Morgunblaðið - 11.11.1993, Blaðsíða 44

44
MOKGUNBLAÐIÐ FIMMTUDAGUR 11. NÓVEMBER 1993
fclk f
fréttum
Eiginkonan er grennri
en annað læri mannsins
Líf cig'inkvenna háð reglum
Þegar konur giftast sumo-köppum breytist líf þeirra mjög
og þær stíga inn í heim leyimakks, boða og banna. Þrátt
fyrir að konur í svipuðum stéttum gangi í sérhönnuðum
fötum klæðast eiginkonur sumoglímumanna að jafnaði kim-
ono. Fram til þessa hefur eiginkonum þeirra verið haldið
algjörlega utan sviðsljóssins og þeim er örsjaldan boðið í
samkvæmi og aðrar mótttökur sem þeir sækja hins vegar
mjög oft.
Einnig er það óskráð regla að þær mega ekki fylgja eigin-
mönnunum sínum eftir í keppnisferðalögum. Fram til ársins
1909 fékk japanskt kvenfólk ekki aðgang að glímum og
þegar því banni var aflétt máttu þær ekki setjast á fremsta
bekk. Það var ekki fyrr en eftir heimsstyijöldina síðari að
þær máttu velja hvar þær settust.
Þá kemur það í hlut eiginkvenna að útvega ailt sem til þarf
í yfirstærðum, hvort sem um er að ræða nærföt, fatnað,
hjónarúm og önnur húsgögn. Opnaðar hafa verið sérverslan- Konishiki þarf tvö sæti í flugvélum, en hins veg-
ir í einu hverfi Tókýó, sem selja allt milli himins og jarðar. ar getur Sumika hniprað sig saman í hálft sæti.
Einn þekktasti sumoglímumaður Japans, Konishiki,
kvæntist fyrr á þessu ári einni af frægustu fyrirsætum
Japana, Sumika Shioda. Fyrir utan að vekja athygli sem
þekkt par vekur stærðarmunur hjónanna einnig eftirtekt.
Konishiki vegur hvorki meira né minna en 263 kíló, en hún
rétt rúmlega 50 kíló. Þá er annað læri Konishikis meira um
sig en Sumika öll. Skýringin á því að sumokappar kjósa sér
að jafijaði smávaxnar konur er sögð sú, að allt líf þeirra
snýst um stóra, klossaða hluti. Með því að kvænast smávax-
inni konu njóti þeir þess ennþá frekar að fara höndum um
eitthvað sem er svo smávaxið og veikbyggt.
Menn velta því fyrir sér hvort slík hjón geti stundað hefð-
bundið kynlíf og segja sumokappar það ekki vera vanda-
mál, því þeir hafí komið sér upp ákveðinni tækni. í bók um
sumokappa sem Lora Shamoff hefur skrifað og heitir „Grand
Sumo“ segir að drykkja sumokappa sé ekki litin velþóknunar-
augum en öðru máli gegni um kynlíf. „Það er hreinlega lit-
ið svo á að gott kynlíf sé hluti af æfíngarprógrammi sumo-
kappanna."
Litið á sumokappa sem goð
Litið er á sumoglímumenn sem standa framarlega á sínu
sviði sem stjömur í Japan og fylgir þeim að jafnaði hópur
aðdáenda, auk þess sem þeir em styrktir fjárhagslega. Þeir
fá endalausar beiðnir frá hinum ýmsu samtökum um að
koma fram til styrktar málefninu, enda ferðast þeir að jafn-
aði oft í mánuði bæði innanlands sem utan. Þeir frægustu em
í burtu frá heimilum sínum samtals allt að hálfu ári.
Mikil hátíð var haldin þegar sumokappinn
Konishiki kvæntist sýningarstúlkunni Sumika
Shioda fvrr á bessu ári.
William Hurt ásamt fyrrverandi eiginkonu sinni, Heidi Henderson.
FJÖLSKYLDA
Kvennamál
Williams Hurts
William Hurt er einn þeirra
Hollywood-leikara sem hafa
ekki enst í sama hjónabandinu eða
sambúðinni í mörg ár. Hann stend-
ur nú í skilnaðarmáli vegna annars
eða þriðja hjónabands síns og er
þegar kominn í fast samband við
aðra konu sem ber barn hans undir
belti.
Hurt giftist leikkonunni Mary
Beth Hurt árið 1972 og skildu þau
árið 1975. Árið 1979 eignaðist hann
barn með dansaranum Söndru
Jennings og tíu árum síðar stóðu
þau frammi fyrir dómara í fjöl-
skyldurétti.
Greiðslurnar eru háðar
drykkju hvors um sig
Eftir þau átök fór Hurt í með-
ferð og þar hitti hann Heidi Hender-
son sem hann hefur verið kvæntur
undanfarin fjögur ár. Eiga þau sam-
an tvo syni, Samuel, 4 ára, og Will-
iam, 3 ára. Þau gerðu með sér
samning sem kvað á um ákveðinn
framfærslueyri sem Hurt átti að
greiða Henderson og bömum
þeirra. Sá böggull fylgdi skammrifi
að færi Hurt aftur að drekka hækk-
uðu greiðslur hans til hennar. Félli
hún hins vegar lækkaði framfærslu-
eyrir hennar.
Það er því hagsmunamál fyrir
Hurt að standa sig gagnvart Bakk-
usi. Ekki getur hann heldur óskað
eftir því að fyrrverandi eiginkona
hans byiji að drekka aftur til að
hann þurfi að greiða minna, því hún
hefur forræði yfir drengjunum.
Eins og áður segir, er Hurt nú
farinn að búa með annarri konu,
hinni 26 ára leikkonu Sandrine
Bonnaire, en þau hittust við tökur
á kvikmyndinni „The Plague“ í
Buenos Aires. Þau eiga von á barni
í desember.
COSPER
Símon! Þú gleymdir að loka hænsnakofanum!
MorgunblaOio/Arni bæberg
Gunnar Sigurðsson, Jónína Víglundsdóttir, Unnur Elíasdóttir og Haraldur Ingólfsson.
Hársnyrting
Hef hafið störf á hlársnyrtistofu Dóru og
Siggu Dóru, Ármúla 5, s. 682280.
Var áður á Rakarastofunni, Dalbraut 1.
Verið velkomin.
KNATTSPYRNA
Ótrúleg velvild
Unnur Elíasdóttir er einn dyggra stuðningsmanna
knattspymunnar á Akranesi. í tæplega aldar-
flórðung hefur hún sýnt stuðninginn í verki með því
að færa Skagamönnum reglulega blóm og bikara að
gjöf.
„Þetta er ótrúleg velvild," sagði Gunnar Sigurðs-
son, formaður Knattspyrnufélags ÍA, þegar hann
ásamt parinu Jónínu Víglundsdóttur í bikarmeistara-
liði ÍA og Haraldi Ingólfssyni, leikmanni íslands- og
bikarameistaranna, veitti viðtöku tveimur bikurum frá
Unni fyrir skömmu.
Unnur, sem er ættuð frá Snæfellsnesi, hefur búið
í Reykjavík í um 40 ár og haldið með Skagamönnum
frá unglingsaldri.