Morgunblaðið - 30.07.1992, Blaðsíða 34

34
MORGUNBLAÐIÐ FIMMTUDAGUR 30. JÚLÍ 1992
Snorrí Guðmunds-
son — Minning
Fæddur 29. nóvember 1914
Dáinn 23. júlí 1992
Með fáeinum orðum langar mig
að minnast tengdaföður míns, Snorra
Guðmundssonar sem lést að kvöldi
23. júlí síðastliðinn.
Snorri var fæddur á Feijubakka í
Öxarfirði. Foreldrar hans voru Guð-
mundur Jónasson og Sigmunda Jóns-
dóttir.
Þegar Snorri var á þriðja ári lést
faðir hans, þá leystist heimilið upp
og Snorri fór til ömmu sinnar og afa
sem bjuggu á Vestara-Landi í sömu
sveit og ólst þar upp.
Hugur Snorra stóð til búskapar
og var hann við nám á Bændaskól-
anum á Hvanneyri árin 1937-1939.
23. febrúar 1945 kvæntist hann
eftirlifandi eiginkonu sinni, Kristínu
Jónasdóttur fædd 15. september
1921 í Reykajvík, sama ár hófu þau
búskap í Akurseli í Öxarfirði. Þar
famaðist þeim vel og þar fæddsut
sjö af bömum þeirra níu. í Akures-
eli bjuggu þau til ársins 1960 en þá
breyttist hagur þeirra því Snorri varð
að hætta búskap af heilsufarsástæð-
um og flytja með fjölskyldu sína til
Reykavíkur.
í fegurstu sveit landsins var hann
borinn og bamfæddur og þar hafði
hann hugsað sér að búa í nágrenni
við tignarleg fjöllin sem mynduðu svo
fallega umgjörð um sveitina og belj-
andi straumköst Jöklu í hinum hrika-
lega en um leið heillandi farvegi sín-
um og silfurtærar bergvatnsár í ið-
grænum skógarlundum þar sem
hann hafði svo oft áð á ferðum sín-
um, frá þessum undraheimi íslenskr-
ar náttúru varð hann að hverfa með
fjölskyldu sína og fara á mölina eins
og það var kallað, það hafa verið
erfíð spor.
Þegar til Reykjavíkur kom keyptu
þau hjónin hús í Gufunesi og Snorri
hóf störf sem vélgæslumaður í
Aburðarverksmiðjunni.
í Gufunesi bjó íjölskyldan til árs-
ins 1963 er þau fluttu að Breiða-
gerði 29 í Reykjavík.
Snorri vann í Áburðarverksmiðj-
unni meðan hann hafði aldur til,
Eftir að hann hætti störfum dvöldu
þau hjónin löngum fyrir norðan, ann-
að hvort á Vestara-Landi eða i Ási
í Kelduhverfí.
Snorri eignaðist víða vini og kunn-
ingja enda var hann félagslyndur
maður, ræðinn og skemmtilegur.
Hann var fróður um land sitt, þau
hjónin ferðuðust mikið um landið á
sumrin. Þekking hans var víðtæk og
kom hún mér oft að góðum notum,
eitt sinn er við hjónin höfðum ákveð-
ið að skoða Jökulsárgljúfur og ná-
grenni þess, leitaði ég til Snorra og
bað hann að benda mér á áhuga-
verða staði og gönguleiðir, ekki stóð
á upplýsingunum, þekking hans á
þessi svæði var einstök og hafði hann
yndi af að tala um fegurð gljúfranna
og umhverfí.
Kærar voru honum þessar ljóðlínur
úr Öxarfjarðarljóðum:
Upp er runninn dýrðardagur
dásemd jarðar öll er skýr.
Líkt og opnist undrafagur
ævintýraheimur nýr.
Jökulsá í stríðum áraumi
streymir fram um gil og sand.
.. u. i' (.ii---^rí"K"
Hér er líkast ljúfum draumi
lands og sólar handaband.
Hjartað gleðja öll þau undur
allt frá sæ að heiðarbrún.
Fossinn, klettur, lækur, lundur,
lítill bær og gróin tún.
Fjöllum krýndur fagurgjörður
fýlltur skógi víðs um grund.
Aldrei gleymist Öxarjörður
eftir slíka morgunstund.
Snorri og Kristín eignuðust níu
börn:
Haukur Öxar, fæddur 17. mars
1945, hann lést af slysförum 1969.
