Morgunblaðið - 14.05.1991, Qupperneq 43

MORGUNBLAÐIÐ ÞRIÐJUDAGUR 14. MAI 1991
43
Kristín Einarsdótt-
ir Syre — Minning
Látin er í Reykjavík Kristín Ein-
arsdóttir Syre söngkona. Þögnuð
er nú þýða raustin. — Kristín syng-
ur ekki framar fyrir okkur.
Átján ára að aldri kom hún til
Reykjavíkur og um tvítugt byrjaði
hún að læra að syngja, fyrst hjá
Sigurði Birkis og síðar fleirum, sem
ég kann ekki að nefna, en síðast
og lengst nam hún hjá Guðmundu
Elíasdóttur söngkonu. Kristín hafði
fallega alt-rödd, var gædd mjög
góðum tónlistarhæfileikum, kunni
ógrynni af lögum, íslenzkum, þýzk-
um, dönskum og norskum. Vakti
það furðu mína, hve vel hún var
heima í þýzkum ljóðum, sem oft
var erfitt að fá hér á íslandi, þegar
hún var ung. Hún drakk í sig allt,
sem hún heyrði sungið og söng
mikið með kórum; Breiðfirðinga-
kórnum, Dómkirkjukórnum undir
stjórn dr. Páls ísólfssonar í ára-
tugi, söng við jarðarfarir, var ein-
söngvari í Jólaoratoríu Bachs, þegar
hún var flutt hér í Reykjavík af
Tónlistarkómum og hljómsveit
Reykjavíkur undir stjórn dr. Victors
Urbancic; söng í útvarpskórnum
undir stjórn dr. Róberts A. Ottós-
sonar, með Samkór Reykjavíkur og
fór með honum til Norðurlanda.
Dr. Róbert stjórnaði Samkórnum
og síðar Söngsveitinni Fílharmoníu
og söng Kristín þar með frá byijun
og þar til Róbert lézt.
Fyrr á árum söng Kristín mikið
fyrir útvarpið og þá fyrstu árin í
beinni útsendingu. Hún söng og
söng, hér og þar og alls staðar, þar
sem sungið var. Kristín var heiðurs-
félagi í Félagi íslenzkra einsöngvara
og á hún heiður skilinn- fyrir mikið
og gott brautryðjendastarf í söng-
lífi Islendinga.
Fyrir hönd okkar félaga hennar
í Söngsveitinni Fílharmoníu færi ég
henni þakkir fyrir starf hennar og
söng, gleði hennar og vináttu í full
40 ár. Hún var trygg vinum sínum,
kát og skemmtileg í þeirra hópi,
rausnarleg og höfðingleg heim að
sækja. Hún stóð meðan stætt var
en þegar hún komst ekki lengur á
tónleika hafði líf hennar misst gildi
sitt; hún lét þá smám saman af
gleði sinni og beið eftir fari héðan.
Hún óttaðist ekki dauðann en laut
honum í auðmýkt. Það er stór stund
að fæðast í þennan heim og tignar-
leg, er sálin skilur við líkamann og
heldur á vit ódauðleikans. Eftir
langa lífdaga fagna flestir því að
fá að fara.
Kristín fæddist 14. september
1905 í Rúfeyjum við Breiðafjörð.
Foreldrar hennar voru Hólmfríður
Þorláksdóttir og maður hennar Ein-
ar Jóhannsson, skipstjóri frá Barða-
strönd. Móðurfaðir Kristínar var
Þorlákur Bergsveinsson, fæddur í
Svefneyjum á Breiðafirði, og kona
hans og amma Kristínar var Jó-
hanna Ivarsdóttir. Margir ijölhæfir
listamenn eru af þessari ætt, m.a.
Atli Heimir Sveinsson, tónskáld.
Maður Kristínar var Gabriel Syre,
af norskum ættum. Hann var gæfa
hennar og gleði. Það var því þung-
ur harmur fyrir Kristínu, er hann
lézt 28. júlí 1983.
Við vinir og félagar Kristínar úr
Söngsveitinni Fílharmoníu kveðjum
hana á vængjum söngsins.
Aðalheiður Guðmundsdóttir
„Hvenær, sem kallið kemur
kaupir sér enginn frí.“ Margir
þreyttir og þjáðir bíða lengi eftir
að kallið komi og biðja þá fremur
um lausn. Þannig var orðið ástatt
um vinkonu mína Kristínu, en hún
lést á Grund, sjúkradeild, 1. maí
sl. á 86. aldursári.
Kristín var ættuð úr Breiðafjarð-
areyjum. Kornung missti hún föður
sinn og þá, eins og gefur að skilja,
hefur orðið mikil breyting á högum
ungrar ekkju og fjögurra barna.
Engar tryggingar eða styrkir til
þess að framfleyta sér á. Oft komu
þá ættingjar til hjálpar og mun svo
hafa verið í þessu tilfelli. Kristín
var alltaf með móður sinni, en hún
vann fyrir þeim með saumaskap.
Þegar ég kynntist Kristínu bjuggu
þau þijú systkinin með móður sinni
hér í Reykjavík og var svo meðan
hún lifði og er mér minnisstætt
hvað annt Kristín lét sér um móður
sína. Lífið skapaði Kristínu ekki
þær aðstæður að hún fengi að
mennta sig fram yfir það, sem þá
var talið nauðsynlegt, en hún varð
sjálfmenntuð í góðu lagi, eins og
svo títt var um íslenskt alþýðufólk.
