Morgunblaðið - 28.05.1993, Síða 34

34
MORGUNBLAÐIÐ FÖSTUDAGUR 28. MAÍ 1993
Hvítasunnukirkj an
Nýtt safn-
aðarheimili
NÝTT safnaðarheimili við Hvíta-
sunnukirkjuna á Akureyri verður
vígt á hvítasunnudag kl. 14.
I húsinu verður safnaðarsalur sem
tekur um 130 manns í sæti og í kjall-
ara verður aðstaða fyrir æskulýðs-
starfsemi. Forstöðumaður safnaðar-
ins, Vörður L. Traustason, mun vígja
húsið, en ræðumaður verður Snorri
Óskarsson, forstöðumaður Betels-
safnaðarins í Vestmannaeyjum.
Annan í hvítasunnu verður sam-
koma kl. 20, en í henni verður skím-
arathöfn. Ræðumaður verður Hafliði
Kristinsson forstöðumaður Fíladelf-
íusafnaðarins í Reykjavík.
-----».♦ «-----
Fermt í Munka-
þverárkirkju
Hátíðarguðsþjónusta verður í
Munkaþverárkirkju í Eyjafjarð-
arsveit á hvítasunnudag kl. 11.
Ferming og altarisganga.
' Fermd verða:
Bergur Þorri Benjamínsson,
Ytri-Tjömum.
Bjarni Eiríksson,
Rein.
Elísabet Ingunn Einarsdóttir,
Austurbergi.
Jón Bergur Arason,
Þverá.
Laufey Kristjánsdóttir,
Kaupangi.
Ragnar Elías Ólafsson,
Tjarnagerði.
Morgunblaðið/Rúnar Þór
Brúðuleikur
VINKONURNAR Dagný og Hafdís voru úti að leika sér í brúðuleik þegar ljósmyndari átti leið um Oddeyrargötuna á Akur-
eyri. Dúkkurnar sem heita Hrönn og Haukur áttu góðu atlæti að fagna hjá þeim stöllum.
Tengsl efld við atvinnulífið á Eyjafjarðarsvæðinu
Háskólinn og Iðntækni-
stofnun hefja samstarf
FULLTRÚAR Iðntæknistofnunar og Háskólans á Akureyri
skrifuðu í gær undir samstarfssamning, en starfsemi á vegum
Iðntæknistofnunar á Akureyri hefst síðar í sumar í samvinnu
við Háskólann á Akureyri. Kristján Björn Garðarsson fram-
kvæmdastjóri Iðnþróunarfélags Norðurlands vestra hefur ver-
ið ráðinn til starfa og annar starfsmaður á sviði matvælafræði
verður ráðinn að stofnuninni innan skamms.

íáíSsá ú
Ljósmynd/ÞH
Þúsund plöntur gróðursettar
NEMENDUR 6. og 7. bekkjar Dalvíkurskóla gróðursettu í vikunni eitt
þúsund trjáplöntur í fólkvangi Dalvíkinga. Að sögn Þórunnar Bergsdóttur
skólastjóra fékk skólinn 400 plöntur úr Yrkju, en 600 keypti skólinn sjálf-
ur. Ætlunin er að gera gróðursetningu sem þessa að árlegum viðburði.
Skólakrakkarnir voru áhugasamir um gróðursetninguna og fengu leiðbein-
ingar frá Ingu Rós Eiríksdóttur garðyrkjumanni Dalvíkurbæjar um það
hvemig þau ættu að meðhöndla plönturnar.
Við athöfn í húsakynnum Há-
skólans við Glerárgötu á Akureyri
sagðist Haraldur Bessason rektor
fagna samstarfinu við stofnunina,
en starfsmenn Iðntæknistofnunar
á Akureyri munu að hluta til sinna
kennslu við skólann.
