Morgunblaðið - 01.10.1992, Blaðsíða 30

30
MORGUNBLAÐIÐ FIMMTUDAGUR 1. OKTÓBER 1992
Safnaðarheimili
Akureyrarkirkju
Einsöngs-
tónleikar
Jóns Þor-
steinssonar
JÓN Þorsteinsson tenórsöngv-
ari heldur tónleika í Safnaðar-
heimili Akureyrarkirkju annað
kvöld, föstudagskvöldið 2. októ-
ber. Þeir hefjast kl. 20.30 og
undirleikari Jóns á tónleikunum
er Gerrit Schuil. A efnisskránni
eru sönglög eftir norræn tón-
skáld.
Jón Þorsteinsson hefur starfað
við Ríkisóperuna í Amsterdam þar
sem hann hefur sungið yfir fímm-
tíu hlutverk. Þá hefur hann sungið
einsöng á óperusviði og með kór-
um í flestum löndum Evrópu og í
Bandaríkjunum. Hann hefur á
liðnum árum komið fram með ís-
lenskum kórum, __ Sinfóníuhljóm-
sveit íslands og íslensku hljóm-
sveitinni. Síðastliðið vor tók hann
þátt í frumflutningi óperunnar Life
with an Idiot eftir fremsta núlif-
andi tónskáld Rússlands, Alfred
Schnittke, við óperuna í Amsterd-
am undir stjórn Mstislavs
Rostropovitsj.
Jón hóf söngnám í Noregi árið
1974 og hélt áfram námi við tón-
listarháskólann í Árósum og
seinna hjá Arrigo Pola í Modena
á Ítalíu.
Undirleikari er Hollendingurinn
Gerrit Schuil, en hann hefur um
árabil stjórnað hljómsveitum víða
í Evrópu og Bandaríkjunum.
Bubbi í
Sjallanum
BUBBI Morthens heldur tón-
leika í Sjallanum í kvöld,
fimmtudagskvöldið 1. október
og hefjast þeir kl. 20.30.
Ný plata frá Bubba kemur út
12. nóvember næstkomandi, en á
henni er afrakstur Kúbuferðar
hans fyrr á þessu ári. Platan er
að stórum hluta tekin upp á Kúbu
og er í suður-amerískum stíl, en
með honum leika nokkrir hljóð-
færaleikarar frá Kúbu og eru þeg-
ar hafnar viðræður við þá um að
koma til íslands og leika með
Bubba á nokkrum tónleikum hér-
lendis.
Bubbi mun á tónleikunum í
kvöld leika lög af væntanlegri
plötu í bland við eldri lög sín.
(Fréttatilkynning)
' míHótel
t^hHarpa
Nýr gistivalkostur
áAkureyri
Auk hagstæðs gistiverðs, njóta
gestir okkar afsláttar á veitingahús-
unum Bautanum ogSmiðjunni.
Fastagestum, fyrirtækjum og hóp-
um er veittur sérafsláttur.
Hótel Harpa
Góð gisting á hóflegu verði
íhjarta bæjarins.
Sími 96-11400
Ath.aðHótelHarpaerekkiisímaskránni.
Morgunblaðið/Rúnar Þór
Starfsfólk Rafveitu Akureyrar tók á móti gestum í tilefni af 70
ára afmæli veitunnar í gær og gafst þeim kostur á að skoða
sýningu þar sem saga rafveitunnar er rakin í máli og myndum.
A myndinni eru frá vinstri: Guðrún Harðardóttir ritari, Agnar
Árnason í markaðsdeild, Svanbjörn Sigurðsson rafveitustjóri,
Harriet Otterstedt ritari og Jóhannes Ófeigsson tæknifulltrúi. Á
efri myndinni kynna gestir sér starfsemi rafveitunnar.
