Morgunblaðið - 25.04.1990, Blaðsíða 18

18
MORGUNBLAÐIÐ MIÐVIKUDAGUR 25. APRIL 1990
Morgunblaðið/KAA
Fulltrúar landshlutasamtaka á VestQörðum, Norðurlandi og AustQörðum segja frá aðgerðum, sem þeir
kynntu þingmönnum, til að koma í veg fyrir mikla busetutilfærslur frá landsbyggðinni til höftiðborgar-
svæðisins. Frá vinstri Áskell Einarsson framkvæmdastjóri Fjórðungssambands Norðlendinga, Kristínn
Jónsson varaformaður Fjórðungssambands Vestfirðinga, Einar Már Sigurðsson formaður Sambands
sveitarfélaga í Austurlandskjördæmi, Björn Sigurbjörnsson formaður Fjórðungssambands Norðlend-
inga, Jóhann Bjarnason framkvæmdastjóri Fjórðungssambands Vestfirðinga og Sigurður Hjaltason íram-
kvæmdastjóri Sambands Sveitarfélaga í Austurlandskjördæmi.
Fulltrúar Landshlutasamtaka sveitarfélaga:
Skilningur með þjóðinni
á jákvæðri byggðastefhu
„NÚ ER Iag með þjóðinni og skilningur á jákvæðri byggðasteftiu sem
byggist á raunverulegu framtaki, en ekki tilfærslu, þar sem eitt er
tekið af öðrum.“ Þetta sögðu fulltrúar landshlutasamtaka sveitarfé-
laga á Vestfjörðum, Norðurlandi vestra, Norðurlandi eystra og Aust-
flörðum að afloknum fundi með alþingismönnum kjördæmanna á
mánudaginn um tilefiii þess fundar. Helstu málefnin sem rædd voru
eru áhyggjur vegna spár um mikla búferlaflutninga af landsbyggðinni
á næstu árum, staðsetning álvers, virkjanir og samgöngumál.
Fulltrúar landshlutasamtakanna
kynntu efni viðræðnanna við alþing-
ismenn á blaðamannafundi. Þeir
vitnuðu til úttektar, sem gerð var á
vegum Byggðastofnunar þar sem
fram kemur að miðað við óbreytta
búsetuþróun verði miklir flutningar
fólks af landsbyggðinni til höfuð-
borgarsvæðisins. Á höfuðborgar-
svæðinu muni fjölga um 50 þúsund
manns á næstu 20 árum um leið og
um 24 þúsund manns flyttu brott
af landsbyggðinni.
Til þess að sporna við þeirri þróun
sögðu þeir þurfa að staðsetja nýtt
álver utan Faxaflóasvæðisins og
voru Eyjafjörður og Reyðarfjörður
nefndir sem vænlegir kostir. „Stað-
setning stóriðju við Eyjafjörð eða
Reyðarfjörð er gott tækifæri til að
jafna búsetu í landinu í samræmi
við þjóðarhag. Margfeldisáhrif stór-
iðju á landsbyggðinni ná einnig til
höfuðborgarsvæðisins, Stóriðja við
Faxaflóa hefur hins vegar eingöngu
margfeldisáhrif á höfuðborgarsvæð-
inu, en aukna byggðaröskun á lands-
byggðinni í för með sér. Sú þróun
kemur höfuðborgarsvæðinu í koll um
síðir,“ sagði Einar Már Sigurðsson
foraður Sambands sveitarfélaga í
Austurlandskjördæmi.
Þeir lögðu áherslu á mikilvægi
jarðganga á Vestfjörðum, enda tæki
sú framkvæmd ekkert frá öðrum
vegaframkvæmdum og væri for-
senda öflugrar byggðar á norðan-
verðum Vestfjörðum, þar sem ísa-
fjörður væri þjónustukjarni fyrir
byggðirnar í kring. Ennfremur
minntu þeir á að Alþingi hefði ákveð-
ið virkjun í Fljótsdal, sem væri undir-
staða margskonar uppbyggingar og
framþróunar á Austurlandi.