Hallgrímur Jónasson forstjóri
Iðntæknistofnunar gerði grein fyr-
ir starfsemi stofnunarinnar og
hlutverki starfmannanna á Akur-
eyri, en þeim er m.a. ætlað að
efla tengsl við atvinnulífið á Eyja-
fjarðarsvæðinu. Stofnunin vildi
með því að hefja hér starfsemi
leggja sitt af mörkum í þeirri þró-
un sem þegar væri hafin að því
er varðar aukið rannsóknarstarf.
Aukin þekking
Ásgeir Magnússon fram-
kvæmdastjóri Iðnþróunarfélags
Eyjafjarðar sagði að þess væri
vænst að með samstarfi Iðntækni-
stofnunar og Háskólans á Akur-
eyri yrði aukið við þá grunnþekk-
ingu sem þegar er til staðar og
að það væri sín trú að það kæmi
öllum til góða, stofnuninni, skólan-
um og fyrirtækjum á Eyjafjarðar-
svæðinu.
Jón Sigurðsson iðnaðarráðherra
sagðist fagna því að samstarf
hefði tekist með stofnuninni og
háskólanum og vænti hann þess
að í kjölfarið næðist betri tenging
þessara aðila við atvinnulíf í Eyja-
firði. „Eg bind vonir við að nýsköp-
un sem af þessu samstarfi getur
leitt verði atvinnulífinu á svæðinu
til góðs,“ sagði Jón Sigurðsson.
Risahumar
SNÆBJÖRN á Fiðlaranum
veiðir risahumar upp úr
fiskabúrinu.
Risalmmar
Fiðlarans
GESTIR veitingastaðarins
Fiðlarans eiga þess nú kost
að snæða risahumar sem flutt-
ur er inn lifandi frá Maine í
Bandaríkjunum.
Snæbjörn H. Kristjánsson,
yfírmatreiðslumeistari, sagði að
ætlunin væri að bjóða upp á risa-
humarinn i sumar og fram á
haust. Humarinn er geymdur í
fiskabúri þar til hann er eldaður.
Annað bragð
Snæbjörn sagði að þessi hum-
ar væri nokkuð frábrugðinn
þeim sem veiðist hér við land,
hann væri stinnari og bragðið
væri annað. „Auðvitað rennum
við blint í sjóinn með hver eftir-
spurnin verður, en það kemur í
ljós,“ sagði Snæbjöm.
Samkomuhúsið
Togað í
Norður-
höfum
BRESKI gestaleikurinn Togað
í Norðurhöfum verður sýndur í
Samkomuhúsinu á Akureyri
dagana 1., 2. og 3. júní næst-
komandi. Þetta verk var frum-
sýnt haustið 1985 og hlaut þá
góðar viðtökur og hefur það
verið sýnt um allt England.
í verkinu er sögð saga úthafs-
togveiða frá Hull og Gimsby með
orðum sjómannanna sjálfra, en
þeir sóttu á hin fjarlægu fiskimið
útaf íslandi, Grænlandi og Noregi.
Sj ómannasamfélagið
Ekki þarf mikla enskukunnáttu
til að skilja gang verksins og njóta
sögunnar sem mörkuð er harðræði
og slysförum, þó ljúfar minningar
séu henni tengdar. Leikarar eru
ýmist sögumenn sem fræða áhorf-
endur um innviði togarasjó-
mennskunnar eða þeir bregða sér
í hlutverk sjómannanna sjálfra og
leika raunveruleg atvik. Einnig er
brugðið upp mynd af lífinu í landi,
eiginkonum sem biðu heima og
samfélaginu sem mótaðist í sjó-
mannahverfinu og kringum tog-
arahöfnina í Hull.
Höfundar verksins eru Rupert
Creed og Jim Hawkins og byggðu
þeir handrit sitt á viðtölum við á
annað hundrað togarasjómenn og
fjölskyldur þeirra um allt er að
sjómennskunni laut.
Að loknum sýningum leikhóps-
ins í Samkomuhúsinu á Akureyri
á þriðjudags-, miðvikudags- og
fimmtudagskvöld verður sýnt á
Dalvík, Húsavík og Seyðisfirði.