Morgunblaðið - 16.09.1992, Blaðsíða 21

MORGUNBLAÐIÐ MIÐVIKUDAGUR 16. SEPTEMBER 1992
Atvinnufrelsi
Landamæraflakk-
arar eru vandamál
FLEIRI OG fleiri Frakkar frá héruðunum Lorraine og Alsace yfir-
gefa Frakkland daglega til þess að stunda vinnu sína í Lúxem-
borg, Þýskalandi og Sviss. Fjöldi þeirra er nú um 100.000, en þeim
fer stöðugt fjölgandi.
Bærinn Wisembourg í Norður-
hluta Alsace er lýsandi dæmi.
Þriðjungur vinnufærra íbúa bæjar-
ins starfar hinum megin við Rín,
í Þýskalandi. Bærinn er þar með
orðinn að nokkurs konar þýskum
svefnbæ. Ástæðan er einföld;
30-40% hærri laun en bjóðast í
Frakklandi.
í landamærahéruðum Frakk-
lands er frelsi þegna Evrópubanda-
lagsins til að stunda atvinnu hvar
sem er innan bandalagsins löngu
orðið hluti af lífi fólksins. En at-
vinnufrelsið skapar einnig vanda-
mál því það eru einungis Frakkarn-
ir sem nýta sér það.
Vandamálin sem skapast eru
margs konar. Fyrst má nefna að
samgöngukerfið ræður ekki með
góðu móti við alla þessa umferð.
A hverjum einasta morgni fara
rúmlega 30.000 manns yfir landa-
mæri Frakklands og Lúxemborgar,
ýmist með lest eða á einkabifreið-
um. Á hverju ári auka frönsku
járnbrautirnar sætaframboð til
Lúxemborgar um 10%.
Fischer
fer ekki
rakleiðis
heim
Sveti Stefan. Eeuter.
BOBBY Fischer gerir ekki ráð
fyrir að halda rakleiðis heim
til Kaliforníu eftir einvígið við
Borís Spasskí í Svartfjalla-
landi. Hann ætlar að vera í
Sveti Stefan eða Belgrad í að
minnsta kosti ár og ferðast
milli Búdapest og Þýskalands.
Fimmtán lífverðir umkringja
Fischer jafnan og fréttamönn-
um hefur ekki tekist að fá hann
til að staðfesta áformin sem
ábyggilegur heimildarmaður
sagði frá. Samkvæmt upplýs-
ingum mannsins vill Fischer
halda áfram að tefla á skák-
mótum, hann telur sig þó of
gamlan fyrir stórmót og hyggst
taka þátt í smærri keppnum
og hraðskákmótum. Fischer
hefur storkað bandarískum yf-
irvöldum með framkomu sinni
og ummælum síðustu daga og
bendir það út af fyrir sig til
að hann ætli ekki að flýta sér
heim eftir keppnina við
Spasskí. Þá er hin 19 ára gamla
unnusta hans, Zita Rajcsani,
búsett í Búdapest.
Annað vandamál er verslun og
viðskipti þessa fólks. Lúxemborg
er efnað smáríki og þar er til dæm-
is virðisaukaskattur 5-10% lægri
en í Frakklandi og því er vöruverð
þar almennt lægra. Flestir kjósa
því að versla í Lúxemborg og stór
hluti teknanna situr því eftir þar,
sem aftur leiðir til þess að færri
atvinnutækifæri skapast á heima-
slóðum.
Annar hluti vandans er hveijir
sækjast helst eftir vinnu hinum
megin við landamærin. Reynslan
sýnir nefnilega að yfirleitt er um
að ræða menntafólk sem oft og
tíðum sættir sig við vinnu sem
ekki gerir kröfur í samræmi við
menntun þeirra. í Lúxemborg eru
engar æðri menntastofnanir og
mörgum Frökkum finnst að því
betur sem þeir mennti fólk, því
fljótara sé það að fá vinnu í Lúxem-
borg.
