Morgunblaðið - 06.02.1991, Qupperneq 14

14
MORGUNBLAÐIÐ MIÐVIKUDAGUR 6. FEBRUAR 1991
Morgunblaðið/KGA
Hulda Jakobsdóttír, fyrrum bæjarstjóri í Kópavogi, og Högna
Sigurðardóttir, arkitekt. Undirbúningur að byggingu sundlaugar-
innar hófst í bæjarstjóratíð Huldu og fól hún Högnu Sigurðardótt-
ur hönnun byggingarinnar.
Morgunblaðið/KGA
Gunnar Birgisson, formaður bæjarráðs Kópavogs, flutti ávarp við vígsluathöfn sundlaugarinnar á
laugardaginn.
Landsins stærsta snnd-
laug vígð í Kópavogi
Mikil áhersla er lögð á öryggismál
og til að tryggja sem best eftirlit
er laugarbotninn upplýstur neðan
vatns með 27 sterkum ljóskösturum
NÝ og glæsileg sundlaug var vígð í Kópavogi á laugardaginn að
viðstöddu fjölmenni. Sundlaugin er 50 x 25 metrar að stærð og er
stærsta sundlaug landsins. Grunnflatarmál áfangans sem tekin var
í notkun á laugardag er tæplega 3.000 fermetrar, sundlaug, kjall-
ari og tengibyggingar.
Morgunblaðið/KGA
Ólafur Eiríksson sundmaður úr röðum fatlaðra, sem var á föstu-
dag útnefndur íþróttamaður Kópavogs 1990, stakk sér fyrstur
til sunds í nýju sundlauginni.
Nýja sundlaugin er við hlið gömlu
sundlaugarinnar á Rútstúni. Gamla
sundlaugin hefurþjónað Kópavogs-
búum í aldarfjórðung. Kristinn
Kristinsson, formaður bygginga-
nefndar, sagði m.a. í ræðu sinni.
„Það kom snemma upp umræða
um sundlaugarbyggingu í Kópa-
vogi eftir að hér var stofnaður
kaupstaður árið 1955. Þau heiðurs-
hjón Hulda Jakobsdóttir og Finn-
bogi Rútur Valdimarsson, fyrstu
bæjarstjórar Kópavogs, gáfu land
undir sundlaugina og það mun
hafa verið að þeirra ósk, að Högna
Sigurðardóttir, arkitekt, var ráðin
til að teikna sundlaugármannvirk-
ið.“
Hafist var handa við byggingu
nýju laugarinnar 1986 og er hún
tíu sinnum stærri en sú gamla.
Laugarkerið mun vera það stærsta
í landinu, 25 X 50 m, ásamt litlu
hliðarkeri, samtals 1.268 fermetr-
ar. Laugin telst því vera fullkomin
keppnislaug að stærðinni til með
10 keppnisbrautum.
Tæknibúnaður laugarinnar er að
fullkomnustu gerð og er rekstur
laugar að mestu sjálfvirkur og
tölvustýrður. í lauginni er forhitað
ferskt vatn með klór og sýrublönd-
un og möguleika á saltblöndun, auk
þess sem fullkomið_ hreinsikerfi er
á laugarvatninu. Áætlaður orku-
kostnaður heits vatns á ársgrund-
velli er um 6 milljónir króna.
Að sögn Kristins Kristinssonar,
formanns bygginganefndar, er
mikil áhersla lögð á öryggismál og
til að tryggja sem best eftirlit er
laugarbotninn upplýstur neðan-
vatns með 27 sterkum ljósköstur-
um. Þá eru stöðugt í gangi 6
myndavélar sem ná að mynda allan
botninn, en myndimar birtast á
skjám hjá eftirlitsmanni innandyra.
Öryggi sundlaugargesta í svo stórri
laug verður ekki betur tryggt með
öðrum hætti.
