Morgunblaðið - 21.02.1992, Blaðsíða 12
12
MORGUNBLAÐIÐ FÖSTUDAGUR 21. FEBRÚAR 1992
Breytt forgangs-
röð - Lifandi fólk
eftir Þóri
Kjartansson
I síðustu kosningum var eitt helsta
kosningamál Röskvu „Lifandi há-
skóli“. Stjórn stúdentaráðs hleypti
af stokkunum í framhaldi af þessu
svokölluðu menningarátaki. Snemma
á þessu skólaári var svo ljóst að leik-
húsferðir og jazz- og blúsuppákomur
í hádeginu voru aðaluppistaðan í
átakinu.
Ekki hafa þó allir nemendur orðið
jafnvarir við menningarátakið eins
og þeir sem að því standa því nú
hefur komið í ljós að sumir vissu
alls ekki af því að átak í menningar-
málum væri í gangi og enn aðrir
gátu ekki, þótt viljugir væru, tekið
þátt í því vegna þess að þeir voru
af þeim aðilum sem ábyrgir er fyrir
menningarviðburðum þeásum ekki
nægilega menningarlega þenkjandi.
A meðan formaður stúdentaráðs
og föruneyti hans ganga í leikhús
og fylgjast með hverri leiksýningunn
á fætur annarri heldur lífið áfram
og alvara lífsins býður námsmönnum
byrginn á ógnvænlegan hátt. Við
verðum að stokka upp spilin og
breyta forgangsröðinni. Við erum
flest hingað komin í þeim tilgangi
að hljóta góða og gilda menntun sem
er vel samkeppnishæf við háskóla
erlendis. Til þess að þessi meginhug-
sjón okkar nái fram að ganga verðum
við að taka á vandanum þar sem
hann er mestur og láta menntamál
og lánamál á oddinn. Mál málanna,
leikhúsferðir og listir, tónleikar og
myndlistarsýningar, eru mál sem við
megum ekki sofna yfir en það er
varla þess virði að fórna heilu há-
skólasamfélagi fyrir þau.
Menntun er mannsins megin
Eins og felstum er kunnugt hefur
ríkið skert fjárfrmalög til Háskólans.
Ef fer sem horfír stöndum við stúd-
entar frammi fyrir því að ekki verði
tekið við nýstúdentum á næsta ári.
Einnig mun þessi niðurskurður óhjá-
kvæmilega bitna á kennslunni og þar
af leiðandi ágæti menntunar okkar.
Þetta gæti orðið til þess að stúdentar
sem útskrifast frá Háskóla íslands
verði ekki sambærilegir við stúdenta
„Á meðan aðeins er um
einn valkost að ræða til
náms á háskólastigi á
Islandi getum við stúd-
entar ekki sætt okkur
við skólagjöld í neinu
formi því það myndi
augljóslega skerða rétt
okkar til náms. Ekkert
okkar má láta deigan
síga í baráttunni fyrir
góðum háskóla.“
sem útskrifast frá erlendum háskól-
um. Málið er því gríðarlega alvarlegt
og varðar okkur öll. Hluti af niður-
skurðinum birtist okkur í formi
skólagjalda. Skólagjöld eru okkur
stúdentum mikið áhyggjuefni því þau
hafa í eðli sínu tilhneigingu til að
hækka eftir að þau hafa einu sinni
verið sett á. Fyrir slíkum hækkunum
má finna dæmi í erlendum skólum.
Þórir Kjartansson
Á meðan aðeins er. um einn valkost
að ræða til náms á háskólastigi á
íslandi getum við stúdentar ekki
sætt okkur við skólagjöld í neinu
formi því það myndi augljóslega
skerða rétt okkar til náms. Ekkert
okkar má láta deigan síga í barátt-
unni fyrir góðum háskóla.
Félagslífið og þú
Félagslífið í vetur hefur verið ijöl-
breytt og má það helst þakka öflug-
um formönnum deildarfélaganna.
Hönnunarkeppni var haldin á vegum
Félags vélaverkfræðinema og var
lísadagar
Fallegar flísar prýða
hvert heimih.
