Morgunblaðið - 01.10.1992, Blaðsíða 4

StJ
<mi msóTHO i Hinunum^ii (Miaihwjímom
MORGUNBLAÐIÐ FIMMTUDAGUR L OKTÓBER 1992
Hafnarfjarðarbær í viðræðum
við nýja aðila um vatnsútfiutning
SAMNINGUR Vatnsberans hf. og Hafnarfjarðarbæjar um vatnstöku
vegna fyrirhugaðs vatnsútflutnings Vatnsberans hf. rann út 1. júní
síðastliðinn, að sögn Guðmundar Benediktssonar bæjarlögmanns í
Hafnarfirði. Þórhallur Gunnlaugsson forsvarsmaður Vatnsberans hf.
segir hins vegar að samningurinn sé í fullu gildi. Að sögn Guðmund-
ar hafa nokkrir aðilar sýnt því áhuga að fá samning við bæinn um
vatnstöku til útflutnings. Samkvæmt heimildum Morgunblaðsins hafa
forsvarsmenn Hafnarfjarðarbæjar m.a. átt viðræður við menn sem
hættu þátttöku í Vatnsberaverkefninu og vilja taka upp þráðinn þar
sem frá var horfið.
Á síðastliðnu vori var sagt frá
því að áhugahópur um vatnsútflutn-
ing, sem Þórhallur Gunnlaugsson
var forsvarsmaður fyrir, væri að
kanna möguleika á útflutningi á
vatni með stórum tankskipum og
að félagið hefði gert samkomulag
við Hafnarfjarðarbæ um vatnstöku
úr borholum í Kapelluhrauni.
Vatnsberinn hf. auglýsti í vik-
unni innköllun á kröfum og lofaði
að greiða þær innan 35 daga. Jafn-
framt var tilkynnt að innan fárra
daga yrði aðalfundur félagsins boð-
aður. Í auglýsingunni er það tekið
sérstaklega fram að eftirtaldir aðil-
VEÐUR
ar séu með öllu ótengdir fyrirtæk-
inu: Bergur Guðnason hdl., Páll G.
Jónsson — Pólaris, Hani Ahmed —
Omni Invest og dr. Donald Rocco
— United Gulf.
Guðmundur Benediktsson bæjar-
lögmaður í Hafnarfirði sagði í gær
að samningur Hafnarfjarðarbæjar
og Vatnsberans um vatnstöku og
vatnslögn í hús við Hjallahraun
hefði fallið úr gildi 1. júní síðastlið-
inn. Áformað var að tappa vatninu
þar á flöskur og flytja út. Guðmund-
ur sagði að samningurinn hefði
verið skilyrtur. Meðal annars hefði
Vatnsberinn hf. þurft að hefja
framkvæmdir fyrir 1. júní, það hefði
ekki verið gert og samningurinn
því fallið úr gildi.
Guðmundur vildi ekki upplýsa
um viðræður við aðra aðila um
vatnsútflutning frá Hafnarfirði í
kjölfar þessa, hann sagði aðeins að
undanfarnar vikur hefðu nokkrir
aðilar sýnt því áhuga að fá að taka
vatn úr landi Hafnarfjarðar til út-
flutnings. Ekkert væri frágengið í
þeim efnum. Samkvæmt heimildum
Morgunblaðsins hafa viðræður átt
sér stað við Berg Guðnason og Pál
G. Jónsson, sem áður unnu með
Þórhalli Gunnlaugssyni að undir-
búningi vatnsútflutningsins, og
samstarfsmenn þeirra. Þeir hafa
áhuga á að taka upp þráðinn þar
sem frá var horfið í undirbúningn-
um. Hugmyndir þeirra munu hins
vegar ekki vera eins stórar í sniðum
og Vatnsberamanna og er talið að
áætluð vatnsþörf þeirra rúmist inn-
an núverandi vatnsöflunar bæjarins
og veitukerfis.
IDAG kl. 12.00
/ Heimlld: Veðurslofa íslands
(Byggt á veðurspá kl. 16.15 i gær)
VEÐURHORFUR I DAG, 1. OKTOBER
YFIRLIT: Um 900 km suðvestur af Reykjanesi er hægfara 975 mb lægð
sem grynnist, en 1027 mb hæð milli Jan Mayen og Norður-Noregs. 1100
km suður í hafi er 990 mb lægð sem hreyfist norður en síðar norðvestur.
SPÁ: Austan og suðaustan átt á landinu og lítið eitt kólnandi. Rigning
eða súld á Suðaustur- og Suðuriandi og síöar um daginn einnig suðvest-
anlands. Þokuloft við austur- og norðurströndina en sumstaðar léttskýj-
að inn til landsins fyrir norðan.
