Morgunblaðið - 16.09.1992, Blaðsíða 44

MORGUNBLAÐIÐ, AÐALSTRÆTI 6, 101 REYKJAVÍK
SÍMI 691100, SÍMBRÉF 691181, PÓSTHÓLF 1555 / AKUREYRI: HAFNARSTRÆTI 85
MIÐVIKUDAGUR 16. SEPTEMBER 1992
VERÐ í LAUSASÖLU 110 KR.
Naumlega fellt á fjölmennum safnaðarfundi að byggja kirkju á Víghóli
Kirkjulóðin
tilheyri
Hjallasókn
Á AÐALFUNDI Digranessafnaðar sem lauk
eftir miðnætti í nótt og 1.100 manns sóttu,
var felld með 542 atkvæðum gegn 523 til-
iaga Þorbjargar Daníelsdóttur formanns
safnaðarnefndar um að haldið skyldi áfram
byggingu kirkju fyrir söfnuðinn á Heiða-
vallasvæði.
Að ákvörðun fundarstjóra skoðaðist með
þessári niðurstöðu samþykkt tillaga frá Ólafi
Jens Péturssyni um að leita skuli að lóð undir
kirkju sem sátt ríki um innan safnaðarins. Einn-
ig var samþykkt með eins atkvæðis mun, 440
atkvæðum gegn 439, tillaga um að óska eftir
endurskoðun á sóknarmörkum þannig að hluti
Digranessóknar, þar á meðal lóð hinnar fyrir-
huguðu kirkjubyggingar, tilheyri framvegis
Hjallasókn.
Frá afhendingu kjörgagna á safnaðarfundinum í gærkvöldi.
Morgunblaðið/Árni Sæberg
Hráefnisskortur
fiskvinnslunnar
30 þús. tonn
af þorski úr
Barentshafi
ARNAR Sigurniundsson for-
maður Samtaka fiskvinnslu-
stöðva segist telja að íslenskar
fiskvinnslustöðvar muni kaupa
allt að 30 þúsund tonn af þorski
úr Barentshafi til að bæta upp
mikinn samdrátt í þorskveiðum
hér við land.
Arnar segir að mikið virðist nú
vera af þorski í Barentshafi og
því muni fiskvinnslan sjálfsagt
leita leiða af þessu tagi nú þegar
fyrstu vísbendingar um 1992-
árgang þorsks úr seiðatalningar-
leiðangri Hafrannsóknarstofnunar
bendi til enn eins áfallsins til við-
bótar fyrir íslenskan sjávarútveg.
Bíldudalur
Leiga fram-
lengdtil 1.
nóvember
Bíldudal.
Á FUNDI skiptaráðanda þrotabús
Fiskvinnslunnar á Bildudal hf. og
forráðamanna Útgerðarfélags
Bílddælinga hf., sem haldinn var
síðdegis í gær, var ákveðið að
framlengja samning um leigu ÚB
á rekstrinum til 1. nóvember.
Skarphéðinn Þórisson bústjóri
sagði að finna þyrfti framtíðarlausn
á málum þrotabúsins. „Það er tak-
markað hvað er hægt að halda svona
dæmi gangandi, því þrotabúinu ber
: að koma eignunum í verð og það er
verið að vinna í því þó hægt gangi,“
sagði Skarphéðinn.
Forráðamenn Útgerðarfélagsins
hafa staðið í viðræðum við skiptaráð-
anda um kaup á eignum þrotabúsins
en ekkert liggur endanlega fyrir um
það, að sögn Skarphéðins. Fyrsti
skiptafundur verður 29. október.
