Morgunblaðið - 16.05.1993, Blaðsíða 16

Morgunblaðið - 16.05.1993, Blaðsíða 16
16 MORGUNBLAÐIÐ SUNNUDAGUR 16. MAÍ 1993 VERSLUNIN VERO MODA SELUR KVENFATNAÐ A MJÖG HAGSTÆÐU VERÐI OG TELJA NEYTENDUR AÐ HÚN GETI HAFT ÁHRIF Á VERÐLAG HÉR HEIMA OG DREGIÐ ÚR INNKAUPAFERÐUM TIL ÚTLANDA Tímamot tískuverslun? eftir Kristínu Marju Baldursdóttur ÖRTRÖÐ í kvenfataverslunum utan venjulegs útsölutíma er ekki algeng sjón á íslandi, en í versl- unum Vero Moda sem eru á Laugavegi og í Kringlunni hefur verið troðfullt út úr dyrum á degi hverjum í nær tvo mánuði. Þegar best lætur hefur viðskipta- vinum verið hleypt inn í hópum. Ástæðan fyrir miklum viðskipt- um í ofangreindum verslunum er sú að þar er boðið upp á fjöl- breyttan kvenfatnað á viðráðan- legu verði. Menn spyrja sig hvort það vöruvérð sem verslunin býð- ur upp á geti haft áhrif á verðlag og viðskipti í öðrum verslunum og jafnvel dregið úr innkaupa- ferðum íslendinga til útlanda. Kaupmenn sem rætt var við ef- ast um að verðlag í þeirra versl- unum breytist nokkuð þótt eih verslun bjóði upp á lágt vöru- verð, en neytendur telja að kaup- menn verði að lækka verð sitt vilji þeir ekki missa viðskiptavini. ^» nýlegri könnun ^r Hagfræðistofn- ^^^^ unar kemur ^^k B fram að íslend- ^M ingar keyptu Æfr ^m fatnað og aðrar ^^r. ^m vörur í útlönd- '< ^m um fyrir um ^T 880 milljónir ^P króna á tímabil- inu frá 4. októ- bertil 8. desem- ber 1992. Tæplega 45% af heildar- innkaupum á þessum tíma voru gerð í Dyflinni, Edinborg og Newc- astle. Ef innkaupin hefðu átt sér stað hér á landi hefði landsframleiðsla aukist um 787 milljónir og atvinnu- tækifærum í verslun hefði fjölgað um 72 ársverk. Þótt slíkar tölur veki ugg í brjóstum kaupmanna og yfirvalda og þótt báðir aðilar býsn- ist yfir ábyrgðarleysi neytandans í þessum efnum, er næsta víst að neytendur kæra sig kollótta. Þeir sem standa í því alla daga að láta endana ná saman, versla þar sem verðið er best. Alfatnaður á 25 þúsund Margir álíta að nefndar inn- kaupaferðir hafi orðið til þess að verð á fatnaði hafi lækkað hér Morgunblaðið/Sverrir heima síðustu mánuði. Að minnsta kosti hafi það ekki hækkað. Nokkrar kvenfataverslanir hafa boðið vörur á góðu verði, en engin hefur þó sópað að sér jafn stórum hópi viðskiptavina og Vero Moda hefur gert síðustu vikumar. Ekki nægir að benda á verðið eingöngu í því sambandi, því svo mikið er víst að hinir vandlátu íslendingar, sem vilja ekkert nema hágæðavöru ef marka má orð kaupmanna, fylltu ekki verslunina dag eftir dag, ef þar væru ekki boðlegar vörur til sölu. Vero Moda er alþjóðleg verslun- arkeðja með rætur í Danmörku þar sem hönnun fer fram, en fatnaður- inn er framleiddur á ítalíu, í Portúg- al og víðar. Sem dæmi um verð á vörum má nefna að hægt er að fá dragt á kr. 12.000, buxur á kr. 4.000, blússur á kr. 3.000 ¦ og jakkapeysur á kr. 4.500. Einnig er hægt að fá fatnað fyrir enn minni upphæð, til að mynda sumarkjóla á rúmar tvö þúsund krónur. Kona nokkur hafði keypt sér jakka, pils, buxur, blússu, jakkapeysu og topp fyrir rúmar 25.000 krónur. Er það verð einnar dragtar í sumum verslunum. Áhrif á verðlag Lausleg verðkörfnun í öllum kvenfataverslunum á Laugavegi og í Kringlunni sýnir að verð hefur í flestum tilvikum lækkað, ef miðað er við það verð sem algengt var á kvenfatnaði í nóvember síðastliðn- um. Þar með er ekki sagt að allar vörur hafi lækkað, heldur er meira úrval af vörum á lægra verði en áðúr var. Sumarfatnaður er yfirleitt ódýrari en vetrarfatnaður og getur það haft áhrif á verðlag. Gísli Haraldsson kaupmaður í versluninni Katz, segir að vissulega hafí verðlag Vero Moda áhrif á við- skiptin eins og er, en í flestum til- vikum hafí kaupmenn þó lækkað álagningu á kvenfatnaði um 20-30% síðastliðið haust til að standast samkeppni við erlendar verslanir. „Ég get ekki séð að unnt sé að lækka verð meira en gert hefur verið, en hins vegar er komið að flutningsaðilum að lækka flutn- ingskostnað og yfirvöldum að lækka virðisaukaskatt og önnur gjöld til að samræma verð við það sem gerist í nágrannalöndum. Það fé mundi skila sér aftur í ríkiskass- ann með aukinni veltu."

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.