Morgunblaðið - 14.05.1994, Blaðsíða 14

14 LAUGARDAGUR 14. MAÍ 1994
MORGUNBLAÐIÐ
VIÐSKIPTI
Skipasmíðar
Samstarf við Faxaflóa
VERIÐ er að skoða möguleika á samstarfí skipa-
smíðafyrirtækja á Faxaflóasvæðinu fyrir for-
göngu Iðnlánasjóðs og iðnaðarráðuneytisins.
Stjórnendur tveggja fyrirtækja hafa þegar lýst
sig fúsa til samstarfs og er verið að fjalla um
fjárveitingu til að athuga samvinnu, jafnvel sam-
runa, skipasmíðafyrirtækja við Faxaflóa. Þetta
kom fram í svari Sighvats Björgvinssonar iðnað-
arráðherra við fyrirspurn Svavars Gestssonar í
utandagskrárumræðu á Alþingi á miðvikudag
um vanda skipasmíðaiðnaðarins.
Sighvatur Björgvinsson iðnaðarráðherra sagði
um aðgerðir að iðnaðarráðuneyti og sjávarút-
vegsráðuneyti hefðu náð samkomulagi um að
setja á stofn samstarfsvettvang útgerðar og
málmiðnaðar, sem þegar hefði hafið störf. Þá
rakti Sighvatur jöfnunaraðstoð, markaðsaðstoð
og þróunaraðstoð við skipasmíðaverkefni, sem
gefið hefðu góða raun. Þá hefði ráðuneytið veitt
aðstoð við fjárhagslega endurskipulagningu og
rekstrarathuganir bæði hjá einstökum fyrirtækj-
um og í samstarfi fyrirtækja.
Sighvatur sagði að sjávarútvegsráðherra hefði
beitt sér fyrir samkomulagi við Fiskveiðisjóð
íslands um að lengja lán til innlendrar skipa-
smíði um tvö ár, sem væru þá afborgunarlaus.
Iðnaðarráðherra hefur einnig samið við Iðnlána-
sjóð um að veita til viðbótar 20% lán til slíkrar
starfsemi þannig að nú byðust mun hagkvæm-
ari lán til innlendra skipasmíðaverkefna en er-
lendra. Alþingi hefur nú afgreitt lagasetningu
um jöfnunar- og undirboðstolla, en það hefur
verið baráttumál skipasmíðaiðnaðarins um ára-
bil.
Fyrir ríkisstjórninni liggur nú skýrsla, sem
iðnaðarráðherra lét semja, um svonefnd rússa-
viðskipti. „I þeirri skýrslu eru tillögur, sem ríkis-
stjórnin er nú að íjalla um, um aðgerðir til þess
að auka möguleika íslenskra skipasmíðafyrir-
tækja á að veita hinum volduga rússneska flota
þá þjónustu sem íslensk skipasmíðafyrirtæki
geta vissulega veitt,“ sagði Sighvatur.
Vífilfell
fær gæða-
verðlaun
VÍFILFELL hf., framleiðandi
Coca-Cola, hefur hlotið viður-
kenninguna „Division Produeti-
on Quality Award“ frá Coca-Cola
fyrirtækinu fyrir góða frammi-
stöðu í gæðamálum. Þetta er
mesta viðurkenning sem fram-
leiðenda Coca Cola getur hlotn-
ast og var hún afhent við hátíð-
lega athöfn í gær.
Vífilfell er hluti af 12 landa
sölusvæði Coca Cola en auk ís-
lands tilheyra því Noregur, Sví-
þjóð, Finnland, Eistland, Lett-
land, Litháen, Hvíta-Rússland,
Kasakstan, Moldavía, Úkraína og
Rússland. Þetta er stærsta svæði
fyrirtækisins að flatarmáli með
alls 35 verksmiðjur.
GÆÐAVERÐLAUN — Fulltrúar Coca Cola fyrirtækisins afhentu í gær forstjóra Vífilfells verðlaun
fyrir góða frammistöðu í gæðamálum. Á myndinni eru Pál Lutnes, Kurl Peterssen, Leif Hall frá Coca Cola og
Pétur Björnsson, forstjóri.
