Morgunblaðið - 12.05.1994, Page 19

MORGUNBLAÐIÐ
ERLENT
FIMMTUDAGUR 12. MAÍ 1994 19
Múslimar skjóta á Brcko
Arás Serba
á griðasvæði
Túzla, Vín. Reuter.
SERBAR skutu í gær i]órum öflug-
um sprengjum á miðborg múslima-
borgarinnar Túzla, sem er eitt af
svokölluðum „griðasvæðum“ Sam-
einuðu þjóðanna í Bosníu. Daginn
áður höfðu múslimar gert sprengju-
vörpuárás á bæinn Brcko, sem er
á yfirráðasvæði Serba, og óttast
er að næsta orrustan í stríðinu
verði um þann bæ.
Embættismenn Sameinuðu þjóð-
anna sögðu að stjórnarher Bosníu
væri með mikla liðsflutninga á
mikilvægum þjóðvegi sunnan og
suðvestan við Túzla. Ekki var vitað
um mannfall í árásum Serba á
borgina í gær. íbúar hennar voru
um 85.000 fyrir stríð en undanfar-
in misseri hafa streymt þangað
tugþúsundir flóttamanna frá yfir-
ráðasvæðum Serba.
Múslimar skutu tíu sprengjum á
Brcko og ein þeirra lenti á húsi
fjölskyldu og varð þremur að bana,
ungri konu, tveggja ára barni henn-
ar og tengdaföður. Brcko er á
mjórri landræmu sem tengir yfir-
ráðasvæði Serba í Króatíu og Bosn-
íu við Serbíu. Óttast er að mann-
skæð átök blossi upp á landræm-
unni freisti Serbar þess að stækka
yfírráðasvæði sitt eða ef stjórnar-
herinn reynir að
ná því á sitt vald.
Samningamenn
Króata og músl-
ima náðu í gær
samkomulagi um
mörk kantónanna
í fyrirhuguðu sam-
bandsríki þeirra í
Bosníu. Samning-
ur þeirra um sam-
bandsríkið er háð-
ur því að Bosníu-
Sefbar láti hluta
af yfirráðasvæð-
um sínum af
hendi.
Utanríkisráð-
herrar Bandaríkj-
anna, Rússlands
og nokkurra Evr-
ópusambandsríkja
koma saman í
Genf á morgun,
föstudag, en ekki
er búist við mikl-
um árangri af
þeim fundi vegna
ágreinings um
hvernig standa
eigi að friðarum-
leitunum.
Reuter
Særður Serbi
BOSNÍU-Serbar aðstoða mann sem særðist í
sprengjuvörpuárás múslima á borgina Brcko
í Bosníu í fyrradag. Þrír biðu bana í árásinni.
Forsetakosningar í Þýskalandi
Frjálslyndir eru
ósammála Herzog
Berlín. Morgunblaðið.
SKOÐANIR Romans Herzogs for-
setaframbjóðanda kristilegra demó-
krata (CDU) á málefnum innflytj-
enda í Þýskalandi hafa vakið hörð
viðbrögð meðal fijálslyndra demó-
krata (FDP) og því er talið ólíklegt
að hann fái stuðning þeirra í kom-
andi forsetakosningum.
Það hefur verið þrætuepli sam-
steypustjórnar kristilegra demó-
krata og fijálslyndra hvort veita
eigi þegnum annarra landa sem
búsettir eru í Þýskalandi einnig
þýsk borgararéttindi þannig að þeir
hafi ríkisborgararéttindi í tveimur
löndum samtímis. í síðustu viku
ákvað ríkisstjórnin að fresta laga-
setningu um málefni innflytjenda
fram á næsta kjörtímabil.
Roman Herzog, sem nú er for-
seti þýska stjómlagadómstólsins,
sagði í viðtali við timaritið Focus
að sín skoðun væri sú að leyfa
ætti tvöföld ríkisborgararéttindi
aðeins í undantekningartilfellum og
að þeir þegnar annarra landa sem
í ákveðinn árafjölda hafa verið bú-
settir í Þýskalandi ættu að fara til
sinna heimkynna ef þeir gerðust
ekki þýskir ríkisborgarar. Skoðanir
fijálslyndra eru á öndverðum meiði
og.úr xöðura þeirra hafa heyrst þber
raddir að forsetaframbjóðendur
ættu ekki að taka afstöðu til svo
viðkvæmra mála. Margir úr flokki
FDP lýstu því yfir á mánudag að
frekar myndu þeir kjósa Johannes
Rau, frambjóðanda Jafnaðar-
mannaflokksins (SPD), en Herzog
ef svo færi að Hildegaard Hamm-
Brucher, frambjóðandi þeirra, dragi
sig í hlé.
Samtök innflytjenda í Þýskaiandi
hafa einnig lýst yfír óánægju með
þessa skoðun Herzogs og félag
Tyrkja í Berlín og Brandenburg
hafa krafist þess að hann hætti við
framboð. í Þýskalandi eru búsettar
um það bil fimm milljónir innflytj-
enda sem ekki hafa þýsk ríkisborg-
araréttindi.
Það getur ráðið úrslitum hvernig
fijálslyndir veija atkvæði sínu í for-
setakosningunum sem fram fara í
Berlín 23. maí. í kjöri eru fjórir
frambjóðendur en þar sém kosið er
óbeinni kosningu af fulltrúm stjórn-
málaflokkanna er sennilegt að ann-
aðhvort Herzog eða Johannes Rau,
forsætisráðherra í sambandsríkinu
Norhrhein Westfalen, nái kjöri þar
sem þeir eru fulltrúar stærstu
stjórnmálaflokkanna.
