Morgunblaðið - 10.05.1990, Blaðsíða 50
T
50
MORGUNBLAÐIÐ FIMMTUDAGUR 10. MAI 1990
■ Alér \/ar a/drei um hunc/a- gefiá/
Ast er...
s- 7
... að standa við hlið
hans i glompunni.
TM Reg. U.S. Pat Off.—all rights reserved
° 1990 Los Angeles Times Syndicate
Með
morgunkaffinu
Af skiljanlegum ástæðum
verður þú að fara um leið
og dimmir ...
Afkomendurnir munu
halda að hér hafi búið
risar...
HÖGNI HKI.KKVISI
Svar við fyrirspum
Velvakanda hefiir borist eftir-
farandi bréf frá skrifstofu borg-
arstjóra sem svar við fyrirspurn
„Kjósanda" hér á síðunni 8. maí.
Gatnagerðargjöld eru ákveðin
samkvæmt lögum og reglugerð
um gatnagerðargjöld og eru mishá
eftir því, hvort um er að ræða ibúð-
arhúsnæði, atvinnuhúsnæði
o.s.frv. og einnig eftir íbúðarhúsa-
gerðum, svo sem fyrir einbýlishús,
raðhús o.s.frv. Gatnagerðargjöld-
um er varið til lagningar gatna
og holræsa. Greiðsla þeirra veitir
engin sérstök hlunnindi í sjálfu
sér, heldur felast þau gæði, sem
fyrirspyijandi nefnir, í skipulagi
viðkomandi hverfis. Tiltekin þjón-
ustustarfsemi getur að vissum
skilyrðum uppfylltum rúmast inn-
an slíks skipulags, en til hennar
þarf samþykki byggingarnefndar
og eftir atvikum einnig annarra,
svo sem skipulagsnefndar, heil-
brigðisráðs o.fl. Reyndar eru slíkar
leyfisumsóknir frekar fátíðar.
Vissulega getur verið um að ræða,
að þjónusta af því tagi, sem fyrir-
spyijandi nefnir, sé stunduð í svo
smáum stíl, að ekki sé um eiginleg-
an rekstur að ræða, eða jafnvel
án leyfis og vitundar byggingar-
nefndar.
Alkunna er, að innflutningur
bifreiða á undanfömum árum hef-
ur aukist mun meira en forsendur
skipulags nýlegra borgarhverfa
gerðu ráð fyrir, að ekki sé talað
um eldri hverfí. Hefur afleiðingin
m.a. orðið sú, að sums staðar er
skortur á bílastæðum. Við þessu
hefur verið brugðist með auknum
kröfum um bílastæði í nýjum
hverfum og fjölgun bílastæða í
ýmsum eldri hverfum. Þegar af-
staða er tekin til umsókna um leyfí
fyrir þjónustustarfsemi í íbúða-
hverfum, eru bílastæðamál á með-
al þeirra atriða, sem byggingar-
nefnd hugar að.
Víkverji skrifar
Tímamót verða í íslenzkri knatt-
spyrnusögu á laugardaginn
þegar Asgeir Sigurvinsson leikur
sinn síðasta leik sem atvinnumaður.
Þar með lýkur þekktasti knatt-
spyrnumaður íslands löngum og
glæsilegum ferli. Asgeir hefur leik-
ið með íslenzka landsliðinu allar
götur frá 1972 og það þykir örugg-
lega fleirum en Víkveija einkenni-
leg tilhugsun að eiga ekki eftir að
sjá Ásgeir klæðast oftar bláu lands-
liðspeysunni.
Ásgeir varð 35 ára á þriðjudag-
inn og honum fannst tími til kpminn
að leggja skóna á hilluna. Ásgeir
hefur leikið vel í vetur, þ.e. þegar
hann hefur verið heill heilsu, og
félag hans Stuttgart bað hann að
leika eitt ár til viðbótar. En ákvörð-
un Ásgeirs varð ekki haggað.
Enda eru árin orðin mörg og leik-
irnir sömuleiðis. Hann byrjaði að
leika með Vestmanneyingum í 1.
deild 1972. Haustið 1973 gerðist
hann atvinnumaður hjá Standard
Liege í Belgíu og lék með Iiðinu í
8 ár. Þaðan fór hann til Bayern
Munehen 1 Þýzkalandi og lék með
því liði í éltt ár en var svo seldur
til Stuttgart og þar hefur hann
verið í 8 ár. Hann er því að ljúka
sínu 19. keppnistímabili. Ekki veit
Víkveiji hve marga leiki Ásgeir
hefur spilað á ferlinum en þeir nálg-
ast eflaust töluna 1.000.
Helstu kostir Ásgeirs sem knatt-
spyrnumanns voru leikni, mikill
hraði, gott auga fyrir samspili og
síðast en ekki síst frábærar send-
ingar á samheija. Helstu knatt-
spyrnufræðingar Evrópu telja Ás-
geir í hópi örfárra knattspyrnu-
manna, sem geta sent knöttinn með
hárnákvæmum spyrnum á sam-
heija yfir þveran völlinn.
Víkveiji veit að hann talar fyrir
munn allra íslenz'kra knattspyrnu-
unnenda þegar hann notar_ þetta
tækifæri til þess að þakka Ásgeiri
fyrir fjölmargar ánægjustundir á
vellinum.
Umhverfismál eru að verða mál
málanna í dag, á því leik ur
enginn vafi. íbúar jarðar eru að
vakna upp við þann vonda draum
að nú eru að verða síðustu forvöð
að snúa við þróuninni ef tortíming
jarðar á ekki að verða staðreynd.
Fijálsræðið í Austur-Evrópu hefur
leitt í ljós þann hrollkalda sannleika
að þar er við að glíma mengunar-
vandamál af áður óþekktri stærð.
Og áfram mætti telja.
Fyrir örfáum árum voru þeir
álitnir séi-vitringar sem börðust fyr-
ir umhverfismálum. í dag er þetta
breytt, sem betur fer. Allur almenn-
ingur hefur skynjað hættuna og
vill ieggja sitt af mörkum.
Hreint loft, óspillt náttúra og
ómengaðar afurðir er það
sem fólk hefur áhuga á í dag. Þar
með hafa opnast meiri og betri
möguleikar til að markaðssetja ís-
land og íslenzkar afurðir en nokkru
sinni fyrr. Islendingar geta tekið
forystuna í umhverfismálum ef rétt
er á málum haldið. Ríkisstjórnin
hefur einmitt skipað sérstaka mark-
aðs- og útbreiðslumálanefnd, sem
m.a. á að taka á þessum þætti.
Víkveija er kunnugt um að nefndin
er að kanna marga athyglisverða
möguleika. Það kom fram í fréttum
í vikunni að nú munu vera starf-
andi yfir 550 nefndir á vegum ríkis-
ins. Markaðs- og útbreiðslumála-
nefndin er líklega sú mikilvægasta
þeirra í augnablikinu.
Söngvarinn og hjartaknúsarinn
Tom Jones er staddur hér á
landi um þessar mundir og heldur
hér fimm tónleika. Fyrstu tónleik-
arnir voru á Hótel íslandi í fyrra-
kvöld. Er skemmst frá því að segja
að söngvarinn sló rækilega í gegn
og var það mál manna að þetta
hafi verið með glæsilegustu dægur-
lagatónleikum sem haldnir hafa
verið hérlendis.