Morgunblaðið - 18.01.1994, Blaðsíða 34

34
MORGUNBLAÐiÐ ÞRIÐJUDAGUR 18. JANUAR 1994
EGLA
-ROÐ OG
REGLA
Margir litir margar stærðir.
Þessi vinsælu bréfabindi
fást í öllum helstu
bókaverslunum landsins.
Soffía Kjartans-
dóttír — Minning
Fædd 29. apríl 1912
Dáin 6. janúar 1994
Nú hefur hún Soffía frænka kvatt
okkur eftir stutta sjúkdómslegu.
Hún sofnaði svefninum væra aðfara-
nótt 6. janúar og verður jörðuð í dag.
Hún var ekki frænka mín í þeim
skilningi heldur var hún afasystir
mannsins míns og þannig hófust
kynni okkar fyrir fjórum árum. Þó
svo að árin séu ekki mörg sem ég
þekkti Soffíu þá kynntist ég henni
vel og fékk að njóta hennar blíðu
umhyggju og glaðværðar. Hún elsk-
aði börn og þau hændust að henni
og það eru margir ullarsokkarnir og
vettlingarnir sem hafa hlýjað litlum
höndum og fótum í vetrarkuldanum.
Um það leyti sem ég kynntist
manninum mínum var það fastur
liður í stundatöflunni hans að fara
í mat til hennar Soffíu. Þegar hún
frétti af mér þá fannst henni það
lítið mál að bæta við einum diski á
borðið og tók svo á móti okkur með
opnum faðmi og hlöðnu borði af
kræsingum. Þegar heilsan leyfði
ekki lengur þessi litlu matarboð á
Laugaveginum þá sendi hún okkur
bara matinn í staðinn en eftirlét
okkur eldamennskuna.
Hún hafði ferðast mikið um ævina
og var óþrjótandi viskubrunnur um
staði og örnefni. Hún sagði svo
skemmtilega frá þessum glímum sín-
um við brött íjöllin og straumharðar
árnar að það var eins og maður
hefði verið með í ferðinni. Seinni
árin fækkaði ferðalögunum en hún
fór alltaf þegar hún treysti sér og
oftar í huganum.
Soffía var ein af þessum einstöku
manneskjum sem enga bilbug láta
á sér finna. Hún kvartaði aldrei og
þess vegna gerði enginn sér grein
fyrir hversu veik hún í raun var orð-
in. Glettnu augun hennar og milda
brosið lýstu upp tilveruna og heima-
bakaða jólakakan og kleinurnar
glöddu magann í heimsóknum á
Laugaveginn. Frá henni fór ég rík-
ari.
Nú þegar komið er að kveðju-
stundinni er svo margs að minnast
og söknuðurinn nístir hjartað. Það
er þó huggun harmi gegn að vita
til þess að hún Soffía mín mun bíða
okkar með útréttan faðminn og bros
á vör þegar að okkar tíma kemur.
Eg veit þú heim ert horfin nú
og hafin þrautir yfir;
svo mæt og góð, svo trygg og trú,
svo tállaus, falslaus reyndist þú,
ég veit þú látin lifir!
(Steinn Sigurðsson)
Elsku Soffía, takk fyrir allt sem
þú gafst og varst. Hvíl í friði.
Birna Björk.
Okkur langar að minnast hennar
Soffu okkar í fáum orðum, þakka
henni allt sem hún var okkur systk-
inunum og okkar fjölskyldum í gegn-
um árin.
Við vorum ekki há í loftinu þegar
Gunna og síðan Soffa systir hennar
fluttu frá Hvalsnesi til Reykjavíkur
í hús foreldra okkar á Framnesvegi
7.
Það var líf og íjör, búið í hverju
herbergi og allir sem ein stór fjöl-
skylda. Alltaf varf einhver sem hafði
tíma til að hlusta og tala við okkur
smáfólkið og mörg kvöldin var setið
við spil eða annað sem börn og ung-
lingar hafa ánægju og gleði af.
Þær systur Guðrún og Soffía
bjuggu á Framnesveginum í mörg
ár uns þær festu kaup á íbúð á
Laugavegi 98, þar sem áttu heimili
til hinstu stundar, en Guðrún lést
árið 1981.
Soffía var einstaklega góð og
hjartahlý kona, því fengum við
systkinin sannarlega að kynnast.
Hún bar alla tíð umhyggju fyrir
okkur og börnum okkar og var hluti
af okkar fjölskyldum.
Við kveðjum Soffu með söknuði
og þakklæti og geymum minninguna
um hana í hjörtum okkar.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Bryndís, Valdimar, Þóra.
Um leið og við kveðjum hinstu
kveðju Guðrúnu Soffíu Kjartansdótt-
ur, eða Soffíu frænku eins og hún
var alltaf kölluð meðal fjölskyldunn-
ar, viljum við minnast hennar með
nokkrum orðum.
Foreldrar hennar voru hjónin Guð-
ríður Oddsdóttir, fædd 2. júlí 1873,
dáin 13. júní 1947, og Kjartan
Helgason útvegsbóndi, fæddur 28.
október 1877, dáinn 24. ágúst 1954,
sem bjuggu öll sín búskaparár í
Moshúsum á Miðnesi. Börn þeirra
voru þrjú, Soffía; Guðrún, fædd 18.
ágúst 1908, dáin 20. desember 1981;
og Helgi, fæddur 23. desember
1914, dáinn 8. maí 1978. Helgi
kvæntist Hildi Jónsdóttur, fædd 17.
júlí 1908, dáin 31. maí 1985, og
eignuðust þau eina dóttur, Guðríði,
sem er gift Sigurði G. Sigurðssyni
brunaverði og eiga þau tvö börn,
Hildi og Helga Kjartan.
Soffía og systkini hennar ólust
upp hjá foreldrum sínum í Moshús-
um.
Mörg okkar frændsystkinanna
áttu því láni að fagna að fá að dvelja
hjá „afa, ömmu“ og Soffu í Moshús-
um lengi eða skemmri tíma á sumr-
um og eigum við okkar björtustu
æskuminningar frá þeim árum. Ein-
stök gestrisni þeirra allra og hjarta-
hlýja gerði það að verkum að krakk-
arnir frá Norðurstígnum og Ný-
lendugötunni sóttu stíft að fá að
dvelja þar á sumrum. Hefur það
eflaust verið mikil aukavinna sem
lagðist á heimilisfólkið, ekki síst á
Soffu, sem hélt heimili með foreldr-
um sínum.
Nokkrum árum eftir lát móður
sinnar fluttist Soffía til Reykjavíkur,
til systur sinnar sem bjó á Framnes-
vegi 7, og bjuggu þær þar í mörg
ár. Seinna keyptu þær sér íbúð á
Laugavegi 98 þar sem þær áttu
heima alla tíð síðan.
Eftir að til Reykjavíkur kom starf-
aði hún lengst af við sauma á sauma-
stofunni Artemis, þar sem hún
stundaði starf sitt af einstakri trú-
mennsku og vandvirkni.
Þær systurnar gengu báðar í
Ferðafélag Islands, þar sem þær
voru kjörfélagar, ferðuðust með því
um áratugaskeið vítt og breytt um
landið og áttu þar margar ánægju-
stundir með góðum félögúm.
DÚXINN - námstækninámskeið
og námið verður leikur einn!
Inniheldur bók og tvær snældur.
Verð aðeins kr. 2.900. Fæst í flestum
bókaverslunum. Sendum einnig frítt í
póstkröfu. Sími 642100.
HRAÐLESTI'RARSKOLINN
Haliarmúla • Kringlunni • Austurstræti