„Það er trú fulltrúa landshluta-
samtakanna að með sterkri sam-
stöðu á Alþingi og meðal þjóðarinn-
ar verði tekið tillit til byggðahags-
muna af hálfu stjórnvalda og hinna
erlendu aðila þegar ákvörðun unm
staðsetningu álvers verður tekin.
Það er ekkert sem réttlætir upp-
byggingu stóriðju á íslandi, þrátt
fyrir að iðjuverið leiði til aukins hag-
vaxtar, ef öðrum meginhagsmunum
þjóðarbúsins er jafnhliða stefnt í
hættu," sagði Einar Már.
Fulltrúar landshlutasamtakanna
gengu á fund iðnaðarráðherra
síðdegis í gær og afhentu honum
greinargerð þar sem framangreind
atriði koma fram og kynntu honum
sjónarmið sín.
Landsmót hestamanna 1990:
Norðlenskir hestamenn
tilbúnir að taka á móti
15.000 mótsgestum
BÚIST er við að 10-15.000 manns komi á landsmót hestamanna
sem haldið verður á Vindheimamelum í Skagafirði 3.-8. júlí í sum-
ar. Að sögn Ingimars Ingimarssonar sem sæti á í framkvæmda-
neftid mótsins eru allar lramkvæmdir á svæðinu miðaðar við að
hægt verði að taka á móti 15.000 gestum.
Þegar hefur verið ákveðið að
125 félagar verði á bak við hvern
hest í gæðinga og unglingakeppni.
Miðað við félagaskrár hesta-
mannafélaganna um síðustu ára-
mót taka því 90 hestar þátt í
keppni í hverjum flokki fyrir sig í
A- og B-flokki gæðinga og barna-
og unglingaflokki, eða 14-15 hest-
um fleira í hveijum flokki en á
siðasta landsmóti sem haldið var
1986.
í fyrra var hafist handa við að
steypa sökkla undir þær viðbygg-
ingar sem ráðist verður í fyrir
mótið. Veitingahúsið verður
stækkað og stækkar salur þess um
helming við breytinguna. Stóð-
hestahúsið verður stækkað og mun
rúma 50 hross. Nýr dómvöllur fyr-
ir kynbótahross hefur verið gerður
og áhorfendabrekkur lengdar.
Einnig verður byggt við þá snyrt-
iaðstöðu sem fyrir er á svæðinu.
Á meðan á mótinu stendur verð-
ur rekin nýlenduvöruverslun auk
veitingasölu. Tjaldstæði og hjól-
hýsastæði eru á svæðinu og þar
verða reist vatnssalerni.
Mótið hefst þriðjudaginn 3. júlí
með kynbótadómum. Svæðið verð-
ur opnað föstudaginn 29. júní og
verður þá byijað að selja inn. Verð
aðgöngumiða fyrir alla mótsdag-
ana verður 4.500 krónur en lækkar
á iaugardagskvöldið í 2.500 krón-
ur.
Boðið verður upp á hagabeit
fyrir ferðahross og kostar sólar-
hringurinn 100 krónur á hross. í
nágrenni við mótsvæðið er mikið
beitiland og sagði Ingimar að svo
framarlega sem árferði yrði venju-
legt ætti það að duga fyrir þann
fjölda sem búist er við.
Fjölbreytt dagskrá verður á
landsmótinu svo sem kynbótadóm-
ar, gæðingakeppni, unglinga-
keppni og kappreiðar. Auk þess
verður haldið alþjóðlegt mót þar
sem keppt verður í ijórgangi og
fimmgangi. Öllum aðildarlöndum
alþjóðasamtaka eigenda íslenskra
hesta, FEIF, er boðin þátttaka og
er gert ráð fyrir að þau sendi lands-
meistara sína árið 1989 á mótið.
