Morgunblaðið - 20.12.1989, Qupperneq 1

72 SIÐUR B/C
291. tbl. 77.árg.________________________________MIÐVIKUDAGUR 20. DESEMBER 1989_______________________________Prentsmiðja Morgunblaðsins
Helmut Kohl, kanslari Vestur-Þýskalands, flutti í gær ræðu við rústir Frúarkirkjunnar í Dresden en
áætlað er, að um 40.000 manns hafi komið þar saman til að fagna honum. A fremsta borðanum stend-
ur meðal annars: „Þjóðverjar, tökum saman höndum ... Dresden fagnar kanslaranum."
Júgóslavneska fréttastofan Tanjug:
Leiðtogar þýsku ríkjanna á fundi í Dresden;
Kohl fagnað með
sameiningarkröfii
Bonnstjórnin hyggst verja 10 milljörðum
marka til endurreisnar a-þýsku efiiahagslífi
Dresden. Reuter.
TUGÞÚSUNDIR manna fógnuðu Helmut Kohl, kanslara Vestur-
Þýskalands, þegar hann kom til Dresdenar í Austur-Þýskalandi í
gær til fúndar við Hans Modrow, forsætisráðherra Austur-Þýska-
lands. Hvatti fólkið til, að ríkin sameinuðbst og héldu margir á
loft vestur-þýska fánanum. A fúndinum ræddu leiðtogarnir um
nánara samstarf og fyrirhugaða aðstoð Vestur-Þjóðverja og
ákváðuað hittast aftur i janúar eða febrúar. Tilkynnt hefúr verið,
að Brandenborgarhliðið í Austur-Berlín verði opnað næstu daga.
„Með Kohl og sameinuðu Þýska-
landi“ og „Þýskaland, eitt föður-
land“ mátti meðal annars lesa á
spjöldunum þegar um 40.000
manns fögnuðu Kohl við komuna
til Dresdenar. „Helmut, Helmut,
Helmut“ kvað við frá fólkinu og
var haft á orði, að aldrei á sínum
pólitíska ferli hefði vestur-þýska
kanslaranum verið fagnað jafn
innilega.
í ræðu, sem Kohl flutti eftir að
hafa lagt blómsveig í rústum Frú-
arkirkjunnar í Dresden, hét hann
að vinna að sameiningu ríkjanna
ásamt Austur-Þjóðverjum og innan
ramma samevrópsks öryggis. Var
hverju orði hans ákaft fagnað.
Að fundinum loknum kváðust
Kohl og Modrow vera mjög ánægð-
ir með þessa „sögulegu stund“ og
Modrow sagði, að þeir hefðu orðið
einhuga um náið samstarf
ríkjanna. Vestur-þýskir embættis-
menn sögðu í gær, að stjórnin í
Bonn ætlaði að leggja fram tíu
milljarða marka, rúmlega 350
milljarða ísl. kr., til að greiða fyrir
endurreisn efnahagslífsins í Aust-
ur-Þýskalandi auk þess sem skip-
aðar verði samstarfsnefndir í efna-
hags-, fjarskipta- og umhverfis-
málum.
Segir 2000 manns hafa
verið drepin í Rúmeníu
Belgrað. Reuter.
Júgóslavneska fréttastofan
Tanjug skýrði frá því í gær-
kvöld, að allt að 2.000 manns
hefðu drepin í Rúmeníu síðan
her og Iögregla beittu skrið-
drekum og þyrlum gegn andófs-
mönnum í borginni Timisoara á
sunnudag. Sagði fréttastofan, að
fólki hefði verið smalað saman
á einu torgi borgarinnar þar
sem það var rekið í gegn með
byssustingjum og austurríska
sjónvarpið hafði það eftir vitn-
um, að „heilu vörubílsfarmarnir
af Iíkum hefðu verið fluttir
brott“.
Bandaríkin:
Ovenjulegar
frosthörkur
Flórída. Frá Atla Steinarssyni, fréttarit-
ara Morgunltlaðsins.
MIKLIR kuldar hafa verið í
Bandaríkjunum og víða kaldara
cn dæmi eru til. Þannig voru sleg-
in eða jöfnuð kuldamet í 22 borg-
um í 11 ríkjum í byrjun vikunnar.
Skýli sem sett hafa verið upp fyr-
ir heimilislaust fólk eru troðfull.
„Þetta er barátta upp á líf og dauða
hjá fólki því mörgum liggur við kali
eða króknun," var haft eftir einum
umsjónarmanninum en Bandaríkja-
menn taka þessu annars furðu létt.
í Chicago var talað um „hitabylgju"
á sunnudag en þá fór frostið niður
í 10 stig á celsíus.
Hitinn hefur komist niður fyrir
frostmark að næturlagi nyrst í
Flórída og Kaliforníu og niður í 3-5
gráður á Celsíus í Mið-Flórída og
S-Kalfiforníu.