FLUGNAÐRA dönsku ofurhuganna Folkersens og Larsens.
Tveir ofurhugar
umhverfís hnöttinn
á flugnöðru
TVEIR danskir ofurhugar,
Poul Folkersen og Ole Larsen,
leggja í næsta mánuði upp í
hnattferð á flugnöðru, smáflug-
vél sem líkt hefur verið við
skellinöðru með vængjum.
Áætlun þeirra gerir ráð fyrir
viðkomu á Islandi.
Folkersen, sem er 59 ára, og
hinn 35 ára gamli Larsen
hyggjast leggja upp í hnattferð-
ina 25. júní frá Löngulínu í
Kaupmannahöfn. Ráðgera þeir
að hafa viðkomu á alls 90 stöð-
um á 35.000 kílómetra leið
sinni. Við mörg vandamál verð-
ur að glíma. Leiðin frá Björg-
vin til Islands í upphafi ferðar
verður ein sú erfiðasta og má
ekkert út af bera með veður.
Sömuleiðis munu þeir ekki ná
til strandar í Kanada fái þeir
mótvind á leiðinni frá Græn-
landi. Klettafjöllin í Bandaríkj-
unum munu reyna á flugnöðr-
una. Naðran kemst ekki hærra
en 5.000 metra í loft upp og
hætta er þar á ókyrrð sem
kynni að binda enda á ferðalag-
ið. Flugvélin flýgur á 120 km
hraða og þar sem hún hefur
takmarkaða drægni verða
fjónsku flugkapparnir að senda
hana með skipi yfir Kyrrahafið,
væntanlega í ágúst. Gerir Fol-
kersen ráð fyrir að halda upp
á sextugsafmæli sitt á skipi
milli Bandaríkjanna og Ástral-
íu. Komist Danirnir á leiðar-
enda í flugnöðrunni verða þeir
fyrstir til þess að ljúka hnatt-
flugi á svo fisléttri flugvél.
Úkraína
Krefjast
kosninga
á tilsett-
um tíma
Kíev. Reuter.
LEONÍD Kravtsjúk Úkraínuforseti
staðfesti í gær að hann ætlaði að
fara formlega fram á það við þing-
ið að forsetakosningum sem ráð-
gerðar voru í næsta mánuði verði
frestað.
Helstu mótframbjóðendur
Kravtsjúks reyndu í gær að króa
hann af út í horni með því að krefj-
ast þess að forsetakosningarnar
færu fram á tilsettum tíma. Forset-
inn vill hins vegar að landinu verði
fyrst sett stjórnarskrá þar sem
kveðið verði á um völd þjóðhöfð-
ingjans.
Oljóst þykir hvort Kravtsjúk
takist að fá kosningunum frestað.
í síðasta mánuði undirrituðu 120
þingmenn af 338 áskorun þess
efnis en til þess að það næði fram
að ganga þyrfti atkvæði 175 þing-
manna.
Kravtsjúk nýtur minnst fylgis
þriggja forsetaframbjóðenda sam-
kvæmt skoðanakönnunum. Leoníd
Kútsjma fýrrum forsætisráðherra
og ívan Pljúshtsj fráfarandi þing-
forseti hafameirafylgi og hefur sá
fyrmefndi forskot.
STANGAVEIÐIMESSAIPERLUNN112.-15. MAI
OPNUNARTIMI
12., 14. og 15. maífrá kl. 13.00-18.00.
13. maífrá kl. 16.00-21.00,
nður
DAGSKRA
*■ Skemmtilegur ókeypis getraunaleikur fyrir alla fjölskylduna.
Glæsileg veiðitjörn með torfu af löxum og þar af þremur 40 punda. Veiðileyfi seld á staðnum.
* Sýnikennsla í einhendis og tvíhendis fluguköstum og lengdarköstum með spinnhjóli.
* Orri Vigfússon er heiðursgestur sýningarinnar og mun stytta sú er Karl prins af Wales gaf
Orra í heiðursskyni fyrir störf hans við vernd Atlantshafslaxins, vera til sýnis.
☆ Fluguhnýtingarmenn sýna listir sínar.
☆ Þekktir veiðimenn segja sögur af þeim stóru og hinu ótrúlega.
☆ Matvælafyrirtæki gefa smakk á nýstárlegum laxaréttum.
☆ Veiðimálastofnun með fróðleik.
Kynning í máii og myndum á laxveiðiám og vötnum í fundarsal Perlunnar.
☆ Fimmtudagur kl. 16.30: Rafn Hafnfjörð segirfrá Laxá í Þingeyjarsýslu.
☆ Föstudagur kl. 20.30: Halldór Þórðarson og Ólafur Kr. Ólafsson segja frá Soginu.
■fr Laugardagur kl. 15.00: Steinar Friðgeirsson segirfrá Hítará.
☆ Laugardagur kl. 17.00: Ásgeir Heiðar segir frá Laxá í Kjós.
☆ Sunnudagur kl. 15.00: Sveinn Snæland segir frá Langá Fjallið.
☆ Stórkostleg sýning og fróðleikur fyrir veiðiáhugafólk á öllum aldri.
is
óReVP’
M594