Morgunblaðið - 16.11.1990, Qupperneq 44

KJÖRBOK
L
Landsbanki
íslands
Banki allra landsmanna

At vin ii ii reks t ra rl ryggi ng
/<6 : \Trygg.ðu öruggan
(:A^/77>g' \ atvinnúrekstur
FOSTUDAGUR 16. NOVEMBER 1990
VERÐ I LAUSASOLU 100 KR.
Ryð í heita vatninu stíflar inntakssíur:
Útköll vegna við-
gerða 500 á viku
GRUGG í leiðslum Hitaveitu Reykjavíkur hefur valdið verulegum vand-
ræðum á höfuðborgarsvæðinu undanfarið, þar sem það sezt í inntaks-
síur og innrennsli í hús verður tregt. Ofnar hitna þá illa og rennsli
úr krönum minnkar. Þá hafa menn tekið eftir svörtu gruggi í þvotta-
vatni. Samkvæmt efnagreiningu er þar einkum um ryð að ræða, en
ekki er vitað hvað veldur því. Að sögn Hreins Frímannssonar, yfirverk-
fræðings hjá Hitaveitunni, hafa viðgerðarmenn sinnt 500-600 útköllum
á viku undanfarinn hálfan annan mánuð vegna stíflaðra inntaka.
„Þetta hefur verið árvisst vanda-
mál á haustin. Þá hefur verið meira
um útköll vegna tregs innrennslis í
hús en aðra tíma árs. Það kemur
alltaf sandur úr borholum og þetta
hefur verið skrifað á það. Nú er
þetta hins vegar verra en venju-
lega,“ sagði Hreinn. Hann sagði að
hitaveitumenn hefðu leitað með log-
andi ljósi að sennilegri skýringu, en
hún hefði ekki fundizt.
Hreinn sagði að vanalega hefði
þessi tími gengið yfir á tveimur vik-
um eða svo, en nú hefði gruggið
valdið óskunda í sex eða sjö vikur
samfleytt. „Upphaflega bar mest á
Morgunblaðid/Árni Sæberg
Björgvin Vilmundarson og Sverrir Hermannsson bankastjórar Landsbankans koma til fundar við Jó-
hönnu Sigurðardóttur félagsmálaráðherra í félagsmálaráðuneytinu í gær til viðræðna um stöðu mála
hjá Landsbréfum hf. .........
Landsbréf hætta við stöðvun húsbréfakaupa:
Kaupverðið breytist frá degi tíl
dags vegna breyttra forsendna
*
- segir Gunnar Helgi Hálfdánarson. Avöxtunarkrafan hækkar strax í dag
JÓHANNA Sigurðardóttir fé-
lagsmálaráðherra kallaði í gær
til fundar við sig bankastjórn
Landsbankans og forsvarsmenn
Landsbréfa hf. og Húsnæðis-
stofnunar ríkisins til að ræða
stöðuna á húsbréfamarkaðnum,
í tilefni af stöðvun húsbréfa-
kaupa Landsbréfa. I kjölfar
fundarins var ákveðið að Lands-
bréf hefji aftur húsbréfakaup í
dag, en jafnframt að ávöxtunar-
krafa við kaupin breytist frá
degi til dags eftir framboði og
eftirspurn á markaðnum. Avöxt-
unarkrafan hækkar í dag og er
búist við að hún verði eitthvað
hærri en 7,3%, sem Kaupþing hf.
bauð í gær. Að sögn Péturs
Blöndal forstjóra Kaupþings
jafngildir 7,3% ávöxtunarkrafa
12,62% afföllum af nafnverði
'bréfanna, að meðtöldu 0,75%
sölugjaldi.
Gunnar Helgi Hálfdánarson for-
stjóri Landsbréfa segir að menn
hafi fram til þessa talið sig hafa
nokkuð fast land undir fótum varð-
andi framboð og eftirspurn.
