Morgunblaðið - 09.09.1993, Blaðsíða 47
MORGUNBLAÐIÐ FIMMTUDAGUR 9. SEPTEMBER 1993
47
Að halda byggö í landinu
Tveir truflaðir frum-
sýnd í Laugarásbíói
Frá Önnu S. Snorradóttur:
Menn keppast við að ræða og
rita um landbúnaðinn og margir
þykjast geta leyst þau flóknu mál
— háværastir eru kratar og hafa
lengi verið í fararbroddi með ein-
faldar lausnir — flytja inn búvöru,
leggja búskap í landinu niður og
landbúnaðarráðuneytið með! Ég get
ekki að því gert, að mig furðar oft
á því, hve blindir menn eru í þessum
efnum, einblína á hátt búvöruverð
hér á landi og bera saman við verð
hjá nágrannaþjóðum, þar sem
kaupa megi kjöt og ost á mun lægra
verði. Þessi samanburður er mjög
villandi, þótt ekki sé meira sagt,
því að við erum að bera okkur sam-
an við háiðnvæddar þjóðir, sem
nota tekjur af iðnvarningi sínum til
að greiða búvöru stórlega niður.
Það gleymist líka, að í raun erum
við ekki að greiða hátt verð fyrir
búvöru einvörðungu, heldur erum
við að borga fyrir það, að búa í
stóru landi, sem við viljum að hald-
ist í byggð. Það var haft eftir ein-
hveijum jafnaðarmanni, að þessar
fáu hræður á landsbyggðinni gætu
flutt suður og fengið sér vinnu!
Eitthvað sjá þessir menn, sem und-
irrituð kemur ekki auga á. Eflaust
er margt sem þarf að laga í fram-
leiðslu og verðlagi búvara, en ef
menn eru í raun farnir að hugsa á
þann veg, sem áður var nefnt, þá
er illa komið fyrir þjóð okkar. Sveit-
ir landsins hafa frá fyrstu tíð og
fram til þessa verið bakland bæj-
anna eftir að þeir tóku að myndast
og langflest okkar eru runnin upp
úr sveit eða getum rakið slóð okkar
þangað. Hvað sem öllu líður má það
aldrei verða, að menn sem hugsa
og skrifa um þessi efni með það
eitt að leiðarljósi, að hægt sé að fá
ódýrari búvörur frá útlöndum, fái
að ráða ferð. Slíkt er óleyfileg ein-
földun á flóknu máli.
Að hafa vit fyrir öðrum
Við erum lánsöm að hafa í dag
landbúnaðarráðherra, sem virðist
hafa miklu meiri og heilbrigðari
skilning á þessum málum en þeir
sem hæst láta og vilja landbúnaðinn
burt. Vonandi tekst honum að
draga úr ólátunum og hasta á þær
raddir, sem láta ekkert tækifæri
ónotað til að hrópa hátt um allar
milljónirnar, sem muni sparast, ef
við legðum landbúnaðinn niður og
flyttum inn helstu búvörur frá út-
löndum. Hver einasti landsmaður
verður að hafa hugfast, að við erum
að greiða fyrir að búa í hinu stór-
kostlega landi okkar og að jafn-
vægi haldist í byggðum landsins.
Það eru margir, sem treysta á
greind ráðherrans og vona, að hon-
um takist að greiða úr þeirri flækju,
sem málin virðast vera komin í.
Umfram allt er það skylda hvers
og eins að minnast þess, að það er
lífsnauðsyn fyrir framtíð okkar sem
þjóðar, að byggð haldist í landinu.
ANNA S. SNORRADÓTTIR
Hofteigi 21,
Reykjavík
Pennavinir
FINNSK 22 ára stúlka með áhuga
á tónlist, ferðalögum, bréfaskriftum
o.f!.:
Satu Oikarinen,
Vuorimichentie 7A5,
SF-88200 Otanmaiki,
Finland.
FRÁ Bandaríkjunum skrifar hús-
móðir sem á uppkomin son. Hefur
mikinn áhuga á að skrifast á við
bóndakonu eða konu sem býr af-
skekt eða í þorpi. Skrifar mjög líf-
ieg bréf:
Mari Wymore,
1839 Squire Dr.,
Madras,
Oaregon 97741,
U.S.A.
FRÁ Filippseyjum skrifar 22 ára
stúlka með áhuga á klassískri tón-
list, bókalestri o.fl.:
Mila Bongal,
002 ND. St. Guingora,
Subdivision Butuan City,
8600 Philippines.
FRÁ Ghana skrifar 26 ára kona
með margvísleg áhugamál:
Agatha Brown,
P.O. Box 3012,
Kumasi,
Ghana.