Tanjug kvaðst hafa fyrir því
heimildir, að allt að 2.000 karl-
menn, konur og börn hefðu verið
drepin þegar mótmælin gegn harð-
stjórn kommúnista og Nicolae Ce-
ausescus forseta hefðu brotin á bak
aftur og væri Timisoara nú í
rústum að verulegu leyti. Þá sagði
fréttastofan, austurríska sjónvarp-
ið og ungverska ríkisútvarpið, að
heyra hefði mátt skotdrunur frá
borginni fram eftir degi en hljóðn-
að með kvöldinu.
Austurríska sjónvarpið hafði
eftir vitnum, að hermenn eltu uppi
og tækju af lífi alla, sem grunaðir
væru um þátttöku í mótmælunum.
„Við landamærin, til dæmis i Cala-
fat, og í borgunum er leitað að
fólki, sem sloppið hefur frá Timiso-
ara, og margir eru skotnir á staðn-
um,“ sagði sjónvarpið og bætti því
við, að hermenn, sem neitað hefðu
að skjóta á fólkið, hefðu einnig
verið líflátnir.
Austurríska sjónvarpið hafði
einnig eftir heimildum, að prestur-
inn Laszlo Tokes, sem andófs-
mennirnir í Timisoara vildu slá
skjaldborg um, væri enn á lífi og
hefði verið fluttur í annan lands-
hluta. „Svo virðist sem ofsóknirnar
beinist aðallega gegn minnihluta-
hópum í landinu,“ sagði sjónvarpið.
„Fólk er dregið út af heimilum
sínum og fjölskyldum tvístrað.“
Ungverska útvarpið og sjónvarpið
líktu í gær atburðunum í Rúmeníu
við fjöldamorðin á Torgi hins heil-
aga friðar í Peking og sögðu, að
um 20.000 manns hefðu tekið þátt
í andófinu í Timisoara.
Sjá „Laszlo . . . “ á bls. 27.
Á fréttamannafundi í gær til-
kynnti Modrow, að Brandenborg-
arhliðið, sem hefur verið eins kon-
ar tákn fyrir skiptingu Þýska-
lands, yrði opnað gangandi fólki
og munu þeir Kohl og Modrow
gera það sameiginlega við hátíð-
lega athöfn næstkomandi laugar-
dag. Þá hefur einnig verið ákveðið,
að frá og með aðfangadegi geti
Vestur-Þjóðverjar farið að vild til
Austur-Þýskalands án vegabréfsá-
ritunar. Þá sagði Kohl, að öllum
pólitískum föngum í Austur-
Þýskalandi yrði sleppt, líklega fyr-
ir jólahátíðina, óg þar á meðal
mörgum Vestur-Þjóðverjum, sem
eru í haldi sakaðir um njósnir eða
um að hafa hjálpað Austur-Þjóð-
verjum að flýja.
Stefiit að því að koma á fót
evrópsku efiiahagssvæði
Ráðherrar EFTA og EB:
Brussel. FVá Kristófer Má Kristinssyni, fréttaritai’a Morgunblaðsins.
FULLTRÚAR Fríverslunarbandalags Evrópu (EFTA) og Evrópu-
bandalagsins (EB) lýstu í gær ánægju sinni yfir þeim mikla ár-
angri, sem náðst hefði i viðræðum bandalaganna á síðustu níu
mánuðum. Ráðherrar frá aðildarlöndum band.alaganna og flilltrúar
framkvæmdastjórnar EB hittust í Brussel í gær til að marka stefn-
una í framtíðarviðræðum aðilanna. Var ákveðið að stefna að því
að koma á fót evrópsku efnahagssvæði, sem byggðist á auknu frelsi
í samskiptum EB og EFTA.
Á blaðamannafundi eftir ráð-
herrafundinn sem þeir héldu Jón
Baldvin Hannibalsson utanríkis-
ráðherra fyrir hönd EFTA, Roland
Dumas utanríkisráðherra Frakk-
lands fyrir hönd EB-ráðherranna
og Frans Andriessen fyrir hönd
framkvæmdastjórnar EB, sagði
Dumas, að ráðherrafundurinn
hefði að mörgu leyti verið tíma-
mótaviðburður. Hann ætti eftir
að blása nýju lífi í viðræður aðil-
anna. Evrópska efnahagssvæðið
(EES) ætti eftir að verða þekkt
um alla heimsbyggðina. Helsta
ágreiningsefnið er um það, hvern-
ig staðið skuli að sameiginlegum
ákvörðunum um EES.
Jón Baldvin Hannibalsson sagði
að íslendingar ættu að skoða
vandlega þá kosti sem sameigin-
legt tollabandalag EB og EFTA
hefði að bjóða. Hann taldi að erf-
iðasti hjallinn í væntanlegum við-
ræðum yrði á leið þess hóps, sem
fjallar um frelsi í vöruviðskiptum,
m.a. vegna óska íslendinga um
fríverslun með fisk.
íslendingar láta nú af for-
mennsku í EFTA-ráðinu og taka
Svíar við af þeim.
Sjá nánar á miðopnu.