Keppendur munu væntanlega
draga um hvaða hrossi þeir keppa
á.
Þá munu úrvalstöltarar keppa.
Sett verða ströng skilyrði fyrir
þátttöku og þurfa hestarnir að
hafa hlotið 85 - 90 punkta á síðustu
tveimur árum.
Lágmarkstími hefur verið
ákveðinn fyrir kappreiðahross og
er hann sem hér segir: 150 m.
skeið 16,5 sek., 250 m. skeið 24,5
sek., 250 m. stökk 19,5 sek., 350
m. stökk 26,0 sek., 800 m. stökk
63,5 sek. og 300 m. brokk 40 sek.
Lokadagur skráningar er 5. júní
nema fyrir kynbótahross. Skrán-
ingarblöð liggja frammi hjá hesta-
mannafélögunum og stánda for-
menn þeirra skil á skráningum.
Þess má geta að lokum að for-
seti íslands frú Vigdís Finnboga-
dóttir mun heiðra mótsgesti með
nærveru sinni á landsmóti hesta-
"manna 1990.
Fagnaðarkonsert eftir Pál P. Pálsson:
Tónverk í þakklætis-
skyni og* einleikur á gítar
Ljósm./JÁ.
Mynd tekin á æfingu í Háskólabíói. Frá vinstri: Werner Schulze
kontrabass sarrúsaphonleikari, Páll P. Pálsson tónskáld, Karsten
Andersen hljómsveitarstjóri og Arnaldur Arnarson gítarleikari.
eftir Rafn Jónsson
Á áskrifatartónleikum Sin-
fóníuhljómsveitarinnar í Há-
skólabíói fimmtudaginn 26. apríl
kl. 20.30 verða flutt þijú verk:
Concerto di Giubileo, eftir Pái P.
Pálsson, Concierto de Aranjuez
eftir Joquin Rodrigo og Sinfónía
nr. 8 eftir Dvorák.
Concerto di Giubileo, Fagnað-
arkosert, samdi Páll P. Pálsson í
tilefni af 40 ára afmæli Sinfóníu-
hljómsveitarinnar í mars. Annað
verkið hefur heldur ekki heyrst
áður hérlendís, Concierto de Ar-
anjuez eftir Joaquin Rodrigo. Ein-
leikari í þessu verki verður Am-
aldur Arnarson, sem leikur nú í
fyrsta sinn einleik með Sinfóníu-
hljómsveitinni. Þriðja verkið verð-
ur svo Sinfónía nr. 8 eftir An-
tónín Dvorák. Dvorák samdi þetta
verk 1888, skömmu eftir að hann
hóf störf á Englandi.
Þakklætísvottur til
hljómsveitarinnar
Páll P. Pálsson var í leyfi frá
störfum með Sinfóníuhljómsveit-
inni í fyrra, en hann hefur verið
fastráðinn stjómandi hennar frá
1971. Hann hefur þó starfað með
hljómsveitinni allt frá stofnun
hennar 1950, er hann var nýkom-
inn til landsins frá Austurríki, þar
sem hann er fæddur. Hann dvaldi
í fæðingarbæ sínum, Graz, í Con-
certante, sem íslenska hljómsveit-
in frumflutti í maí í fyrra með
einleikurunum Ásgeiri Steingr-
ímssyni, Þorkeli Jóelssyni og Oddi
Björnssyni.
í stuttu spjalli um nýja verkið
Concerto di Giubielo, eða Fagnað-
arkonsertinn, sagði Páll að þetta
væri þakklætisvottur til hljóm-
sveitarinnar fyrir að fá að starfa
með henni frá upghafi. Um verkið
sagði hann: — Ég samdi þetta
verk með Sinfóníuhljómsveit ís-
lands í huga og einstaka hljóð-
færaleikara. Það eru kaflar í verk-
inu, sem era mjög krefjandi tíl
sérhvers hljóðfærahóps. Ég
hlakka til að hiusta á verkið und-
ir stjórn Karstens Andersen. Við
þekkjumst vel frá því hann var
hér aðalstjómandi og sem gestur.
