Morgunblaðið - 16.11.1990, Side 2

2
M0RtiU.NI5I.ADH) FÖSTUDAGUR 16. NÓVEMBER 1990
Kjaradeila FFSÍ og LÍÚ:
Lítið hefur þokast
í samkomulagsátt
Sáttafundi haldið áfram í dag
SÁTTAFUNDUR í kjaradeilu Farmanna- og fiskimannasambandsins
og Landsambands íslenskra útvegsmanna stóð yfir í fimm klukku-
stundir í húsi ríkissáttasemjara í gær. Um kvöldmatarleytið var fundi
frestað til kl. 10 í dag. Guðjón A. Kristjánsson, formaður FFSÍ, seg-
ir aðila hafa farið yfir málin á jákvæðum nótum. Kristján Ragnars-
son, formaður LÍÚ, segir fátt hægt að segja um stöðuna eftir fund
gærdagsins og tæpast hægt að segja að sjónarmið hafi nálgast.
„Þetta var vinnufundur þar sem samþykktum eina kröfu þá myndi
farið varyfir öll þessi mál ájákvæð-.
ari nótum en áður,“ sagði Guðjón.
Hann vildi þó ekki segja að líkur á
verkfalli hefðu minnkað eftir fund-
inn, en hann hefði verið gagnlegur.
Enn strandar á tveimur atriðum
Vestfjarðasamkomulagsins, tíma-
kaupsgreiðslu og slippfararkaupi.
Segjast yfirmenn halda fast við þá
kröfu að útvegsmenn ræði við þá á
sömu nótum og samið var um við
Bylgjuna á Vestfjörðum, og að allir
yfirmenn sitji við sama borð hvar
sem þeir eru á landinu.
„Við skoðuðum þessi ágreinings-
efni og leituðum leiða til lausnar á
þeim. Ég tel ekki að þokast hafi í
samkomulagsátt,“ sagði Kristján
Ragnarsson, formaður LÍÚ.
„Stærsta vandamálið er deilan
um tímakaupsmálin, því að ef við
það um leið vekja upp aðra kröfu,
þar sem það raskaði hlutföllum.
Þetta vandamál verða þeir að leysa
sjálfir,“ sagði Kristján.
Ummæli forsætisráðheira á
þriðjudag, um að stjórnvöld bjóðist
til'að greiða fyrir lausn deilunnar
með aðgerðum í öryggismálum sjó-
manna, hafa komið til umræðu inn-
an farmannasabandsins. Mun þar
einkum koma til greina að fá niður-
felldan virðisaukaskatt á flotbún-
ingum, sem hefur verið kröfumál
sjómanna. Þessi mál komu þó ekki
til umræðu á sáttafundinum í gær
og sagði Kristján Ragnarsson að
útvegsmenn hefðu ekkert frétt af
þessu boði ríkisstjórnarinnar og
vissu því ekki í hverju það væri
fólgið.
„Þetta er ekki sízt af því að
Atlantsálsmenn eiga eftir allmikla
vinnu sjálfír varðandi uppbygg-
ingu fyrirtækisins og samskipti
milli Atlantsálsaðilanna innbyrðis,
fjárhagsmál sín og þess háttar,“
sagði Jóhannes í samtali við Morg-
unblaðið í gærkvöldi.
Hann sagði að á sámningafund-
inum í Kaupmannahöfn hefðu
ummæli Per-Olofs Aronsson, for-
stjóra Gránges i Svíþjóð, um ál-
verið komið mönnum allmikið á
óvart. „Þær skoðanir voru ekki í
neinu samræmi við það, sem við
vorum að ræða hér, eða mat ■
manna á stöðunni hérna. Ég held
að það sé ljóst að það sem á stend-
ur í þessu efni er alls ekki pólitisk
afgreiðsla málsins heima heldur
mikil vinna, sem eftir er í málinu,
ekki siður af þeirra hálfu en okk-
ar,“ sagði Jóhannes.
Jóhannes var spurður hvort
hann teldi að undirritun samninga
um nýtt álver kynni að dragast
eitthvað fram á næsta ár. „Ég vil
ekki fullyrða neitt um það á þessu
stigi, en útiloka það heldur ekki,“
sagði hann.
Hluti þeirra sem skipað hafa samstarfshóp um úrbætur á fíkniefnavandanum. Talið frá vinstri: Erlend-
ur Baldursson, Haraldur Johannessen, Olafur Olafsson, Einar Gylfi Jónsson, Arnar Jensson og Ómar
Smári Ármannsson.