Rafveita Akureyrar 70 ára
Bæjarbúar fá lýs-
ingn á skokkbraut-
ina í afmælisgjöf
RAFVEITA Akureyrar átti 70 ára afmæli í gær, 30. september,
og af því tilefni var bæjarbúum boðið að kynna sér starfsemi
veitunnar í nýju húsnæði við Þórsstíg þar sem síðdegis voru haldn-
ir djasstónleikar og sett var upp sýning á sögu veitunnar. Þá kom
út bókin Rafveita Akureyrar, þættir úr sögu rafvæðingar á Akur-
eyri eftir Gísia Jónsson og einnig var tilkynnt um að rafveitan
myndi gefa bæjarbúum lýsingu á nýrri skokkbraut á útivistar-
svæði Akureyringa.
Svanbjörn Sigurðsson rafveitu-
stjóri sagði að umræða um raf-
væðingu bæjarins hefði hafist um
síðustu aldamót og hefðu þá ýms-
ir staðir verið skoðaðir með virkj-
un í huga, m.a. Glerá, Hörgá,
Stóradalsá, Fnjóská og Skjálf-
andafljót, en ákveðið var síðar að
virkja foss í Glerá. Straumi var
hleypt á nýju rafstöðina í Glerárg-
ili 30. september árið 1922.
Árið 1939 var virkjað við Laxá
og þaðan fá Akureyringar enn
rafmagn, en virkjunin er nú í eigu
Landsvirkjunar. Rafveitan selur
um 106 gígavattstundir á ári og
eru um 8.000 sölumælar í bænum,
þar af um 5.500 á heimilum, en
aðrir í fyrirtækjum og stofnunum.
Svanbjörn sagði markmiðið að
reka veituna á núlli, þannig væri
hægt að halda raforkuverði í lág-
marki, en það væri einnig stefna
fyrirtækisins að öryggi í rekstri
væri í fyrirrúmi.
í tilefni af afmælinu ætlar raf-
veitan að gefa bæjarbúum í af-
mælisgjöf lýsingu á nýrri liðlega
þriggja kílómetra skokkbraut sem
liggur frá núverandi braut í
Kjarnaskógi norður um Hamra-
og Naustaborgir að Brún og verð-
ur hún tilbúin fyrir veturinn.
Þá kom í gær út bók Gísla Jóns-
sonar um Rafveitu Akureyrar, þar
sem greint er frá fyrstu hugmynd-
um um rafvæðingu á Akureyri
og saga veitunnar í 70 ár er rakin.
Fjölmargir heimsóttu rafveit-
una á afmælisdaginn, skoðuðu
sögusýningu, þáðu veitingar og
síðdegis bauð veitan bæjarbúum
upp á djasstónleika í vélaskem-
munni.
Eftirlit með dælingu á olíu í
Akureyrarhöfn verður hert
ÁKVEÐIÐ hefur verið að taka
í notkun svokallaða eftirlits-
seðla hjá Akureyrarhöfn, en um
er að ræða sérstök eyðublöð
sem þeim er sjá um dælingu
olíu um borð í skip er gert að
fylla út. Eftirlitsseðlarnir voru
kynntir á fundi sem forsvars-
menn Akureyrarhafnar héldu í
gær með útgerðarmönnum í
bænum og fulltrúum olíufélag-
anna en fundurinn var haldinn
í kjölfar tíðra olíuleka að und-
anförnu.
Guðmundur Sigurbjörnsson
hafnarstjóri sagði að menn hefðu
verið jákvæðir á fundinum og
ákveðnir í að taka á þessum mál-
um svo fyrirbyggja megi að olía
fari í sjóinn er verið er að dæla
henni um borð í skipin. „Menn
voru ákveðnir í að laga þessi mál,
í langflestum tilvikum er slík
óhöpp henda er um að kenna
mannlegum mistökum og ekki
annað að heyra en menn vilji kippa
þessu í lag,“ sagði Guðmundur.
