Morgunblaðið - 14.05.1994, Blaðsíða 27
MORGUNBLAÐIÐ
LAUGARDAGUR 14. MAÍ 1994 27
AÐSENDAR GREINAR
Nýr bamaspítali
Yfirlýsing frá stjórn læknaráðs Landspítalans
NOKKUR umræða hefur orðið um
byggingamál Landspítalans að und-
anfömu og er það vel. Nýlega benti
Ólafur Ólafsson landlæknir á að
þörf fyrir sjúkrarúm færi síminnk-
andi vegna framfara í læknisfræði.
Ef til vill mátti skilja orð hans þann-
ig að þörf fyrir byggingafram-
kvæmdir við stóra sérgreinasjúkra-
húsin væri ekki brýn eða jafnvel
óþörf. Ábending landlæknis um sí-
minnkandi legutíma á sjúkrahúsum
er rétt og réttmæt. í því sambandi
má benda á að rúmum hefur ekki
fjölgað á lyflækningadeild Land-
spítalans í yfir 20 ár en á sama
tíma hefur umsetning meira en
þrefaldast. Meðal legutími var rúm-
ir 20 dagar eri er nú um 6,6 dag-
ar. Hliðstæð þróun hefur átt sér
stað á öðram deildum svo sem
handlækningadeild. Öllum má vera
ljóst að þörf fyrir sjúkrarúm minnk-
aði m.a. vegna bættra nýtingar með
fjölgun lækna og annars starfsfólks
og eflingar rannsóknarstofa og
ýmissa stoðdeilda en slík þróun
krefst aukins húsnæðis.
Því miður virðast heilbrigðis- og
fjármálayfirvöld undangenginna
ára hafa litið á sjúkrahús sem stað
fyrir sjúkrarúm og talið að þar sem
ekki vantaði rúm vantaði ekki
byggingu. Húsnæðisvandinn á lóð
Landspítalans hefur því stöðugt
vaxið á undanförnum 20 árum.
Eina nýbyggingin, sem fram-
kvæmdir hafa verið hafnar við, er
K-bygging Landspítalans, sem að-
eins hefur verið reist að hluta og
hýsir nú m.a. geislameðferðarein-
ingu krabbameinslækningadeildar.
Brýnt er að byggingaframkvæmd-
um verði hraðað þannig að leyst
verði úr brýnustu húsnæðisvand-
ræðum spítalans. Stærstu deildir
hans, svo sem lyflækningadeild,
handlækningadeild, barnalækn-
ingadeild og kvenlækningadeild
hafa ekki fengið nauðsynlegar úr-
bætur og rannsóknarstofur spítal-
ans hafa aldrei fengið viðunandi
framtíðarhúsnæði. Nú er svo kom-
ið að filuti starfseminnar hefur
flust burt af lóðinni og neyðar-
ástand ríkir í húsnæðismálum
lækna. Sérfræðingar þrí- og fjór-
menna í skrifstofukytrum sem eru
á engan hátt boðlegar til trúnaðar-
viðtala við sjúklinga eða aðstand-
endur þeirra eða annarra starfa.
En nýlega dró til tíðinda. Tveir
stjórnarmenn, hvor úr sínum
stjórnarflokknum, sem báðir eru
forystumenn um heilbrigðismál,
tóku höndum saman um úrbætur.
Hér er átt við heilbrigðisráðherra,
Guðmund Árna Stefánsson, sem
nýlega lagði fram áætlun um alút-
boð á byggingu fyrir barnaspítala,
og Árna Sigfússon, borgarstjóra í
Reykjavík, sem ekki aðeins veitti
mikilsverðan pólitískan stuðning
heldur hét einnig fjárstuðningi.
Aðdragandinn ætti að vera þeim,
sem fjær standa og ekki eru öllum
hnútum kunnugir, vísbending um
hver brýnt mál er um að ræða.
Ábending landlæknis var rétt. Ekki
er brýn þörf á fjölgun sjúkrarúma
fyrir börn. Hins vear hafa viðhorf
til barnalækninga breyst mikið á
síðustu árum og nú er talið að
börn geti beðið skaða af langri
vistun á sjúkrastofnunum. Þessi
breyttu viðhorf kalla á úrbætur í
húsnæðismálum. Brýnt er að koma
upp deildum þar sem börn geta
verið daglangt til lækninga með
foreldrum sínum, en farið síðan
heim að kvöldi. Ef þau eru, ein-
hverra hluta vegna, ófær um að
fara til síns heima þarf að vera
aðstaða til dvalar foreldra með
barni sínu á sjúkrahúsinu. Börn
eru ekki smækkuð mynd af full-
orðnum sjúklingum. Báðar barna-
deildir borgarinnar hafa verið í
húsnæði sem hannað var fyrir full-
orðna sjúklinga og því óhentugt
til barnalækninga.
Sjórn læknaráðs Landspítalans
lýsir yfir fullum stuðningi við áætl-
un heilbrigðisráðherra með tilvísun
til orða hans um að verkið muni
ekki hægja á framkvæmdum við
K-byggingu. Landspítalinn á
marga aðstandendur og vini og
stjórn læknaráðs heitir á þá alla
að veita málum þessum brautar-
gengi eftir megni.