Erla Hrönn, fædd 9. júní 1946, bú-
sett í Vestmannaeyjum. Sigmundur
Jónas, fæddur 8. nóvember 1947,
búsettur í Reykjavík. Hrafnhildur,
fædd 27. janúar 1949, búsett í
Reykjavík. Bára, fædd 23. janúar
1950, búsett í Reykjavík. Bryndís,
fædd 28. febrúar 1954, búsett í
Reykjavík. Ásdís, fædd 22. desember
1955, búsett í Reykjavík. Karólína
Bima, fædd 7. ágúst 1958, búsett í
Ási í Kelduhverfi. Snorri Birgir,
fæddur 21. ágúst 1963, búsettur í
Reykjavík.
Eg kveð tengdaföður minn með
söknuði og sendi tengdamóður minni
og öðrum aðstandendum innilegar
samúðarkveðjur.
Guðjón Weihe.
Með þessum orðum langar okkur
að minnast afa okkar, Snorra Guð-
mundssonar. Afí var okkur alltaf
meira en bara afí, því hann var okk-
ur bæði félagi og vinur. Að eðlisfari
var afí glaður og gamansamur í dag-
legri umgengni, rólegur í fasi, hjarta-
hlýr, skilningsríkur og hlustaði á
vandamál okkar, sem hann var alltaf
tilbúinn að hjálpa við að leysa úr.
Afí var alla tíð mikill náttúruunnandi
og dýravinur og eru okkur minnis-
stæðar ferðirnar í Jökulsárgljúfrin
og til Þingvalla með honum. Heimili
afa og ömmu hefur alla tíð verið
fallegt og hlýlegt, og okkur tekið þar
opnum örmum. Það dýrmætasta sem
afí skilur eftir sig er það sem hann
gaf okkur af sjálfum sér og munum
við geyma það í hjörtum okkar alla
tíð. Við söknum afa öll, en við vitum
að hann er í góðum höndum Guðs.
Guð blessi minningu hans.
Jóhann Marel, Erla Huld,
María Björk og Ágústa Hugrún.
Þegar ævisólin gengur til viðar
lýsa stjömur endurminninganna.
Tengdafaðir minn, Snorri Guð-
mundsson, fæddur á Feijubakka við
Öxarfjörð 29. nóvember 1914, sonur
Sigmundu Jónsdóttur og Guðmundar
t
Elskulegur eiginmaður minn, sonur, faðir, tengdafaðir, afi og bróðir,
JÓN HJÖRLEIFSSON,
Brekkustíg 35A,
Ytri-Njarðvík,
andaðist í Landspítalanum þriðjudaginn 28. júlí.
Fyrir hönd vandamanna,
Edda Hafsteinsdóttir.
t
Elskuleg móðir okkar, tengdamóðir, amma og langamma,
LÁRA MAGNÚSDÓTTIR,
sem lést á Hrafnistu 24. júlí, verður jarðsungin frá Fossvogs-
kirkju föstudaginn 31. júlí kl. 13.30.
Oddný Dóra Jónsdóttir, Þórir H. Konráðsson,
Helga Jónsdóttir, Hilmar Haraldsson,
Sigurður Jónsson, Sigríður Oddsdóttir,
Darnabörn og langömmubörn.
t
Eiginmaður minn, faðir, tengdafaðir, afi og langafi,
SIGURÐUR KRISTINSSON,
áður til heimilis á Unnarbraut 28,
lést sunnudaginn 26. júlí á hjúkrunardeild Heilsuverndarstöðvar
Reykjavíkur.
Jarðarförin verður auglýst síðar.
Hulda Þorbergsdóttir,
Kristinn Sigurðsson, Lilja Hulda Auðunsdóttir,
Bergþóra Sigurðardóttir, Róbert Róbertsson,
Kristfn Sigurðardóttir Golden, Georg D. Golden,
Jórunn Hulda Sigurðardóttir, Eyjólfur Magnússon,
barnabörn og barnabarnabörn.
t
Eiginmaður minn og faðir okkar,
BJÖRN EINARSSON,
Bessastöðum,
verður jarðsunginn frá Melstaðarkirkju
föstudaginn 31. júlí kl. 14.00.
Sætaferð verður frá BSÍ sama dag
kl. 10.00.
Þeim, sem vilja minnast hans, er bent
á Krabbameinsfélagið.
Ólöf Pálsdóttir og börn.
t
Maðurinn minn,
KJARTAN EGGERTSSON,
Fremri-Langey,
andaðist á Hrafnistu í Reykjavík 29. júlí sl.
Júlfana Einarsdóttir.
t
Eiginmaður minn og faðir okkar,
ÓSKAR SUMARLIÐASON,
Búðardal,
verður jarðsettur frá Hjarðarholtskirkju laugardaginn 1. ágúst
kl. 14.00.
Henný Berndsen og börn.
t
Ástkær móðir okkar, tengdamóðir, amma og langamma,
MARGRÉT S. ÁGÚSTSDÓTTIR,
sem andaðist í Borgarspítalanum 24. júlí, verður jarðsungin frá
Neskirkju föstudaginn 31. júlí kl. 13.30.