Kristín var grein af sterkum stofni,
hún var stolt og skapmikil, heiðar-
leg og hlý. Allir skyldu njóta sann-
mælis og breytti það engu þótt um
væri að ræða þann, sem Kristínu
annars líkaði ekki við. Hún var
ungum góð fyrirmynd á vinnustað,
vann af kappi og var stundvís svo
af bar. Ég var svo lánsöm að kynn-
ast Kristínu þegar ég sem ungling-
ur steig mín fyrstu spor utan vernd-
andi veggja heimilisins. Við vorum
daglega saman í 5 ár og notuðum
frítíma til sameiginlegra ferðalaga.
Aldrei fann ég að sá aldursmunur,
sem var á okkur, skipti þar nokkru
máli. Mér fannst eðlilegt að hún
réði ferðinni að mestu og naut þess
í staðinn að vera undir verndar-
væng hennar. Það sem strax dró
mig að Kristínu var, að í fari henn-
ar fann ég þá eiginleika sem á
mínu bernskuheimili voru taldir til
dyggða og hallaði ég mér því örugg
að henni. Stundum fannst mér, sem
var feimin og óframfærin, Kristín
mín svolítið ör, en ég held að með
því hafi hún verið að dylja feimni,
sem hún var alls ekki laus við.
Aldrei man ég að okkur Kistínu
yrði sundurorða, þótt stundum
greindi okkur á. Hún sagði þá
stundum: „Þetta er nú ekki rétt
hjá þér G.G. mín.“ Kristín átti
marga góða vini sem hún kynntist
gegnum sönginn. Músíkin var
hennar heimur, hennar líf og yndi
og því var lífið orðið henni dapur-
legt þegar hún gat ekki lengur
notið þess sem músíklíf bæjarins
hafði upp á að bjóða.
Kristín hafði sérlega fallega alt-
rödd, söng mörg ár í Dómkirkju-
kórnum og vel vissi ég að oft vann
hún í matartímanum sínum til þess
að geta farið og sungið við jarðar-
farir. Iðulega, eftir langan vinnu-
dag, fór hún á söngæfingu, sem
stóð yfir allt kvöldið. Hún var mjög
virk í sönglífi bæjarins um langt
skeið. Stundum varð ég vör við að
hún var kvíðin þegar.hún átti að
syngja einsöng. Hún hafði hárfína
tilfinningu fyrir músík og gerði
miklar kröfur og ekki síður til
sjáifrar sín. Allt breyttist, okkar
samverustundum fækkaði. Ég
eignaðist stóra fjölskyldu og hún
sinn góða mann. Oft skildu okkur
úthöf að, en vinskapur okkar var
þannig að þegar við hittumst á ný
var eins og við hefðum kvaðst í
gær.
Kannski eiga allir sitt skapadæg-
ur, en það hryggði mig að sjá þessa
stoltu, sterku konu svo mjög
beygða og bíða svo lengi eftir að
kallið kæmi. Mennirnir þenkja en
Guð ræður. Nú er það bæn mín
að Kristínu minni líði vel og hún
sé aftur búin að hitta þá sem voru
henni kærastir í þessu jarðlífi.
Bróður hennar, mágkonu og
frænkum sendi ég innilegar samúð-
arkveðjur.
G.G.
Macintosh fyrir byrjendur
Works - ritvinnsla, gagnasöfnun, töflureiknir og stýrikerfi á .
15 klst námskeiöi fyrirbyrjendurl Fáiö senda námsskrá.
--------------------------------
*o

Tölvu- og verkfræöiþjónustan
Grensásvegi 16 - flmm ár f forystu
KALT VAX
- NÚTÍMA
HÁREYÐING
Kalt vax fjarlægir óæskileg
líkamshár. Eitt handtak og öll
hárin hverfa.
Allt sem til þarf er tilbúið á einum
rennjngi.
Ekkert sull, engin fyrirhöfn, að-
eins eitt handtak.
s;
Tvær stærðir:
1) Stærri gerð
fyrir t.d.
fótleggi
Minni gerð
fyrir t.d.
andlit eða
bikini línu.
Póstkröfusendum
Stella, Bankastræti 3
Haskaup, Kringlunni
InfiflilsapÓtelí, Kringlunni
Breiðholtsapótek. Álfabakk
Húsavíkurapótek, Húsavík
Hagkaup, Skeifunni
HVAÐA
VEÐRISEMER
Meö Meco þarftu ekki
að hafa áhyggjur
af veðrinu, það er alltaf
hægt að grilla.
sW-
Hönnun MECO:
Loftflæðið gerir Meco
að frábæru útigrilli:
• Það sparar kolin.
• Brennur sjaldnar við.
• Hægt er að hækka og
lækka grindina frá glóðinni.
• Tekur styttri tíma að grilla
og maturinn verður
safaríkari og betri.
• Auðveld þrif.
Heimilistæki hf
SÆTÚNI8 SÍMI69 1515 ■ KRINGLUNNISÍMI6915 20
l/ti&utjKSveáfcfCUtÉe^iSaMjti/uftítH,