FINNSK 24 ára stúlka með áhuga
á tónlist og ferðalögum:
Sari Knuutila,
Juurikoskenk. 8 as 25,
84100 Ylivieska,
Finland.
TVÍTUG japönsk stúlka með áhuga
á tónlist, bréfaskriftum o.fl.:
Nozomi Matsushita,
5556-4 Naka Daito-cho,
Ogasa-gun,
Shizuoka-ken,
437-14 Japan.
LAUGARÁSBÍÓ hefur tekið til
sýninga grínmyndina Tveir trufl-
aðir og annar verri (Who’s the
man).
í fréttatilkynningu segir: „Mynd-
in ijallar um tvo stjörnuvitlausa
stráka í Harlem sem vinna á rakara-
stofu. Þeir eru hins vegar „ýkt“
lélegir rakarar og fá sparkið. Strák-
arnir eru því atvinnulausir og hálf-
vonlausir. En þá fær félagi þeirra
þá snjöllu hugmynd að koma þeim
í lögguna. Þeir láta til leiðast þrátt
fyrir að vera eins ó-lögreglulegir
og hægt er. Áður en varir má sjá
löggubíl sem hoppar um göturnar
með rapp tónlistina í botni, en þar
eru þeir félagarnir að sjálfsögðu
mættir. Og nú mega glæponar
hverfisins vara sig því tveir truflað-
ir eru á ferð ... og annar er miklu
verri.
Aðalhlutverkin í myndinni leika
raptónlistarmennirnir Ed Lover og
Dr. Dre, en þeir eru einnig þekktir
fyrir að stjórna hinum vinsæla rap
þætti MTV, „Yo! MTV Raps.“ Auk
þess samdi Dr. Dre tónlistina í
spennumyndinni „Deep Cover“.
■ HLJÓMS VEIT RÚNARS
ÞÓRS spilar á Dansbarnum
föstudags- og laugardagskvöld.
Aðgangseyrir er 500 kr. Á
fimmtudags- og sunnudagskvöld-
um er „Opinn míkrafónn" milli
kl. 21-23.
■ RÍÓ TRÍÓ spilar og syngur
á LA Café í kvöld. Húsið verður
opnað kl. 18 en þeir félagar munu
byija að spila um kl. 22.
■ HVERAGERÐI. Hljómsveitin
Orkin hans Nóa leikur á Kam-
Bar föstudagskvöld. Á laugar-
dagskvöld verður hljómsveitin á
Kjalarnesi þar sem spilað verður
í risatjaldi á fjölskylduhátíð sém
ber yfirskriftina Sumartöfrar ’93.
■ BLÚSBARINN. Hljómsveitin
Grunaðir um tónlist frá Keflavík
halda tónleika og kynna lög af
væntanlegum geisladisk I kvöld
kl. 23. Hljómsveitina skipa þeir
Svanur Leó Reynisson, gítar-
söngur, Sveinn Björnsson, gít-
ar-söngur, Júlíus Gunnlaugs-
son, trommur og Júlíus Jónas-
son bassi.
■ VINIR VORS OG BLÓMA
leika í Félagsheimili Stykkis-
hólms föstudaginn 10. september,
í tengslum við Evrópukeppni
bikarhafa í körfuknattleik, en
seinni leikur liðanna Snæfells og
írska liðsins Jamisom St. Vincent
verður háður í íþróttamiðstöðinni
í Stykkishólmi. Blómin ætla að
leika fyrir áhorfendur í leikhléi.
■ HOTEL SAGA. Hljómsveitin
Gleðigjafar ásamt söngvurum
sínum skemmta laugardagskvöld-
ið 11. þ.m. Söngvarar Gleðigjaf-
anna eru þau André Bachmann,
Bjarni Arason, Ellý Vilhjálms
og Móeiður Júníusdóttir. Módel-
samtökin verða með tískusýningu
á vegum verslunarinnar Conny
við Eiðistorg. Kynnir verður
Rósa Ingólfsdóttir.
■ INDIE-KVÖLD á veitinga-
húsinu 22 í kvöld, fimmtudag.
