Morgunblaðið - 18.01.1994, Blaðsíða 21
MORGUNBLAÐIÐ ÞRIÐJUDAGUR 18. JANUAR 1994
21
að sér og hefur haft með höndum
allt til þessa, í 41 ár.
Gísli Sigurbjörnsson sigldi þó ekki
alltaf lygnan sæ í framkvæmdum
sínum og rekstri þessara stórfyrir-
tækja tveggja, mannúðar- og þjóð-
þrifastofnana, sem segja má að
markað hafi aldahvörf í íslensku
þjóðlífi hvað snertir umönnun aldr-
aðs fólks. Því að það hefur löngum
verið hlutskipti forvigismanna allra
tíma að eiga við að stríða tor-
tryggni, skilningsleysi og öfund
misviturra samtímamanna, og fór
Gísli ekki varhluta af því svo hvim-
leitt sem það hlýtur að vera og ógeð-
felldur fjötur um fót hveijum, sem
fyrir verður, og að sama skapi letj-
andi og sárt að verða fyrir. Mikinn
þrótt og þolgæði þarf til að rísa
undir slíkri málafylgju græsku og
grályndis.
En allt þetta stóð Gísli af sér
með sóma.
Gísli var margskyns gáfum
gæddur. Hann var í eðli sínu mis-
kunnsamur og umburðarlyndur,
glöggskyggn mjög á menn og mál-
efni og fylginn sér, þegar með
þurfti. Fjármálamaðui' var hann og
kunni öðrum fremur vel og hyggi-
lega með ijármuni að fara, enda
honum vel ljóst, að án fjár verður
lítið aðhafst til heilla og eflingar
lands og lýðs.
Við andlát Gísla forstjóra Sigur-
björnssonar höfum við í Félagi fyrr-
verandi sóknarpresta mikils misst
og mjög að sakna. Af 665 samfund-
um okkar mánaðarlegum frá upp-
hafi, árinu 1939, höfum við haldið
465 fundi okkar, að lokinni messu-
gjörð hveiju sinni, á Grund, frá ár-
inu 1955, allt fram á þennan dag.
Við teljum okkur því eiga Gísla
Sigurbjörnssyni, húsbónda heimilis-
ins, mikið gott upp að unna fyrir
sérstaka ræktarsemi við okkur,
margvíslega fyrirgreiðslu, greið-
vikni og höfðingsskap í hvívetna,
sem við höfum fengið notið í ríkum
mæli, atlæti og aðstoð, sem í raun
verður aldrei fullþakkað, hvorki
honum né öðrum þeim mætu for-
ráðamönnum, sem þar hafa átt hlut
að.
Gísli Sigurbjörnsson var trúr í lífi
sínu, ekki einasta yfir hinu smáa,
heldur og yfir því, sem meira var.
Þess vegna var hann og, fyrir fág-
ætt atgervi, settur yfir enn meira á
langri starfsævi.
Til vitnis um þessa fullyrðingu
mætti mjög gjarnan vísa til þessara
orða heilagrar ritningar: „Gott þú
góði og trúi þjónn, gakk inn til fagn-
aðar herra þíns.“
Við þökkum vini og velgjörðar-
manni, sem nú hefur kvatt á síð-
kveldi.
Eiginkonunni, frú Helgu Björns-
dóttur, dætrunum og öðrum ástvin-
um, vottum við innilega samúð okk-
ar og biðjum þeim blessunar Guðs.
F.h. Félags fyrrverandi sóknar-
presta,
Grímur Grímsson.
Það er mikil forgjöf í lífsbarátt-
unni að vera alinn upp í góðum
hópi systkina, sem ómeðvitað ala
hvert annað upp að meira eða minna
leyti. Ekki spillir það stöðunni, þeg-
ar systkinin koma með vini sína inn
á heimilið. Þá getur skapast sú
sanna vinátta, sem fátt jafnast á
við, þannig að vinurinn verði næst-
um eins og einn meðlimur fjölskyld-
unnar.
Við systkinin vorum sjö, sex
bræður og ein systir. Systirin, Nína,
fékk öðrum fremur að láta vinkonui'
sínar gista næturlangt, enda held.
ég að slíkt uppátæki sé miklu al-
gengara meðal stúlkna en drengja.
Mér er i minni, er Nína, sem er
fjórum árum eldri en ég, kom með
nýja vinkonu inn á heimili foreldra
minna, ég var þá á fjórða ári. Þessi
nýja vinkona hét Helga og var dótt-
ir hjónanna Guðrúnar Jónsdóttur
og Björns Arnórssonar, stórkaup-
manns, sem hafði þá einna fyrstur
manna reist sér einbýlishús í
Laugarásnum og kallaði það Reyki.
í framhaldi af því tókst einlæg
vinátta með foreldrum Helgu og
foreldrum mínum, sem auðgaði til-
veruna. Enda hafði faðir minn ol't
á orði á latínu: „Decus vitae amicit-
ia“, sem þýðir: „Vinátta er skraut
lífsins". Þegar Helga Björnsdóttir
svo á sínum tíma giftist Gísla Sigur-
björnssyni, bættist hann í vinahóp-
inn.
Mér varð fljótlega ljóst að Gísli
Sigurbjörnsson var óvenjulegur at-
orkumaður, fullur af hugmýndum
um mannbætandi líf og vildi örva
aðra til dáða. Síðustu 25 árin hef
ég haft tækifæri sem lögmaður Elli-
og hjúkrunarheimilisins Grundar til
að fylgjast með af hvílíkum dugnaði
og hagsýni Gísla Sigurbjörnssyni,
forstjóra þess, tókst að reka þá
stofnun og dvalarheimilið Ás í
Hveragerði.