R. Schmidt.
Ráðstafanir ríkisstjórnarinar til að efla atvinnustarfsemi í landinu
Nýjar framkvæmdir fyrir
tvo milljarða á næsta ári
Tekjuskattur fyrirtækja lækkar — Markaðsátak vegna EES — 240 millj. í rannsóknir
RÍKISSTJÓRNIN kynnti í gær ráðstafanir til að efla atvinnustarfsemi
í landinu. Ákveðið hefur verið að ráðast í opinberar framkvæmdir
umfram það, sem áður var ætlað, fyrir tvo milljarða króna á næsta
ári, einn milljarð árið 1994 og hálfan milljarð 1995. Einkum er um
vegaframkvæmdir að ræða. Þá verður gert markaðsátak í löndum
Evrópska efnahagssvæðisins fyrir 100 milþ'ónir og 240 milljónum var-
ið til þróunarstarfs og rannsókna. Tekjuskattur fyrirtækja verður lækk-
aður úr 45% í 33%. Þegar þessar aðgerðir hafa verið teknar með í
reikninginn er hallinn á fjárlogum næsta árs, sem nú eru í smíðum,
kominn í 6,2 milljarða króna. Ekki liggur fyrir hvort tekin verða er-
lend lán til að mæta auknum halla.
Ráðstafanir ríkisstjómarinnar,
sem ákveðnar eru með hliðsjón af
störfum atvinnumálanefndar stjóm-
arinnar, vom kynntar á blaðamanna-
fundi fiögurra ráðherra í gær. Davíð
Oddsson forsætisráðherra sagði að
ríkisstjórnin hefði nú tekið allar
helztu pólitískar ákvarðanir, sem
taka þyrfti í tengslum við fjárlög.
Hann sagði að þær framkvæmdir,
sem ráðizt væri í, væm valdar með
það fyrir augum að þær kölluðu ekki
á mikinn rekstrarkostnað í framtíð-
inni, heldur minnkuðu þvert á móti
kostnað og væru arðsamar. Hann
sagði að ráð væri fyrir því gert að
markaðir tekjustofnar, til dæmis
vegáskattur, yrðu notaðir þegar
efnahagsástand batnaði til að greiða
upp þau lán, sem tekin yrðu vegna
þessara framkvæmda.
Dæmi um stórframkvæmdir, sem
ríkisstjómin hyggst ráðast í, em brýr
yfir Kúðafliót og Jökulsá á Dal og
vegsvalir í Öshlíð. Jóhanna Sigurðar-
dóttir félagsmálaráðherra lagði
Virðisaukaskattur lækkar um 1% og breytingar gerðar á innskattsfrádrætti
Áætlað að heitt vatn í Reykja-
vík hækki um 12-13 prósent
Endurgreiðslur vegna húshitunar, bóka og fjölmiðla felldar niður
RÍKISSTJÓRNIN hefur samþykkt að lækka skatthlutfall virðisauka-
skatts um 1%, eða úr 24,5% í 23,5% og fella niður endiirgreiðslur inn-
skatts vegna húshitunar, afnotagjalda útvarps og sjónvarps, bóka, blaða
og tímarita í fjárlagafrumvarpi næsta árs. Gert er ráð fyrir að á móti
verði sérstakar niðurgreiðslur húshitunar auknar um 80 milljónir króna.
Gunnar Kristinsson hitaveitustjóri í Reykjavik segir að mæta verði
þessum nýja gjaldalið með hækkun á heitu vatni til notenda, sem við
fyrstu sýn megi áætla að nemi 12-13%. Jóhann Páll Valdimarsson,
formaður Félags islenskra bókaútgefenda, segir að kostnaður við bóka-
úlgáfu muni hækka um 18%, sem hfióti að leiða til samsvarandi hækkun-
ar bókaverðs. Hann segir að með þessari aðgerð sé verið að greiða
íslenskri bókaútgáfu rothögg.
Ríkisstjómin náði samkomulagi
um fjárlagafrumvarp næsta árs í gær
og hefur heildamiðurstaða þess hlot-
ið samþykki í þingflokkum
stiórnarinnar. Samkvæmt þeim
breytingum sem gerðar verða á
virðisaukaskatti mun lækkun virð-
isaukaskatts um 1% leiða til 1.500
milljóna_ króna tekjutaps fyrir rík-
issjóð. Ákvörðun um að fella niður
endurgreiðslur virðisaukaskatts til
fyrirtækja sem hafa notið undan-
þága frá álagningu virðisauka-
skatts á vöru og þjónustu leiðir til
1.700 millj. kr. tekjuauka fyrir rík-
issjóð. Áætlað er að endurgreiðslur
til húshitunar nemi um 40% af
þeirri upphæð og mun ríkið því spara
um einn milljarð króna með því að
hætta endurgreiðslum innskatts
vegna fjölmiðla og bóka ef farið verð-
ur að tillögum ríkisstjórnarinnar.
