Morgunblaðið - 30.10.1991, Blaðsíða 26
26
MORGUNBLAÐIÐ MIÐVIKUDAGUR 30. OKTOBER 1991
Ráðherrum afhentir undirskriftalistar í Mývatnssveit:
Morgunblaðið/Hólmfríður
Ró yfir höfninni
Eftir mjög gott tíðarfar og góð aflabrögð í haust hefur nú síðustu
daga gert brælu og sjómenn því ekki komist á sjó í sama mæli og
áður. Bátarnir hafa því legið í höfninni og sjómenn bíða betri tíðar.
I haust hefur verið afar góð ufsaveiði hér um sióðir, en tvær nýliðn-
ar vikur hefur ekki viðrað sem skyldi til sjósóknar.
Hatrammlega unnið að
því að sverta Kísiliðjuna
-segir í forsknft listans
^ Björk, Mývatnssveit.
Á FUNDI sem haldinn var í Kísiliðjunni í Mývatnssveit föstudaginn
25. þessa mánaðar afhenti starfsfólk fyrirtækisins iðnaðar- og um-
hverfisráðherra undirskriftarlista
„Undanfarin ár hafa ýmis öfl
unnið hatrammlega að því að sverta
starfsemi Kísiliðjunnar í Mývatns-
sveit í því skyni að gera hana tor-
tryggilega í augum almennings. Þar
hefur aðallega verið að verki klíka
líffræðinga ásamt litlum en hávær-
um hópi leikmanna. I júlí síðastliðn-
um gaf sérfræðinganefnd um Mý-
vatnssrannsóknir út skýrslu sem
var afrakstur fimm ára rannsókna
á áhrifum kísilgúrnáms á lífríki
Mývatns. í skýrslunni kemur fram
að ekki hefur tekist að tengja sveifl-
ur í dýrastofnum Mývatns við starf-
semi Kísiliðjunnar. I skýrslunni eru
allar mengunarkenningar dæmdar
dauðar og ómerkar. Þrátt fyrir
þessar jákvæðu niðurstöður eru
andstæðingar Kísiliðjunnar enn við
sama heygarðshornið og herja á
Kísiliðjuna af enn meira offorsi en
fyrr.
Nú hefur Náttúruverndarráð
sent frá sér umsögn sína um skýrslu
sérfræðinganefndarinnar. Ef svo
ólíkiega færi að farið yrði að ráðum
Náttúruverndarráðs má áætla að
Kísiliðjan geti starfað í hæsta lagi
í þrjú ár til viðbótar. Niðurstaða
ráðsins er í takt við áróður trúaðra
andstæðinga Kísiliðjunnar í hópi líf-
fræðinga, enda formaður einn
þeirra og þar þykir ekki tiltökumál
að segja hálfan sannleika og skai
þar nefnt eitt dæmi.
I umsögn Náttúruvemdarráðs
þar sem segir:
segir orðrétt: „Aukning hefur orðið
á ákomu næringarefna, en aukning
í ákomu niturs, um 80%, er hins
vegar mikil og er áhyggjuefni.” í
skýrslu sérfræðinganefndarinnar er
staðfest að ákoma niturs hefur auk-
ist um 80%, en orðrétt er síðan
sagt í næstu setningu: „í saman-
burði við heildarumsetningu þess-
ara efna í vatninu sjálfu eru áhrif
þessara breytinga á ákomu lítil á
næringarbúskap vatnsins og þeirra
gætir ekki mælanlega í styrk nær-
ingarefna í vatninu.”
Starfsmenn Kísiliðjunnar hafa
áhyggjur af þeim óbilgjömu árásum
á starfsemi félagins sem haldið
hefur verið uppi af mönnum sem
viija kenna sig við náttúruvernd,
en ef stefna þeirra kallast náttúru-
vernd þá er hún á villigötum. Starfs-
menn Kísiliðjunnar eru þeirrar
skoðunar að náttúruvernd sé til
mannsins vegna og tryggja beri að
lífríkið allt starfí saman með hags-
muni allra að leiðarljósi til lengri
tíma litið. Starfsmenn Kísiliðjunnar
telja sig vera náttúruunnendur og
munu hér eftir sem hingað til haga
störfum sínum í samræmi við það.
Starfsmenn Kísiliðjunnar telja að
ómaklega sé vegið að atvinnuöryggi
þeirra og þar með afkomu fjöl-
skyldna þeirra. Allir sem málið
varðar verða að leggjast á eitt til
þess að tryggja áframhaldandi
starfsemi félagsins, því förum við
Morgunblaðið/Magnús J. Mikaelsson
Búið er að steypa upp neðri hæð fyrsta hússins sem byggt er fyrir
aldraða í Hrísey.