Þeir sem þykir grasið grænna
hinum megin verða þó einnig að
huga að framtíðinni. Yfirvöld í
Frakklandi óttast nefnilega að ef
atvinnuástand í Lúxemborg versni
verði útlendingarnir fyrstir til að
missa vinnuna, og þá verði engin
störf að hafa á heimaslóðum. En
enn sem komið er heldur þeim
áfram að 'fjölga sem leita yfir i
nágrannaríkið til að fá atvinnu.
Reuter
Mannijón í monsúnflóðum
Pakistanskur hermaður ber konu á land úr bát sem notaður var til
að bjarga fómarlömbum geysilegra flóða og aurskriða sem verið hafa
í norðurhluta landsins síðustu daga vegna monsúnrigninga. Hundruð
manna hafa týnt lífi, fjölmargra er saknað og um 3.000 þorp í hérað-
inu Punjab eru undir vatni. Flóðgarðar sem eiga að varna vatni úr
ánum Jhelum og Chenab leið að borginni Multan héldu enn er síð-
ast fréttist. Margir borgarbúar láta fyrirberast á húsþökum þar sem
þeir biðjast fyrir, muezzinar eða bænakallarar láta vel í sér heyra
frá turnum moskanna. Multan hefur um milljón íbúa, er afar forn
og heilög í augum múslima. Eignatjón er mikið, einkum á hrís- og
baðmullarökrum.
Kínaher beitt gegn
uppreisnarseggjum
Peking, Wahington. Reuter.
KÍNVERSKI herinn hefur gefið út tilskipanir um aðgerðir til að berja
niður óeirðir, þremur árum eftir blóðbaðið á Torgi hins himneska
friðar í Peking. Tilskipanirnar, sem kynntar voru í gær en samþykktar
í maímánuði, þykja sýna að Kommúnistaflokkurinn treystir enn á
herinn til að tryggja völd yfir 1,1 milljarði þegna. Öldungadeild Banda-
ríkjaþings hefur samþykkt að neita beri Kínverjum um bestu kjör í
viðskiptum við Bandaríkin nema að til komi breyting í átt til batnað-
ar þar eystra á sviði mannréttinda.
Öldungadeildarþingmenn áfram bestu kjara á næsta ári fel-
greiddu ekki formlega atkvæði um ast í kröfum um framþróun í mann-
skilyrðin en í stuttri umræðu sögðu
andstæðingar frumvarpsins að með
því vildu demókratar storka George
Bush Bandaríkjaforseta, afleiðing-
arnar yrðu einangrun Kína og þús-
undir atvinnulausra Bandaríkja-
manna. Fylgismenn sökuðu kín-
versk yfirvöld um undirokun þegn-
anna og mannréttindabrot og sögðu
útlit fyrir að viðskiptahalli landanna
næði 20 milljörðum á árinu.
Skilyrðin sem þingmenn vilja
setja fyrir því að Kínverjar njóti
réttindamálum, lausn þeirra sem
fangelsaðir voru eftir mótmæli lýð-
ræðissinna í Peking 1989, breyt-
ingu óréttmætra viðskiptahátta og
hlýðni við hindranir á útflutningi
eldflauga og kjarnorku.
Bush Bandaríkjaforseti beitti í
vetur neitunarvaldi gegn frumvarpi
um viðskiptahömlur gagnvart Kína
og á þingi féllu atkvæði 60-38, en
tvo þriðjuhluta þarf til að hnekkja
synjun forsetans. Því hefur hann
ekki þurft að sæta hingað til.
Tilskipanir kínverska hersins
benda til að yfirvöld dragi þrenns
konar lærdóm af þeim alþjóðlega
álitshnekki sem þau urðu fyrir við
drápin á Torgi hins himneska frið-
ar: Óeirðir skulu kæfðar í fæðingu,
með eins lítilli valdbeitingu og unnt
er og úr augsýn erlendra frétta-
manna. Þó er ekki girt fyrir byssu-
notkun en tekið fram að hvorki
skuli skotið í hrinum né inn í hóp
manna.
