Morgunblaðið - 10.05.1990, Blaðsíða 32
32
MORGUNBLAÐIÐ FIMMTUDAGUR 10. MAI 1990
Bæjarstjórn Akureyrar:
Einhliða samþykkt
ekki skynsamleg
- sögðu bæjarfulltrúar vegna tillögu um stoftiun
þverpólitísks, faglegs hóps um álversumræðuna
ÞÓRARINN E. Sveinsson, Framsóknarflokki, lagði fram tillögu á
^jæjarstjórnarfundi á Akureyri í fyrradag, um að stofhaður yrði
þverpólitískur faglegur hópur, sem aflaði sér umboðs sveitarfélag-
anna 16 á svæðinu, til umræðna og stöðumats EyjaQarðar vegna
hugsanlegs álvers. Hluti bæjarfulltrúa furðaði sig á tillögunni og
var henni vísað til bæjarráðs.
Sigríður Stefánsdóttir, Alþýðu-
bandalagi, og Freyr Ófeigsson,
Alþýðuflokki, sögðust ekki skilja
tillögu Þórarins og sagði Freyr það
varhugavert að gera einhliða sam-
þykkt bæjarstjórnar án þess að
hafa áður samráð við svéitar-
stjórnir á svæðinu. „Slikt er mál-
inu ekki til framdráttar,“ sagði
Freyr og bætti við að hann hefði
fyrst séð tillöguna á fundinum og
það væri „ábyrgðarlaust að henda
henni fyrirvaralaust inn í bæjar-
stjórn".
Forseti bæjarstjórnar, Sigurður
J. Sigurðsson Sjálfstæðisflokki,
taldi meginatriði málsins að það
væri ekki Akureyringa einna. „Það
eru ekki bara Akureyringar heldur
íbúar á Eyjafjarðarsvæðinu sem
eru að beijast fyrir þessu brýna
hagsmunamáli landsbyggðarinn-
ar. Því er ekki skynsamlegt að
bæjarstjórn Akureyrar sé að gera
sérstakar ályktanir án samráðs við
nágranna sína í þessu máli,“ sagði
Sigurður og undirstrikaði þá skoð-
un sína hve mikilvægt væri að
landsbyggðin yrði fyrir valinu ef
nýtt álver yrði reist, því það mun
hafa svo alvarleg áhrif í för með
sér hvað byggðaþróun varðar að
ekki verður til baka snúið ef það
rís á Reykjanesi.
Tillaga Þórarins gerir ráð fyrir
að umræddur starfshópur starfi
með Iðnþróunarfélagi Eyjafjarðar,
og skuli framkvæmdastjóri þess
kalla hópinn saman hið fyrsta.
Tilnefndir eru sex fulltrúar ákveð-
inna fagsviða í hópinn. í tillögunni
t'^egir: „Nauðsynlegt er að opna
umræðuna og gera starfið fag-
legra og markvissara á þeim örfáu
vikum, sem eftir eru þar til ákveð-
ið verður hvar væntanlegu álveri
verður valinn staður.“ Flutnings-
maður sagðist telja nauðsynlegt
að lyfta ýmsum upplýsingum upp
á yfirborðið, hópurinn væri hugs-
aður til stuðnings héraðsnefnd og
Iðnþróunarféiagi Eyjafjarðar, sem
hafa unnið að málinu, ekki til höf-
uðs neinum.