Fyrsta húsnæðið fyrir
aldraða byggt í Hrísey
FRAMKVÆMDIR við byggingu
íbúða fyrir aldraða í Hrísey
standa nú yfir. Fyrsta skóflu-
stunga að húsinu var tekin á 60
ára afmæli Hríseyjarhrepps 17.
ágúst síðastliðinn, en hana tók
Kári Valsson fyrrverandi sókn-
arprestur. Gert er ráð fyrir að
húsnæðið verði fullbúið um mitt
ár 1993.
Jónas Vigfússon sveitarstjóri í
Hrísey sagði að í húsinu yrðu fyrstu
íbúðirnar sem byggðar eru fyrir
aldraða í eynni. Húsið verður um
580 fermetrar að stærð, á tveimur
hæðum. Á neðri hæðinni verður ein
tveggja herbergja íbúð auk sameig-
inlegs rýmis, eldhúss, matsalar og
vinnuaðstöðu, en á þeirri efri verða
fjórar íbúðir, ein þriggja herbergja
en hinar tveggja.
Áætlaður kostnaður við bygging-
una er 43 milljónir króna, en verk-
taki er Björk hf. sem er í eigu heim-
amanna. Uppsteypu hússins er lok-
ið, neðri hæðin er steypt, en sú
efri verður út timbri. Stefnt er að
því að gera húsið fokhelt í kringum
áramót. Fullbúið verður húsið um
mitt árið 1993.
Jónas sagði að ekki væri búið
að auglýsa eftir kaupendum enn,
en fyrirspurnir hafi borist. Mikill
skortur væri á húsnæði í Hrísey,
þar væri mikil vinna og vitað væri
um fólk sem þangað vildi flytja, en
afar lítið væri um laust húsnæði.
Eitthvað væri um að íbúðir væru
iausar yfir vetrartímann, en þær
síðan nýttar sem surnarbústaðir
yfir sumarmánuðina. Með byggingu
íbúða fyrir aldraða væri þess vænst
að um annað húsnæði losnaði og
einhver hreyfing yrði á markaðnum.
Lítið hefur verið byggt af nýju
íbúðarhúsnæði í eynni síðustu þijú
til fjögur ár, í sumar var þar eitt
hús í byggingu.
undirritaðir starfsmenn Kísiliðjunn-
ar fram á stuðning þingmanna okk-
ar í þeirri baráttu sem framundan
er um framtíð okkar og félagsins,”
segir á undirskriftarlistanum.
Ráðherrunum var einnig afhent
skjal undiritað af átta eigendum og
ábúendum á Grímsstaðajörðinni þar
sem segir: „Við undirritaðir eigend-
ur og ábúendur á Grímsstaðajörð-
inni óskum eindregið eftir því að
Kísiliðjan dæli sem mest úr land-
helgi jarðarinnar. Hér er átt við
svæðið framan við bæina og vel í
kringum Slútnes, ásamt úr flóanum
milli Slútness og lands. Þetta er það
svæði sem Náttúruverndarráð legg-
ur til að ekki verði dælt af.”
Kristján
Geðverndarfélag Akureyrar:
Virkilega mikil þörf á að gefa
þessum málefnum gaum
- segir Rannveig Rögnvaldsdóttir, starfsmaður félagsins.
RANNVEIG Rögnvaldsdóttir
hefur verið ráðin starfsmaður
Geðverndarfélags Akureyrar, en
fyrirhugað er að efla mjög starf-
semi á vegum þess. Félagið hefur
fengið til afnota húsnæði að
Gránufélagsgötu 5. Þar verður
skrifstofa félagsins opin, þar sem
fólk getur leitað sér upplýsinga
og fræðslu og aðstoð verður veitt
þeim sem á þurfa að halda. Eitt
kvöld í viku verður þar opin hús
og einnig er á döfinni að efna
til fyrirlestra og fræðslufunda á
vegum félagsins.
Geðverndarfélag Akureyrar var
stofnað í desember árið 1974 og
var starfsemi þess blómleg fyrstu
10 árin, en síðan hafa komið tíma-
bil þar sem starfið hefur verið í
nokkurri lægð. „Við ætlum virki-
lega að reyna að halda lífi í félag-
inu með öflugri starfsemi í vetur.