SKYRSLAN — Kaupfélagsstjórinn, Þorgeir B. Hlöðversson,
skýrir frá afkomu Kaupfélags Þingeyinga á aðalfundi sem haldinn
var fyrir skömmu.
Kaupfélag
KÞ tapaði nær
54 milljónum
Húsavík - TAP Kaupfélags Þing-
eyinga á síðasta ári var 53,7 millj-
ónir samanborið við 8,2 milljóna
tap árið áður. Þetta kom fram
fram á aðalfundi félagsins var
haldinn á Húsavík fyrir skömmu.
Árið 1993 var á margan hátt lak-
ara í rekstri en árið áður. Heildar-
tekjur voru 1.429 milljónir og
lækkuðu um 353 milljónir frá
fyrra ári. En stóran hluta þess
má rekja til breytinga á verðmynd-
un kjöts- og mjólkurafurða eftir
að niðurgreiðslum til afurðastöðva
var hætt, að því er kemur fram í
ávarpi Þorgeirs B. Hlöðverssonar,
kaupfélagsstjóra, sem hóf störf
þar í janúar sl.
Tap af reglulegri starfsemi varð
alls 23,3 milljónir en þar við bætt-
ust veruleg áföll og voru afskrifað-
ar og niðurfærðar eignir um 27,9
milljónir. Þar af nam niðurfærsla
hlutabréfaeignar um 11,2 milljón-
um. Af einstökum rekstrarþáttum
sveifiaðist afkoma í rekstri slátur-
húss verulega á verri veg á árinu
í kjölfar óheillaþróunar á kjöt-
markaði með tilheyrandi verðfalli
kjötafurða. í verslunarrekstri fé-
lagsins er afkoman lakari en árið
áður.
Fjármágnskostnaður var 44,7
milljónir og lækkaði á árinu. Þor-
geir segir mjög brýnt fyrir félagið
að auka hlutfall langtímalána.
Ársverk hjá félaginu töldust
160 og launagreiðslur námu um
204 milljónum sem er hækkun um
1,4% milli ára. Eigið fé félagsins
í árslok var 212 milljónir sem er
liðlega 19,5% af niðurstöðu efna-
hagsreiknings.
Tryggingamiðstöðin liðlega tvöfaldaði
hagnaðinn með auknum flármunatekjum
Hagnaðurinn
varð um 82
milljónir kr.
TRYGGINGAMIÐ-
STÖÐIN hf. skilaði
alls um 82 milljóna
króna hagnaði á sl.
ári en árið áður varð
39,6 milljóna hagn-
aður. Þessi bati í af-
komu skýrist af stór-
auknum fjármunatekjum en hrein-
ar fjármunatekjur námu alls 376,8
milljónum á sl. ári samanborið við
251,3 milljónir árið 1992. Óreglu-
leg gjöld námu alls 49,5 milljónum
en þar vegur þyngst gjaldfærsla
vegna tapaðra krafna á árinu.
Bókfærð iðgjöld ársins námu
alls 2.218,3 milljónum og hækkuðu
um 6,9% frá árinu áður. Hluti
endurtryggjenda í iðgjöldum nam
800 milljónum og eru eigin iðgjöld
ársins því 1.382,9 milljónir og
hækkuðu um 9,2%.
Tjón ársins námu alls 1.993
milljónum og hafa hækkað um
10,4% frá árinu áður. Hlutur end-
urtryggjenda í tjónum nam 535,3
milljónir.
Stærsta tjón félagsins varð þeg-
ar ms. Andvari VE-100 sökk suður
af landinu þann 22. maí en heildar-
tjónabætur vegna þessa tjóns urðu
197 milljónir. Þá
áætlar félagið að
það muni þurfa að
greiða allt að 40
milljónir vegna tjóns
er ms. Bergvík VE-
505 strandaði í
Vaðlavík þann 18.
desember.