Urval laga úr smiðju hljómsveita
Mikill fjöldi vinsælla rap og hip hop
tónlistarmanna koma fram í mynd-
inni, m.a. Kriss Kross, Queen Lat-
ifah, Ice-T, Heavy D, Salt N’Pepa,
KRS-One, Public Enemy, Naughty
by Nature og House of Pain. Að
sjálfsögðu skipar tónlistin stóran
sess í myndinni, en þar koma m.a.
fram Naughty by Nature með hin
vinsæla lag, „Hip Hop Hurrayh."
Leikstjóri er Suzanne de Passe.
(Lonesome Dove).“
-------» ♦ *--------
■ FÉLAG nýrra íslendinga
heldur sinn mánaðarlega félagsfund
í Gerðubergi í kvöld, fimmtudags-
kvöldið 9. september kl. 20. Árni
Sigfússon, borgarfulltrúi og for-
maður skólamálaráðs, flytur erindi
um nýjungar í skólakerfinu. FNÍ
er félagsskapur fyrir útlendinga og
velunnara. Áðalmarkmið félagsins
er að efla skilning milli fólks af
öllum þjóðernum sem býr á íslandi
með auknum menningarlegum og
félagslegum samskiptum. Fundir
félagsins fara fram á ensku og eru
öllum opnir.
á borð við The Fall, Sonic Youth,
Auteurs og Chapterhouse.
■ RADÍUSKVÖLD Á BERL-
IN. Radíusbræður, Steinn Ár-
mann og Davíð Þór munu flytja
klassískar Radíusarflugur, með
hraðsoðnu spunaívafi, þar sem
hver og einn áhorfandi geta óvænt
dregist inn í atburðarásina. Húsið
opnað kl. 20 og miðaverð 500 kr.
■ TODMOBILE heldur tónleika
föstudagskvöldið 10. september
ásamt hljómsveitinni SSSól. Tón-
leikarnir bera heitið Ævintýri á
Kaplakrika og hefjast um kl. 19.
Einnig koma fram Jet Black Joe,
Pís of Keik og Bone China. Miða-
verð er 1.200 kr. Seinna um nótt-
ina leikur svo sveitin fyrir busa-
balli hjá Fjölbraut í Keflavík.
Laugardagskvöldið 11. september
leikur Todmobile á dansleik á
Hótel Selfossi. Með í för verður
rokksveitin Sigtryggur dyra-
vörður.
■ SÓLON ÍSLANDUS. í kvöld,
fimmtudag, mun Anna Mjöll Ól-
afsdóttir syngja
nokkur sígild
jazzlög. Tónleik-
arnir hefjast kl.
21. Með Önnu
Mjöll leika _ að
þessu sinni Ólaf-
ur Gaukur, gít-
ar, Þórir Bald-
ursson, píanó, Gunnar Hrafns-
son, kontrabassa og Guðmundur
R. Einarsson, trommur.
■ GRAND-ROKK BAR, Klapp-
arstíg 30. Lipstich lovers
fimmtudags- og föstudagskvöld.
Róm brennur sunnudagskvöld.
■ ALLA ZAPPA-samtökin á
íslandi verða með Frank Zappa-
kvöld á Plúsinum v. Vitastíg í
kvöld, fimmtudag. Sýnd verða á
risaskjá myndbönd með Zappa frá
árunum 1963-1993. Sýningin
hefst kl. 21 og aðgangseyrir er
300 kr.
VELVAKANDI
HÖFUNDUR
VÍSUNNAR
SIGRÍÐUR Vilhjálmsdóttir
hringdi vegna vísunnar sem hún
segir ekki alveg rétt birta en hún
er eftir Jón Sigurðsson, sýslu-
mann og er í Mansöng í Tímarím-
um. Bókin var gefin út 1884.
Rétt er hún svona:
Beri maður létta lund
linast raunatetur.
Eigi hann bágt um eina stund
aðra gengur betur.
LEITAR AÐ FÓLKI
ERLENDUR maður leitaði til
Velvakanda um aðstoð við að
hafa upp á fólki sem skiptist á
frímerkjum við hann á árunum
1953—1957. Nöfn þeirra eru:
Skafti Guðjónsson, box 791,
Reykjavík.
Jónas Jónsson, Hverfisgötu 3,
Siglufirði.
Pétur Sigurðsson, prófessor,
Aragötu 7, Reykjavík.
Nafn mannsins er leitar að
þessu fólki er:
Mr. J. Krietemayer
van Nesstraat 43
2024 DL Haarlem
The Netherlands.
