Morgunblaðið - 18.01.1994, Blaðsíða 18

18
MORGUNBLAÐIÐ ÞRIÐJUDAGUR 18. JANÚAR 1994
ódýrustu “Ú Kaldar kveðjur fráháskóla-
myíd'Sii i rektoi* til Vélskóla íslands
í öllum okkar myndatökum eru
allar myndimar stækkaöar í
13 x 18 cm til búnar til að gefa
þær, að auki 2 stækkainr
20 x 25 cm og ein stækkun
30 x 40 cm í ramma
Ljósmyndastofan Mynd sími:
6542 07
Ljósmyndast Barna og
fj.myndir sími: 677 644
Ljósmyndastofa Kópavogs
x sími: 4 30 20
3 Odýrastir
eftir Björgvin Þór
Jóhannsson
í Morgunblaðinu sem út kom
föstudaginn 7. janúar síðastliðinn
er grein sem ber nafnið „Endur-
menntunarnám í sjávarútvegsfræð-
um“. í þessari grein segir frá námi
í sjávarútvegsfræðum á vegum
Endurmenntunarstofnunar Háskóla
íslands sem nýlega hefur verið sett
á laggimar. í Morgunblaðinu er
vitnað í orð háskólarektors við setn-
ingu fyrrnefnds náms en þar stend-
ur orðrétt: „Sveinbjörn sagði að það
hefði verið orðað við sig að sjávarút-
vegsfræðin hefðu verið vanrækt í
íslensku skólakerfi og kvaðst taka
undir það. Þótt Fiskvinnsluskólinn
hafí farið vel af stað hafi hann
ekki staðið undir þeim væntingum
sem gerðar hafí verið til hans og
sama gildi um Stýrimannaskólann
og Vélskólann."
Starf Vélskólans
Vélskóli Islands var stofnaður
árið 1915 og hefur ávallt starfað
eftir sérstökum lögum sem í tímans
rás hafa tekið ýmsum breytingum
en nýjustu lögin eru frá 10. apríl
1985. í þessum lögum segir meðal
annars: „Hlutverk og meginmark-
mið vélstjóranáms er að veita nem-
endum bóklega og verklega mennt-
un sem gerir þá hæfa til að taka
að sér störf í þágu atvinnuveganna
til lands og sjávar í samræmi við
Ingti
i 2. scetið
Stuðningsmenn Ingu Jónu
Þórðardóttur í prófkjöri
Sjálfstæðisflokksins hafa opnað
skrifstofu á Vesturgötu 2,
símar 16560 og 16561.
Opið kl. 10-22.
Hafið samband!
HRAÐLESTRARNÁMSKEIÐ
Hvort sem þú ert námsmaður, þingmaður, forstjóri stórfyrir-
tækis, smiður, verkamaður, ellilífeyrisþegi, ráðherra eða
eitthvað annað, skiptir ekki máli. Þeir, sem vilja margfalda
lestrarhraðann og gera þannig lestur auðveldari og
ánægjulegri, koma allir á hraðlestrarnámskeið.
Vertu með og skráðu þig strax á næsta námskeið, sem
hefst 26. janúar nk. Kennt er í Árnagarði, H.í.
Skráning er í símum 642100 og 641091.
P.S. Skólafólk, munið námstækninámskeiðin og námsmannapakkann.
HRAÐIJaSITíARSKÓLJNN
atvinnuréttindi sem ákvörðuð eru í
lögum.“ í lögum um atvinnuréttindi
vélfræðinga, vélstjóra og vélavarða
á íslenskum skipum eru tíunduð hin
ýmsu réttindastig sem miðast við
ásafl aðalvélar. Alþjóðasiglinga-
málastofnunin hefur einnig sett
ákveðnar reglur (STCW-reglur)
sem hafðar eru sem viðmiðun og
einnig er mjög náið samstarf milli
Norðurlandaþjóðanna um þessa
menntun og tel ég hana nokkuð vel
samræmda þeim kröfum sem þar
eru gerðar. Þrátt fyrir þetta er þó
fyrst og fremst tekið mið af þeim
tæknibúnaði sem er í íslenska skipa-
flotanum og einnig búnaði í vatns-
afls- og varmaorkuverum.
í skólastarfinu hefur verið leitast
við að mennta menn og þjálfa til
að reka og viðhalda þeim flókna
tæknibúnaði sem vélstjórar eiga að
stjóma og enn fremur bjóða upp á
endurmenntunarnámskeið fyrir
starfandi vélstjóra og vélfræðinga.
Ég geri mér fulla grein fyrir að
tæknibúnaðurí nútíma frystitogara,
svo dæmi sé tekið, er einhver sá
margbrotnasti sem um getur í skip-
um í dag og mikla þekkingu og
þjálfun þarf til að reka slíkan búnað
áfallalaust oft á hafsvæðum þar
sem engin ytri þjónusta er til stað-
ar og menn verða að treysta á eig-
in þekkingu og færni. Áhersla hefur
verið lögð á almennt nám og fræði-
lega undirstöðu og um helmingur
námsins tengist ýmsu verklegu og
sérhæfðu starfsnámi. Reynt hefur
verið að byggja upp góða verklega
aðstöðu í skólanum þó að oft hafi
fjárveitingar til þeirra hluta verið
allt of knappar. Engu að síður hef-
ur skólinn eignast mjög fullkominn
vélarrúmshermi og fullkomið
kennslukælikerfi var tekið í notkun
nú um áramótin. Það hefur verið
mitt mat að bæði verklegt, sérhæft
starfsnám og bókleg kennsla í skól-
anum séu vel af hendi leyst og að
menntun vélstjóra hér á landi sé
vel viðunandi þó auðvitað megi
ávallt gera betur.