Þær eru ekki bara fallegar,
heldur líka sterkasta efni á
gólf og veggi, sem völ er á.
Við seljum næstu daga mikið
af gólf- og veggflísum
á heimsþekktum
ðendum, með 10-50%
afslætti.
,1
Munið Hyggingavolliiiia.
25% úl og eílirslöövai*
í alll aíi 2 sii.
7
málníngarP JFM
pjónastan hf MSSL
akranesi #07
arma
HAFNARFIRDI
METRO
í MJÓDD
m
G.Á. Böðvarsson hf.
SELFOSSI
L«mwL
Grensásvegi 11 • Reykjavik • Slmi 83500
aðalframkvæmdaraðilinn að henni
formaður skorarinnar, Bjami Þ.
Bjarnason. Keppnin var haldin í
Háskólabíói að viðstöddum troðfull-
um sal áhorfenda. Keppni sem þessi
er til fyrirmyndar fyrir önnur deildar-
félög innan skólans og sýnir að há-
skólasamfélagið verður ekki frjótt
og lifandi nema sem flestir taki þátt
í að efla það. Það verður aldrei á
höndum einstakra aðila að efla fé-
lagslífið heldur okkar allra sem vilj-
um ekki að skólinn okkar sofi værum
blundi. Félagslíf og virkur háskóli
er ekkert fyrirbæri sem stendur og
fellur með leikhúsferðum það stendur
og fellur með þér.
Lifandi fólk sem hugsar hátt
Atvinnumálanefnd SHÍ var stofn-
uð í vetur að tillögu Bjarna Ármanns-
sonar sem síðan var kosinn formaður
nefndarinnar. í framhaldi af starfi
nefndarinnar var ákveðið að hafa
atvinnumálaráðstefnu og var fram-
kvæmdastjóri hennar kosinn Börkur
Gunnarsson. Ráðstefnan var haldin
í Háskólabíói og tók um fjórðungur
stúdenta þátt í henni.
Ráðstefna sem þessi hefur mikil-
vægu hlutverki að gegna. Hún teng-
ir stúdenta við atvinnulífið og eflir
samstarf Háskólans við það með
hagnýtum verkefnum stúdenta í
þágu ýmissa fyrirtækja. Slíkt sam-
starf getur hæglega orðið til þess
að kynna fyrir stúdentum möguleika
í atvinnulífinu sem eru margir og
athyglisverðir.
Állt of algengt er að stúdentar
komi út úr Háskólanum algerlega
óundirbúnir til að takast á við raun-
veruleg verkefni og má heimfæra
það upp á lélegt samstarf við at-
vinnulífíð. Með því að gera atvinnu-
málaráðstefnu að árlegum viðburði
í Háskólanum má koma í veg fyrir
að Háskólinn einangrist frá atvinnu-
lífinu og um leið leggja grunn að
betri hagvexti í framtíðinni.
Forgangsröð og fólkið
Nú þegar málin standa á þann veg
sem komið er þarf fólk með reynslu
sem tilbúið er.að takast á við vand-
ann og gera eitthvað í málunum.
Hugsjón nægir ekki ein og sér. Fólk-
ið sem hefur hana verður líka að
geta komið henni í verk. Með þessum
hugsunarhætti leggjum við Vöku-
menn af stað í kosningabaráttu og
ætlum okkur að koma heilsteyptir
út úr henni.
Megi listir og menning lengi lifa,
en vonandi við líka.
Höfundur er verkfræðinemi og
skipar 8. sæti framboðslista Vöku,
félags lýðræðissinnaðra stúdenta,
til stúdentaráðs.
(§) BOSCH
Höggborvél „SDS Plus“ með
ryksugu. Þreplaus hraðastilling
afturábak og áfram. 500 W.
Aukahlutir: Vinkildrif, meitil-
Höggborvél „SDS Plus“.
Þreplaus hraðastilling afturábak
og áfram. 500 W.
<2\
Gunnar Ásgeirsson hf.
Borgartún 24
Sími: 626080 Fax: 629980
Umboðsmenn um land allt