Morgunblaðið - 10.06.1993, Síða 18

18
MORGUNBLAÐIÐ FIMMTUDAGUR 10. JÚNÍ 1993
Þrjú sveitarfélög á Norðurlandi sameinast í Hafnarsamlagi Eyjafjarðar
Fleiri geta gengið inn síðar
„ÞETTA eru mikil tímamót sem
ég er sannfærður um að verði
sveitarfélögunum til heilla,“
sagði Trausti Þorsteinsson for-
seti bæjarstjórnar Davlvíkur við
undirritun samnings um Hafnar-
samlag Eyjafjarðar í Sæluhúsinu
á Dalvík á þriðjudagskvöld. Að
hafnarsamlaginu standa Óla/s-
fjarðarbær, Dalvíkurbær og Ár-
skógshreppur.
Trausti sagði nafnið, Hafnar-
samlag Eyjafjarðar, eiga vel við,
það væri hið fyrsta sinnar tegundar
og væri ekkert því til fyrirstöðu
að fleiri sveitarfélögum gerðust
aðilar að því síðar. „Það eru að
rætast hlutir sem við gátum ekki
látið okkur dreyma um fyrir nokkr-
um árum og ef áætlanir okkar
ganga eftir verður um gríðarlega
uppbyggingu hafnanna að ræða.“
Landráðastarfsemi
Óskar Þór Sigurbjömsson fráf-
arandi forseti bæjarstjórnar Ólafs-
fjarðar sagði viðhorf manna hefðu
mjög breytst á þeim þremur árum
sem liðin væru frá því undirbúning-
ur málsins hófst. „í hugum sumra
jaðraði það við landráðastarfsemi
að sameina hafnir kaupstaðanna,"
sagði Óskar, en bætti við að síðan
hefði efasemdaröddum fækkað
mikið. Hann sagði Ólafsfirðinga
vænta mikils vegna þátttöku ríkis-
ins í hafnarsamlaginu og þá nefndi
hann að í kjölfar stofnunar þess
myndi fjármagn dreifast á færri
staði. Óskar sagði að þegar búið
yrði að laga stuttan vegspotta á
leiðinni milli Múlaganga og Dalvík-
Morgunblaðið/Rúnar Þór
Hamingjuóskir
HAFNARSAMLAG Eyjafjarðar var formlega stofnað í vikunni. Halldór Blöndal samgönguráðherra
tekur í hönd Hálfdáns Kristjánssonar bæjarstjóra í Ólafsfirði sem er lengst til vinstri, en við hlið
hans er Sveinn Jónsson oddviti i Árskógshreppi rétt í þann mund að taka í hönd bæjarstjórans á
Dalvík, Kristjáns Júliussonar. Að baki þeim stendur Trausti Þorsteinsson forseti bæjarsljórnar
Dalvíkur.
ur yrði tenging hafnanna fullkom-
inn.
Alvaran
„Við erum nú að ljúka tilhugalíf-
inu og ganga í alvöru þess bands
sem við höfum ákveðið að binda
okkur í. Þetta er stund fagnaðar,"
sagði Sveinn Jónsson oddviti Ár-
skógshrepps við stofnun Hafnar-
samlags Eyjafjarðar.
Halldór Blöndal samgönguráð-
herra sagði að breið samstaða
væri um málið og það væri stór
stund í þróun samgöngumála þegar
formlega væri stofnað til fyrsta
hafnarsamlagsins. Það væri ekki
tilviljun að það væri í Eyjafirði, þar
sem þegar væri fyrir mikil sam-
vinna á ýmsum sviðum milli sveit-
arfélaga, m.a. í skóla- og heilbrigð-
ismálum.
Café Karolína í Grófargili opnað í dag
Kaffihús o g bar í ná-
grenni við að listasal
CAFÉ Karolína, sem er kaffihús og bar á tveimur hæðum til húsa
í Grófargili vrður opnað gestum i dag, fimmtudaginn 10. júní. Síð-
ustu tvo mánuði hafa miklar framkvæmdir staðið yfir í húsnæðinu
og er nú verið að leggja lokahönd á endurbætur þess fyrir hið nýja
hlutverk, en eitt sinn fór starfsemi Efnagerðarinnar Flóru þar fram.