„Útkoman var góð í fyrra,“
sagði Gunnar Felixson, forstjóri
Tryggingamiðstöðvarinnar," í
samtali við Morgunblaðið. „Sjó-
tryggingar og eignatryggingar
komu vel út á sl. ári en í þeim
greinum þar sem slysatjón er veru-
legur þáttur tjónanna er afkoman
lakari. Það er enn séð fyrir endann
á uppgjörsaðferðum slysatjóna þvi
mörg mál eru rekin fyrir dómstól-
um.“ Gunnar sagði ljóst að fjár-
munatekjur yrðu lægri á þessu ári
þrátt fyrir að sjóðir félagsins hefðu
stækkað um 20% á árinu.
Miðað við bókfærð iðgjöld er
hlutfall skrifstofu- og stjórnunar-
kostnaðar 9,4% en var 10,1% árið
áður. Heildartryggingasjóður fé-
lagsins nam 4.116,6 milljónum en
hluti endurtryggjenda í honum var
699,4 milljónir.
Alitalia
berst fyr-
ir lífinu
Mílanó. Reuter.
TALSMENN Alitalia, ríkis-
flugfélagsins á Ítalíu, skoruðu
í gær á starfsmenn þess að
sætta sig við einhveijar upp-
sagnir þar sem um líf og dauða
félagsins væri að ræða. Á síð-
asta ári 20-faldaðist tapið á
rekstri félagsins og skuldir
þess jukust um helming.
„Við eigum ekki um annað
að velja en skera niður kostn-
aðinn og það strax,“ sagði
Roberto Schisano, fram-
kvæmdastjóri Alitalia, og bætti
við, að venjulegan rekstrar-
kostnað yrði að lækka mjög
fljótlega um 12% og launa-
kostnað um 25%. Síðustu fimm
ár hefur alltaf verið mikið tap
á rekstrinum.
Erfiðleikarnir hjá Alitalia og
lausnir á þeim verða fyrsti
prófsteinninn á vinnumála-
stefnu nýrrar stjórnar Silvios
Berlusconis en hans flokkur,
Áfram Ítalía, og Norðursam-
bandið hafa harðlega gagnrýnt
fjárausturinn í ríkisfyrirtæki.
Talið er, að stefnt sé að því
að fækka starfsmönnum um
4.000 fyrir lok næsta árs en
nú starfa hjá félaginu 21.000
manns.
Fjölmiðlar hafa eftir Schis-
ano, að flugfélagið muni ekki
lifa nema í hálft annað ár verði
ekki gripið strax í taumana og
ekki aðeins með uppsögnum,
heldur ekki síður með allsheija-
rendurskoðun á áætlanakerf-
inu.
Olía hækkar
um 25%
Lundúnum. Reuter.
HRÁOLÍA hækkaði í verði á
heimsmarkaði í vikunni og hef-
ur hækkað um fjórðung frá því
í lok mars.
Fjármálamenn í Lundúnum
töldu ólíklegt að verðið héldist
svo hátt lengi þar sem þörfin
fyrir olíu hefði ekki aukist að
ráði. Einn þeirra, Peter Gigno-
ux, sagði verðhækkunina end-
urspegla þróunina á hrávöru-
markaðnum og svo virtist sem
enginn einn hópur olíukaup-
enda - svo sem stórir íjárfest-
ingarsjóðir - stæði á bak við
hana. „Þegar kaupæðis fer að
gæta vilja menn ólmir vera
með í veislunni,“ sagði hann.
Verðið á hráolíu var 16,50
dalir á fatið í Lundúnum þegar
markaðnum var lokað.
Aukinn
hagnaður á
Telegraph
London. Reuter.
TELEGRAPH Plc, útgefandi
The Daily Telegraph og
Sunday Telegraph, skilaði
auknum hagnaði á fyrsta fjórð-
ungi þessa árs, aðallega vegna
aukinna auglýsinga. Var hann
16 milljónir punda fyrir skatt
nú en 12,6 milljónir á sama
tíma í fyrra.
Almenn aukning í auglýs-
ingum er talin ágætur mæli-
kvarði á batann í bresku efna-
hagslífí en auglýsingatekjurn-
ar jukust um 18% frá fyrsta
ársljórðungi í fyrra og nálgast
nú það, sem var 1989. Upplag
blaðanna var hins vegar nokk-
urn veginn það sama milli ára
en The Daily Telegraph selst
í 1.016.468 eintökum en
Sunday Telegraph í 617.505
eintökum.