„En nú er það mat okkar að svo
sé ekki. Við töldum að menn mundu
hafa betri stjórn á framboðinu og-
eins að ef yrði tímabundið framboð
umfram eftirspurn, þá mundi Seðla-
bankinn koma inn til mótvægis,
eins og lög um húsbréfakerfið gera
ráð fyrir. Eftir viðræður við yfir-
völd um nokkurt skeið er það okkar
mat að þær langtímaforsendur sem
við höfðum gefið okkur, séu ekki
lengur fyrir hendi. Því munum við
miða forsendur okkar núna við
framboð og eftirspurn frá degi til
dags. Þetta þýðir auðvitað það að
afföllin hækka fyrst í stað, við erum
að vonast tii að geta slegið þarna
á þær miklu væntingar um frekari
vaxtahækkanir sem er afar mikil-
vægt gagnvart þeim sem hyggjast
eiga þau áfram eða kaupa til að
spara á þann hátt. Þetta þýðir einn-
ig að verðið sem gildir í dag er
ekki endilega verðið sem gildir á
morgun^^yið vonumst til að þessi
hækkun stuðli að auknu jafnv"ægi
á húsbréfamarkaðnum sem síðan
geti leitt til þess að vextir lækki
aftur síðar,“ segir Gunnar Helgi.
Jóhanna segir lífeyrissjóðina enn
eiga eftir þijá milljarða króna til
þess að standa við skuldbindingar
sínar gagnvart Húsnæðisstofnun á
árinu og þar af geti þeir keypt
húsbréf fyrir rúman milljarð. Hún
segir húsbréf vera besta ávöxtunar-
kost á markaðnum nú. „Eg vænti
því þess að lífeyrissjóðirnir komi
þarna inn, Seðlabankinn verði við-
skiptavaki og ég útiloka ekki að
það sé hugsanlegt líka að leita til
fleiri aðila á Verðbréfaþingi að vera
viðskiptavaki," segir Jóhanna.
Eiríkur Guðnason aðstoðar-
bankastjóri Seðlabankans kvaðst í
gær ekkert vilja segja um hvort eða
þá með hvaða hætti Seðlabankinn
kæmi að þessu máli. „Satt að segja
finnst mér það ekki mikið vanda-
mál þó að stór ríkisbanki eigi eitt-
hvað svolítið af ríkistryggðum bréf-
um,“ sagði hann.
Sjá í miðopnu samtal við Sigur-
björn Gunnarsson deildar-
stjóra hjá Landsbréfum.
þessu í bæjarhlutum í Hafnarfirði
og Kópavogi og á Kleppsvegi, en
nú er það orðið meira, hefur fært
sig í Hlíðarnar og niður í bæ,“ sagði
hann.
Borgarstjórn:
Afgreiðslutími
gefinn frjáls
BORGARSTJÓRN Reykjavíkur
samþykkti á fundi í gærkvöldi
tillögu borgarfulltrúa Sjálf-
stæðisflokksins um breyttan af-
greiðslutíma smásöluverslana í
Reykjavík. Samkvæmt tillög-
unni verður afgi’eiðslutíminn
gefinn frjáls að því undanskildu
að á nóttunni, á milli kl. 23.30
og 7, og á nokkrum helgidögum
er óheimilt að hafa opið nema
með sérstöku leyfi. Nýju regl-
urnar taka gildi um næstu ára-
mót.
Samkvæmt hinni nýju sam-
þykkt verður óheimilt að hafa sölu-
staði opna milli kl. 23.30 á kvöld-
in og 7.00 á morgnana nema með
sérstöku leyfi borgarráðs enda sé
um að ræða söluturna eða sam-
bærilega starfsemi.
Heimilt verður að hafa sölustaði
opna á helgidögum nema föstu-
daginn langa, páskadag, hvíta-
sunnudag og jóladag. Jafnframt
skal öllum sölustöðum lokað eigi
síðar en kl. 16 á aðfangadag og
gamlársdag.