Ný álma
byggð við
sjúkrahús
STJÓRN Fjórðungssjúkrahúss-
ins á Akureyri, FSA, samþykkti
fyrir sitt leyti drög að samningi
um byggingu nýrrar álmu við
sjúkrahúsið á fundi í gær. Heil-
brigðisráðherra hefur einnig
samþykkt tillögu um byggingu
álmunnar, en eftir er að fjalla
um málið í bæjarstjórn Akur-
eyrar, en sveitarfélagið greiðir
15% kostnaðar við framkvæmd-
ina á móti ríkinu.
Valtýr Sigurbjamarson formað-
ur stjómar FSA sagði að nýrri
álmu væri m.a. ætlað að leysa úr
brýnum húsnæðisvanda bama-
deildar sjúkrahússins, en að öðm
leyti væri ekki búið að ráðstafa
því viðbótarrými sem til umráða
yfir. Fljótlega færi í gang vinna
innanhúss þar sem rætt yrði um
málið.
Gert er ráð fyrir í frumdrögum
sem lögð hafa verið fram, að nýja
álman verði á tveimur hæðum auk
kjallara, en hver hæð er 800 til
900 fermetrar að stærð. Heildar-
kostnaður við bygginguna er áætl-
aður í kringum 400 milljónir
króna.
„Ég fagna því að nú virðist í
augsýn framtíðarlausn fyrir
sjúkrahúsið og þeirri óvissu sem
um þetta mál hefur ríkt er nú
aflétt. Nú vona ég að frá þessu
verði gengið sem allra fyrst," sagði
Valtýr, en hann sagði það ekki
síst vera fyrir dyggan stuðning
heilbrigðisráðherra sem sæst hefði
verið á þessa farsælu lausn.
Vignir Þormóðsson rekur Café
Karolínu, en hann er nýkomin úr
námi í hótel- og veitingastjóm frá
Kaupmannahöfn. Húsnæðið er í
eigu Gísla Boga Jóhannssonar og
er það á tveimur hæðum. Á þeirri
neðri er salur sem tekur á milli 20
og 30 manns í sæti og þar verður
boðið upp á smurt brauð, tertur og
heimabakaðar kökur. í salnum á
efri hæðinni er bar og tekur hann
einnig um 20 til 30 manns í sæti.
Innangengt í listasalinn
Innangengt er frá barnum og í
tilraunasal Gilfélagsins þar sem í
sumar verður stöðugt eitthvað um
að vera, myndlistarsýningar, tón-
leikar og aðrir menningarviðburðir.
„Við höfum opið á milli þegar eitt-
hvað er um að vera í listasalnum
og við ætlum'að reyna að skapa
héma lítinn huggiilegan veitinga-
stað með rólegu andrúmslofti,"
sagði Vignir.
Nafn staðarins er dregið af fom-
frægu húsi er stóð eilítið neðar í
Kaupvangsstrætinu, Caroline Rest.
Það byggði þjóðveijinn George H.F.
Schrader árin 1913-14 og nefndi
eftir móður sinni, en um var að
ræða gistihús og hesthús sem rúm-
aði 130 hesta. Schrader þessum lík-
aði afleitlega hvemig Eyfirðingar
fóm með hross sín og ritaði hann
bók um hvemig umgangast bæri
hesta þeim til leiðsagnar, en hún
var endurútgefin fyrir nokkmm
ámm. Húsið Caroline Rest var rifið
árið 1979.
Opnað verður kl. 16. í dag og í
tilefni af því verður opnuð sýning á
verkum Jóns Laxdals myndlistar-
manns.
Háskólinn á Akureyri
200 umsókn-
ir nýnema á
næstaári
HÁSKÓLINN á Akureyri mun á
milli skólaára stækka frá þvi að
vera um 100 manna skóli í það
að verða skóli með um 300 stúd-
enta. Rúmlega 200 umsóknir ný-
nema bárust frá nýnemum um
skólavist fyrir næsta skólaár.
Fjallað var um umsóknir á fundi
Háskólanefndar í gær og sagði Ólaf-
ur Búi Gunnlaugsson skrifstofustjóri
Háskólans á Akureyri það stefnu
nefndarinnar að taka inn í skólann
alla þá sem sæktu um og uppfylltu
sett skilyrði.