ÞÓTTI ÓMERKILEG
FRÉTT
KONA hringdi í Velvakanda til
að lýsa undrun sinni á viðbrögðum
sjónvarpsfréttamanna varðandi
unglingaskákmót í Finnlandi er
drengir úr æfingadeild
Kennaraskólans unnu mótið og
komu heim með gull. Stutt
ómerkileg frétt var um þetta, sögð
hratt. Hún sagðist hafa sagt við
fréttamanninn að líklega þætti
honum merkilegra að sjá
Keflvíkinga og Akumesinga spila
fótbolta heldur en 12—16 ára
unglinga vinna gull og játti hann
því. Hún hvetur fjölmiðlana til að
sýna börnum og unglingum meiri
áhuga en þetta í framtíðinni.
HVER Á BRÉFIÐ
SIGRÍÐUR hringdi og sagðist
hafa fengið bréf inn um lúguna
hjá sér í vor til konu sem aldrei
hefur búið í því húsi og leitar
hennar nú þar sem um er að
ræða bréf frá Afríku með
myndum í. Bréfið er stílað á
Kristínu Sigurðardóttur,
Grundargerði 10, og er afsent
af J.Sigurðsson, P.O. box 348,
Gallo Manor 2052 S.-Afríka.
Kannist einhver við að eiga bréfið
getur hann hringt í síma 670494.
TAPAÐ/FUNDIÐ
Lesgleraugu
LESGLERAUGU fundust á
svæði Aðal bílasölunnar við
Miklatorg. Uppl. gefnar í síma
15014.
Muddy Fox fjallahjól
DÖKKGRÁTT með hvítum
sprungum tapaðist frá Egilsgötu
sl. sunnudag. Finnandi hafi
samband í síma 18632 f.h.
Fundarlaun.
Lyklar fundust
LYKLAR fundust á Hellnum 22.
ágúst sl. Þetta eru þrír iykar,
einn af Saab bifreið og tveir
húslyklar. Einnig fundust lyklar
í brúnu Ieðurhulstri í Kópavogi
við Fagrahjalla. Uppl. í síma
44086.
Grátt ullarvesti tapaðist
GRÁTT ullarvesti tapaðist úr bíl
frá miðbæ Reykjavíkur til
Hafnarfjarðar. Finnandi
vinsamlega hafi samband í síma
22911. Fundarlaun.
Sundföt töpuðust
NÝLEG sundföt töpuðust á
ferðalagi frá Brekkuskógi
(Laugarvatni) til Akureyrar.
Sundfötin eru fjólublár
stelpnabolur frá Speedo og blá
strákaskýla með mynd af önd á.
Finnandi hafi vinsamlegast
samband í síma 96-26228.
Rautt seðlaveski
RAUTT seðlaveski tapaðist á
mánudag frá versluninni
Vogaver við Gnoðarvog að
Karfavogi. í veskinu var skilríki
og fleira mikilvægt eigandanum.
Uppl. í síma 32348.
Gleraugu töpuðust
GLERAUGU í gylltri umgerð og
svörtu hulstri tapaðist frá
Hvassaleiti 20 yfir í Safamýri sl.
mánudag. Finnandi vinsamlega
hringi í síma 37897.
GÆLUDÝR
Hvítur köttur týndur í
Mosfellsbæ
ÓMERKTUR hvítur 6 mánaða
köttur týndist frá Byggðarholti
20 í Mosfellsbæ. Finnandi
vinsamlega hringi í síma 666820
eða 985-33021.
3 mánaða læða
ÞRIGGJA mánaða læða tapaðist
frá Hagamel 30. ágúst sl. Hún
er gulbrún með svörtum bröndum
og er ómerkt. Ef einhver veit um
kisu þá vinsamlega hringið í síma
628441 eftir kl. 15.
Kettlingar fást gefins
TVEIR svartir og hvítir og tveir
alsvartir rúmlega átta vikna
kassavanir kettlingar fást gefins.
Uppl. í síma 652915.
Óskiladýr i Kattholti
GRÁBRÖNDÓTTUR og hvítur
köttur fannst lokaður í
sumarbústað í Svínadal,
Eyrarskógi, H valíj arðarstrandar-
hreppi þann 7.-8. ágúst sl. og er
nú staddur í Kattholti. Þar er mjög
mikið af óskiladýrum núna,
aðallega köttum og eru eigendur
hvattir til að hafa samband þangað.
Kassavanur kettlingur
KASSAVANUR svartur fress
kettlingur, 8 vikna gamall, fæst
gefins á gott heimili. Uppl. í síma
672554 eftir kl. 16.
SKEMMT ANIR
Anna Mjöll