðra á aldrinum
18-24 ára telja æskilegt að sækja
um inngöngu, og voru jafnframt
fæstir óákveðnir í þeim hópi, eða
24,2%. Hlutfall óákveðinna í öðrum
aldurshópum var svipað, 35%-38%.
Eldri hóparnir eru hins vegar í
minna mæli hlynntir umsókn um
aðild að EB og á hún minnstan
stuðning meðal fólks á sextugs-
aldri, eða 21,7%.
Kjósendur Sjálfstæðisflokks og
Alþýðuflokks virðast hlynntastir
EB. 47,9% kjósenda Sjálfstæðis-
flokks töldu umsókn æskilega, en
41,2% Alþýðuflokkskjósenda. And-
staða við EB var mest meðal kjós-
enda Alþýðubandalags; 47,5%.
Svör fengust frá alls 1.046
manns, en upphaflegt úrtak var
1.500 manns, valið af handahófí
úr þjóðskrá. Svarendur eru á aldr-
inum 18-75 ára, búsettir um allt
land.
Sjá ennfremur á bls. 18