Þetta er málaflokkur sem mikil
þörf er á að sinna og gefa gaum
að,” sagði Rannveig.
Félagið eignaðist fyrir nokkrum
árum eigið húsnæði við Ráðhústorg,
en varð að láta það af hendi vegna
andstöðu sem upp kom og sagði
Rannveig það hafa verið mikið áfall
er félagið varð að láta það frá sér,
en frá þeim tíma hefði félagið verið
á hrakhólum með húsnæði. Lions-
menn hefðu þó lánað húsnæði sitt
til fundahalda auk þess sem félagið
hafi fengið inni undir starfsemi sína
víða um bæinn. Með tilkomu húss-
ins við Gránufélagsgötu er ætlunin
að blása nýjum krafti í starf félags-
ins.
Rannveig sagði að fyrirhugað
væri að starfa í anda Geðhjálpar í
Reykjavík, en m.a. eru á vegum
þess starfandi ýmsir klúbbar, s.s.
eins og tómstunda- og ferðaklúbb-
ar. „Okkur dreymir um að koma á
slíku hér og það verður hægt ef vel
gengur og fólk sýnir þessu starfi
áhuga,” sagði Rannveig, en hún
sagði mikla þörf fyrir starfsemi af
því tagi og því vildi hún hvetja þá
sem áhuga hefðu á að leggja félag-
inu lið að hafa samband við skrif-
stofuna.
Á skrifstofu félagins getur fólk
nálgast margs konar fræðsluefni,
bækur blöð og tímarit, m.a. er þar
til tímarit Geðverndarfélags Akur-
eyrar, Geðfræðsla sem gefið hefur
verið út frá stofnun féiagins auk
annars efnis. Félagið, ásamt Brynj-
Morgunblaðið/Rúnar Þór
Stjórn Geðverndarfélags Akureyrar í nýju húsakynnum félagsins
við Gránufélagsgötu 5. Frá vinstri eru Sólveig Kristjánsdóttir, Rann-
veig Rögnvaldsdóttir, Þormóður Svafarsson, Kristín Sigursveinsdótt-
ir og Kristín Svavarsson. Á myndina vantar Brynjólf Ingvarsson og
Björgu Bjarnadóttur.
ólfi Ingvarssyni lækni, hefur fengið
leyfi til að þýða kafla úr bók um
geðfræði og mun þeir birtast í tíma-
ritinu, en trúlega mun öll bókin
verða þýdd á vegum félagsins og
mun aimenningur þá geta nálgast
aðgengilegt rit um þetta efni.
Skrifstofa félagsins að Gránufé-
lagsgötu er opin á mánudögum og
fimmtudögum frá kl. 10 til 12 og
á þriðjudögum frá 16 til 19, en á
miðvikudagskvöldum verður opið
hús hjá félaginu frá kl. 20 til 22
þangað sem allir eru velkomnir, en
þá gefst fólki færi á að taka í spil,
tefla, spjalla og fá sér kaffisopa.
Háskólinn á Akureyri:
Röð fyrirlestra
um íslenskt mál
HÁSKÓLINN á Akureyri ætlar að efna til fyrirlestra um íslenskt
mál fjóra laugardaga í nóvember. í framhaldi af fyrirlestrunum
verður efnt til málstofu um efni þeirra fyrir kennara á svæðinu.
Fyrirlestrarnir sem verða alls fjór-
ir eru opnir öllum almenningi, en
samhliða þeim verður haldið endur-
menntunarnámskeið fyrir kennara,
en það hefst strax að loknuin hveij-
um fyrirlestri. Á námskeiðinu verður
íjallað um efni hvers fyrirlesturs.
Pýrsti fyrirlesturinn verður hald-
inn 2. nóvember næstkomandi, þar
sem Baldur Jónsson prófessor ræðir
um nýyrði og þýðingar. Þorgeir Þor-
geirsson rithöfundur fjallar um þýð-
ingar fagurbókmennta í fyrirlestri
sem hann heldur laugardaginn 9.
nóvember. Ekki hefur verið gengið
frá því hveijir flytja hina fyrirlestr-
ana tvo, en í þeim verður annars
vegar fjallað um íðyrðasmíð í raun-
greinum, þ.e. þýðingu sérfræðiheita,
og hins vegar um stöðu íslensks
máls í nútímanum.
Grunn- og framhaldsskólakenn-
urum sem áhuga hafa á þátttöku í
námskeiðunum, sem efnt verður til
í framhaldi ofangreindra fyririestra,
er bent á skráningu í Háskólanum á
Akureyri.