Morgunblaðið - 04.03.1994, Blaðsíða 18

18
MORGUNBLAÐIÐ FÖSTUDAGUR 4. MARZ 1994
Talstöðvum smyglað með Flugleiðavél
• •
Oryggisreglur
og tollalög brotin
VERKSTJÓRI í hlaðdeild Flugafgreiðslunnar á Keflavíkurflugvelli
hefur viðurkennt að hafa smyglað talstöðvum og bilavarahlutum til
landsins. Smyglvarningnum, sem fannst við leit í bíl verkstjórans um
síðustu helgi, hafði yfirmaður flugfraktar Flugleiða í New York kom-
ið fyrir í Flugleiðavél.
Þegar starfsmenn Tollgæslunnar
leituðu í bíl verkstjórans í flugstöðv-
arhliði fannst kassi með 6 talstöðvum
og smærri bílavarahlutum. Maðurinn
gaf þá skýringu, að hluti þessa hefði
hann látið senda sér með Flugleiða-
vél frá New York. Þar viðurkenndi
yfirmaður í flugfrakt Flugleiða á
Kenndyflugvelli við yfirheyrslur að
hafa keypt hlutina að beiðni verk-
stjórans, komið þeim fyrir í auð-
kenndum kassa, svo verkstjórinn
bæri kennsl á hann við komuna hing-
að til lands og komið kassanum fyrir
Farþega
með fölsuð
skilríki vís-
að úr landi
í Flugleiðavél. Starfsmaðurinn í New
York lét með þessu móti hjá líðast
að fylgja öryggisreglum flugvallarins
og starfsmaðurinn hér á landi flutti
kassann úr vélinni í bifreið sína, án
þess að vamingurinn væri tollskoð-
aður. Starfsmaðurinn í New York
neitar því hins vegar að hafa vitað
um að vamingurinn yrði ekki tollaf-
greiddur hér á landi.
Rannsókn lokið
Óskar Þórmundsson, yfirlögreglu-
þjónn rannsóknarlögreglunnar á
Keflavíkurflugvelli, segir að mál sem
þetta hafi ekki komið upp áður.
Hann segir að rannsókn þess sé að
mestu lokið, en mennimir megi
vænta þess að fá sektir fyrir tolla-
lagabrot sitt. Það sé þó í raun
minnsta ávirðingin, því agabrot
þeirra hljóti að teljast mjög alvarlegt.
Kristín Ásta Kristinsdóttir sigraði í Elite-keppninni
KRISTÍN Ásta Kristinsdóttir, 18 ára, bar sigur úr býtum í fyrirsætukeppni Elite sem fram fór á Hótel Islandi
í fyrrakvöld. Tvær aðrar ljósmyndafyrirsætur voru valdar, Árný Hilmarsdóttir, 19 ára, og Ásdís Birta
Gunnarsdóttir, 15 ára, en hún var valin ljósmyndafyrirsæta Elite og Nýs lífs. Á myndinni með Kristínu Ástu
er Hendrikka Waage frá Icelandic Models (t.v.), sem valdi íslensku stúlkurnar í keppnina og Karen Lee
sem kom frá Bandaríkjunum til að velja sigurvegarann.
Markús Örn Antonsson, borgarstjóri, um gjaldskrá Hitaveitu Reykjavíkur
Lækkun ekki tímabær vegna
stórra verkefna framundan
Hærri gjaldskrá dregur úr hækkunarþörf á útsvari
HITAVEITA Reykjavíkur mun verða skuldlaus um næstu áramót
en vegna stórra verkefna sem framundan eru, er ekki tímabært
að lækka gjaldskrá veitunnar, að sögn Markúsar Arnar Antonsson-
ar borgarstjóra. Gjaldskrá veitunnar hefur hækkað sex sinnum
síðustu þrjú ár, en borgarstjórn samþykkti að miða hana við vísi-
tölu byggingarkostnaðar á hverjum tíma. Árlegur arður af hita-
veitunni er nær 15% af veltu fyrirtækisins sem rennur í borgar-
sjóð eða um 440 millj. „Þeim fjármunum er varið til margvíslegr-
ar uppbyggingar sem á sér stað á vegum borgarinnar og rekst-
urs hennar," sagði Markús. „Þetta er samkvæmt ákvörðun borgar-
stjórnar og kemur öllum borgarbúum til góða og dregur úr þörf
fyrir hækkun á útsvari."
