Morgunblaðið - 28.11.1989, Blaðsíða 36

36
MORGUNBLAÐIÐ ÞRIÐJUDAGUR 28. NÓVEMBER 1989
Nokkrar línur til Ólínu
eftir Ólaf
Hannibalsson
„Oft veltir lítil þúfa þungu hlassi“
kom mér í hug þegar ég sá allfyrir-
ferðarmikla og þykkjuþunga ádrepu
þína í garð Heimsmyndar og okkar
Herdísar Þorgeirsdóttur í Morgun-
blaðinu síðastliðinn þriðjudag. Mér
fannst greinin — og þykkjan —
nokkuð út úr hlutföllum við tilefnið.
Nú skal ég strax falíast á að þú
hafðir ástæðu til að óska leiðrétt-
ingar á greinarstúf, sem um þig
hafði birst í nóvemberblaði Heims-
myndar, en eins og þú tekur fram
tók ég því vinsamlega þegar þú
hafðir samband við mig. Venjan er
sú að menn fá athugasemdir og
leiðréttingar birtar í þeim ijölmiðli,
sem meint glöp framdi, en eftir því
segist þú ekki hafa getað beðið.
Færð þú því hér með þá leiðrétt-
ingu, sem annars hefði birst í næsta
tölublaði Heimsmyndar.
Tilefnið er semsé það, að í dálki
í Heimsmynd, sem nefnist Á kreiki,
og er oftast ætlað að íjalla á létt-
ari nótum í örstuttu máli um ýmis-
legt í þjóðfélaginu, voru því gerðir
skórnir að þú hyggðir á þátttöku í
prófkjöri framsóknarmanna á Vest-
fjörðum, talin hafa góða sigur-
möguleika, og ef svo færi vænkaði
hagur kvenna í þeim flokki, en þeir
framsóknarmenn eiga nú aðeins
eina konu á þingi. Ég vona að það
sé auðsætt af klausunni að ekki var
þetta af illgirni mælt. Fjölmiðlafólk,
og einkum sjónvarpsfólk, sem dag-
lega er eða hefur verið heima í stof-
um okkar, verður að sæta því að
margt sé um það rætt og að stjórn-
málaflokkar kunni að hafa á því
áhuga að fá það til liðs við sig,
enda hefur reynslan sannað, að oft
er í því efni gagnkvæmur áhugi.
Ég hafði öruggar heimildir fyrir því
að slíkur áhugi væri. fyrir hendi
hvað þig snerti meðal framsóknar-
manna á Vestfjörðum. Með orðalag-
inu: „Altalað er að Ólína stefnir nú
á þing. . .“ gekk ég hins vegar
lengra en heimildir mínar leyfðu og
þeirra hugmyndir urðu að þínum
fyrirætlunum. Bið ég þig hér með
afsökunar á því.
Sársauki þinn, óþolinmæði með
útgáfutíðni Heimsmyndar, og þar
af leiðandi ákvörðun um að leita
leiðréttingar í Morgunblaðinu,
koma mér hins vegar dálítið spánskt
fyrir sjónir. Enda þótt ég reyni að
láta Framsóknarflokkinn njóta
sannmælis í skrifum mínum, sem
hann varða, hef ég andstyggð á
mörgu í pólitík hans af ástæðum
sem hér er of langt að rekja, og
mundi persónulega síst af öllu vilja
vera við hann bendlaður. En ég
átti þess enga von að öðrum kynni
að þykja það álíka ærumeiðandi,
að gefið væri í skyn, að þeir gætu
átt upphefðar von í þeim flokki. Sé
sú hins vegar raunin er mér skylt
að biðja þig einnig afsökunar á því
að hafa með þessu óviljandi valdið
þér þeim djúpa sársauka, sem í
grein þinni kemur fram.
. Satt best að segja hafði ekki
hvarflað að mér að reikna dæmið
það langt, að sigur þinn í prófkjöri
hlyti að þýða atvinnumissi ágæts
kunningja míns,'Ólafs Þ. Þórðar-
sonar, og að vegna sameiginlegrar
veru ykkar í hestamannafélagi fyrir
vestan, væri það lúalegt af þér að
gefa kost á þér í prófkjör gegn
honum. Ég hef litið á prófkjör, sem
ágætist aðferð til að skipta um
menn í þeim stöðum sem lýðræðis-
lega er kosið til, án valdstreitu og
undirmála. Það er ágætis aðhald
fyrir þingmenn sem aðra að vita
að þeim er ekki tryggð ævilöng
seta í sínum embættum, þótt flokk-
urinn hafi einu sinni valið þá til
ákveðinna trúnaðarstarfa. Mér
þætti því miður ef þingmenn sæju
að með þátttöku sinni í hesta-
mannafélögum og öðrum göfgum
félagssköpum tryggðu þeir sig gegn
gagnframboðum í prófkjörum. Eg
er hræddur um að ópólitísk félags-
starfsemi í landinu mundi stórlega
líða, ef sú yrði raunin á. — Stundum
hafa líka framsóknarmenn átt tvo
fulltrúa á þingi fyrir Vestfirði.
Nú er það líka svo að þegar
menn leita að vænlegum frambjóð-
Ólafur Hannibalsson
„Eg hafði öruggar
heimildir fyrir því að
slíkur áhugi væri fyrir
hendi hvað þig snerti
meðal framsóknar-
manna á Vestfjörðum.“
anda, þá reyna þeir gjarnan að
kanna hug samflokksmanna sinna
áður en þeir leita til hans og geta
þá skýrt honum frá því, hvort um
hóp væntanlegra stuðningsmanna
sé að ræða eða bara hugdettu ein-
Emmzrn
BORÐ-, PALL-, KRÓK-, TELJARA-
OG GÓLFVOGIR
Margar geröir eða frá 15 kg. aö 6000 kg. með
mismunandi nákvæmni. Einnig fáanlegar vatnsvarðar
(IP65) og með ryðfríum palli.