Hvað er vanrækt?
Ég get ekki skilið orð Sveinbjarn-
ar á annan hátt en að Vélskólinn
hafi ekki uppfyllt þær kröfur sem
gerðar eru til hans lögum sam-
kvæmt eða þá brugðist hlutverki
sínu á þann hátt að þeir vélstjórar
Björgvin Þór Jóhannsson
„Ég fer því fram á að
háskólarektor geri Vél-
skólanum grein fyrir,
sem allra fyrst, á hvaða
sviðum Vélskólinn hef-
ur brugðist varðandi
menntun vélstjóra og
vélfræðinga svo hægt
verði að bæta úr því við
fyrsta tækifæri eða þá
vísi á þá mætu menn
sem orðuðu þetta við
hann ef ske kynni að
þeir gætu aðstoðað
okkur við að bæta nám-
ið í Vélskóla íslands.“
og vélfræðingar sem skólinn hefur
menntað hafi ekki staðið sig nægi-
lega vel í starfi og íslenski flotinn
sé verr settur með menntaða tækni-
menn en t.d. flotar annarra þjóða.
Tæknivæddur sjávarútvegur verður
að hafa góða tæknimenn innan
sinna vébanda en ég held að það
sé að bera í bakkafullan lækinn að
gera þá jafnframt sérfróða í mat-
vælafræði ef það er það sem Svein-
björn á við.
í nýlegri könnun sem fyrirtækið
„Lausnir — ráðgjöf um vinnumál"
gerði fyrir Vélstjórafélag íslands
voru settar fram ýmsar spurningar
sem beint var til stjórnenda fyrir-
tækja sem hafa vélstjóra og vél-
fræðinga í starfi. Ein af þessum
spurningum hljóðaði svo: „Hvernig
nýtist menntun vélstjóra — al-
mennt?“ Meðfýlgjandi skífurit sýnir
svörin við spurningunni. Könnun
þessi fór fram dagana 18.-29. októ-
ber 1993 og var beint til vinnuveit-
enda vélstjóra. Megintilgangur
könnunarinnar var að kanna við-
horf vinnuveitenda til vélstjórastétt-
arinnar og hvernig störf þeirra og
menntun nýtast á hinum ýmsu at-
vinnusviðum. Pjöldi fyrirtækja í
könnuninni var 66 og var talað við
fleiri en einn á nokkrum stöðum.
Vinnuveitendum þeim sem spurðir
voru var skipt niður í eftirfarandi
flokka: 1. Útgerðarfélög, 2. Verk-
smiðjur, 3. Farskip, 4. Vélaumboð,
5. Frystihús, 6. Orkuver.
Ef þessi könnun er marktæk get
ég ekki dregið aðra ályktun af svör-
um við þessari spurningu en að ís-
lenskt atvinnulíf telji þekkingu og
færni vélstjóra fyllilega viðunandi.
Ég fer því fram á að háskólarekt-
or geri Vélskólanum grein fyrir,
sem allra fyrst, á hvaða sviðum
Vélskólinn hefur brugðist varðandi
menntun vélstjóra og vélfræðinga
svo hægt verði að bæta úr því við
fyrsta tækifæri eða þá vísi á þá
mætu menn sem orðuðu þetta við
hann ef ske kynni að þeir gætu
aðstoðað okkur við að bæta námið
í Vélskóla íslands.
Höfundurer skólameisúiri
Vélskóla Islands.
Boðað til fundar á morgun
um jöfnun atkvæðisréttarins
í SAMRÆMI við umræðu og ákvörðun aðalfundar Samtaka sveitarfé-
laga á höfuðborgarsvæðinu þann 16. okt. sl. hefur verið ákveðið að
boða til fundar um jöfnun atkvæðisréttar. Fundurinn verður haldinn
í Félagsheimili Kópavogs miðvikudaginn 19. janúar nk. og hefst
hann kl. 20.
Framsögumenn og þátttakendur
í pallborðsumræðum verða: Anna
Ólafsdóttir Björnsson, alþingismað-
ur, Ari Edwald, aðstoðarmaður
dómsmálaráðherra, Björn Bjarna-
son, alþingismaður, Finnur Ingólfs-
son, alþingismaður, Gísli S. Einars-
son, alþingismaður, Jóhannes Geir
Sigurgeirsson, alþingismaður,
Ólafur Ragnar Grímsson, alþingis-
maður, Vilhjálmur Þ. Vilhjálms-
son, borgarfulltrúi, Reykjavík, og
Þorkell Helgason, ráðuneytisstjóri.
Ráðstefnustjóri verður Arnór L.
Pálsson, bæjarfulltrúi í Kópavogi
og gjaldkeri SSH. Umræðustjóri í
pallborði verður Sveinn Andri
Sveinsson, borgarfulltrúi í Reykja-
vík og formaður SSH, en hann
setur einnig ráðstefnuna. Fundar-
ritari verður Jónas Egilsson, fram-
kvæmdastjóri SSH.
Til fundarins er boðið öllum
sveitarstjórnarmönnum og þing-
mönnum höfuðborgarsvæðisins. í
lok hans er fyrirhugað að afgreiða
ályktun um kjördæmamálið.