Morgunblaðið - 13.03.1991, Blaðsíða 19

MORGUNBLAÐIÐ MIÐVIKUDAGUR 13. MARZ 1991
19
Hlakka til að syngja með
íslenskum söngvurum
Sólrún Bragadóttir:
SÓLRÚN Bragadóttir, óperusöngkona, niun syngja hlutverk Gildu
í Rigoletto íslensku óperunnar 15. og 16. mars næstkomandi. Hún
hefur starfað við Ríkisóperuna í Hannover í vetur en í samtali við
söngkonuna kom fram að verið er að ganga frá gestasamningi
hennar við óperuna í Diisseldorf. Samningurinn tekur gildi í nóvemb-
er og er til tveggja ára.
í vetur hefur verið annasamt hjá
Sólrúnu. Hún hefur sungið hlutverk
Paminu í Töfraflautunni, Marie í
Seldu brúðinni og tekið þátt í upp-
færslum á Carminu Burana og sung-
ið í fjöldamörgum öðrum verkum. í
Hannover í haust mun hún meðal
annars syngja hlutverk greifynjunn-
ar í Brúðkaupi Fígarós og Mikaelu
í Carmen en Sólrún sagðist búast
við að syngja um það bil 15 hlut-
verk við Ríkisóperuna næsta vetur.
Þegar Morgunblaðið hafði sam-
band við Sólrúnu sagðist hún hlakka
til að koma til íslands. „Ég hlakka
til að syngja með íslenskum söngv-
urum sem ég hef lítið sungið með,
alltof lítið. En það skapast auðvitað
af því hvað ég hef verið mikið er-
lendis," sagði Sólrún.
Fram kom að henni hefði verið
boðinn gestasamningur við óper-
una í Dússeldorf fyrir helgi og ver-
ið væri að ganga frá honum til
undirritunar. „Ég er mjög ánægð
með samninginn sem tekur í gildi
í nóvember í haust,“ sagði Sólrún.
„Samkvæmt honum mun ég syngja
að minnsta kosti þrjú hlutverk en
það eru Greifynjan í Brúðkaupi
Fígarós, Antonía úr Ævintýri Hoff-
manns og Mikaela úr Carmen.
Fleira hefur ekki verið ákveðið en
hugsanlegt er að ég syngi líka í
Töfraflautunni."
Sólrún sagðist ekki hafa áhyggj-
ur af því að of mikið yrði að gera
hjá henni næstu tvo vetur. „Auðvit-
að er alltaf mikill tætingur á söngv-
urum en mér finnst mjög gott að
vera á föstum samningi en geta
gert gestasamninga um leið.
Draumurinn er reyndar að hafa
fasta bækistöð á einum stað og
getað svo flakkað á milli að vild,“
sagði Sólrún í samtali við
Morgunblaðið.
Hún sagðist hlakka til að byija
að syngja í Dússeldorf en að henn-
ar sögn er óperuhúsið þar talið
betra en óperuhúsið í Hannover.
Þess má þó geta að bæði eru húsin
A-hús. Sólrún heldur aftur til
Þýskalands sunnudaginn 17.
mars.
Sólrún Bragadóttir óperusöngkona og Bergþór Pálsson óperu-
söngvari í Brúðkaupi Fígarós í Kaiserslautern í mars í fyrra.
Uppfærsla Ríkisóperunnar í
Hannover á Töfraflautunni eftir
Mozart fékk góðan dóm í Hannover
Allgemeine Zeitung 30. október
síðastliðinn. Þar segir um söng
Sólrúnar í hlutverki Paminu: „Sóla
Braga hafði í hlutverki Paminu
einnig fram að færa undurfagra,
ljóðræna hátóna og blíðlega, veika
tóna. Samt sem áður virtist ekki
loku fyrir það skotið að menn
fengju- það á tilfinninguna að til
væru meira kreijandi óperuhlutverk
sem hentuðu raddböndum þessa við-
felldna nýliða í óperuhúsinu enn
betur.“
í Braunschweiger Zeitung segir
um sömu sýningu: „Pamina, ljós
yfirlitum og hrífandi að sjá og heyra
(Sóla Braga syngur hlutverk sitt
léttri, ljóðrænni og tjáningarfullri
sópranröddu), hvílir sem bandingi
Sarastros í yndislegum birkilundi að
vori.“
Gallerí Borg:
Dýrasta myndin slegin
á 310 þúsund krónur
UPPBOÐ var haldið á listayerkum hjá Gallerí Borg á sunnudag og
voru seld 74 verk. Að sögn Úlfars Þormóðssonar var fjölmennt á upp-
boðinu og fékkst þokkalegt verð fyrir verkin.
Úlfar sagði í samtali við Morgun-
blaðið í gær, að sæmilega gott verð
hefði fengist fyrir myndirnar, helst
hefði verið full lágt verð fyrir mynd-
ir Muggs. Dýrasta myndin var slegin
á 310 þúsund krónur, það var lítil
blómamynd eftir Kristínu Jónsdóttur.
