Morgunblaðið - 16.04.1991, Qupperneq 47
jcc
JBPJPaí nuoAauLGiJW aiaAjavíuonoM
MORGUNBLAÐIÐ ÞRIÐJUDAGUR 16. APRÍL 1991
47
Guðmunda J. Péturs-
dóttir - Afmæliskveðja
Amma mín, Guðmunda Jóna Pét-
ursdóttir matráðskona, er níræð í
dag 5. apríl. Þegar slíks stórafmæl-
is er minnst eru ættir fólks oft rakt-
ar í löngum runum, en það verður
ekki gert hér. Ein aðalástæða þess
er að amma mín er svo ættfróð sjálf,
að ég hætti mér ekki út á þann
hála ís þegar hún sjálf á í hlut. Þess
í stað sendi ég henni kveðju mína,
vegna þess að ég get ekki verið
viðstaddur afmælisfagnaðinn á
Hrafnistu í Reykjavík.
Amma fæddist árið 1901 og til-
heyrir því aldamótakynslóðinni sem
reif ísland með dugnaði sínum inn
í nútímann. Þrautseigja þessarar
kynslóðar, hógværð og óbilandi sig-
urvissa lagði grunninn að því vel-
ferðarþjóðfélagi sem fólk af minni
kynslóð tekur sem sjálfsagðan hlut.
Dugnaður þessarar kynslóðar á líka
stóran þátt í því að íslendingar
endurheimtu sjálfstæði sitt. Allt frá
barnæsku og fram yfir sextugt
vann amma erfiðan og langan
vinnudag. Enginn sem þekkir hana
heyrði hana þó nokkurn tíma kvarta
og hún var aldrei fátæk þó efnin
væru ekki mikil. Amma kann nefni-
lega þá kúnst að gera veislu og
vönduð klæði úr litlum efnum. Það
að henda mat þekkist ekki hjá
Mundu Péturs, og raunar held ég
að hún flokki það með verstu glæp-
um.
Á minni stuttu æfi hef ég hitt
fólk á öllum aldri sem amma hefur
gefið að borða. Hún var matráðs-
kona í áratugi og rak meðal annars
eigin matstofu á ísafirði sem hét
Póllinn. Ég held að sú ætt sé varla
til í landinu, sem ekki á meðlim sem
Munda Péturs hefur gefið að borða.
Hún eldaði fyrir nemendur í Reykja-
nesskóla þegar pabbi minn, Pétur
Geir Helgason, var bam að aldri
og hún eldaði í mörg ár á Fjórð-
ungssjúkrahúsinu á ísafirði og fyrir
byggingaverkamenn svo eitthvað
sé nefnt.
Þegar ég er spurður að því hverra
manna ég sé og ég svara því að
ég sé afabarn hennar Mundu Pét-
urs, kemur oft fyrir að mér er svar-
að með hlýju í rómnum: „Já, já, hún
gaf mér að borða.“ Betri vitnisburð
er varla hægt að óska sér.
Amma er skapmikil kona, þó
ekki í þeim skilningi að hún sé skap-
vond. Hún hlær innilega og mikið
þegar henni er skemmt og hún finn-
ur til með samborgurum sínum þeg-
ar eitthvað bjátar á. Hún er líka
mikill dýravinur og hefur sagt mér
og öðrum afkomendum sínum
margar skemmtilegar sögur af
hrafnaþingum og öðrum uppákom-
um í dýraríkinu. Einnig dýrunum
gaf hún að borða, enda hændust
þau að henni. Amma hefur líka
gaman af kveðskap og kann urmul
af vísum og Ijóðum utanbókar sem
renna upp úr henni eins og hún sé
að segja nafnið sitt. Minni hennar
er reyndar svo mikið að það er með
ólíkindum. Þess vegna er líka gam-
an að heyra hana ri^'a upp sögur
frá uppeldisárum pabba, því hún
man hvert einasta prakkarastrik
eins og það hefði gerst í gær. Þá
man hún líka norskar vísur sem hún
heyrði af vörum norskra sjómanna
á heimili foreldra sinna þegar hún
var nokkurra ára, og ekki var
kannski ætlast til að börn heyrðu
eða færu með. í dag hefur hún
gaman að því að fara með þessar
vafasömu vísur þegar maður heim-
sækir hana á Hrafnistu.