Sigfús Jónsson, bæjarstjóri,
benti á vegna tillögu Þórarins, að
fyrirtækið yrði staðsett í öðru
sveitarfélagi, ef það yrði sett upp
í Eyjafirði á annað borð. Hann
minnti á að formleg viðræðunefnd
hefði verið starfandi og að sam-
starf sveitarfélaga á svæðinu væri
fyrir hendi. Sigfús upplýsti að
rætt hefði verið um stofnun
Byggðasamlags, sem sæi um þá
þætti málsins sem snúa að sveitar-
félögunum og snerta stóriðju á
svæðinu, ef af verður, svo sem
skattamál, rekstur og fleira. Bæj-
arstjóri sagðist telja heppilegast
að viðræður og samningar fari
fram „á pólitísku plani“, en þeir
sem sæju um þá hlið mála hefðu
svo sérfræðinga í hinum ýmsu
málefnum sér til aðstoðar. Sigfús
undirstrikaði þá staðreynd, að ekki
hefði enn verið ákveðið að álver
yrði byggt í landinu, „en ef það
kemur tel ég mjög líklegt að Ey-
firðingar eigi góða möguleika“,
sagði Sigfús.
Vangaveltur ígóða veðrinu
Morgunblaðið/Rúnar Þór
Sigríður Stefánsdóttir, bæjarfulltrúi Alþýðubandalags:
Rætt verði við ríkið um kaup á
hluta Akureyrar í Landsvirkjun
Ekki heppilegt að selja eignarhlutann nú, sagði Sigurður J. Sigurðsson Sjálfstæðisflokki
SIGRÍÐUR Stefánsdóttir, bæjarfulltrúi Alþýðubandalags, sagði við
síðari umræðu um ársreikninga bæjarsjóðs fyrir 1989, að Alþýðu-
bandalagið væri tilbúið, að „ræða við ríkið, ekki borgina, um kaup
á hluta Akureyrar í Landsvirkjun". Sigríður sagði Alþýðubandalag-
ið hafa verið andvígt þessu hingað til, en gat þess að ekki hefði
tekist að rétta við hag Hitaveitu Akureyrar, orkuverð fyrirtækisins
væri það hátt að slíkt gæti ekki gengið, og yrði hlutur Akureyrar
í Landsvirkjun seldur „gætum við lækkað nú þegar hitunarkostnað
á Akureyri og einnig veitt einhveiju fé í nauðsynlega atvinnuupp-
byggingu". Eignarhluti Akureyrar í fyrirtækinu er liðlega 5%.
Sigurður J. Sigurðsson, Sjálf-
stæðisflokki, sem er formaður
veitustjórnar, sagðist ekki á móti
því að eignarhluti Akureyrar í
Landsvirkjun yrði seldur, enda
hefði hann lagt til fyrir fjórum
ámm að það yrði gert, „við litlar
undirtektir fulltrúa Alþýðuband-
algs og Framsóknarflokks. Og var
þá staða fyrirtækisins mun slakari
og hitunarkostnaðurinn hærri en
nu
Sigurður sagðist hins vegar ekki
telja tímann nú heppilegan til að
selja eignarhluta bæjarins, því erf-
itt væri að meta verðgildi eignar-
innar meðan samningar um orku-
frekan iðnað standi yfir og bygging
nýrra orkuvera sé á áætlun. Þá
sagði hann það fráleitt að bjóða
einungis ríkinu hluta Akureyrar til
kaups, „því ef á annað borð yrði
tekin ákvörðun um að selja eignar-
hluta Akureyrarbæjar yrði að sjálf-
sögðu selt hæstbjóðanda, en ekki
einhveijum fyrirfram ákveðnum
aðila“.
