Morgunblaðið - 29.06.1989, Blaðsíða 15

Dýrbítur á
Suðureyri
Suðureyri.
STÓR Labrador-hundur slapp
laus á Suðureyri á þriðjudag
og komst í búfé, sem var innan-
bæjar. Hundurinn hrakti árs-
gamalt lamb niður í §öru og út
í sjó. Lambið iagðist til sunds
og drukknaði skammt undan
landi. Við skoðun á lambshræ-
inu kom i Ijós að það var með
slæmt bitsár á bringunni og
með sár á öðru eyra.
Hundurinn hefur tvisvar áður
sloppið frá eiganda sínum og elt
búfé. í bæði skiptin lék hann sama
leikinn; að hrekja lömb út í sjó,
en svo vildi til að menn sáu til
hundsins og gátu vaðið eftir lömb-
unum. í þetta sinn var eigandi
hundsins fjarverandi og hundur-
inn í gæzlu dóttur hans. Hún lok-
aði hundinn inni eftir þetta atvik.
í samtali við Morgunblaðið
sagði Sturla Páll Sturluson, lög-
regluþjónn á Suðureyri að sam-
kvæmt lögum um hundahald
kæmi það skýrt fram að ef hund-
ur bítur mann eða skepnu er hann
réttdræpur. í þessu tilviki á eftir
að dæma í málinu, sem verður
að öllum líkindum mjög fljótlega
en á meðan þarf sveitarfélagið
MORGUNBLAÐIÐ FIMMTUDAGUR 29. JÚNÍ 1989
-----i-------------I-----■---;-I-----
Morgunblaðið/Róbert Schmidt.
Hér má sjá Ævar Einarsson
með lamb, sem hundurinn
hrakti í sjóinn fyrir nokkrum
dögum, en Ævar bjargaði.
að láta hundagæzlumann sækja
hundinn og er eiganda gefínn 10
daga frestur til að koma honum
úr þorpinu. Ef það verður ekki
gert verður hundinum lógað.
Nýlega samþykkti hrepps-
nefndin að leyfa hundahald á
Suðureyri. Sú samþykkt hefur
hins vegar ekki birzt í Stjórnartíð-
indum og er því ekki orðin að lög-
um. R. Schmidt
Hagnaður af
rekstri spítala
eftirMagnús
Sigurðsson
Á baksíðu Morgunblaðsins 23.
júní 1989 birtist fregn undir yfir-
skriftinni „Borgarspítalinn og
ríkisspítalar skiluðu hagnaði 1988“.
Fyrirsögn þessi vakti strax at-
hygli mína, en við lestur fréttarinn-
ar varð ég fyrir vonbrigðum. Ég
er nefnilega þeirrar skoðunar að
sjúkrahús séu rekin í þeim tilgangi
að bæta heilsu sjúkra. Ef tala á um
hagnað af rekstri verður því að
leggja mat á þjóðfélagslegan ávinn-
ing af bættri heilsu, og bera það
saman við kostnað við reksturinn.
Ennfremur verður að taka tillit til
mannlega þáttarins, þ.e. að láta
ekki þjáða þjást lengur eða meir
en nauðsyn ber til. Hvergi í ofan-
greindri frétt er stafkrók að finna
um þennan tilgang með rekstri
spítala. Aftur á móti kemur fram í
fréttinni að tekist hafi að reka
umrædda spítala innan marka fjár-
veitinga. Að mínu mati er á því
regin munur hvort rekstur er innan
marka fjárveitinga, eða hvort hann
skilar hagnaði.