Ég heimsótti ömmu mína oft sem
drengur þegar hún eldaði fyrir
byggingaverkamenn sem voru að
byggja íbúðarblokk í Túngötunni á
ísafirði. Systkini mín heimsóttu
hana í önnur eldhús, þannig vorum
við kynslóð eftir kynslóð í eldhúsi
Mundu Péturs og það var gott og
vinalegt eldhús. Skemmtilegast
þótti mér þó að heimsækja hana á
bakkana, þar sem hún bjó, og skoða
steinasafnið hennar. Fyrir mér voru
steinamir gersemar. Þegar hún
flutti frá Isafirði á Hrafnistu í
Reykjavík, gaf hún mér steinana.
Þar voru ekki bara gefnir steinar.
Þeir voru tákn alls þess sem þessi
mikla kona hefur gefið mér á h'fs-
leiðinni og er enn að gefa mér af
örlæti sínu.
Elsku amma mín, ég óska þér
innilega til hamingju með daginn.
Þó fjöll og firðir skilji okkur að á
afmælisdeginum þínum, dvel ég hjá
þér í huganum eins og alla daga.
Heimir Már Pétursson
Vegna mistaka er urðu er þessi
afmæliskveðja var birt í blaðinu,
birtist hún hér aftur.
T I L B 0 fl Á R S I N S
VEGNA HAGSTÆÐRAINNKAUPA
GETUM VIÐ BOÐIÐ
UM 47.000,- KR. VERÐLÆKKUN
Rubin ljós eik, 160 x 200 cm, með náttborðum og dýnum
(spring- eða latexdýnur).
Verð kr. 102.457,- stgr. og lánaverð kr. 109.457,-
Áður kr. 146.355,- stgr. og lánaverð kr. 156.529,-
_____________________Dætni urn greiðslumáta:_________
l)Visa/Euro raðgreiðslur í , 2) Munalán í 30 mánuði.
11 mánuði, ca. 10.888,- Utborgun 27.364,-, afborgun
hvem mánuð. á mánuði ca. 3.500,-
Utnboðsmettn: Austurland: Hólmar hf., Reyðarfirði.
Norðurlatid: Vörubær, Akureyri. Vestfirðir: Húsgagnaloftið, ísafirði.
SIEMENS-gæð/
STÓRGLÆSILEG
NÝ ÞVOTTAVÉL
FRÁ SIEMENS!
Enn á ný ryður Siemens brautina í þróun
og hönnun heimilistækja.
( þetta skiptiö meö nýrri þvottavél, sem slegiö hefur í
gegn og mun vafalaust veröa öðrum þvottavélaframleið-
endum fyrirmynd, því að hér er á ferðinni sannkölluð
tímamótavél í hönnun og notkun tölvustýribúnaðar, sem
býður upp á nýja og betri þvottaadferð en áður hefur
þekkst.
Mikil fjölbreytni í þvottakerfum, þeytivinding í áföngum og
þrír mismunandi vinduhraðar skapa nánast óendanlegt
svigrúm fyrir allan þvott, sérhvert óhreinindastig hans og
þann hámarkshita sem hann þolir.
Sjálfvirkur magnskynjari skammtar vatn inn á vélina
í samræmi við magn og gerð þvottar og það kerfi sem er
í gangi og aðlagar þannig vatnsnotkunina sjálfkrafa því
sem þvegið er.
Sérþróuð þvottatromla með þremur áföstum vatns-
hripum heldur vatninu á stöðugri
hreyfingu og tryggir þannig jafnt
gegnumstreymi á vatni um
þvottinn. Þessi nýjung sér til
þess að þvotturinn fær bestu
hugsanlegu meðhöndlun.
SIWAMAT PLUS 4200 uppfyllir allar Itrustu kröfur og
óskir sem gerðar eru til þvottavéla nú á dögum. Hún er
mjög þægileg í notkun með aðgengilegt, upplýst
stjórnborð. ítarlegur leiðarvísir á íslensku og greinargóð
tafla yfir öll möguleg þvottakerfi vélarinnar fylgja með.
Þær miklu gæðakröfur sem gerðar voru við þróun hennar
og framleiðslu tryggja auk þess auðvelt viðhald og langa
endingu.
Gæði á gæði ofan frá SIEMENS
SMITH&
NORLAND