Morgunblaðið - 30.10.1991, Blaðsíða 40

40
MORGUNBLAÐIÐ MIÐVIKUDAGUR 30. OKTÓBER 1991
Ekki í kvöld vinur. Ég er höfuð-
kúpubrotin ...
Hæðnisglottið yfir því að
íþróttaþátturinn fellur niður
fer þér ekki, góða.
þá átta sólarhringa sem ég var á
gjörgæsludeildinni. Gæfan fylgi
ykkur.
Gleymdi úlpunni
Tandri, sem er sjö ára drengur,
gleymdi úlpunni hjá leikfélaga
sínum í Hlíðunum en nú man
hann ekki hjá hverjum það var.
Úlpan er rauð, blá og gul. Sá sem
veit um úlpuna vinsamlegast
hringi í síma 681596.
Þakklæti til
borgarstarfsmanna
Síðastliðinn föstudagsmorgun
varð kona fyrir því óhappi að hún
datt í blautu grasinu í brekku
gegnt Blöndubakka 1-9. Hún kom
illa niður og fótbrotnaði illa. Það
vildi henni til happs að ungir
menn sem voru að vinna á sor-
peyðingarbíl þarna skammt frá
brugðust skjótt við og komu henni
til aðstoðar. Þeir kölluðu á sjúkra-
bíl og veittu henni aðhlynningu á
meðan beðið var eftir honum.
Þessi kona vildi koma á framfæri
innilegu þakklæti til þessara góðu
borgarstarfsmanna sem sýndi
henni svo mikla umhyggju í vand-
ræðum hennar.
Heyrnarlaus heil-
brigðisráðherra
í»essir hringdu . ..
Gott fordæmi
Erla hringdi og sagðist vilja
vekja athygli á því að biskupinn
herra ólafur Skúlason hefði hafn-
að boði páfans sem og fleiri boðum
um utanferðir til þess að spara.
Erla taldi þetta góða áminningu
fyrir ráðherrana sem aldrei gætu
neitað sér um nokkurn fund er-
lendis. Hún sagði þetta gott for-
dæmi hjá biskupi.
Fjórðungssjúkrahús
Norðurlands, Akureyri
Sigurður Gíslason vildi koma
eftirfarandi á framfæri: Sendi
Iæknum og starfsfólki gjörgæslu-
deildarinnar bestu kveðjur með
þakklæti fyrir frábæra hjúkrun
og alla þá alúð sem mér var veitt
Guð vill
sáluhjálp
allra manna
Athugasemd við greinina „Dóms-
dagur” frá 17. október.
Var dauði Jesú á krossinum sam-
kvæmt vilja Guðs?
Svarið er: „Svo elskaði Guð heim-
inn, að hann gaf son sinn einget-
inn, til þess að hver sem á hann
trúir glatist ekki, heldur hafí eilíft
líf.” (Jh. 3,16.) Var dauða og þján-
ingu Jesú spáð í Gamla testament-
inu? Jesús segir það sjálfur: „Ó, þér
heimskir og tregir í hjarta til þess
að trúa öllu því, sem spámennirnir
hafa talað. Átti ekki Kristur að líða
þetta og ganga svo inn í dýrð sína?”
(Lk. 24,25.) Hvers vegna kröfðust
Gyðingar krossfestingu Jesú? Var
það til að hjálpa svo að spádómur
og vilji Guðs myndi rætast? Nei,
það var vegna þess að þeir trúðu
ekki að Jesús væri sonur Guðs.
Þeir sögðu: „Hann guðlastar. Hann
er dauðasekur.” (Mt. 26,25.) Þeir
kölluðu Hann „svikara” (Mt. 27,63.)
Það voru mistök Gyðinga, að þeir
vildu morð saklauss manns. Þó
dauði Jesú þýði frelsun fyrir menn-
ina var það ekki tilgangur Gyðing-
anna, þvert á móti. Þess vegna
getur maður ekki þakkað, heldur
aðeins dæmt vondan tilgang þeirra.
Bera Gyðingar í dag ábyrgð á
dauða Jesú? Nei, synd er persónu-
leg. Orðin: „Komi blóð hans yfir
börn vor” gera börn Gyðinga ekki
ábyrgð. Við vitum að enginn frels-
ast, nema fyrir blóð Jesú Krists.
En Guð vill sáluhjálp allra manna.
( 1. Tim. 2,4.6;2 Pt 3,90; 1 Jh. 2,2.)
Þess vegna er frelsun líka möguleg
fyrir menn sem aldrei hafa þekkt
Jesúm, t.d. alla menn fyrir Krist
(Abraham, Móse), eða menn, sem
hafa aðeins heyrt neikvætt um Jesú.
Slík frelsun biblíunnar er líka skv.
kenningu V atíkanþingsins II
(1962-’65).