Gísli Sigurbjörnsson fylgdist vel
með hvers konar framförum í vísind-
um, þó einkum á sviði læknavís-
inda. Honum var einkar hugfólgin
vísindastofnun, sem hann hafði
komið á fót í Hveragerði og hann
kallaði Rannsóknarstofuna Neðri-
Ás í Hveragerði. Tilgangur með
stofnun hennar var sá helstur að
með vísindalegum rannsóknum
mætti stuðla að hvers konar fram-
förum á öllum sviðum þjóðlífsins,
en þó sérstaklega í sambandi við
garðyrkju og gróður og áhrif hvera
og hveragufu á heilsuna. Einn þátt-
urinn í rekstri rannsóknarstofunnar
var að bjóða erlendum vísindamönn-
um að dveljast í Hveragerði til að
stunda rannsóknarstörf. Vísinda-
mennirnir gáfu rannsóknarstofunni
verk sín að launum. Þannig hafa
komið frá rannsóknarstofunni rúm-
lega 50 vísindarit eftir nokkru fleiri
höfunda. Einnig hefur rannsóknar-
stofan skipst á vísindaritum við er-
lenda háskóla og vísindastofnanir
og er þannig talsvert safn vísinda-
rita í fórum stofunríar.
Það var mikill fengur að því að
kynnast Gísla Sigurbjörnssyni og
magnað að spjalla við hann. Þá flaug
hugur hans oft víða,' þannig að
maður átti stundum fullt í fangi
með að fylgja honum eftir í hugsýn-
um hans.
Nú er þessi merki maður látinn
eftir heilladijúgt ævistarf í þágu
íslensku þjóðarinnar og skal eftirlif-
andi konu hans, dætrum, tengda-
sonum og ættmennum vottuð samúð
og virðing.
Gunnlaugur Þórðarson.
Með Gísla Sigurbjörnssyni, for-
stjóra Elli- og hjúkrunarheimilisins
Grundar, er genginn einn af bestu
sonum þessarar þjóðar á yfirstand-
andi öld, eldheitur hugsjónamaður
og brautryðjandi, er átti til að bera
nægilegt hugrekki, vilja og áræði
til þess að hrinda hugsjónum sínum
í framkvæmd. Gísii Sigurbjörnsson
var frumkvöðull að umönnunarþjón-
ustu fyrir aldraða í þessu landi. Um
sex áratuga skeið var hann í fylk-
ingarbijósti þeirra, er gjöra vildu
öldruðum ævikvöldið friðsælt og
athvarfið öruggt. Um það brautryðj-
endastarf hans ber Elli- og hjúkrun-
arheimilið Grund órækast vitni svo
og heimili hans fyrir aldraða í
Hveragerði. Þessar stofnanir rak
Gísli af einstakri fagmannlegri
þekkingu, dugnaði og af svo ein-
lægri ást á viðfangsefninu, að fá-
gætt má teljast.
En við jarðnesk leiðarlok Gísla
Sigurbjörnssonar skal hinu ekki
heldur gleymt, hvílíkan hollvin kirkj-
an átti í honum og þá ekki hvað
síst söfnuðir Reykjavíkurprófasts-
dæma. Þótt Gísli styrkti með ýmsu
móti söfnuði víðsvegar um landið
var þó stuðningur hans við kirkjur,
söfnuði og safnaðarfélög hér í
Reykjavíkurprófastsdæmum
stærstur og mestur. Margsinnis
studdi hann hér kirkjulegt starf með
rausnarlegum gjöfupi og einörðum
hvatningarorðum. Á 200 ára af-
mæli Reykjavíkurborgar árið 1986
stofnaði hann tii dæmis Starfssjóð
SJÁ BLS. 38.
ERTU MEÐ I HOPI
ÞEIRRA BESTU!
FRÁ UPPHAFI HAFA VERÐBRÉFASJÓÐIR
í UMSJÓN KAUPÞINGS HF. ÁVALLT VERIÐ
í HÓPI BESTU ÁVÖXTUNARLEIÐA Á
FJÁRMAGNSMARKAÐNUM.
-GERÐUSAMANBURÐ
Alþjo&asjo&ur me&
erlend ver&bréf
Eignarskattsfrjals sjo&ur
með ríkisverðbréf
Skammtímasjó&ur
Nafnávöxtun
Raunávöxtun
Einingabréfin og Skammtímabréfin er hœgt ab innleysa
hvenœr sem er. Til þess aö losna viö kostnaö þarf aö
tilkynna innlausn á Einingabréfum 1, 2 og 3 meö 2ja
mánaöa fyrirvara. Einingabréf 2 henta vel í reglulegan
sparnaö. Skammtímabréfin eru laus án kostnaöar eftir 30
daga frá kaupdegi.
Bréfin fást hjá eftirtöldum aöilum:
Kaupþingi hf.
Kaupþingi Noröurlands hf.
Sparisjóöunum og
Búnaöarbanka íslands
SPARISJÓÐIRNIR
®BÍ1
BUNAÐARBANKINN
KAUPÞING HF
Löggilf verbbréfafyrirtœki
Kringlunni 5, simi 689080
/ eigu Búnabarbanka íslands
og sparisjó&anna
KAUPÞING HF. - FRAMTÍÐARÖRYGGI í FJÁRMÁLUM