Áætlaður kostnaður við sund-
laugarmannvirkið, sem nú er tekið
í notkun, er um 286 milljónir króna
á uppreiknuðu verði. Mannvirkið
er þó ekki alveg fullbyggt. Það á
eftir að byggja 614 fm búnings-
klefahús og ennfremur byggja yfir
gömlu laugina og aðstöðu við hana,
hús upp á 820 fm að grunnfleti,
heita potta og fleira og er áætlaður
að sá kostnaður getið orðið um 180
milljónir króna. Einnig á eftir að
innrétta aðstöðu fyrir gufu- og
heilsurækt í kjallara nýju sundlaug-
arbyggingarinnar.
Eins og áður segir er Högna
Sigurðardóttir arkitekt þessa
mannvirkis. Öll verkfræðileg hönn-
un er unnin af Verkfræðistofu Sig-
urðar Thoroddsen hf. Magnús og
Ágúst húsasmíðameistarar sáu um
uppbyggingu og allt tréverk. Ragn-
ar Hansen múrarameistari annað-
ist múrverk og flísalagnir. Guð-
björn Ævarsson pípulagninga-
meistari sá um allar lagnir hússins
og tengingu laugar. Rafgeisli sá
um raflagnir og málarameistari var
Jón Ingi Ragnarsson. Forstöðu-
maður sundlaugarinnar er Ingi-
mundur Ingimundarson.
Gunnar Birgisson, formaður
bæjarráðs Kópavogs, flutti ávarp
og sagði það mikið ánægjuefni að
Kópavogsbúar gætu tekið í notkun
nýtt s'ameiginglegt mannvirki.
„Sérstaklega er þar um ánægjuleg-
an viðburð að ræða þegar sundlaug
er annars vegar. Fyrir 1960 hafði
verið mikið rætt um að byggja
sundlaug hér í Kópavogi. En eng-
inn tekið af skarið. Það var ekki
fyrr en áræðin og framsýn kona
tók af skarið 1962, en þá var graf-
ið fyrir gömlu lauginni. Þetta var
Hulda Jakobsdóttir, þáverandi bæj-
arstjóri, og er það sérstakt ánægju-
efni að hún er meðal okkar hér í
dag,“ sagði Gunnar.
Margir gestir tóku til máls við
vígsluathöfnina. í máli Ólafs G.
Einarssonar, sem hafði orð fyrir
þingmönnum Reykjaneskjördæmis,
kom fram að aðeins 15.000 krónur
hafi runnið úr sameiginlegum sjóði
landsmanna til þessa mannvirkis.
„Mér sýnist nú þegar þetta mann-
virki er vígt að kominn sé tími til
að ijárveitingavaldið taki sig nú
saman og standi við gerða samn-
inga eða geri nýjan," sagði Ólafur
í ræðu sinni.
Áður en laugin var formlega
opnuð eftir vígsluna blessaði séra
Kristján Þorvarðarson mannvirkið.
Fyrstur stakk sér til sunds Ólafur
Eiríksson sundmaður úr röðum
fatlaðra, sem var á föstudag út-
nefndur íþróttamaður Kópavogs
1990. Að lokinni hátíðardagskrá
var boðið upp á veitingar í nýju
sundlaugarbyggingunni.
I VICTRON varaaflgjafinn tryggir að þú
tapir ekki mikilvægum gögnum úr tölvunni
þinni við rafmagnstruflanir. Við algjört raf- &
magnsleysi veitir VICTRON varaaflgjafinn
svigrúm til að gera viðeigandi ráðstafanir
áður en skaðinn er skeður.
M
AÐVORUN!!
Rafmagnstruflanir
geta valdið gagnatapi
úr tölvum!
Við eigum VICIRUN varaaflgjatana a
lager í stærðum frá 400 VA til 2000 VA og
getum útvegað með skömmum fyrirvara
aðrar stærðir upp í 45 KW.
Fullkomin viðhalds- og varahlutaþjónusta.
Hafið samband við sölumenn okkar, sem
veita fúslega allar nánari upplýsingar.
Umboðsmenn um land allt.
gTÆKIMIVAL