Sigurður sagði Akureyringa búa
við sambærilegt orkuverð og íbúar
í Vestmannaeyjum, Borgarnesi og
Akranesi, á RARIK-svæðum og
orkubúi Vestfjarða. „Við erum með
samninga við ríkið sem koma til
endurskoðunar 1993, varðandi
fjárhagsstöðu þessara orkufyrir-
tækja. Ef Akureyringar ætluðu að
selja eignarhlutá sinn í Landsvirkj-
un nú til að greiða skuldir Hitavei-
tunnar, þá mætti búast við því að
krafa um lækkað orkuverð kæmi
fram frá þessum aðilum og það
yrði varla gert nema með því að
ríkið tæki yfir eitthvað af skuldum
þeirra fyrirtækja.“ Málið liti því
þannig út eins og Akureyringar
hefðu í raun selt hlut sinn fyrir
ekki neitt. „Það er því skynsam-
legra nú að horfa til þess tíma er
kemur að lokum þessa samnings
við ríkið og allir þessir aðilar sem
gerðu samkomulagið við ríkið á
sama tíma og Akureyri munu einn-
ig taka upp viðræður við stjórn-
völd um sín mál,“ sagði Sigurður
J. Sigurðsson.
■s--------------------------------
■ Vortónleikar orgeldeildar
Tónlistarskólans á Akureyri verða
haldnir í Akureyrarkirkju í kvöld
og hefjast kl. 20.30. Nemendur á
öllum stigum flytja orgel- og kamm-
erverk eftir Bach, Buxtehude,
ÚTIHURÐIR
Mikið iuval. Sýningarhuröir á staðnum.
Tró-x búðin, Smiöjuvegi 30, s. 670777,
Brúnás, Ármúla 17, Rvík, s. 84585 og
84461, Tré-x, löavöllum 6, Keflavík, s.
92-14700, Trósmiðjan Börkur, Frosta-
götu 2, Akureyri, s. 96-21909.
Reger, Jón Þórarinsson og fléiri.
Aðgangur er ókeypis.
■ Samtök um sorg og sorgar-
viðbrögð haida almennan fund í
Safnaðarheimili Akureyrar-
kirkju í kvöld og hefst hann kl.
20.30. Björg Bjarnadóttir sál-
fræðingur verður til viðtals á fund-
inum. Allir eru velkomnir.
■ Skógræktarfélag Eyfírðinga
er 60 ára á morgun. Félagið, sem.
er elsta skógræktarfélag á Islandi,
heldur hátíðafúnd á laugardaginn,
12. maí, og hefst hann að loknum
aðalfundi félagsins, kl. 16.00 í Al-
þýðuhúsinu á Akureyri. í lok
aðalfundarins verða tilkynnt úrslit
í samkeppni um myndverk, sem
efnt var til meðal grunnskólanem-
enda I Eyjafirði, og opnuð sýning
í Dynheimum á úrvali verka sem
bárust. Þá verður uppeldisstöðin
i Kjarna opin almenningi sunnu-
daginn 13. maí frá kl. 14.00 til
17.00 og starfsemin kynnt.
Sæplast hf. á Dalvík:
Fiskiker til Skotlands
fyrir 30 milljónir kr.
SÆPLAST hf. á Dalvík gekk
nýverið frá samningi um sölu
2.000 fískikera til Skotlands,
fyrir um 30 milljónir króna.
Pétur Reimarsson, fram-
kvæmdastjóri Sæplasts, sagði við
Morgunblaðið að kerin færu í
nokkur fyrirtæki, og væru aðal-
lega hugsuð undir síld og makríl.
„Hluti keranna fer um borð í skip
og hluti verður í landi — fyrir
geymslu og flutning."
Pétur sagði þessa sölu til Skot-
lands hafa verið á döfínni í tals-
verðan tíma en Sæplasti hafi ný-
lega borist staðfesting að utan og
bytjað væri á að framleiða upp í
samninginn. „Þetta er rétt um
mánaðarframleiðsla í fyrirtækinu.
Við stefnum að því að afgreiða
megnið af pöntuninni í júní,“ sagði
hann.
Framkvæmdastjórinn gat þess
að Sæplast hefði verið aðili að
rannsókn á fiskikerum, sem gerð
var í Hollandi. Ker fyrirtækisins
hefðu komið mjög vel út úr þeirri
rannsókn og e.t.v. mætti rekja
söluna nú til hennar. Þess má
geta að nánar er greint frá nefndri
rannsókn í Viðskiptablaði Morg-
unblaðsins í dag, á bls. B16.