Við lestur fréttarinnar og í ljósi
umfjöllunar fjölmiðla um rekstur
spítala að undanförnu, vaknar síðan
sú spurning hvernig tekist hafi að
reka umrædda spítala innan marka
fjárveitinga. Var það gert með lok-
un deilda og undirnýtingu spítal-
anna á kostnaði þeirra sjúklinga
sem á biðlistum eru? í sjónvarpsvið-
tali við heilbrigðisráðherra fyrir
stuttu kom fram að lagt hafði verið
til að loka deild á spítala í sparnað-
arskyni. Benti ráðherra réttilega
á, að þetta væri ekki langtímakost-
ur, sem hann gæti mælt með, enda
stangast það á við tilgang með
rekstri spítala, og þá þörf, sem
langir biðlistar sýna, að er fyrir
þessa þjónustu. Það verður því að
finna aðrar leiðir til sparnaðar í
heilbrigðiskerfinu en að loka deild-
um og má minna á að rekstur
spítala tekur ekki til sín nema hluta
af því fé sem varið er til heilbrigðis-
mála.
Höfundur er hagfræðingur.
f '
HJA OKKUR FÆRÐU
GÓÐA UNDIRSTÖÐU
FYRIRFÆTURNA
BÆKLU NARSKÓSMÍÐI
Bæklunarskósmíði felst í sérsmíði á skóm fyrir þá sem
þess þurfa með, og einnig spelkum til stuðnings og
réttinga á fótum. Til slíks búnaðar eru gerðar miklar
kröfur. Hjá okkur starfa aðeins viðurkenndir sérfræðingar
í bæklunarskósmíðum. Fyrir þeim fer Kolbeinn Gíslason,
fyrsti íslendingurinn sem lokið hefur meistaraprófi í
greininni. Við höfum lagt áherslu á að smíða þægilega og
fallega skó sem standast fagurfræðilegar kröfur
samtímans. Til þess notum við hráefni sem tryggja
léttleika og góða endingu.
Þá viljum við vekja sérstaka athygli á ADIMED
meðferðar- og sjúkraskóm. ADIMED skórnir eru
sérstaklega hannaðir fyrir lamað og hreyfihamlað fólk og
þá sem orðið hafa fyrir meiðslum á ökkla, s.s.
liðbandsslitum.
SÉRSTÖK INNLEGGJAÞJÓNUSTA
Fjöldi fólks þjáist af ýmiss konar fótkvillum sem oft valda
verulegum óþægindum. Með notkun réttra innleggja í skó
má draga úr og jafnvel komast með öllu hjá slíkum
óþægindum. Við sérsmíðum traust og endingargóð
innlegg eftir tilvísunum lækna. Og við ábyrgjumst gæði
innleggjanna.
Fyrir þá sem þjást af þreytu og verkjum í baki bendum við
á innleggin frá VISCOLAS. Þau veita mikla fjöðrun og
hafa hvtlandi áhrif á fætur og bak. Rannsóknir hafa gefið
til kynna að VISCOLAS innleggin draga mjög úr
höggáhrifum við göngu og henta því mjög vel íþróttafólki
og öörum sem þurfa mikið að standa í fæturna.
SÉRVERSLUN MEÐ HEILSUSKÓ
Gísli Ferdínandsson hf. starfrækir einnig skóverslun. í
samræmi við markmið fyrirtækisins einbeitum við okkur
að því að hafa á boðstólum skó sem fara vel með fæturna
og viðhalda heilbrigði þeirra. Þannig getur þú fengið hjá
okkur skó sem ekki aðeins hæfa lengd fótanna heldur
einnig breidd þeirra.
BARNASKÓR í HÁUM GÆÐAFLOKKI
Börnin eru í sérstöku uppáhaldi hjá okkur. Það er mjög
mikilvægt að litlir fætur fái að vaxa og þroskast eðlilega
og það gera þeir því aðeins að valdir séu réttir skór sem
veita fótum þeirra eðlilegan stuðning.
Kolbeinn Gíslason
Meistari í bæklunarskósmíöi
Bæklunarskósmíði Skóviðgerðir Skóverslun Ráðgjöf
Veiði-
menn
í VÖRUHÚSIVESTUR-
LANDS fæst allt sem þarf að
hafa í veiðiferðina: Matur,
allar veiðivörur, úrval af
sportfatnaði (og jafnvel sá
stórilíka).
Komið við hjá okkur í sumar
VÖRUHÚS VESTUR-
LANDS
Birgðamiðstöð veiðimannsins
Vöruhús
Vesturlands
Borgarnesi
sími 93-71 200