Hundruð ungmenna eiga við
vímuefnavandamál að stríða
FJÖLDI íslenskra ungmenna sem á við alvarleg vímuefnavanda-
mál að stríða skiptir hundruðum og er neyslan margfalt tíðari
meðal þeirra unglinga sem búa við erfiðar heimilisaðstæður, hafa
hætt í grunnskóla eða eru atvinnulausir en meðal þeirra er stunda
nám eða einhverja vinnu.
Jóhannes Nordal um álsamninga:
Meira er eftir en
menn höfðu vonað
Samningar gætu dregizt fram á næsta ár
JÓHANNES Nordal, formaður álviðraéðunefndar, sagði eftir fund
með fulltrúum Atlantsáls-hópsins í Kaupmannahöfn í gær að ekki
færi á milli mála að meira væri eftir í samningum um nýtt álver
á Keilisnesi en menn hefðu vonað fyrir nokkru síðan.
Þessar upplýsingar koma fram
í skýrslu sem Landlæknisembættið
hefur sent frá sér í kjölfar sam-
ráðsfunda sem haldnir voru ásamt
fulltrúum lögreglunnar í
Reykjavík, unglingadeild Félags-
málastofnunar, íþrótta- og tóm-
stundaráði, ménntamálaráðuneyti,
SÁÁ, Fangelsismálastofnun ríkis-
ins o.fl. um vandamál vegna vímu-
efnaneyslu unglinga.
í skýrslunni kemur fram að
fjöldi þeirra sem vistast á sjúkra-
stofnunum vegna vímuefnaneyslu
fer ört vaxandi. Ferill margra
þeirra hefur mótast af erfiðu upp-
eldi, brottfalli úr skóla og erfiðleik-
um að festa sig í starfi.
Á samráðsfundunum komu
fram ýmsar tillögur til úrbóta auk
þeirra sem þegar hefur verið grip-
ið til. Talið er nauðsynlegt að
stofnað verði vímuvarnaráð, s,em
komi í stað Áfengisvarnaráðs og
að settur verði á laggirnar forvarn-
arsjóður á vegum ríkisins. Talið
er að efla verði aðstqð við heimili
og fjölskyldur er minna mega sín,
gera skólum kleift að sinna betur
þeim nemendum sem eiga erfitt
með að fylgjast með í náminu og
stórefla rannsóknir á áhrifum upp-
eldis og skólavistar. Jafnframt
hefur hópurinn lagt til að Island
gerist aðili að samningi Samein-
uðu þjóðanna gegn ólöglegri versl-
un með fíkniefni og skynvilluefni.
Að sögn Arnars Jenssonar, full-
trúa hjá forvarnardeild lögregl-
unnar, er mikil þörf á aukinni
fræðslu og umfjöllun um fíkni-
efnavandann, þar sem fjöldi þeirra
ungmenna sem eigi við stórfelld
vandamál að stríða skipti ekki
tugum heldur hundruðum.
„Öll umfjöllun fjölmiðla, almenn
fræðsla og aukin vitneskja for-
eldra er nauðsynleg, þar sem við
tökum eftir því að í hvert sinn sem
umfjöllunin um fíkniefni eða mál
sem þeim tengjast eykst, slær það
á magn í umferð og unglingarnir
eiga erfiðara með að nálgast fíkni-
efnin,“ sagði Amar í samtali við
Morgunblaðið.
Hann sagði jafnframt að árleg
velta vegna fíkniefna hérlendis
væri að minnsta kosti 350 milljón-
ir króna, en að öllum líkindum
meiri.
Morgunblaðið selst
í 51 þúsund eintökum
MORGUNBLAÐIÐ seldist í
51.009 eintökum að meðaltali
hvern útgáfudag mánuðina júlí
til október síðastliðna, sam-
kvæmt upplagseftirliti Verslun-
arráðs Islands.
Á sama tímabili á síðasta ári
var dagssala Morgunblaðsins að
jafnaði 49.524 eintök, en á tíma-
bilinu apríl-júní á þessu ári 51.043.
eintök.
Morgunblaðið er eina dagblaðið
sem notfærir sér upplagseftirlitið.
í fréttatilkynningu frá Verslunar-
ráði íslands kemur fram, að hvergi
með sambærilegum þjóðum þekk-
ist að svo litlar upplýsingar fáist
um prentun og sölu blaða og tíma-
rita, nema ef vera kynni í Tyrk-
landi.