Þá er gert ráð fyrir sérstakri
hækkun vörugjalds á áfengi, tób-
ak, bensín og fólksbifreiðar og að
ríkissjóður afli 250 milljóna króna
viðbótartekna vegna þess.
Auk þessara aðgerða er ákveðið
að minnka endurgreiðslur af
virðisaukaskatti vegna vinnu iðn-
aðarmanna við íbúðarhúsnæði um
480 millj. kr. Loks er gert ráð fyr-
ir að ríkissjóður afli um 150 millj.
kr. vegna sérstakra innheimtuað-
gerða samhliða þessum breyting-
um.
Fjármálaráðuneytið telur að
framfærsluvísitalan muni hækka
um 0,28% vegna breytinga á virðis-
aukaskatti og að meðalútgjöld vísi-
tölufiölskyldunnar muni hækka
um 7.500 kr. á ári. Matvörur muni
lækka um 0,7% vegna lækkunar
virðisaukaskatts en hita- og raf-
magnskostnaður og bækur, blöð
og tímarit muni hækka um 10%.
Sjá fréttir og viðtöl á miðopnu
og bls. 26.
áherzlu á það á fundinum að sam-
göngubætur myndu skapa bættar
forsendur fyrir sameiningu sveitarfé-
laga.
Að sögn Jóns Baldvins Hannibals-
sonar utanríkisráðherra eiga þær
framkvæmdir, sem ráðizt er í, að
skapa 400-500 ársstörf. Ríkisstjóm-
in telur að þar með muni 300 milljón-
ir króna, sem ella hefðu farið í at-
vinnuleysisbætur, sparast. Friðrik
Sophusson fiármálaráðherra sagði
að þensluáhrif aðgerðanna á vexti
og gengi yrðu takmörkuð, þar sem
við framkvæmdirnar yrðu notaðar
vinnuvélar, sem ella stæðu ónotaðar
og mannafli, sem annars væri -át-
vinnulaus. Forsætisráðherra sagði
að ef innlend lántaka myndi leiða til
þess að vextir hækkuðu, kynni að
þurfa að taka einhver erlend lán.
Hvað varðar lækkun tekjuskatts
fyrirtækja sagði forsætisráðherra að
einkum væri verið að horfa til fram-
tíðar og samræma skattlagningu við
það, sem gerðist í samkeppnislöndum
Islendinga. Friðrik Sophusson sagði
að um leið og skatthlutfallið yrði
lækkað, yrðu ýmsar heimildir til
skattfrádráttar þrengdar. Væntan-
lega myndi ríkissjóður missa um 300
milljóna króna skatttekjur með
breytingunni. Á móti kemur að skatt-
tekur ríkisins hækka um leið og
umsvif færast í aukana. Áætlað er
að sá tekjuauki verði um 300 milljón-
ir.
Samkvæmt bráðabirgðatölum frá
fjármálaráðuneytinu verður kostnað-
urinn við efnahagsaðgerðirnar á
næsta ári um 2.100 milljónir króna
þegar sparnaður í atvinnuleysisbót-
um og auknar skatttekjur hafa verið
tekin inn í dæmið. Hallinn á íjárlög-
um næsta árs verður því 6,2 milljarð-
ar króna, en án efnahagsaðgerðanna
hefði hallinn orðið 4,1 milljarður.
Heildartekjur ríkisins á næsta ári eru
áætlaðar 104,8 milljarðar króna, en
gjöldin tæpir 111 milljarðar.
Sjá miðopnu og bls. 26.