Stjórn læknaráðs Landspítalans
skipa: Ásmundur Brekkan
prófessor, formaður, Atli
Dagbjartsson barnalækir,
varaformaður, Þórður Harðarson
prófessor, Ólafur Steirtgrímsson
yfirlæknir, Halldóra Ólafsdóttir
geðlæknir, Þórarinn Sveinsson
yfirlæknir, Jónas Magnússon,
prófessor.
Hjólreiðar
sem keppnisíþrótt
AÐ KANNA líkam-
legt og andlegt at-
gervi er eitthvað sem
margur hefur haft
gaman af. Víðsvegar
taka einstaklingar sig
til og hlaupa 42 km
og þá oft einungis til
að kanna eigin tak-
mörk í þoli og styrk.
Almennur mýsskiln-
ingur margra íslend-
inga á keppni er sá
að takmarkið með
þátttökunni sé að
vinna. Sú hugsun að
keppa við sjálfan sig
og gera hluti sem áður
þóttu óhugsanlegir þekkist varla.
Hjólreiðar eru vinsæl íþrótt er-
lendis og má nefna að fleiri horfa
á „Tour de France“ en heimsmeist-
arakeppnina í fótbolta. Það sem
háir uppgangi hjólreiðaíþróttar-
innar hér á landi er veðurfar og
aðstæður, en hve margar aðrar
íþróttagreinar glíma ekki við sama
vanda og eiga samt afreksmenn.
Erfiðasta skrefið í hjólreiðum er
að eignast hjól og byija að snúa
pedölunum en síðan bytja hjólin
að snúast. Tvenns konar gerðir
af reiðhjólum eru ríkjandi á mark-
aðnum í dag, götu- og fjallahjól,
og gefa nöfnin til kynna að hvaða
aðstæðum hvort hent-
ar fyrir sig. Mikilvægt
er að valin sé rétt
stærð á hjólinu því að
„one size doesn’t fit
all“. Of stórt hjól veld-
ur yfirleitt bakeyirisl-
um og er þetta ástæð-
an fyrir því að margir
hrófla ekki við hjólun-
um sínum.
Skilyrðið fyrir því
að taka þátt í hjól-
reiðakeppni er ekki að
eiga rándýrt hjól sem
vegur varla meira en
10 kg og hefur að
geyma ógrynni auka-
hluta sem eiga að vera „hraðaauk-
andi“. Það sem skiptir meira máli
er sjálfur hjólreiðamaðurinn. Þeg-
ar maður hefur svo síðan kynnt
sér málið betur er upplagt að
bæta hlutum á hjólið, t.d. tá-
klemmum og stýrisendum.
Þá er það klæðnaðurinn. Hann
þarf að vera hlýr og vindheldinn,
því það orsakar mikla vindkælingu
að þeysa á 30-40 km hraða. Svo-
kallaðar hjólabuxur hafa lengi
verið til í verslunum en fáir tekið
eftir. Þær eru aðsniðnar, teygjan-
legar og með rasspúða, sem er
nánast nauðsynlegt í löngum og
erfiðum keppnum og æfingum.
Æfingar Hjólreiðafé-
lags Reykjavíkur eru
þrisvar í viku, segir Sig-
ríður Ólafsdóttir, og
þá undir handleiðslu
þjálfara.
Ekki má gleyma hjálminum en
allir ættu að eignast hann um leið
og hjólið er keypt.
Jæja, núna ertu tilbúinn en
hvert áttu að snúa þér til að fá
upplýsingar um æfingar og keppn-
ir? Fyrir tæplega ári síðan var
Hjólreiðafélag Reykjavíkur endur-
vakið af litlum hópi áhugamanna.
Markmið þeirra var, og er, að
stuðla að hjólreiðum sem íþrótt
og hefur vinna þeirra skilað sér í
skipulagðri dagskrá sumarsins.
Æfingar verða þrisvar sinnum í
viku og þá undir handleiðslu þjálf-
ara. Keppnir eru nánast um hveija
helgi og þá víðsvegar um land,
þannig að allir ættu að geta tekið
þátt.
Höfundur er varaformaður
Hjúkrunarfélags Reykjavíkur.
Sigríður
Ólafsdóttir
STANGAVEIÐIMESSA
í PERLUNNI12.-15. MAÍ
OPNUNARTlMI
14. og 15. maí frá kl. 13.00-18.00:
Kynning í máli og myndum á laxveiðiám og
vötnum í fundarsal Perlunnar.
í dag, laugardag, kl. 15.00:
Steinar Friðgeirsson segir frá Hítará.
Kl. 17.00: Ásgeir Heiðar segir frá Laxá í Kjós.
Á morgun, sunnudag, kl. 15.00:
Sveinn Snæland segir frá Langá Fjallið.
Myndbandið „Ástarlíf í Þingvallavatni"
sýnd alla daga.
Aðgangur ókeypis.
TTTSBrrx
Við styðjum D-listann
Guðrun Möller
flugfreyja
Sölvi Snær Magnusson
verslunarmaður
Benedikt Gíslason
nemi
Helena Jónsdóttir
dansari
Jón FjörnirThoroddsen
tónlistarmaður í Tennessee Trans