Sigrfður Einarsdóttir, Valur T ryggvason,
Guðmundur Einarsson, Ólöf Sigurðardóttir,
Agúst Einarsson, Eva Hreinsdóttir,
barnabörn og barnabarnabörn.
t
Eiginmaður minn, faðir, tengdafaðir, afi og langafi,
SNORRI GUÐMUNDSSON,
Þverbrekku 2,
áðurtil heimilis
í Breiðagerði 29,
verður jarðsunginn frá Bústaðakirkju í dag, fimmtudaginn 30. júlí,
kl. 13.30.
Blóm og kransar vinsamlegast afþakkaðir, en þeir, sem vilja minn-
ast hans, láti Krabbameinsfélagið njóta þess.
Kristfn Jónasdóttir,
Erla Hrönn Snorradóttir, Guðjón Weihe,
Sigmundur Jónas Snorrason,
Hrafnhildur Snorradóttir, Gísli Hauksson,
Bára Snorradóttir, Viðar Marel Jóhannsson,
Bryndís Snorradóttir, Guðmundur Hlöðversson,
Ásdís Snorradóttir, Friðrik Bjarnason,
Karólfna Birna Snorradóttir, Axel Yngvason,
Snorri Birgir Snorrason,
barnabörn og barnabarnabörn.
Jónassonar, andaðist á Borgarspítal-
anum fímmtudaginn 23. júlí 1992.
Æskuslóðirnar við Öxarfjörð voru
Snorra jafnan mjög kærar, og sér-
staklega hafði hann yndi af því að
rifja upp þann tíma er hann bjó þar.
Snorri var ljúfmenni, glaður og
skemmtilegur í viðmóti og við nánari
kynni kom í ljós að hann var hafsjór
af alis konar sögum. Hann bjó yfír
ríkri kímnigáfu er hann átti auðvelt
með að nota þegar það hentaði, en
fjærst var það skapgerð hans og
meðfæddri prúðmennsku að særa
nokkurn mann. Börnum leið mjög
vel í návist hans, því að hann bjó
yfir mikilli frásagnargleði, sem þau
kunnu að meta.
Margir leituðu til Snorra um hvers
kyns aðstoð, og var hún jafnan veitt
umyrðalaust og naut hann sín þá
enda var hann öllu vanur og höndin
hög.
Snorri eignaðist traustan lífsföru-
naut er hann 23. febrúar 1945
kvæntist eftirlifandi konu sinni,
Kristínu Jónasdóttur frá Reykjavík,
en hún er dóttir hjónanna Fransizku
Siguijónsdóttur og Jónasar Árnason-
ar. Kristín reyndist manni sínum vel
og studdi hann af alhug í hvívetna
og syrgir nú góðan eiginmann.
Þau Kristín og Snorri eignuðust
níu börn, sautján barnabörn og þijú
barnabamabörn og voru þau öll
augasteinar Snorra. Hann var ávallt
hinn trausti klettur, sem allir gátu
treyst og þrátt fyrir söknuðinn, sem
nístir á þessari stundu, er það okkur
eftirlifendum mikil huggun að honum
var hlíft við að brotna í bylnum stóra,
heldur gekk hann út af vettvangi lífs-
ins með fullri reisn, léttur í spori og
léttur í skapi, og þannig mun ég
ætíð minnast hans.
Ég var mjög stoltur af tengdaföð-
ur mínum og þótti gott að standa
við hlið hans.
Tengdamóður minni votta ég sam-
úð mína. Snorri tengdapabbi kveið
ekki þessum „vistaskiptum“, eins og
hann komst sjálfur að orði, því að
lokum mundi leiðin liggja heim í föð-
urgarð. Ég vona og bið, að hann
hafi átt góða heimkomu.
Svo leggur þú á höfin blá og breið
á burt frá mér og óskalöndum þínum
og stjama hver, sem lýsir þína leið
er lítill gneisti, er hrökk af strengjum mínum.
Þú skilur eftir minningar hjá mér
um margar gleðistundir frá liðnum árum,
og alltaf mun ég fagna og þjást með þér,
og þú skalt vera mín - í söng og tárum.
(Davíð Stefánsson)
Viðar Marel.
Lrfidry k k j 11 r
í rlit.'Stlf‘‘í ' t aff)
111, ít)} >( > n) fáilcgír
,.|l !í < IL' lí) jö,[’
t'<)() j >|f)itii'j.i
'íl'ly.v líttíái', i
'.iiil.l ' > j > >
0
FLUOLEIÐIR
ÍÍTIL Limilllt
BIÓM
SEGJA ALLT
Mikið úrval
blómaskreytinga
fyrir öll tækifæri.
Opið alla daga frá kl. 9-22.
Sími689070.