Morgunblaðið - 05.04.1991, Qupperneq 21

21
MORGUNBLAÐIÐ FÖSTUDAGUR 5. APRÍL 1991
Hugleiðingar um iðnað og iðju
eftir Aðalstein
Jóhannsson
Við Islendingar höfum komist
hjá verulegu atvinnuleysi enn sem
komið er og stöndum að því leyti
betur en sumar nágrannaþjóðir
okkar, s.s. Danir og Bretar. Samt
höfum við stundað mikla yfir-
vinnu, svo mikla að hún getur
verið hættuleg heilsu manna og
hefur stundum brotið hana niður.
En þrátt fyrir allt stritið eru
ijármál ríkisins og peningamál
margra þegnanna í megnasta
ólagi. Dýrtíðin er á hraðri uppleið,
og henni fylgir siðferðisleg upp-
lausn. Gengisfellingar hafa verið
tíðar, og krónurýrnunin spillir
mjög fyrir eðlilegri sparnaðamð-
leitni. Þegar yngri og eldri verða
þess varir, að sparnaður er gagns-
lítill og stundum til ógagns, spil-
list „þjóðarsálin“ og lausbeislun á
sér stað.
Hér verður því að komast á
breyting til batnaðar. Ríkisstjórnin
verður að finna til ábyrgðar
sinnar. í upphafi ferils síns taldi
hún að öllu mætti breyta til bóta
með góðri stjórnsemi, en sú hefur
ekki orðið raunin á, að vísu hefur
dýrtíð minnkað en skuldasöfnun
er mikil.
Iðnaður okkar á við mikla erfið-
leika að stríða, en vaxtarskilyrði
hans varða þjóðina alla. Eins og
oft hefur verið bent á, eru aðalat-
vinnuvegirnir, fiskveiðar og land-
búnaður, ^ekki þess megnugir að
taka að fullu við þeirri mannljölg-
un, sem kemur á vinnumarkaðinn
næstu árin. Þess vegna þarf að
hlúa að iðnaði og skapa honum
eðlilega vaxtarmöguleika.
Skipasmíði hófst ekki að marki
hérlendis fyrr en á síðari árum og
náði fótfestu fyrir tilstilli ötulla
frammámanna. íslensku skipin
hafa gegnt hlutverki sínu fyllilega
til jafns við erlend skip, og undr-
ast margir að þróun iðnaðarmála,
skipasmíða ekki síst, skuli hafa
verið eins góð og raun hefur á
orðið. En það hefur orðið þessari
iðngrein helst til baga, að risið
hafa upp margar skipasmíðastöðv-
ar hér á landi, og verða þær þá
fljótt vanmegnugar þess að geta
allar gegnt hlutverki sínu sem
skyldi. Þetta hefur svo aftur Vald-'
ið nokkurri vantrú á iðngreininni
og orðið til þess að bregða fyrir
hana fæti, jafnvel kæft hana í
fæðingunni.
„En það hefur orðið
þessari iðngrein helst
til baga, að risið hafa
upp margar skipasmíð-
astöðvar hér á landi, og
verða þær þá fljótt van-
megnugar þess að geta
allar gegnt hlutverki
sínu sem skyldi.“
Það er vitað að fyrstu fagmenn
í skipasmíðastéttinni tileinkuðu
sér kunnáttu sína með því að fylgj-
ast með smíði skipa eriendis, og
síðan urðu meðfæddir hæfileikar
og haldgóð þekking á fiskveiðum
Aðalsteinn Jóhannsson
þessum mönnum leiðarljós, sem
þurfti til að skipin hentuðu í haf-
róti íslandsála.
Höfundur er tæknifræðingur.
Rauði krossinn:
Sjálfboða-
liðaþjón-
usta í þágn
aldraðra
GRÁA línan er heiti á nýrri þjón-
ustu sem Rauði kross Islands,
Félag eldri borgara, Soroptim-
istar og Bandalag kvenna í
Reykjavík gangast fyrir. Um er
að ræða nýja tegund sjálfboða-
liðaþjónustu, síma- og viðvika-
þjónustu fyrir aldraða á höfuð-
borgarsvæðinu. Um helgina
verður haldið stutt námskeið
fyrir þá aðila sem hafa áhuga á
að starfa við Gráu línuna.
Með símaþjónustunni gefst eldri
borgurum kostur á að ræða við
sjálfboðaliða í trúnaði, leita upplýs-
inga eða óska aðstoðar t.d. vegna
léttra viðgera og snúninga. Við-
vikaþjónustan felur í sér aðstoð
við ýmis smáviðvik, eins og minni
viðgerðir og sendiferðir. Ákveðið
hefur verið að fyrst í stað verði
Gráa línan opin einu sinni í viku
frá kl. 17-20 á mánudögum. Sím-
inn er 61 62 62 og má búast við
að starfsemin heijist um miðjan
mánuðinn.
Hugmyndin um Gráu línuna
varð til eftir að gerð var könnun
meðal aldraðra um viðhorf þeirra
til sjálfboðaliðastarfa. Ef marka
má niðurstöður könnunarinnar
mætir hún óskum eldri borgara og
er sett á stofn í samvinnu við þá.
Námskeið fyrir væntanlega
sjálfboðaliða verður haldið laugar-
daginn 6. apríl í húsakynnum Fé-
lags eldri borgara á Hverfisgötu
105 í Reykjavík og hefst kl. 10
árdegis. Skráning og nánari upp-
lýsingar eru veittar á skrifstofu
RKÍ í síma 26722.
(Frétt frá Ilauða krossi íslands)
---------------
Leiðrétting
I grein Magdalenu Thoroddsen í
blaðinu sl. miðvikudag átti að
standa „Hákon var að vísu giftur
Björgu móðursystur þeirra", ekki
„systur þeirra" eins og misritaðist
í blaðinu. Beðist er velvirðingar á
þessum mistökum.
---------------
■ LAUGARDAGSKAFFI
Kvennalistans verður kl. 10.30 á
Laugavegi 17, annarri hæð, 6.
apríl nk. I Laugardagskaffinu ræðir
Sigríður Dúna Kristmundsdóttir
um spurningarnar: Hafa fofsendur
þess að bjóða fram kvennalista
breyst síðan 1980? Hafa aðstæður
kvenna í íslensku þjóðfélagi breyst
síðan þá? Hvaða áhrif hefur
Kvennalistinn haft á framboð sitt?
Island í A-flokk !
REYKJAVÍK
HÁDEGISFUNDUR
Jón Baldvin í Múlakaffi
Jón Baldvin Hannibalsson,
formaður Alþýðuflokksins efnir til opins
stjórnmálafundar, föstudaginn 5. apríl
kl. 12.00 í Múlakaffi við Hallarmúla.
UMRÆÐUEFNI:
Kjörseðillinn, skattseðillinnjaunaseðillinn
_________og auði seðill íhaldsins
VESTURLAND
FUNDUR MEÐ JÓNI BALDVIN
Á AKRANESI
Alþýðuflokkurinn efnir til opins stjórnmálafundar með
Jóni Baldvin Hannibalssyni, utanríkisráðherra
á Hótel Akranesi, laugardaginn 6. apríl kl. 2
Stutt ávörp fiytja efstu menn á framboðslista
flokksins á Vesturlandi, Eiður Guðnason,
Gísli Einarsson og Sveinn Þór Elínbergsson.
Kynnist stefnu íslenskra jafnaðarmanna
Allir velkomnir
ALÞÝÐUFLOKKURINN
Jón Baldvin

1
f