Morgunblaðið - 16.11.1990, Blaðsíða 31
MORGUNBLAÐIÐ FOSTUDAGUR 16. NOVEMBER 1990
31
4
slóðin, sem svo er nefnd, hefur lifað
mörg breytingaskeið í íslensku
þjóðfélagi, á sinni löngu ævi.
Einn af þessum þátttakendum
verður kvaddur frá Akraneskirkju
í dag. Guðmundur Engilbert Guð-
jónsson, en svo hét hann fullu
nafni, var fæddur í Kirkjubæ hér á
Akranesi 1. ágúst 1905.
Foreldrar hans voru Guðjón
Þórðarson foiTnaður og kona hans
Gróa Sigurðardóttir. Guðmundur
missti móður sína þegar hann var
tæplega sjö ára gamall. Þá var
hann tekinn í fóstur hjá Sigurði
Sigurðssyni móðurbróður sínum og
Guðlaugu Þorsteinsdóttur. Þau
bjuggu lengi á Litla-Teig á Akra-
nesi og voru jafnan kennd við þann
stað. Þau reyndust Guðmundi afar
vel og mat hann þau mikils.
Guðmundur byijaði ungurtil sjós
eins og títt var með unga menn,"
sem ólust upp í sjávarplássum í þá
daga. Hann byijaði á skútu, „Sig-
ríði“ frá Reykjavík, með Birni Jóns-
syni skipstjóra frá Ananaustum
vorið 1920, þá tæplega 15 ára.
Hann var svo með sama skipstjóra,
að tveimur sumrum undanskildum,
til síðari hluta árs 1931, fyrst sem
háseti og síðan sem ptýrimaður á
línuveiðaranum „Sigríði".
Guðmundur lauk farmannaprófi
frá Stýrimannaskólanum í Reykja-
vík 1925.
Haustið 1931 byijaði hann sem
skipstjóri á mb. Höfrungi, hjá Har-
aldi Böðvarssyni, og var skipstjóri
á ýmsum skipum til ársloka 1941,
en þá varð hann að hætta vegna
heilsubrests.
Árið eftir að hann kom í land
gerðist hann hafnarvörður á Akra-
nesi og gegndi því starfi til 1946.
Tók skömmu síðar að sjá um miðun-
arstöð, sem sett var upp á „Breið-
inni“ til þess að auðvelda bátum
og skipum innsiglingu til Akraness
í dimmviðri og var þetta afar mikið
öryggisatriði.
Þetta varáðuren „radarinn" kom
til sögunnar og þykir nú svo sjálf-
sagt öryggistæki að skip og bátar
láta ekki úr höfn nema það sé í
lagi. Samhliða miðunarstöðinni sá
Guðmundur um rekstur talstöðvar,
sem útvegsmenn á Akranesi ráku
um árabil til þess að annast við-
skipti við vertíðarbátana. Þessi
störf vann Guðmundur _af mikilli
samviskusemi og alúð. Á þessum
árum voru margir sem hringdu í
Guðmund á „talstöðina" til þess að
leita frétta af bátnum, og ekki hvað
síst þegar veður voru válynd, var
það mikill styrkur fyrir sjómanns-
konur að heyra í Guðmundi og fá
fréttir.
Guðmundur var kosinn í fyrstu
bæjarstjórn á Akranesi 1942-1946
og svo tók hann aftur sæti í bæjar-
stjórn í átta ár, 1950-1958.
Hann var fulltrúi sjálfstæðis-
manna í bæjarstjórn, var tillögu-
góður og fylgdi skoðunum sínum
fast eftir, en þó alltaf af sanngirni.
Sjálfstæðismaður vat' hann alla tíð,
og einn af máttarstólpum flokksins
hér í bænum á þessum árum. Auk
bæjarstjórnarstarfa gegndi Guð-
mundur ýmsum trúnaðarstörfum
og má þar m.a. nefna: í stjórn raf-
magnsnefndar og síðar í stjórn
Rafveitu Akraness um árabil.
I sjó- og verslunardómi á Akra-
nesi frá 1932 fram á síðustu ár,
og umboðsmaður Síldarútvegs-
nefndar í mörg ár.