Heklumynd eftir Júlíönu Sveinsdótt-
ur fór á 300 þúsund og vatnslita-
mynd eftir Ásgrím Jónsson á 250
þúsund krónur. Þá var boðinn upp
Islandsfálki, uppstoppaður, og fór
hann á 75 þúsund krónur. Það sagði
Úlfar vera athyglisvert í ljósi þess,
að fyrir tveimur árum hafi slíkur
fálki verið seldur á 220 þúsund krón-
ur.
Skeiðsfossvirkjun:
Viðræður um kaup RARIK
VIÐRÆÐUNEFNDIR bæjarstjórnar Siglufjarðar og Rafmagnsveitna
ríkisins hafa hist á fimm formlegum fundum til að ræða hugsanleg
kaup Rarik á Skeiðfossvirkjun í Fljótum og dreifikerfi virkjunarinnar
af Siglufjarðarbæ.
Kristján Möller forseti bæjar-
stjórnar Sigluijarðar sagði í byijun
vikunnar að málið væri í jákvæðri
vinnslu, búið væri að fara í gegnum
margt viðvíkjandi sölunni en málið
væri í nánari skoðun. „Við gáfum
okkur engin sérstök tímamörk til að
ganga frá þessum málum og það er
eitt og annað sem tefur, ekki síst
ástandið í atvinnumálum bæjarsins,"
sagði Kristján.
Fulltrúar Rarik voru á Siglufirði
í febrúar og skoðuðu þeir virkjunina
og áttu viðræður við bæjarstjórn Si-
gluíjarðar.
Þórður Pálmason fv.
kaupfélagsstjóri látinn
ÞÓRÐUR Pálmason fyrrverandi
kaupfélagsstjóri í Borgarnesi er
látinn. Hann hefði orðið 92 ára í
næsta mánuði.
Þórður fæddist 23. apríl 1899 að
Höfða á Höfðaströnd í Skagafirði.
Foreldrar hans voru Pálmi Þórodds-
son síðast prestur á Hofsósi og kona
hans Anna Hólmfríður Jónsdóttir.
Þórður brautskráðist frá Verslunar-
skóla íslands 1918 og stundaði siðan
nám við Samvinnuskólann og fram-
haldsnám hjá samvinnufélögum í
Englandi og Danmörku.
Hann var bókhaldari hjá Kaupfé-
lagi Skagfirðinga á Sauðárkróki
1922-28 og kaupfélagsstjóri hjá
Kaupfélagi Skaftfellinga í Vík í
Mýrdal til 1932. Það ár var hann
ráðinn kaupfélagsstjóri hjá Kaupfé-
lagi Borgfirðinga í Borgarnesi og
gegndi því starfi til ársins 1968, eða
í rúmlega 35 ár. Þá tók hann að sér
að vera framkvæmdastjóri Dvalar-
heimilis aldraðra og byggði dvalar-
heimilið í Borgarnesi.
Þórður var í hreppsnefnd í Vík og
síðar lengi í Borgarnesi, þar af odd-
viti í tólf ár, og gengdi auk þess
ýmsum trúnarstörfum í félögum og
fyrirtækjum í héraði. Hann var í
stjórn Sambands íslenskra sam-
vinnufélaga 1939-75.
Þórður og eftirlifandi eiginkona
hans, Geirlaug Jónsdóttir frá Bæ á
Höfðaströnd, hafa búið í Reykjavík
frá árinu 1978.
\ erúluiimi þ vot lavélar
frá BLONBERG
Blomberg hlaut hin eftirsóttu 1F hönnunarverðlaun
fyrir glæsilega og trausta hönnun á þvottavélum.
Enn á ný ryður Blomberg brautina í hönn-
un heimilistækja.
1989 hlaut Blomberg alþjóðlegu
IF verðlaunin fyrir mjúku eldhúslínuna.
1990 fékk Blomberg hin eftirsóttu IF verð-
laun einir framleiðenda fyrir þvottavélar.
Þú getur eignast háþróaða verðlauna
þvottavél frá Blomberg.
Verið velkomin.
Við aðstoðum af fagmennsku.
8 gerðir. Verð frá kr. 56.900 stgr.
Blomberg þvottavélin -
Euro - Visa kjör.
Blomberg þvottavélarnar eru fullar
af tækninýjungum:
1. Sjálfvirk magnstilling á vatni.
2. Sparnaðarkerfi.
3. Áfangavinding.
4. Sjálfvirk jafnvægisstilling.
5. Hlífðarþvottur.
6. Yfirúðun.
7. Allt að 1.400 sn. vinding.
8. Tölvustýring á mótor.
9. 5 kg.
10. Flæðiöryggi.
trausty örugg, glæsileg.
Einar Farestveit & Co.hf.
Borgartúni 28, sfmar: (91) 622900 og 622901 - Næg bílastæði