Morgunblaðið - 25.04.1990, Blaðsíða 19

MORGUNBLAÐIÐ MIÐVIKUDAGUR 25. APRIL 1990
19
Fjölmenni var við opnun listamiðstöðvarinnar. Listamiðstöðin Straumur.
Listamiðstöðin Straumur
formlega tekin í notkun
TALIÐ er að á milli 600-800 manns hafí verið viðstaddir er lista-
miðstöðin Straumur við Straumsvik var formlega opnuð i síðustu
viku. Að sögn Sverris Ólafssonar, einn af aðstandendum Straums,
verður gjörbylting á starfi og högum íslenskra listamanna með
tilkomu listasafnsins.
Húsnæðið er eitt þúsund fer-
metrar að stærð en fyrirhugaðar
eru stórar viðbætur við listamið-
stöðina. í vor verður reist sérverk-
stæði fyrir bronssteypu og ráð-
gert er að reisa fleiri verkstæði.
Hafnarfjarðarbær leggur til
húsið og jörðina og hefur auk
þess lagt til rúmar sjö milljónir
króna til lagfæringa á húsinu
Straumi. Sagði Sverrir að bæjar-
yfirvöld hefðu verið einstaklega
jákvæð fyrir þessu máli og sýnt
íslenskum listamönnum ómetan-
legan stuðning með framtakinu.
Sverrir sagði að stöðugur
straumur fólks hefði legið að
Straumi alla síðustu helgi að
skoða listamiðstöðina. Þar voru
til sýnis verk eftir listamennina
Andreas Green, Þjóðveija sem
verið hefur gestalistamaður í
Hafnarborg að undanförnu,
Gunnlaug Stefán Gíslason, Val-
gerði Bergsdóttur, Pétur Hall-
dórsson; Borghildi Oskardóttur og
Sverri Olafsson.
Morgunblaðið/Ámi Sæberg
Sverrir Ólafsson, einn af aðstandendum Straums, tekur við pen-
ingagjöf frá formanni soroptimistasamtakanna í Hafnarfirði, Lov-
ísu Christiansen, í tilefni opnunar listamiðstöðvarinnar.
Fyisti fundur samstarfsnefiidar
Islands og EB um vísindamál
FYRSTI fundur samstarfsneftidar íslands og Evrópubandalagsins
um vísindamál var haldinn í Reykjavík á mánudag. A fundinum var
farið yfir forsendur samvinnu á grundvelli rammasamnings milli
Islands og EB um samvinnu á sviði vísinda og tækni, og fulltrúar
beggja aðila veittu yfirlit um núverandi stöðu og forgangsverkefni.
Rammasamningur um samvinnu
á sviði vísinda og tækni milli ís-
lands og Evrópubandalagsins var
undirritaður í Brussel 30. október
1989, og staðfestur af hálfu fram-
kvæmdanefndar EB 12. janúar
1990. Gert er ráð fyrir að samning-
urinn verði fullgiltur af Alþingi fyr-
ir þinglok í vor.
A fundi samstarfsnefndarinnar
voru samþykktar reglur um starfs-
hætti, og samkomulag tókst um að
stefna að því að samningur um
fulla þátttöku íslendinga í áætlun
sem miðar að greiðari samskiptum
vísindamanna verði fullfrágenginn
innan skamms. ísland á þess kost
að tilnefna vísindamenn til þátttöku
í ráðgjafarnefnd áætlunarinnar, og
má hefja undirbúning umsókna frá
vísindamönnum og stofnunum nú
þegar. Enn hefur ekki verið ákveð-
ið af íslands hálfu hvort sótt verði
um fulla þátttöku í öðrum áætlun-
um EB að svo stöddu, en samþykkt
var að kanna á hvern hátt íslend-
ingar gætu tekið virkan þátt í ein-
stökum rannsóknar- og þróunar-
verkefnum EB. Gert hefur verið
samkomulag um þátttöku íslend-
inga í verkefni innan svonefndrar
FLAIR-áætlunar sem fjallar um
rannsóknir á matvælum frá sjónar-
hóli neytenda, og lýst hefur verið
áhuga á að kanna möguleika á
þátttöku í verkefnum áætlunar um
framleiðslu- og efnistækn.
Með tilliti til forgangssviða bæði
íslands og EB gerir samstarfs-
nefndin ráð fyrir að eftirfarandi
svið séu vænlegust til samvinnu á
næstu árum: Efnistækni, fiskveiða-
og vinnslutækni, umverfisbreyting-
ar og náttúruógnir, iðntækni er lýt-
ur að framleiðslu fiskmetis og ann-
arra matvæla, orkumál, líftækni og
læknisfræðilegar rannsóknir og
heilbrigðisrannsóknir. Gert er ráð
fyrir að tilnefndur verði af Islands
hálfu tengiliður fyrir hvert þessara
sviða, en miðstöð upplýsingamiðl-
unar verði hjá Rannsóknarráði
ríkisins.