Sr. J. Habets
Nýlega fékk heilbrigðisráðherra
afhentar undirskriftir 10-11.000
manns úr Hafnarfirði, Garðabæ og
Bessastaðahreppi sem mótmæltu
kröfuglega öllum breytingum á
rekstri St. Jósefsspítala í Hafnarfírði
sem rekinn hefur verið með mikilum
ágætum. En nokkrum klukkustund-
um síðar á Alþingi flytur þessi sami
ráðherra þrumandi ræðu, þar sem
hann lýsir því yfir að hann taki ekki
mark á einum né neinum, hann einn
hafi vitið. Sem sagt hann heyrði
ekki raddir 10-11.000 manns, hann
var orðinn heyrnarlaus. Slíkur var
hroki ráðherrans að hann titraði og
skalf er hann sagði að fólk ætti ekki
að skipta sér af hans vinnu. Fólk sat
sem dolfallið, hafði ekki þessi sami
ráðherra rétt áður tekið við áskorun
10-11.000 manns, skilur hann ekki
eða heyrir hann ekki mótmæli þessa
fólks? Honum ber heilög skylda til
að taka tillit til sjónarmiða fólks. Ef
hann getur það ekki þá á hann að
lýsa því yfir að hann virði ekki skoð-
anir annarra eða að segja tafarlaust
af sér.
Eldri borgari í Reykjavík.
HÖGNI HREKKVÍSI
Yíkverji skrifar
Töluverðar umræður hafa orðið
um það að undanförnu, hve
nauðsynlegt sé að standa vel að
undirbúningi fyrir opinberar fram-
kvæmdir. Víkverji er þeirrar skoð-
unar, að slík verk eigi að vanda
eftir bestu getu. Hann leyfir sér
þó jafnframt að benda á, að fyrir
því eru íjölmörg dæmi að undirbún-
ingur opinberra framkvæmda
stendur í raun í vegi fyrir því, að
í þær sé ráðist, þótt allir séu sam-
mála um nauðsyn þeirra.
I þessu sambandi má minna á,
að það var ekki fyrr en Reykjavíkur-
borg hafði fengið Viðeyjarstofu að
gjöf að þar var tekið til hendi með
þeim hætti að nú er þetta forn-
fræga mannvirki orðið að almenn-
ingseign. Forystumenn Reykjavík-
urborgar einsettu sér að ljúka end-
urreisn staðarins á skömmum tíma
og stóðu við það fyrirheit með
glæsibrag.
XXX
Iskýrslu um störf Ferðamálaráðs
íslands 1990 er kafli undir fyrir-
sögninni: Snyrtiaðstaða við Gull-
foss. Þar segir meðal annars:
„í áratugi hefur verið rætt um
nauðsyn þess að koma upp snyrtiað-
stöðu fyrir ferðamenn við Gullfoss.
Þetta mál hefur oft verið til
umræðu innan Ferðamálaráðs frá
stofnun þess 1964. Margar tillögur
og teikningar að snyrtihúsi hafa
verið gerðar, en ekki orðið úr fram-
kvæmdum enn þar sem fjármagn
hefur ekki verið fyrir hendi.
En segja má að á árinu hafi
málið komist á nokkurt skrið.
29. júní 1990 samþykkti Skipu-
Iag ríkisins skipulag fyrir svæðið
vestan við fossinn. Stuttu síðar lauk
gerð stiga frá bílastæði og upp á
hæðina að vestanverðu við fossinn.
Náttúruverndarráð sá um gerð stig-
ans og var verkið fjármagnað með
aðstoð ýmissa aðila.
Hið samþykkta skipulag gerir ráð
fyrir að reist verði snyrtihús á hæð-
inni og gerð verði um 100 bílastæði
vestan við húsið.
í samræmi við skipulagið þarf
að færa upphaf Kjalvegar nokkuð
til vesturs frá núverandi vegar-
stæði.
Þá þarf einnig að leggja rafmagn
að svæðinu um nokkurn veg.
Áætlaður kostnaður við þessar
framkvæmdir er 9-10 milljónir
króna.
Ferðamálaráð óskaði því eftir því
að Vegagerðin og Rafmagnsveitur
ríkisins könnuðu hvort þessar stofn-
anir gætu framkvæmt þessi verk
fyrir eigið framkvæmdafé.
Jákvætt svar hefur borist frá
báðum stofnununum.
Þegar þessum byijunarfram-
kvæmdum er lokið er það von Ferð-
amálaráðs að takast muni að fjár-
magna byggingu snyrtihússins, sem
áætlað er að kosti 12-14 milljónir
króna.”
XXX
stæða er til að fagna því, að
eftir áratuga undirbúning á
vegum Ferðamálaráðs sé smíði
snyrtihúss við Gullfoss á næsta leiti.
Vonandi verður þannig að því verki
staðið eftir allan þennan tíma og
miklu vangaveltur, að allir verði
sáttir við niðurstöðuna. Mannvirkið
sómi sér vel á hinum viðkvæma
stað og kostnaður verði innan þeirra
marka, sem áætlað er.