Á fundinum voru svokallaðir
eftirlitsseðlar kynntir, þ.e. sérstök
eyðublöð sem menn fylla út og
kvitta á þegar verið er að dæla
olíu um borð í skip. Sagði Guð-
mundur að slíkir seðlar hefðu ver-
ið notaðir við Reykjavíkurhöfn um
skeið og í kjölfarið hefði óhöppum
af þessu tagi fækkað rnikið.
Þá var einnig samþykkt á fund-
inum að hver og einn skoðaði það
sem betur mætti fara, skipin yrðu
yfírfarin og búnaður athugaður í
því augnamiði að laga það sem
betur má fara. Loks var rætt um
að koma á talstöðvarsambandi
milli þess sem sér um að dæla
olíunni frá bryggjunni og þess sem
fylgist með um borð.
„Við lögðum líka áherslu á að
hafnarstarfsmenn yrðu látnir vita
tafarlaust um leið og eitthvað
kemur upp á, menn verða að
bregðast við olíuleka strax, en því
miður hefur það oftast verið þriðji
aðili sem hefur kallað okkur til.
Þetta stendur vonandi allt til bóta
miðað við jákvæð viðbrögð fulltrúa
útgerðanna og olíufélaganna á
fundinum,“ sagði Guðmundur.
Menningarsamtök Norðlendinga
Verk eftir Aðalstein Svan
kynnt á tveimur stöðum
Menningarsamtök Norðlend-
inga hafa að nýju eftir eins og
hálfs árs hlé hafið kynningar á
norðlenskum iistamönnum. Verk
eftir Aðalstein Svan Sigfússon
eru nú til sýnis á tveimur stöðum
á Akureyri, á skrifstofu Byggða-
stofnunar og Súlnabergi.
Dröfn Friðfinnsdóttir sem um-
sjón hefur með kynningunum sagði
að stefnt væri að því að halda fjór-
ar slíkar listkynningar á ári og
væri þráðurinn nú tekin upp að
nýju eftir nokkurt hlé. Áður voru
verk eftir norðlenska listamenn til
sýnis í Alþýðubankanum, en nú
hefur verið gerður samningur við
Byggðastofnun og Súlnaberg um
slíkar listkynningar.
Haukur Tryggvason veitinga-
stjóri á Hótel KEA sagði að verk
Aðalsteins Svans hefðu hlotið góð-
ar viðtökur gesta, það væri tilbreyt-
ing að hafa listaverk á veggjum
veitingastaðarins og það hefði ver-
ið haft í huga er hann var endur-
byggður fyrir nokkrum árum að
salurinn hentaði til slíkra sýninga.
Verkin í Byggðastofnun eru frá
árunum 1987 til 1989, alls átta
myndir, en á Súlnabergi eru nýjar
myndir sem Aðalsteinn Svanur
Morgunblaðið/Rúnar Þór
Aðalsteinn Svanur Sigfússon sýnir verk sín í Byggðastofnun á
Akureyri og á Súlnabergi þar sem þessi mynd er tekin og má
sjá málverk hans af Hvítserki í bakgrunni.
hefur unnið að einkum á þessu ári
og eru hluti af stærri heild. Hann
sagði að um væri að ræða myndir
af eyjum og annesjum víða um
land, byijað væri í Eyjafirði og síð-
an haldið réttsælis hringinn um-
hverfis landið. „Ég hugsa mér þetta
sem eins konar sjóferð hringinn
um landið," sagði Aðalsteinn Svan-
ur, en á Súlnabergi eru myndir
málaðar af Rauðanúpi, Hraunhafn-
artanga, Gerpi, Skrúð, Ingólfs-
höfða, Eldey, Kirkjufelli, Horn-
bjargi, Drangaskörðum, Hvítserki
og Drangey.
Aðalsteinn Svanur stundaði nám
við Myndlistaskólann á Akureyri
og Myndlista- og handíðaskóla Is-
lands þar sem hann útskrifaðist
úr málunardeild.