Fund samstarfsnefndarinnar
sátu af íslands hálfu fulltrúar frá
Vísindaráði og Rannsóknaráði ríkis-
ins, Háskóla íslands, menntamál-
arðuneytinu og utanríkisráðuneyt-
inu. Níu manna sendinefnd frá EB
var undir forystu Philippe Bourde-
au, framkvæmdastjóra umhverfis-
og orkumála í vísindadeild banda-
lagsins.
Sveitarsjóður Grundarflarðar:
Skuldir lækkaðar um helming
HAGUR sveitarsjóðs Grundarijarðar hefur batnað verulega á
síðustu fjórum árum og eru skuldir nú helmingur þess sem þær
voru árið 1986. Ólafur Hilmar Sverrisson, sveiLarstjóri, segir að
þennan árangur megi þakka samstilltu átaki meirihluta hrepps-
nefiidar, sem ákvað í byrjun kjörtímabilsins að endurskoða rekst-
ur sveitarfélagsins.
Ársreikningur sveitarsjóðs í
Grundarfirði fyrir árið 1989 var
nýlega samþykktur. Heildarskuld-
ir um síðustu áramót voru rúmar
50 milljónir króna, en voru rúmar
105 milljónir árið 1986, reiknaðar
á verðlagi í desember síðastliðn-
um.
„Rekstur sveitarfélagsins var
endurskipulagður í upphafi þessa
kjörtímabils til að ná niður miklum
fjármagnskostnaði, sem stóð
framkvæmdum sveitarsjóðs fyrir
þrifum," sagði Ólafur Hilmar
Sverrisson, sveitarstjóri, í samtali
við Morgunblaðið. „Það var ákveð-
ið að ljúka þeim framkvæmdum,
sem þegar voru hafnar, en fara
sér hægt varðandi nýjar fram-
kvæmdir og beita ítrasta aðhaldi.
Við höfum náð góðum árangri ,og
ætlum að halda í horfinu. Við
höfum svigrúm til ýmissa fram-
kvæmda og færum okkur svo
smám saman upp á skaftið. Nú
höfum við lokið við byggingu
íþróttahússins, sem var hafin
1979, en það var fokhelt í upp-
hafi kjörtímabilsins. Þá er lokið
við hafnarframkvæmdir, sem hóf-
ust 1982 og loks er núna unnið
að byggingu miðlunargeymis fyrir
vatnsveituna.“
Ólafur sagði að hlutfall heildar-
skulda sveitarfélagsins af tekjum
þess væru 71% og veltufjárhlutfal-
lið hefði breyst úr 0,62 árið 1986
í 2,62 árið 1989. Rekstrarafgang-
ur til fjárfestinga og afborgana
af lánum nam í fyrra rúmum 24
milljónum króna.
Morgunblaðið/Eyrún
Snjóþyngsli í Mýrdal
Fannfergi var með ólíkindum í Mýrdal í vetur og fóru ábúendur í
Sólheimahjáleigu ekki varhluta af því. Snjóinn dreif í slíka skafla
við bæinn, að þar var nánast allt á kafi um páskana, tijágróður,
gróðurhús og snúrustaurar. Hún Jóna Sólveig Magnúsdóttir er ekki
há í loftinu enda aðeins fjögurra ára en hún nær nærri jafn hátt
og staurinn og róluna notar hún vara fyrr en um hvítasunnu þó
sumarið sé komið samkvæmt almanakinu.
■ SVEITARSTJÓRN Bíldudals-
hrepps fordæmir þau vinnubrögð,
sem viðhöfð hafa verið við samein-
ingu Auðkúlu- og Þingeyrar-
hreppa. Einstrengingsleg viðhorf
frú Jóhönnu Sigurðardóttur, fé-
lagsmálaráðherra, stofna í stóra
hættu þeim friði, sem ríkt hefir í
Arnarfirði um aldir. Það er álit
Bílddæla og annarra Arnfirðinga
að stjórnvöldum beri skylda til að
veija rétt hinna minnimáttar og
beita hann hvorki ofríki né ofbeldi,
segir_ íályktun_ _ frá sveitarstjórn
Bíldudalshrepps.
■ NEYTENDASAMTÖKUNUM
hafa borist fjölmargar kvartanir
vegna lélegra kartaflna. Minnt er
á, að Neytendasamtökin hafa stutt
það að innflutningur á kartöflum
og grænæmeti verði þá aðeins
leyfður, að ekki sé fyrir hendi inn-
lend gæðaframleiðsla á hóflegu
verði. Ljóst er að gæði þeirra kart-
aflna, sem nú eru á boðstólum, eru
langt frá því að vera viðunandi.
Þessvegna krefjast Neytendasam-
tökin þess að þegar verði heimilað-
ur innflutningur á gæðakartöflum,
segfr’í Trétt' Tra ’sámfÖkúnúm."