VEÐURHORFUR NÆSTU DAGA:
HORFUR Á FÖSTUDAG: Suðaustan og austan átt. Fremur vætusamt
um landið sunnan og suðaustanvert, en úrkomulftið í öðrum landshlut-
um. Hiti 5-10 stig, hlýjast norðvestan tii.
HORFUR Á LAUGARDAG: Hæg breytileg og sfðar suðvestlæg átt. Skúr-
ir um tandið sunnan og vestanvert, eri norðaniands léttir til. Hiti 7-12 stig.
Svarsími Veðurstofu íslands — Veðurfregnir: 990600.
O &
Heiðskírt Léttskýjað
r r r * r *
r r * r
r r r r * r
Rigning Slydda
& ái ®
s
'. •
V
Hálfskýjað Skýjað Alskýjað
Sunnan, 4 vindstig.
Vindörin sýnir vindstefnu
og fjaðrimar vindstyrk,
heil fjöður er 2 vindstig.
* * *
* *
* * *
Snjókoma
t * 10° Hitastig
V V v
Skúrir Slydduél El
Súld
Þoka

FÆRÐA VEGUM: (KL17.30ígær)
Allir helstu þjóðvegir landsins eru greiðfærir. Ekki er vitað um færð á
hálendisvegum á norðanverðu landinu. Má þar nefna Sprengisandsveg
norðanverðan, Eyjafjarðarleið, Skagafjarðarleið og Kverkfjallaleið. Kjal-
vegur og Fjallabaksleiðir, nyrðri og syrðri eru snjólausar og sama er að
segja um Lakaveg. Upplýsingar um færð eru. veittar hjá Vegaeftirliti í
sfma 91 -631500 og f grænni ifnu 99-6315. Vegagerðin.
VEÐUR VÍÐA UM HEIM
kl. 12.00 í gær að ísl. tíma
hltl veður
Akureyri 12 léttskýjað
Reykjavík 11 rigning
Bergen 12 alskýjað
Helsinki 13 alskýjað
Kaupmarmahöfn 13 léttskýjað
Narssarssuaq 6 léttskýjað
Nuuk 1 skýjað
Osló 10 léttskýjað
Stokkhólmur 10 súld
Þórshöfn 11 þoka
Algarve 23 iéttskýjað
Amsterdam 18 þokurnóða
Barcelona 24 skýjað
Berlín 15 skýjað
Chlcago 5 léttskýjað
Feneyjar 20 þokumóða
Frankfurt 16 alskýjað
Glasgow 12 rigning
Hamborg 16 skýjað
London 15 rigning
LosAngeles 18 hálfskýjað
Lúxemborg 15 skýjað
Madrid 22 léttskýjað
Malaga 23 léttskýjað
Mallorca 26 léttskýjað
Montreal 2 Skýjað
NewYork 8 léttskýjað
Orfando 22 þokumoða
París 18 skýjað
Madelra 24 skýjað
Róm 26 hálfskýjað
Vín 16 skýjað
Washington 8 léttskýjað
Winnípeg 4 skýjað
Þórhallur Gunnlaugsson sagði í
samtali við Morgunblaðið að félagið
einbeitti sér nú að því að innkalla
og gera upp þær skuldir sem orðið
hefðu útundan í vor og að undirbúa
aðalfund. Eftir aðalfund myndi fé-
lagið greina frá áformum sínum og
stöðu. Sagði Þórhallur að samning-
ur Vatnsberans og Hafnarfjarðar-
bæjar væri í fullu gildi enda væru
framkvæmdir löngu hafnar.
Deyfð yfír fasteigna-
markaði á þessu ári
Líkur á að dragi úr framboði hús-
bréfa og ávöxtunarkrafa lækki
LÍKUR eru nú á að draga muni
úr framboði húsbréfa þegar nær
dregur áramótum vegna minnk-
andi fasteignaviðskipta sem ætti
að leiða til þess að ávöxtunarkrafa
bréfanna lækki. Á þessu ári hefur
ríkt deyfð yfir fasteignamarkaðn-
um og samdráttur orðið í af-
greiðslu á húsbréfum frá Hús-
næðisstofnun. Þetta kemur fram
í nýju fréttabréfi Landsbréfa þar
sem fjallað er um fasteignamark-
aðinn og útgáfu húsbréfa. Tekið
er hins vegar fram að slíkar
vangaveltur verði að skoðast í
samhengi við vaxtaþróunina á
fjármagnsmarkaðinum í heild.
