Morgunblaðið - 15.10.1993, Blaðsíða 44
44
MORGUNBLAÐIÐ FÖSTUDAGUR 15. OKTÓBER 1993
mmmn
// Éír eítthi/ai étl i þeim or&róml, a£> þú fi
sért ah h.ugsa urrt at> þxtta. i hr 'ingnum ?
stundum sársaukafull
TM Reg. U.S Pat Off.—all rights reserved
® 1993 Los Angeles Times Syndicate
HÖGNI HREKKVlSI
BRÉF TIL BLAÐSINS
Kringlan 1 103 Reykjavík - Sími 691100 - Símbréf 691329
Gurudev og umsköpun íarðar
Frá Lindu Konráðsdóttur:
DAGLEGA í sjónvarpi og dagblöðum
dynja yfir okkur fréttir um ofbeldi,
manndráp, mengun og fregnir af
umhverfisspjöllum. Oftast eru þetta
fréttir erlendis frá, en því miður þá
er það að breytast. Á síðustu mánuð-
um hefur borið mikið á ofbeldisverk-
um í íslensku þjóðfélagi. Ýmsar radd-
ir eru uppi um orsakir þessa; aukning
á ofbeidismyndum í sjónvarpi og á
myndböndum, langur vinnutími, at-
vinnuleysi og aðrir erfiðleikar. Hver
sem orsökin er, þá er greinilegt að
breytinga er þörf. Líklega höfum við
sofnað á verðinum í lífsgæðakapp-
hlaupinu. Er ekki nauðsynlegt að við
spyrjum okkur í hvers konar þjóðfé-
lagi við viljum búa og bjóða börnum
okkar? Við verðum að vakna til með-
vitundar og sameinast um að bæta
lífsskilyrði okkar og jarðarinnar.
Um þessa meðvitundarvakningu
mun jógameistarinn Gurudev (Yogi
Amarit Desai) fjalla af sínum
djúpsæja skilningi í fyrirlestri 22.
október nk. Fyrirlesturinn ber heitið
Heimsvitund — Sjálfsvitund og þar
fjaliar Gurudev um hvernig sjálfsvit-
und einstaklingsins getur bætt
heimsmyndina. Gurudev er upphafs-
maður Kripalujóga og stofnandi
Kripalumiðstöðvarinnar í Bandaríkj-
unum. Þangað sækja árlega þúsund-
ir manna til að sækja sjálfsþroskan-
ámskeið og hlýða á kenningar hans.
Gurudev (Yogi Amrit Desai)
Gurudev leggur áherslu á, að til þess
að breyta umhverfi okkar, verðum
við að byrja á okkur sjálfum. Það
erum við sjálf sem erum aðalvanda-
málið.
I leit okkar að hamingju sköpum
við endalausar langanir. Við höldum
að ef við fáum það sem við viljum
þá verðum við hamingjusöm. Við
erum gegnsýrð af neyslu og í þess-
ari endalausu leit sköðum við lífríkið
og göngum á auðlindir jarðar. Við
mengum loftið, eyðum ósonlaginu
og höggvum regnskógana. Allt til
að fullnægja löngunum okkar. En
við færumst ekkert nær hamingjunni
heldur færumst við í gagnstæða átt,
í átt að meiri neyslu, meira ofbeldi,
meiri firringu.
Gurudev bendir á að hreinsun jarð-
ar verði að skoða sem hluta af þróun
mannlegrar meðvitundar. Við verð-
um að gera okkur grein fýrir hinni
sönnu uppsprettu hamingjunnar.
Hamingjan er ekki bara fólgin í því
að kaupa nýja hluti eða koma ein-
hvetju í verk. Hamingjuna getum við
fyrst upplifað þegar við erum laus
við innri truflanir. Laus frá leitinni
að endalausum afþreyingum, þæg-
indum, frægð eða völdum.
Ef við einföldum líf okkar, drögum
úr þörfum okkar, minnkar ágangur
okkar í auðlindir jarðar. Samband
okkar við jörðina endurspeglar sam-
bandið við okkur sjálf.
Gurudev bendir einnig á að með
því að stunda Kripalujóga og hug-
leiðslu sköpum við jafnvægi og innri
frið.
Einstaklingur í jafnvægi hefur
áhrif á umhverfi sitt og á samfélag-
ið. Nauðsynlegt er að fólk sameinist
í kærleika, fæddum af innri styrk til
að skapa ósýnilegt afl til umbreyt-
inga. Aðeins sameiginleg meðvitund
okkar og sameiginleg skuldbinding
getur lagt grunninn að raunverulegri
umbreytingu hnattarins.
LINDA KONRÁÐSDÓTTIR,
félagi í Heimsljósi, félagi áhuga-
fólks um Kripalujóga.
Stjórnleysi á stj órnarheimilinu
Frá Jóhanni Indriðasyni:
NÚ ERU kratar búnir að koma sínum
pólitísku gæðingum á þessa öruggu
jötu í mannfélaginu, þar sem þeir
geta nú örugglega átt ánægjulegt
æviskeið vel mettir og ekki sárþreytt-
ir. Jón, Karl og Eiður heita þeir.
Endurnýjunin kom af sjálfu sér, nóg-
ur er mannskapurinn. Einn af þeim
er fyrrverandi bæjarstjóri í Hafnar-
firði. Sá er ekki gæfulegur og „fer
hratt“, sjálfsagt er stefnan þegar
mörkuð og sjálfstýringin sett á. Og
eitt af þessum verkum varð til þess
að ég settist niður og rita þessar lín-
ur. Að leggja niður heimilið að Gunn-
arsholti og spara 42 milljónir. Þetta
minnir á götustráka sem gera þá
hluti fljótt sem þeim dettur í hug sér
til gamans, t.d. kasta steini í götu-
ljósaperu og nú er bara að verða
fyrstur að hitta peruna. Og það er
fleira í sigti hjá Guðmundi Árna og
heldur ógeðfellt og ætla ég ekki að
fjölyrða um það nú. En hann á að
spara eða skera niður ákveðna upp-
hæð og hefir þar fijálsar hendur, því
að Friðrik Sophusson fjármálaráð-
herra sagði í sjónvarpsviðtali í gær
að nú væri breytt vinnulag, hver
ráðherra sker niður hjá sér.