Ríkisstofnanir sniðganga ráðninganefnd ríkisins:
Um 1.300 ríkisstarfsmenn
verkefnaráðnir án heimildar
RÍKISENDURSKOÐUN gagnrýnir þann hátt, sem hafður hefur ver-
ið á við ráðningu nýrra starfsmanna ríkisins, í skýrslu um Launa-
skrifstofu ríkisins, sem Ríkisendurskoðun hefur nýlega farið ofan í
saumana á. Þar segir að ríkisstarfsmenn hafi verið ráðnir til sér-
stakra verkefna án heimildar ráðninganefndar ríkisins og ráðning
þeirra síðan framlengd. Nú eiga hundruð verkefnaráðinna ríkis-
starfsmanna rétt á fastráðningu samkvæmt kjarasamningum BHMR
og BSRB. Ríkisendurskoðun tekur fram að sjálft fjármálaráðuneyt-
ið, sem vera ætti öðrum fyrirmynd, sniðgangi með öllu ráðninga-
nefndina og ástæða sé til að spyrja hvort ekki sé tímabært að leggja
nefndina niður í núverandi mynd.
í skýrslu Ríkisendurskoðunar
segir að í iögum um ráðninganefnd
ríkisins sé tekið fram að óheimilt
sé að fjölga föstum starfsmönnum
í þjónustu ríkisins eða ríkisstofnana
án samþykkis nefndarinnar. „I raun
hel'ur ráðninganefnd ríkisins verið
óvirk að þessu leyti í mörg undan-
farin ár,“ segir Ríkiséndurskoðun.
„Sú leið hefur í vaxandi mæli verið
farin að verkefnaráða starfsmenn
til eiTTs árs eða skemmri tíma og
framlengja síðan ráðningartíma
þeirra. Ekki hefur þurft að leggja
óskir um verkefnaráðningar fyrir
ráðninganefndina. Eins.hafa ráðn-
ingar starfsmanna, sem eru utan
BSRB og BHMR, ekki komið til
kasta nefndarinnar. Á fjárlögum
hafa einnig iðulega. .verið .veittar
heimildir til nýráðninga til skemmri
eða lengri tíma, sem ekki hefur
þurft að bera undir ráðninganefnd.
Fyrir vikið hefur töluvert misræmi
verið á milli þess fjölda starfsmanna
hjá hverri stofnun, sem heimild er
fyrir, og þeirra, sem fá greidd laun.“
Ríkisendurskoðun segir að þetta
misræmi hafi löngum verið þekkt.
Nú hafi það svo gerzt, að með sér-
stakri bókun í kjarasamningi
Bandalags háskólamenntaðra ríkis-
starfsmanna, að allir þeir, sem hafi
verið verkefnaráðnir í tvö ár eða
lengur, eigi rétt á fastráðningu.
Að sögn Bit-gis Björns Siguijóns-
sonar, framkvæmdastjóra BHMR,
voru teknar saman tölur um þennan
hóp í kringum síðustu áramót. Þá
kom í ljós að þeir, sem voru verk-
. gfnaráðnir.hjá ríkisstofnunum, voru
alls 1.337. Þar af voru félagar í
BSRB 293, BHMR 471 ogKennara-
sambandi ísland 519 auk 54 utan
bandalaga. BHMR-félagarnir eiga
rétt á fastráðningu samkvæmt fyrr-
greindri bókun, og einnig var gerð
bókun í kjarasamningi BSRB og
ríkisins um að þeir félagar í BSRB,
sem verið hefðu verkefnaráðnir í
ár eða lengur, ættu rétt á fastráðn-
ingu ef fyrirsjáanlegt væri að hægt
væri að fjármagna starfið.
Birgir Björn sagði að enn hefði
það ekki gengið eftir að allir
BHMR-félagar, sem rétt ættu á
því, fengju fastráðningu. Til að
mynda væru stórir hópar starfs-
manna hjá Orðabók Háskólans og
Ríkisútvarpinu sem þannig háttaði
um, og tugir kennara á öllum skóla-
stigum.