Möguleikar'á tengingu við tölvur og prentara.
Viðgerðir á allflestum gerðum voga og breytum eldri
gerðum voga í rafvogir.
HAGSTÆTT VERÐ. LEITIÐ UPPLÝSINGA.
ÖlAfUR OlSLASOM & CO. flf.
SUNDABORG 22 SÍMI 91-84800
VOGAÞJÓNUSTA SUNDABORG 22 SÍMI 91-686970
hvers einstaklings. Óhjákvæmilega
spyrst slíkt þá út, áður en það nær
til eyrna þess sem um er rætt og
fái málið engar undirtektir heyrir
hann aldrei um það beint. Þarf því
ekki að vera um neitt óhreinlyndi
eða „hálfkák" að ræða af hálfu
vestfirskra framsóknarmanna, að
hafa ekki viðrað þessa hugmynd
sína ennþá við þig sjálfa, enda enn
nokkuð langt til þingkosninga eins
og þú bendir á. Athygli hefur vakið
hversu fimlega og fagmannlega þú
víkur þér undan því að taka afstöðu
til þess sem er efnisatriði klausunn-
ar í Heimsmynd, nefnilega mögu-
legs framboðs fyrir Framsóknar-
flokkinn. Skýrir það ef til viil hvers
vegna þú kaust Morgunblaðið að
vettvangi fyrir athugasemd þína.
Hálf síða í Morgunblaðinu er ágæt-
is búbót við auglýsinguna í Heims-
mynd.
Ég hefði nú ekki orðlengt svo
mjög um þetta mál hefðir þú látið
nægja að krefjast leiðréttingar af
mér fyrir það sem ofsagt var um
þínar fyrirætlanir í þessari annars
vinsamlegu klausu um þig. En þar
sem þú telur þig hafa efni á að
vera með móðurlegar umvandanir
og kýst í grein þinni að gera tor-
tryggileg almenn vinnubrögð
Heimsmyndar og ritstjóra þess,
frænku þinnar Herdísar Þorgeirs-
dóttur, get ég ekki annað en beðið
Morgunblaðið um rúm til leiðrétt-
ingar á sama vettvangi. Vegna
starfa þinna ætti þér að vera vel
kunnugt um að jafnvel „vönduð
tímarit á heimsmælikvarða" eru
sjaldan laus við staðreyndavillur
auk þess sem skiptar skoðanir eru
meðal lesenda um áherslur þeirra
og viðhorf. Ef þú læsir heimsblöðin
hefðir þú oft séð í lesendadálkum
þeirra stutta athugasemd, eins og
„Time (Newsweek) erred“ (Time
(Newsweek) skjátlaðist). Á Heims-
mynd viljum við hafa það sem sann-
ara reynist, og þér var vel kunnugt
eftir símtal við mig, að ritstjórinn
átti engan hlut að máli um birtingu
þessarar klausu. Ég get raunar
bætt því við hér, að ritstjórinn innti
mig sérstaklega eftir, hvort ég hefði
áreiðanlegar heimildir fyrir þessari
frétt, og ég kvað já við, án þess
að athuga að orðalagið gekk lengra
en heimildir mínar leyfðu. Það er
hægara að kenna heilræðin en
halda þau og þú fellur í sömu gryiju
og þú vænir mig um: í stað þess
að hringja í „frænku", þá gerir þú
Herdísi Þorgeirsdóttur getsakir um
afskipti af þessu máli, og skoðanir
og vinnubrögð Heimsmyndar yfir-
leitt, út frá þessu einstaka dæmi,
og eins þótt þú vissir betur eftir
okkar samtal. Ég bið þig því~að
taka niðurlagsorð þín einnig til
sjáifrar þín, „að það er farsælast
að hafa það sem sannara reynist“
og að minnsta kosti að sleppa að
bera vísvitandi á borð fyrir lesendur
víðlesnasta blaðs þjóðarinnar get-
sakir, sem hefði mátt eyða strax
með einu símtali.
Höfundur er ritstjórnarfulltrúi
„Heimsmyndar
m SKÁLDAKVÖLD verður í
Listasal Nýhafnar, Hafnarstræti
18, miðvikudagskvöldið 29. nóvem-
ber kl 20.30. Átta skáld lesa úr
verkum sínum og er þar um að
ræða bæði nýútgefið og eldra efni.
Skáldin sem fram koma eru Aðal-
steinn Ásberg Signrðsson, Birg-
itta Jónsdóttir, Gunnar Kristins-
son, Jón Dan, Kjartan Árnason,
Steinunn Ásmundsdóttir, Stein-
unn Sigurðardóttir og Stefán
Hörður Grímsson. Páll Eyjólfs-
son gítarleikari mun flytja sígilda
tónlist og kynnir er Sigurður Arn-
arson.
■ NÆSTU miðvikudagskvöld
verður lesið úr nýjum og nýlegum
ritverkum íslenskra höfunda í Stúd-
entakjallaranum við Hringbraut.
Blandað verður saman ljóðum,
skáldskap og sögu. Þann 29. nó'v-
ember munu eftirfarandi höfundar
lesa úr verkum sínum: Thor Vil-
hjálmsson, Sigfús Bjartmarsson,
Ari Bragason og Elín Pálmadótt-
ir. Einnig verður lesið úr verkum
Stefáns Harðar Grímssonar. Bók-
menntavökur þessar hefjast kl. 21,
og er ekki krafist aðgangseyris.