Annars skiptist verkið í þrjá sam-
tengda þætti og tekur um 20
mínútur í flutningi. Einn aust-
urrískur hljóðfæraleikari bætist í
hóp hljómsveitarmanna. Hann
heitir Werner Schulze og leikur á
kontrabass sarrúsaphon, sem er
bláturshljóðfæri með dýpri tón en
þekkist í blásturshljóðfærum hér.
— Fríið, sem ég fékk hjá hljóm-
sveitinni, var kærkomið, sagði
Páll. Það var gott að komast í
burtu og semja tónlist í fullkomn-
um friði. Þótt ég hafi verið í fæð-
ingarbæ mínum Graz, í fríinu,
fannst mér ég þó vera kominn
heim, þegar ég kom hingað aftur,
enda verið búsettur hérlendis í
meira en 40 ár.
Einleikarinn og stjórnandinn
Einleikarinn Arnaldur Arnar-
son er búsettur í Barcelona á
Spáni. Hann er rúmiega þrítugur
og hefur stundað gítarleik frá því
hann hóf gítamám í Svíþjóð 10
ára gamall. Hann stundaði einnig
nám í Tónskóla Sigursveins D.
Kristinssonar og lokapróf tók
hann frá Royal Northern College
of Music í Manchester á Englandi
1982. Meðal kennara hans þar
var John Williams. Þá stundaði
hann einnig frarrthaldsnám á
Spáni. Arnaldur stundar kennslu
í tónlistarskóla í Barcelona og
hefur haldið tónleika þar í landi,
auk Englands og flestum Norður-
landanna. Rodrigo samdi gítar-
konsertinn 1940. Þetta er hefð-
bundinn konsert í þremur þáttum
og langþekktastur allra gítarkon-
serta.
Stjómandi á tónleikunum á
fimmtudaginn verður Karsten
Andersen, sem er íslendingum að
góðu kunnur. Hann var aðal-
stjórnandi Sinfóníuhljómsveitar-
innar um fjögurra ára skeið á
árunum 1973-77 og hefur stjórn-
að nokkrum sinnum hér síðan.
Hann var aðalstjórnandi Harmon-
inen í Bergen í Noregi um árabil
uns hann fór á eftirlaun. Hann
er nú prófessor við Tónlistarhá-
skólann í Osló.
Öll starfsemi Sinfóníunnar
í Háskólabíó
í þessari viku standa yfir flutn-
ingar á starfsemi Sinfóníuhljóm-
sveitarinnar úr Gimli yfir í Há-
skólabíó. Hljómsveitin fær til ráð-
stöfunar húsnæðið, sem Lands-
bankinn var áður í. Símanúmer
er óbreytt, en afgreiðsla aðgöngu-
miða verður framvegis daglega í
Háskólabíói frá kl. 13.00-20.00.
9. sinfónía Beethovens á
síðustu áskriftartónleikum
Síðustu áskriftartónleikar Sin-
fóníunnar verða 17. maí í vor.
Upphaflega stóð til að flytja óper-
una Turandot eftir Puccini, en
horfið hefur verið frá því af sparn-
aðarástæðum. í staðinn hefur ver-
ið ákveðið að flytja 9. sínfóníu
Beethovens, en nú eru nokkur ár
síðan það verk var síðast flutt
hérlendis. Auk hljómsveitarinnar
munu einsöngvararnir Sylvia
Larsson, Sigríður E. Magnúsdótt-
ir, Garðar Cortes, Guðjón Óskars-
son og Fílharmóníukórinn taka
þátt í flutningi verksins.
Höfundur er kynningarfulltrúi
Sinfómíuhljóms veitar íslands.