Aronson segir álverið í hættu
vegna stj órnmálamannanna
Samningaviðræðurnar hafa gengið vel, segir Robert G.
Miller aðstoðarforstjóri Alumax og talsmaður Atlantsáls
PER-OLOF Aronson forstjóri sænska álfyrirtækisins Granges
telur að ekkert kunni að verða af byggingu álvers á Islandi vegna
þess að íslenskir stjórnmálamenn séu svo uppteknir við að nota
þetta mál til að skora pólitísk mörk. Þetta sagði Aronson í viðtali
í viðskiptaþætti sænska útvarpsins í gærmorgun. Granges er eitt
þriggja fyrirtækja i Atlantsálshópnum sem ætlar að byggja álver
á Keilisnesi.
Robert G. Miller aðstoðarfor-
stjóri Alumax og talsmaður Atl-
antsálshópsins, segir að samn-
ingaviðræður um álver á Keilis-
nesi hafí gengið vel undanfarið
og ekkert bendi til að snurða
hlaupi þar á þráðinn. „Ég ætla
ekki að reyna að túlka orð Aron-
sons en ég held að hann hafi ver-
ið að lýsa svipuðum áhyggjum og
ég hafði í síðasta mánuði. Aronson
hefur ekki, í samtölum við okkur,
gefið í skyn að þarna sé neitt
annað á bakvið,“ sagði Miller.
Aronson sagði að á íslandi
væru margir stjórnmálaflokkar,
þar væru ólík sjónarmið og marg-
ir vildu gjarnan notfæra sér þessa
framkvæmd í eigin pólitíska þágú,
enda ætti hún sér ekki fordæmi
þar í landi hvað varðaði stærð og
efnahagslega þýðingu. „Eins og
við skiljum þessi merki og þann
ákvarðanaferil sem nú er í gangi,
þá eru þar viss hættumerki,"
sagði Arönson í viðtalinu.
Hann vildi þó ekki svara spurn-
ingu útvarpsmanns hvað hann
mæti hættuna mikla á að álverið
risi ekki á íslandi. „Ég vil fyrst
sjá hvort pólitísk ákvarðanataka
virkar á Islandi. Geri hún það
ekki þá verður ekkert af þessu
verkefni."
Þegar Aronson var spurður
hvaða aðra möguleika Gránges
hefði, sagði hann að hægt væri
að byggja álver í Kanada, Ástr-
alíu og Suður-Ameríku.
Miller sagðist telja að þeir sem
hefðu fylgst náðið með framvindu
mála í samningum um álverið,
væru nú rólegri en fyrir nokkrum
vikum. „Samningaviðræður hafa
gengið vel og þessa stundina
leggja samningamenn hart að sér
í Kaupmannahöfn. Ég held því
að það megi ekki oftúlka ummæli
Aronsons,“ sagði Miller.
Hann bætti við að samninga-
gerðin um álver á íslandi væri
mjög flókin vegna þess að álverið
væri gríðarmikið verkefni.
„Stundum finnst mér menn ekki
skilja hversu erfitt þetta er og
hvað þarf að taka tillit til margs
og finnist verkið því taka lengri
tíma en þörf sé á. En ég held að
báðir aðilar leggi sig fram við að
ná lausn á ágreiningsefnum.“
Týndur mað-
ur fannst
heill á húfi
GUNNLAUGUR Pálmason, 38
ára maður sem undanfarnar
vikur hefur í tvígang verið
saknað af ættingjum sínum, er
kominn fram heill á húfi. Hann
fannst í húsi í Reykjavík og að
sögn lögreglu gaf hann ekki
viðhlítandi skýringar á ferðum
sínum frá 30. október síðastliðn-
um.
Þann 3. nóvember var lýst eftir
manninum í fjölmiðlum að ósk
ættingja hans en tveimur dögum
síðar hafði hann samband við ætt-
ingja sinn og kvaðst vera á ótil-
teknum stað úti á landi. Síðan
hafði ekki til hans spurst og í
fyrradag var að nýju lýst eftir
honum að ósk ættingja. 1 fram-
haldi af því hafði maðurinn sam-
band við Iögregluna og óskaði eft-
ir að leit væri hætt, án þess að
gefa upp dvalarstað sinn. Síðdegis
í gær fann lögregla manninn í
húsi í austurborginni. Hann var
handtekinn og færður á lögreglu-
stöð þar sem gengið var úr skugga
um að hann væri sá sem hann
sagðist vera.