Þann 23. maí 1935 kvæntist
Guðmundur Kristjönu Þorvalds-
dóttur. Þau reistu sér myndarlegt
hús á Suðurgötu 34, þar áttu þau
fallegt heimili og bjuggu þar alla
tíð, eða þar til árið 1987 en þá
seldu þau húsið og fluttu á dvalar-
heimilið Höfða, þar undu þau hag
sínum vel og nutu góðrar umönnun-
ar. Kristjana lést sl. sumar.
Þeim varð þriggja barna auðið,
þau eru: Þoi’valdur Guðni, skipstjóri
á ms. Akraborg, kvæntur Þórdísi
Björnsdóttur, búsett á Akranesi og
eiga þau 4 börn. Guðjón, skrifstofu-
stjóri, kvæntur Guðnýju Ólafsdótt-
ur, búsett á Akranesi og eiga þau
3 börn. Guðný, gift Bjai'gmundi
Björgvinssyni, blikksmíðameistara,
búsett í Reykjavík.
Hér hefur í stuttu máli verið
drepið á helstu atriði í lífshlaupi
Guðmundar Guðjónssonar.
Hann lést á sjúkrahúsi Akraness
10. nóv. sl. Hann liafði veikst dag-
inn áður og var þá flutur á sjúkra-
húsið. Eins og var getið um hér að
framan, þá átti hann við heilsuleysi
að stríða, snemrna á sinni löngu
ævi, og háði þar harða baráttu.
Hann komst yfir þann sjúkdóm, en
varð aldrei samur maður.
Þegar hann missti sína ágætu
konu sl. sumar, eftir 55 ára sam-
búð, skapaðist eðlilega tóm, sem
erfitt var að fylla. Þau hjón voru
ávallt mjög samrýmd og samhent,
sem og fjölskyldan öll. En þessi
breyting varð of mikil, svo það virt-
ist sem lífsþróttur minnkaði.
Þess vegna hygg ég að hann
hafi verið tilbúinn að ganga á fund
skapara síns, og leggja á djúpið og
hefja sína hinstu för. Hér er kvadd-
ur góður drengur og honum þökkuð
góð kynni.
Aðstandendum öllum votta ég
samúð mína.
Valdimar lndriðason
PAPPÍRSSTATÍF,
MARGAR GERÐIR,
KOMIN AFTUR
GEtsíP
H
Sigfúsína Sigfús-
dóttir - Minning
Amma mín, Sigfúsína Sigfús-
dóttir eða Sína eins og hún var allt-
af kölluð lést 7. nóvember sl. 91
árs að aldri. Þrátt fyrir að heilsan
væri farin að-bila var lundin ávallt
létt og andlegt atgervi eins og hjá
tvítugri manneskju. Dugnaður og
sjálfsagi var henni í blóð borinn
eins og þeir vita sem til þekktu.
Er þess skemmst að minnast að
fyrir nokkrum vikum varð amma
fyrir því óhappi að lærbrotna og
áttu fæstir von á að hún kæmist á
fætur aftur en heim ætlaði hún sér
og heim komst hún þó dvölin yrði
ekki löng.
Ammar var fædd í Haganesvík
20. júní 1899 dóttir hjónanna Lov-
ísu Þorsteinsdóttur og Sigfúsar
Sigfússonar. Á fyrsta ári fluttist
hún til Sigluijarðar og var tekin í
fóstur af hjónunum Önnu Kristjáns-
dóttur og Jóni Þorlákssyni. 17 ára
gömul flyst hún til Hríseyjar þar
sem hún kynntist eiginmanni sínum
Þoi-valdi Baldvinssyni skipstjóra og
giftust þau 1922. Þau bjuggu í
Hrísey til ársins 1938 en flytjast
þá til Siglufjarðar þar sem þau
bjuggu til ársins 1953 en þá fluttu
þau til Reykjavíkur þar sem þau
bjuggu síðan. Afi lést árið 1965.
Börn þeirra eru tvö Margrét Þor-
valdsdóttir húsmóðir og Þorsteinn
Þorvaldsson útvarpsvirkjameistari
og eru barnabörnin átta og barna-
barnabörnin 18.