En Davíð, sem kallaður er forsæt-
isráðherra, hann virðist ekkert skipta
sér af strákunum (ráðherrunum).
Þessi ákveðna upphæð hjá Guðmundi
Árna veit ég ekki hver er, en því
hærri því betra, skilst manni. Þá er
að ráðast á garðinn og Guðmundur
Árni fer í lægri endann þegar hann
vill leggja Gunnarsholt niður. Þetta
vel rekna sveitaheimili sem um leið
er vinnuheimili ólánssamra manna
er sannarlega ekki eins og ljósapera
sem götustrákar bijóta í ljótum leik.
Þetta er lifandi mannfólk, þó að ekki
sé það hátt sett í þjóðfélaginu, en
Gunnarsholt er þó heimili manna sem
lent hafa einhverra hluta vegna útí
myrkur mannfélagsins og eiga
hvergi höfði að halla, en hafa þó
fundið frið og samfélag þarna sem
þeir vilja lifa og starfa í. Og ramm-
inn er ekki sérstaklega kostnaðar-
samur. Læknar, félagsráðgjafar og
sálfræðingar eru ekki á launaskrá.
Launakostnaður þessa níu mánuði
sem liðnir eru af árinu, 12,6 stöðu-
gildi, er um 13 milljónir. Það eru
þokkaleg forstjóralaun. Guðmundur
Árni, þú segist hafa athvarf fyrir
þessa menn á stofnunum. Þar mun
dagurinn kosta allt að 5 þúsund krón-
um. Og hvað á svo að gera við mann-
virkið að Gunnarsholti? Mig langar
að fara fram á að þú birtir á prenti
álitsgerð þína um þennan spamað.
Það sparast lítið ef færa á þungann
yfir á hinn klakkinn, þá fór nú að
hallast á hestinn í gamla daga.
JÓHANN INDRIÐASON,
Garðatorgi 17,
Garðabæ.
Víkveiji skrifar
Víkveiji ætlaði ekki að trúa sín-
um eigin eyrum þegar hann
var að hlusta á sex-fréttir í ríkisút-
varpinu á þriðjudag. Þar var sagt,
að hugsanlega fengi herinn í E1
Salvador friðarverðlaun Nóbels á
þessu herrans ári 1993. Raunar
hökti þulurinn dálítið á fréttinni og
ekki að undra. Til skamms tíma
geisaði blóðug borgarastyijöld í E1
Salvador og hvorirtveggju, herinn
og skæruliðar, gerðust þá sekir um
skelfileg hryðjuverk og morð á
óbreyttum borgurum. Stjórnarher-
inn í landinu meó sínar dauðasveit-
ir er því ekki líklegur til að fá friðar-
verðlaun Nóbels alveg á næstunni.
Frétt af þessu tagi er auðvitað með
öllu óskiljanleg, eins og sambæri-
legar firrur í RÚV og öðrum fjöl-
miðlum, en Víkveiji þykist hins
vegar vita hvernig á þessu stendur.
Fyrr um daginn kom nefnilega
Reuters-skeyti frá Noregi þar sem
sagði, að „The Salvation Army“,
Hjálpræðisherinn upp á íslensku,
fengi hugsanlega friðarverðlaunin
í ár.
xxx
Baráttan um tíma barnanna og
krónur foreldranna er aldrei
meira áberandi en á haustin. Félög,
klúbbar, stöðvar og skólar bjóða
þjónustu sína og sannarlega er úr
mörgu að velja. Svo mörgu, að
skrifari veltir því stundum fyrir sér
hvort sumir þessara krakka hafi
yfirleitt tíma til að vera þau sjálf.
Þessi námskeið kosta eðlilega tals-
verða peninga og því miður virðast
oft litlar kröfur vera gerðar til leið-
beinenda. Menntun þeirra sem
kenna börnunum ætti þó að vera
lykilatriði og gera verður kröfu til
þess að þeir sem námskeið skipu-
leggja eða stýra hafí meira til að
bera en áhuga á verkefninu og
getu í viðkomandi grein. Það er
nefnilega sitthvað að kenna og að
kunna.
Auglýsingar kvikmyndahúsanna
eru iðulega mikil „skemmti-
lesning“, ekki aðeins fyrir fijálslega
notkun lýsingarorða, heldur einnig
fyrir kauðslega þýðingu á heitum
kvikmynda. Til að mynda er nú
sýnd í kvikmyndahúsi myndin
„Svefnlaus í Seattle", þegar eðlileg-
ast hefði verið að þýða heiti mynd-
arinnar, „Sleepless in Seattle", sem
„Andvaka í Seattle“ eða jafnvel
„Svefnvana í Seattle“ vilji menn
halda stuðli. Annað kvikmyndahús
sýnir myndina „Skógarlíf" og var
lagt í mikla auglýsingaherferð til
að tryggja að allir hefðu það heiti
á hraðbergi. Þeir sem komnir eru
af barnsaldri kannast þó vísast
flestir við bókina sem myndin er
byggð á, Jungle Book, sem einfald-
lega Dýrheima, enda var hún gefin
út undir því nafni á íslensku fyrir
mörgum árum og gott ef nefnd
mynd var ekki sýnd hér fyrir margt
löngu undir því nafni.