FARÞEGI Flugleiða, sem ferðað-
ist á fölskum skilríkjum, fór með
vél félagsins til Stokkhólms í gær-
morgun. Maðurinn flaug með fé-
laginu til Bandaríkjanna síðastlið-
inn laugardag en var neitað þar
um landvist. Hann var með farm-
iða sem hljóðaði upp á ferð frá
Bandaríkjunum til Amsterdam um
ísland og fór til Amsterdam á
sunnudag, en einnig gerður aftur-
reka þar.
Einar Sigurðsson, blaðafulltrúi
Flugleiða, segir að skilríkin hafi
maðurinn útvegað sér í Belgíu og
goldið fyrir þau 3.000 bandaríkja-
dali, eða yfir 210 þúsund krónur.
Næst lá leið hans til Berlínar þaðan
sem hann flaug til Stokkhólms og
steig þar um borð í Flugleiðavél.
Flugvallarstarfsmenn á þessum stöð-
um gerðu engar athugasemdir við
skilríki mannsins.
Maðurinn, sem kvaðst vera ind-
verskur, dvaldist á Keflavíkurflug-
velli í tvær nætur. Hann fór í gær-
morgun til Stokkhólms og flugvallar-
yfirvöld þar sendu hann áfram til
Berlínar, eða öfuga leið við hina
upphaflegu.
Hagur hitaveitna í landinu er
mismunandi og gjaldskrár misháar.
Bæjarstjórn Seltjarnarness ákvað
fyrir skömmu að lækka gjaldskrá
Hitaveitu Seltjarnarness um 10%
frá og með síðustu áramótum en
það þýðir að í stað 32 kr./m3 eru
greiddar 29 kr./m3, sem er sama
verð og hjá Hitaveitu Húsavíkur.
Síðasta hækkun á gjaldskrá Hita-
veitu Reykjavíkur var í nóvember
1993 en þá hækkaði gjaldskráin
úr 46,50 kr./m3 í 47,30 kr./m3.
Miklar framkvæmdir
„Þess ber að gæta að Hitaveita
Reykjavíkur hefur staðið í miklum
framkvæmdum og ljóst að rekstur
hennar verður í járnum næstu ár-
in,“ sagði borgarstjóri þegar hann
var spurður um hvort ekki kæmi
til greina að lækka gjaldskrá veit-
unnar, í ljósi góðrar fjárhagsstöðu.
Markús sagði að margvíslegar
framkvæmdir tækju nú við á Nesja-
völlum og við Suðuræð, sem er
lagning æðar í Garðabæ og Hafnar-
fjörð og lagning Reykjaæðar frá
Mosfellsbæ og er það í framhaldi
af verki sem þegar er hafið. Kostn-
aður vegna þessara framkvæmda
fellur á Hitaveitu Reykjavíkur.
Þá er í athugun hvort ráðast eigi
í lagningu bakrennslisæðar til
Nesjavalla í því skyni að nýta varma
frárennslisvatns og ná betri nýt-
ingu. Sagði Markús að bakrennslis-
æðin kynni að kosta um einn millj-
arð samkvæmt lauslegum áætlun-
um en ekki hefur verið tekin
ákvörðun um hvenær hafist verður
handa.
Ekki tímabært
„Þetta sýnir að þó að hitaveitan
hafi verið að borga niður þessi lán
sín eða geri það á þessu ári þá eru
stór verkefni framundan sem gera
það að verkum að það er ekki tíma-
bært að taka ákvarðanir um gjald-
skrárlækkanir," sagði borgarstjóri.
„En það hefur verið til umræðu í
stjórn veitustofnana að lækka heim-
taugagjöld til nýbygginga og það
myndi koma sér vel fyrir húsbyggj-
endur og aðra þá sem eru að eign-
ast eigið húsnæði en ákvarðanir
liggja ekki fyrir um það.“
Sagði hann að ef ekki yrði ráðist
í þessar framkvæmdir væri sjálf-
sagt að endurskoða fyrri ákvarðan-
ir og lækka gjaldskrána þannig að
notendur nytu bættrar afkomu.
Hitaveitan hefði hins vegar staðið
í miklum framkvæmdum og fyrir-
sjáanlegt að svo yrði enn um skeið.
Aðhald á heitavatnsnotkun
Borgarstjóri telur ástæðu til að
beitá aðhaldi í eyðslu á heitu vatni.