Þar sem við amma bjuggum í
sama húsi þar til ég flutti að heim-
an var samgangur eðlilega mikill.
Oft lá leiðin í kjallarann þar sem
afi og amrna réðu ríkjum og þar
var aldrei að tómum kofa komið.
Þar var oft glatt á hjalla og vel
tekið á móti þó hópur barnabarna
Tlutaacv
Heílsuvörur
nútímafólks
kæmi í heimsókn, með vini sína í
eftirdragi. Ég held að fæstir þeir,
sem voru að alast upp á svipuðum
slóðum í Vogahverfinu, gleymi því
þegar ilmur af nýbökuðum pönnu-
kökum, lummum eða kleinum, barst
út um eldhúsgluggann. Við strák-
arnir hópuðumst þá við gluggann
og síðan var bakað meðan einhver
gat torgað meiru en þá fyrst hófst
sá bakstur sem til stóð í upphafi.
Við fjölskyldan kveðjum nú
ömmu með söknuði og biðjum guð
að varðveita góða konu.
Þorvaldur Kári
Þvottavélar Þurrkarar
Philips-Whirlpool þvottavélar og þurrkarar. Fallegar vélar í öllum stærðum
og gerðum. Sj álfvirkur búnaður sem sér um hámarks nýtingu vatns, orku og
tíma. Sparnaður sem skilar sér fljótt.
©
PHILIPS ! Whirlpool
Heimilistæki hf
SÆTÚNI8 SÍMI691515 ■ KRINGLUNNISÍMI6915 20
SQMtcÍKgum,
■H
HÁRUTUN • HÁRSNYRTING • HEILSUVÖRUR • HEIMSREISUR • HERRASKÓR • HUÓMPLÖTUR • HUÓMSNÆLDUR • HREINLÆTISVÖRUR • HRINGAR • ILMVÖTN • INNISKÓR • IÞRÓTTASKÓR
ÍÞRÓTTATÖSKUR • IPRÓTTAVÖRUR • JÓLASKRAUT • KAFFI • KERAMIK • KERTI & SPIL • KJÓLAR • KLIPPING • KLUKKUR • KLÚTAR • KULDASKÓR • KÖKUR • LEIKFÖNG • LITIR
UÓSMYNDAVÖRUR • LOTTÓ • MATVÖRUR • MEÐ-KAFFINU • MJÓLKURVÖRUR • MYNDBÖND • NÁLAR • NÝLENDUVÖRUR • PERMANENT • PILS • PIZZUR • POTTABLÓM • PRJÓNAR
s ^ s
LX- C3 CC
- • B
2:
3
i-S
, CD
S S §
HAMRABORG
verslana- og þjónustumiðstöð
w
I
.Snúðu stýrinu að Hamraborg...
AFSKORIN-BLÓM • ARMBÓND • ÁLNAVÖRUR • BANKAÞJÓNU
BARNASKÓR • BÍLTÆKI • BOLIR • BOLTAR • BRAUÐ • f
BÆKUR • DAGBLÖÐ • DRAGTIR • DÖMUSKÓR • FERÐALÖG
1 ^ ^ s l S l —• \ ^ / / \ .
OPIÐ ÁLAUGARDÖGUM
... við erum í leiðinni"
l>
CO co -D
5 c=- «5
111
c n 5
^ c* S,
^ P
| cr>
l'l'1
r~~* »
g s H
5 £ p
§i S
s 3
™ Pr,
SÆLGÆTI • SÆNGURFATNAÐUR • TELEFAXTÆKI • TÍMARIT
TÍSKUFATNAÐUR • TREFLAR • TRYGGINGAR • TÖLUR • ÚR
ÚTVÖRP • VIÐSKIPTAFERÐIR • VIÐTÆKJA-VIÐGERÐIR • ÖL
Nýkomið mikið af spennandi
gjafavörum og jólaskrauti
Opið 9.00-22.00 alla daga
BLJOMAHÖLLIN
HAMRABORG 1-3 KÓPA VOGl SÍMI40380