Á þessu ári hefur verið samdráttur
í útgáfu húsbréfa frá húsbréfadeild
Húsnæðisstofnunar miðað við sl. ár
eins og raunar að var stefnt í fjárlög-
um. Utgáfa húsbréfa dróst saman
um 24,5% fyrstu átta mánuði ársins
og er áætlað að hún nemi nálægt
12 milljörðum króna á þessu ári. Er
þetta raunar í samræmi við fjárlög
ársins. Á sl. ári nam útgáfan hins
vegar 15,5 milljörðum króna.
I fréttabréfi Landsbréfa er á það
bent að samdráttarins hafi fyrst og
fremst gætt í viðskiptum með notað-
ar íbúðir en afgreidd lán vegna þeirra
hafa dregist saman um 16,7%. Um
24% fleiri lán hafa verið afgreidd
vegna nýrra íbúða en heildarfjárhæð
lána er hins vegar svipuð og á sl.
ári. Nýjasti flokkur húsbréfa sem nú
er að koma á markaðinn er um fjór-
ir milljarðar króna og er áætlað að
dugi út árið. Ávöxtunarkrafa hefur
að undanfömu verið á bilinu 7,60-
7,65% en sl. þriðjudag lækkuðu
Landsbréf sem er viðskiptavaki bréf-
anna kröfuna úr 7,65% í 7,60%. Jafn-
framt var söluávöxtun hækkuð í
7,5%.
Fréttabréfið bendir á að ýmis
merki séu um að offramboðs gæti á
íbúðarhúsnæði, sérstaklega í ný-
byggingum, en skv. bráðabirgðaupp-
lýsingum Fasteignamatsins hafi enn
sem komið er ekki orðið vart varan-
legrar verðlækkunar. Hins vegar
hafi á síðustu mánuðum tekið að
gæta þeirrar þróunar að húsbréf
væru í vaxandi mæli tekin sem
greiðsla á nafnverði, þ.e. án affalla,
vegna deyfðar á markaði. Þá segir
að jafnframt hafi seljendur litið svo
á að greiðsla í húsbréfum og útborg-
unin réttlæti staðgreiðsluafslátt. Ef
kaup og kjör séu almennt farin að
vera með þessum hætti megi segja
að frekari þróun í átt til raunverðs-
lækkunar sé hafin.
Hringum
fyrir 500
þús. stolið
23 PÖRUM af trúlofunar-
hringum að verðmæti um 500
þúsund krónur var stolið úr
gullsmíðabúð Jóhannesar
Leifssonar við Laugaveg 30 í
fyrradag.
Tilkynnt var um þjófnaðinn
um hádegisbilið og hafði þá
tveimur bökkum með trúlofun-
arhringum verið stolið úr búð-
inni án þess að starfsmenn
hennar hefðu nokkurs grunsam-
legs orðið varir. Hvert par var
að verðmæti frá 18.600 - 36.00
krónur.
RLR var falin rannsókn máls-
íns.
Ásgeir Friðjónsson
héraðsdómari látínn
ÁSGEIR Bergur Friðjónsson, hér-
aðsdómari í Reykjavík, er látinn,
55 ára að aldri.
Hann fæddist í Reykjavík þann
22. maí 1937, elstur fimm sona hjón-
anna Friðjóns Sigurðssonar, fyrrum
skrifstofustjóra Alþingis, og Áslaug-
ar Siggeirsdóttur.
Ásgeir lauk stúdentsprófí frá MR
árið 1957. Hann var starfsmaður
Norðurlandaráðs frá 1959 til 1966
en lauk embættisprófi í lögfræði frá
Háskóla íslands árið 1969 og gerðist
þá fulltrúi lögreglustjórans í Reykja-
vík og var aðalfulltrúi lögreglustjóra
til ársins 1973 er hann var settur
og síðan skipaður sakadómari við
nýstofnaðan Sakadóm 1 ávana- og
fíkniefnamálum. Þeim dómstóli veitti
Ásgeir Friðjónsson forstöðu uns rétt-
arfarsbreytingar voru gerðar 1. júlí
1992 en þá tók hann við embætti
dómara við héraðsdóm Reykjavíkur.
Ásgeir var varaforseti Skáksam-
bands íslands frá 1969 til 1974 og
átti sem slíkur þátt í undirbúningi
og framkvæmd heimsmeistaraein-
vígisins í skák árið 1972.
Ásgeir Friðjónsson lætur eftir sig
eiginkonu, Kolfinnu Gunnarsdóttur,
og þijú börn.