Hvatt er til sérstakrar árvekni
hersins á landamærasvæðum þar
sem íbúar hafa krafist sjálfstjórnar
og sagt að halda skuli leiðtogum
byltingarsinna frá glæpahyski og
erlendum óvinaöflum. í tilskipunum
hersins segir að handtaka eigi út-
lenda fréttamenn á óleyfilegum
þvælingi þegar óeirðir blossa upp
og gera upptæk tæki þeirra, skjöl
og efni sem unnið hefur verið.
Ný tt Libresse inv isib
21
Amato fær
stuðning
GIULIANO Amato, forsætis-
ráðherra Ítalíu, fékk í gær póli-
tískan stuðning við þá stefnu
sem hann hefur boðað til bjarg-
ar veikburða efnahagslífí Ítalíu.
Á sama tíma var ljóst að ítalska
líran stæði illa, þrátt fyrir að
aðeins tveir dagar væru liðnir
frá gengisfellingu hennar. Osc-
ar Luigi Scalfaro, forseti Ítalíu,
sagði í hvassyrtri yfirlýsingu,
að hann styddi efnahagsáætlun
Amatos. Hann hrósaði stjórn-
völdum fyrir dugnað við að
kveða niður pólitíska spillingu
og hvatti einarðlega til að kné
yrði látið fylgja kviði. Forsetinn
skoraði enn fremur á stjórn-
málaflokka, verkalýðsfélög og
vinnuveitendur að sýna ábyrgð
og axla sinn hluta af byrðunum.
Hægriöfgar
í Hollandi
HÆGRI öfgaflokkur, sem ætl-
unin er að fylgi svipaðri stefnu
og hægri þjóðernisflokkurinn
Vlaams Blok í Belgíu, hefur
verið stofnaður í Hollandi. Eitt
af stefnumörkum flokksins,
sem kallaður er Hollands Blok,
er að berjast fyrir verndun „hol-
lensks menningarsamfélags".
Hollenskum hægriöfgamönn-
um hefur hingað til ekki tekist
að vinna hylli almennings eins
og skoðanabræðrum þeirra víða
í Evrópu.
Bretar aftur-
kalla bóluefni
BRESK heilbrigðisyfirvöld aft-
urkölluðu í gær tvær gerðir af
bóluefnum sem notaðar hafa
verið til að vernda börn gegn
mislingum, hettusótt og rauð-
um hundum, þar sem rannsókn-
ir sýndu fram á tengsl bóluefn-
anna við væga heilahimnu-
bólgu. Heilbrigðisráðuneytið
sagði, að áhættan væri mjög
lítil, þar sem aðeins eitt af
hverjum 11.000 börnum kynni
að veikjast. Bóluefnin sem aft-
urkölluð voru eru Pluserix-
MMR og Immravax.
Hyggst selja
húsið til að
kosta aðgerð
NORÐUR-írinn George Jamison
hefur ákveðið að selja hús sitt
til að komast í hjartaaðgerð á
einkasjúkrahúsi, því að annars
yrði hann að bíða í allt að þrjú
ár, þar til hann verður 48 ára.
Læknar hafa lýst yfir að hann
geti hvenær sem er fengið
hjartaáfall og þarf hann því á
8000 pundum (um 850.000 ÍSK)
að halda.
Libresse invisible er aðeins 4 mm. þykkt.
Nýja Libresse bindið er helmingi þynnra en venjuleg dömubindi en alveg
jafn öruggt. Það er fest með tveimur litlum vængjum, (límflipum),
þunnt, öruggt og þægilegt. Ysta lag bindisins, sem er úr nýju efni
(Dry sensation), er alltaf þurrt viðkomu, 100% óbleikt. Þú hreinlega
tekur ekki eftir nýja Libresse invisible dömubindinu.
Libresse - alveg náttúrulegt.
Kaupsel hf.
Sími: 27770 - 27740