Morgunblaðið - 10.01.1991, Blaðsíða 15

MORGUNBLAÐIÐ FIMMTUDAGUR 10. JANÚAR 1991
15
Skógræktarbókin
eftir Sigurð
Greipsson
Nú fyrir jólin var gefin út Skóg-
ræktarbókin á vegum Skógrækt-
arfélags íslands, ritstýrð af Hauki
Ragnarssyni.
Bókinni er skipt í 26 kafla rit-
aða af 10 höfundum, plöntuvist-
fræði og vegagerð. Nokkuð af
þessu efni hefur þó verið birt áður
í ársriti Skógræktarfélags íslands.
Fyrstu 3 kaflar bókarinnar
fjalla um vistfræði, frumu- og
plöntulífeðlisfræði. Þessir kaflar
skarast nokkuð af efni og koma
fram óþarfa endurtekningar.
Næstu_ 3 kaflar (skógræktarskil-
yrði á íslandi, gróðurlendi og jarð-
vegur, og jarðvegsskilyrði) fjalla
um ræktunarskilyrði á íslandi og
virðist fátt því til fyrirstöðu að
hefja stórfellda skógrækt.
Baldur Þorsteinsson ritar síðan
næstu tvo kafla um uppruna þeirra
tijátegunda sem reynt hefur verið
að rækta á íslandi. Kemur þar vel
fram að viðamikil tilraunastarf-
semi er nauðsynleg tii að velja
tijátegundir sem henta íslenskum
aðstæðum.
Snorri Sigurðsson ritar kafla
um íslenska birkið sem er eina
trjátegundin sem náð hefur að
mynda náttúrulega skóga á Is-
landi. Þar kemur fram hversu mik-
il eyðing hefur orðið á birkiskóg-
unum síðan land byggðist en óneit-
anlega gefa þær skógarleifar sem
eftir eru nokkuð góð fyrirheit.
Næstu 10 kaflar fjalla á breið-
um grundvelli um skógrækt allt
frá fræsöfnun til viðarnytja. Einar
Gunnarsson og Ágúst Árnason
skrifa næstu tvo kafla um vega-
gerð og girðingar í skóglendi.
Haukur Ragnarsson skrifar
næst um Skóghagfræði og kemur
þar fram að skógrækt er langtíma
ijárfesting.
Næstu 3 kaflar tengjast síðan
skóghagfræðinni. Þar kemur fram
að óbeinan hag má hafa af skóg-
rækt, t.d. aukið skjól við hús og
ræktunarskilyrði batna þar sem
skjólbelti eru.
Helgi Hallgrímsson skrifar
síðasta kafla bókarinnar um ber
og sveppi. Fjöldi góðra ljósmynda
prýða bókina og er myndaskrá
höfð aftast.
Engin heimildaskrá né skrá um
ítarefni er í bókinni sem gerir það
að verkum að erfitt er að meta
vísindalegt gildi þess efnis sem
fjallað er um. Alloft er fjallað um
niðurstöður tilrauna, en þar sem
heimilda er ekki getið er ómögu-
legt að kynna sér þær nánar. I
grein Hauks Ragnarssonar um
tijáskaða er þó vísað í nokkar
greinar sem birst hafa í ársriti
Skógræktarfélags íslands. Á bls.
195 er vísað í heimildaskrá sem
hvergi finnst í bókinni.
Sumstaðar er ekki ljóst hvort
um mistúlkun eða þekkingarleysi
er að ræða t.d. á bls. 11 kemur
fram hjá Hauki Ragnrarssyni að
svepparót umlyki fínustu rótar-
angana og auki vatns- og næring-
arupptöku þeirra. Svepparætur
umlykja ekki aðeins rætur heldur
vaxa inn í ysta frumulag þeirra
og auka aðallega upptöku fosfór,
einnig framleiða svepparætur
vaxtarefni (hormón) sem koma
tijám að notum. Ekki er einhlítt
hvort svepparætur valda skaða eða
komi að gagni. Svepparætur geta
dregið úr vexti ungra plantna en
koma aðallega að notum við fræ-
myndun.
Engin hugtakaskrá er í bókinni
og er það miður þar sem mikið
er af torskildum fræðiorðum.
Einnig er mér ekki ljóst hvaða
munur er á hugtökunum: stofn,
afbrigði og kvæmi sem notuð eru
um alla bókina (sjá bls. 45, 52,
123, 127, 131 og víðar). Sums
staðar er enska fræðiheitið gefið
innan sviga aftan við hið íslenska
fræðiorð en það er ekki haft sem
regla.
Myndir sem fylgja hveijum
kafla eru ekki númeraðar sem
gei'ir tilvísanir í þær fremur erfið-
ar. í fyrsta kafla bókarinnar (Tré
og skógar) er vísað í myndir (sjá
bls. 12) sem ekki finnast í þessum
kafla né í bókinni. Einnig er á
bls. 13 vísað í mynd „Birki íjölgar
sér einnig með rótarsprotum, eins
og sjá má á meðfylgjandi mynd“
en þessi mynd finnst hvorki í þess-
um kafla né í bókinni.
Flestir kaflar í bókinni eru vel
-skrifaðir en ritstjórn er í ólestri
sem veldur því að óþarfa endur-
tekningar verða sem gerir lestur
bókarinnar frekar langdreginn.
Höfundur stundar doktorsnám í
líffræðií Englandi.
Verzlunarskóli
r'
Islands
Öldungadeild
Innritun á vorönn öldungadeildar Verzlunar-
skóla íslands fer fram á skrifstofu skólans
dagana 7.-10. janúar kl. 08.30-18.00.
Eftirtaldar námsgreinar eru í boði á vorönn:
Bókfærsla
Bókmenntir
Danska
Enska
Farseðlaútgáfa
Franska
Ragræn landafræði
íslenska
Landafræði og
saga íslands
Líffræði
Mannkynssaga
Reksturshagfræði
Ritun
Ritvinnsla
Stofnun og
rekstur fyrirtækja
Stærðfræði
Tölvubókhald
Tölvufræði
Vélritun
Þjóðhagfræði
Þýska
Áföngum ofangreindra námsgreina er hægt
að safna saman og láta mynda:
Próf af bókhaldsbraut
Próf af ferðamálabraut
Próf af skrifstofubraut
Verslunarpróf
Stúdentspróf
Nánari upplýsingar og umsóknareyðublöð
fást á skrifstofu skólans, Ofanleiti 1.