Á síðasta skólaári vom rúmlega
100 manns við nám í skólanum, en
umsóknir nýnema fyrir næsta skóla-
ár em helmingi fleiri eða rúmlega
200. Þessi fjölgun skýrist að mestu
með tilkomu nýrrar deildar, kenn-
aradeildar sem hefur starfsemi í
haust, en bróðurpartur umsókna
nýnema er í kennaradeild. Tæplega
100 manns sóttu um inngöngu í
deildina.
Þá em umsóknir í heilbrigðisdeild
um 40 talsins og einnig bárust um
40 umsóknir til rekstrardeildar, 17
umsóknir um nám í gæðastjómun
höfðu borist fyrir 1. júní þegar um-
sóknarfrestur rann út og loks höfðu
12 sótt um nám í sjávarútvegsdeild
Háskólans á Akureyri.
Leysum vandann
„Þessi mikla aukning nemenda
sem fyrirsjáanleg er hefur vissulega
í för með sér ýmis vandamál, einkum
á sviði húsnæðis- og fjármála, en
við munum leysa úr þeim vandamál-
um. Við fáum borgað fyrir að leysa
úr þeim vandamálum sem upp koma
og munum að sjálfsögðu gera það,“
sagði Ólafur Búi.
Forsýning-
á 4 nýjum
sjónvarps-
myndum
FJÓRAR nýjar Ieiknar sjón-
varpsmyndir verða sýndar á
„Tveim vinum“ í kvöld, fimmtu-
dagskvöldið 10. júni kl. 20. Þeir
sem standa að gerð myndanna
eru íslenska kvikmyndaverið,
Kvikmyndafélagið Útí hött - inní
mynd, Kvikmyndagerðin Engin
miskunn og auglýsinga- og út-
gáfufyrirtækið Hiklaust.
Jón Tryggvason skrifaði handrit-
in og leikstýrði þremur myndanna.
Guðmundur Þórarinsson leikstýrði
einni mynd en saman fara Jón og
Guðmundur með aðalhlutverkin í
myndinni Loforð út, svik á mánuði,
rest í lögfræðing. Hinar myndirnar
þrjár eru Engin miskunn með Þór-
halli Sigurðssyni, Erlu Rut Harðar-
dóttur og Þresti Leó Gunnarssyni í
aðalhlutverkum, Sóló með Þórhalli
Sigurðssyni í aðalhlutverki og
Glæpahyski með Helga Bjömssyni
og Vilborgu Halldórsdóttur.
Myndirnar eru u.þ.b. 25 mínútna
langar hver og komu hátt í hundrað
manns við sögu við gerð þeirra. I
tilefni af sýningunni mun Snigla-
bandið leika fyrir gesti en lag þeirra
„Engin miskunn" er einmitt í sam-
nefndri mynd. Myndband við lagið
„í góðu skapi" með Sniglabandinu
verður frumsýnt á undan.
Fjöltefli
Hannesar
Hlífars
HANNES Hlífar Stefánsson mun
tefla fjöltefli við börn og ungl-
inga 14 ára og yngri laugardag-
inn 12. júní kl. 14 á vegum Taflfé-
lags Reykjavíkur.
Ekki þarf að koma með tafl og
öllum er heimil þátttaka. Enginn
aðgangseyrir. Veitt verða bóka-
verðlaun fýrir sigur og verðlaun
einnig fyrir jafntefli.
Fjölteflið fer fram í húsakynnum
TR í Faxafeni 12.
(Fréttatilkynning)
Miðjan á
Þing’völlum
ÞJÓÐGARÐURINN á Þingvöll-
um mun í sumar efna til fræðslu-
ferða og barnastunda um helgar.
Að auki verða fyrirlestrar á dag-
skrá.
Laugardaginn 12. júní mun Einar
Pálsson flytja fyrirlestur í Hótel
Valhöll kl. 14. Hann mun fjalla um
efnið: Miðjan á Þingvöllum og miðj-
an í Westminster Abbey. Fýrirlest-
urinn er öllum opinn.
(Fréttatilkynning)
-----♦ ♦ ♦
Tíska og jazz
Á SÓLON Islandus verður haldin
tískusýning fimmtudagskvöldið
10. júní á fatnaði frá versluninni
Studio M.F.G., Laugavegi 48.
Sýndur verður franskur fatnaður
frá Marithé Francois Girbaud undir
hljómfalli Jazztríós Ólafs Stephen-
sens. Biggi fer höndum um hár
sýningarfólksins. Sýningin hefst kl.
22.
(Fréttatilkynning)