Það sama ætti við um heitt vatn
og aðrar orkulindir, það væri ekki
óþijótandi og því ástæða til að beita
aðhaldi. Verðskrá gæti meðal ann-
ars haft áhrif á að vatn sé ekki
látið renna að óþörfu. „Á síðustu
árum hefur blessunarlega tekist að
sjá svo um að heitt vatn hefur ver-
ið til í nægjanlegu magni til að
mæta löngum frostaköflum en við
þurfum ekki að leita langt aftur í
tímann til að fínna slíkt ástand,"
sagði Markús.
Gunnar Helgason fyrrverandi forstöðumaður Ráðningarstofu Reykjavíkur
Ríkur skilningnr á vanda-
málum atvinnulausra
GUNNAR Helgason, forstöðumaður Ráðningarstofu Reykjavíkur-
borgar, lét af störfum forstöðumanns nú um mánaðamótin eftir
23ja ára starf. „Það sem mér er efst í huga er að þrátt fyrir
mikla erfiðleika margra hefur skilningur verið ríkur á vandamál-
um atvinnulausra," sagði Gunnar. „Ráðningarstofan hefur gert
það sem í hennar valdi hefur staðið til að koma til móts við þetta
fólk og reynt að leysa úr þeirra málum miðað við aðstæður á
hverjum tíma.“
Gunnar sagði að miklar breyt-
ingar hefðu átt sér stað í rekstri
Ráðningarstofunnar frá því hann
tók við árið 1971. Þá var Ráðning-
arstofan til húsa í Hafnarbúðum
við Tryggvagötu en síðan flutti hún
í Borgartún 1 og loks í Borgartún
3. Og enn standa flutningar fyrir
dyrum og er gert ráð fyrir að starf-
semin verið komin í nýtt húsnæði
við Engjateig 11 í lok júní í sum-
ar. Auk almennrar ráðningarstofu
verða ráðningar skólafólks og
Vinnuskólinn, sem starfar sjálf-
stætt undir saman þaki við Engja-
teig en milli þessara aðila hefur
verið mikið og gott samstarf.
Nýtt húsnæði
„Þetta nýja húsnæði skapar
möguleika á að sinna betur þeim
verkefnum sem Ráðningarstofunni
er ætlað að sjá um,“ sagði hann.
„Verkefnin hafa breyst mikið á
undanfömum árum. Atvinnuleysi
hefur aukist og þá sérstaklega síð-
astliðin þrjú ár. Það er ljóst að
atvinnuleysi eins og við stöndum
frammi fyrir í dag er ekki sambæri-
legt við það sem áður hefur sést
mest á árunum 1968 og 1969.“
Gunnar sagði að hlutverk Ráðn-
ingarstofunnar hefði tekið talsverð-
um breytingum þann tíma sem
hann hefur veitt henni forstöðu og
var Ráðningarstofan meðal annars
tölvuvædd á síðasta ári. „Það hefur
verið reynt að auka starfsráðningar
á undanförnum árum og verður
stefnt að enn frekari áherslu á
þann þátt,“ sagði hann. „Það hefur
komið í Ijós og þá sérstaklega upp
á síðkastið að atvinnurekendur
hafa leitað til okkar í ríkara mæli
auk þess sem Reykjavíkurborg hef-
ur snúið sér að átaksverkefnum
sem skapað hafa atvinnutækifæri.
Á það sérstaklega við um síðastlið-
ið ár og er stefnt að áframhaldi á
þessu ári.“ Stór þáttur í starfi
Ráðningarstofunnar er að útvega
skólafólki sumarvinnu og á und-
anförnum árum hefur tekist að
ráða allt það skólafólk sem sótt
hefur um vinnu. Sagði Gunnar að
það hefði fyrst og fremst tekist
vegna sérstaks átaks borgaryf-
irvalda og aukinna fjárveitinga.
Þakkar samstarfið
Gunnar sagðist vilja þakka sam-
starfið við þá mörgu sem leitað
Gunnar Helgason
hafa til Ráðningarstofunnar á liðn-
um árum vegna atvinnu. „Ég sakna
þess sérstaklega hvað mörgum úr
þeim hópi hefur ekki reynst unnt
að hjálpa," sagði hann. „Atvinnu-
leysi er böl sem brýtur niður besta
fólk sem í einlægni vill hjálpa sér
sjálft. Mín von og trú er sú að með
sameiginlegu átaki þjóðarinnar
megi takast að byggja upp atvinnu-
vegi okkar á þann hátt að enginn
sem vill vinna fái ekki starf við
sitt hæfi. Framtíð þjóðarinnar get-
ur oltið á því.“