Morgunblaðið - 04.11.1994, Qupperneq 18
18 FÖSTUDAGUR 4. NÓVEMBER 1994
MORGUNBLAÐIÐ
r
_______________________________ERLENT__________________
Hundruð manna farast í brennandi olíu o g flóðum í Egyptalandi
I íbúamir höfðu oft
varað við eldhættu
Dronka. Reuter.
450 lík höfðu fundist í gær eftir
elda og flóð í suðurhluta Egypta-
lands og talið er að dánartalan eigi
eftir að hækka. Yfirvöld sæta
gagnrýni fyrir að hafa ekki gert
nægilegar ráðstafanir vegna eld-
hættunnar, þótt þau hafi margoft
verið vöruð við henni.
Egypskir embættismenn segja
að sex tíma úrhelli og fárviðri hafi
valdið því að járnbrautarteinar við
bæinn Dronka hafi sigið niður, með
þcim afleiðingum að tveim tank-
vögnum hvolfdi og olía streymdi
út úr þeim. Eldur hafi kviknað í
olíunni, hugsanlega vegna eldingar.
Brennandi olían blandaðist flóð-
vatni sem kaffærði hús í bænum.
Eldur var enn í öðrum tankvagn-
anna í gær og 390 lík höfðu fund-
ist í bænum. Reykmökk lagði yfir
Nílardal, um 320 km suður af Ka-
író. 200 hús eyðilögðust og allt að
100 hektara svæði líktist einna
helst vígvelli í fyrri heimsstyijöld-
inni.
Talið er að fleiri lík eigi eftir að
finnast og líklegt er að það taki
nokkrar vikur að finna öll fórn-
arlömbin vegna mikils aurs á svæð-
inu, sem að sögn sjónarvotta er
allt að mannhæðardjúpur.
Að minnsta kosti 60 manns biðu
bana af völdum flóða í nokkrum
nágrannabæjum.
Eldhættan hunsuð
íbúar Dronka sögðust margoft
hafa kvartað yfir olíubirgðastöð,
sem er aðeins 100 metrum frá
bænum, en yfirvöld hefðu ekki
gert neinar ráðstafanir til að bregð-
ast við eldhættunni.
Slökkvilið hefði ekki komið á
staðinn fyrr en eftir ijórar klukku-
stundir, en þá hefði það verið alltof
seint, allir bæjarbúar látnir eða
flúnir.
ELDAR OG FLOÐ
í EGYPTALANDI
Hundruð manna létu F7|Í||:
lífið í eldum og flóöum L afbika-
í kjölfar óveðurs i 5
suðurhluta Egypta-
lands í fyrradag
j-N •!] .—
Afburða-
lærisveins
Dengs leið-
toga leitað
Peking. Reuter.
KÍNVERJAR hafa efnttil spurn-
ingakeppni þar sem reynir á
þekkingu manna á fræðum Dengs
Xiaopings, hins aldna leiðtoga
Kína.
Sigurvegarinn
fær 2.000 yuan,
jafnvirði 16.000
króna, og honum
verður hampað
sem afburðalæri-
sveini í fræðum
leiðtogans.
Efnahagsblað-
ið birti í gær 45
spurningar um
fræði Dengs, degi
eftir að önnur útgáfa af úrvals-
greinum leiðtogans kom út. Les-
endurnir voru beðnir um að senda
svörin, ásamt nafni, heiti vinnu-
veitanda og starfstitli, fyrir 31.
desember. Nefnd hátt settra emb-
ættismanna fer yfir svörin og
svari fleiri en einn spurningunum
fullkomlega rétt verður meistar-
inn í fræðum Dengs Xiaopings
dreginn út.
Þátttakendurnir þurfa að svara
hugmyndafræðilegum spurning-
um eins og: kínverski
kommúnistaflokkurinn var lítill í
fyrstu en honum tókst að sigrast
á erfiðleikunum vegna a) hernað-
armáttar byltingarmanna eða b)
trúar á marxisma og kommún-
isma.
Þeir sem standa fyrir keppninni
segja að henni sé ætlað að hvetja
fólk til að kynna sér betur fræði
Dengs og öðlast skilning á þeim.
Áhugi almennings á slíku námi
hefur minnkað, en Kínverjar voru
skyldaðir til að nema fræði fyrir-
rennara Dengs, Maós formanns.
Reuter
SLÖKKVILIÐSMENN toga slöngu að eldi á olíubrák á flóðvatni í bænum Dronka í Egyptalandi í
gær. Að minnsta kosti 390 manns biðu bana og 200 hús eyðilögðust í eldinum.
Japanar hanna tor-
séða orrustuþotu
London. The Daily Telegraph.
Gielgud
ekki oftar
ásvið
London. The Daily Telegraph.
BRESKI leikarinn sir John
Gielgud hefur ákveðið að leika
ekki oftar á sviði en hyggst í
sumum tilvikum þiggja smá-
hlutverk í kvikmyndum. Giel-
gud er níræður að aldri.
Leikarinn segist ekki vera
fær um að hætta alveg störf-
um en „ég verð alltaf svo
óskaplega taugaóstyrkur á
sviðinu núna“.
Skipt var um heiti á Globe-
leikhúsinu í West End á mið-
vikudag við hátíðlega athöfn
og verður það framvegis
Gielgud-Ieikhúsið.
JAPANSKIR vísindamenn og
tæknifræðingar eru að hanna tor-
séða orrustuþotu sem gert er ráð
fyrir að verði tekin í notkun
snemma á næstu öld. Háttsettur,
breskur flugliðsforingi, sem kynnti
sér hugmyndir að vélinni nýlega er
hann var í heimsókn í Japan, segir
að hún sé „nokkrum kynslóðum á
undan öllu sem verið er að gera á
Vesturlöndum".
Torséðar flugvélar er vart hægt
að greina á ratsjá vegna lögunar
þeirra og efnanna sem notuð eru í
skrokkinn. Þotan væntanlega er
kölluð FI-X og verður hraðfleygari
og betur vopnum búin en Eurofig-
hter 2000, orrustuþota sem nokkur
Evrópuríki eru að smíða í samstarfi
og verður reiðubúin 1998.
Sagt er að með þotusmíðinni vilji
Japanar verða síður háðir Banda-
ríkjamönnum um hátæknivopn en
þeir smíða nú m.a. F-16 orrustuþot-
ur með leyfi bandarísku verksmiðj-
anna. Að sögn heimildarmanna í
vopnaiðnaði kanna fulltrúar Súk-
hoi-flugvélaverksmiðjanna rúss-
nesku nú samstarf við Japani um
smíði orrustuvéla.
Nýja þotan verður að sögn kunn-
áttumanna mjög auðveld viðureign-
ar fyrir flugmanninn og á skjám í
klefa hans verður beitt svonefndum
sýndarveruleika til að hann fái sem
besta mynd af aðstæðum.
Norskur
olíuút-
flutningur
eykst
SAMKVÆMT úttekt Petrole-
um Intellingence Weekly um
framtíðarhorfur í olíufram-
leiðslu í heiminum gætu Norð-
menn þegar á næsta ári farið
fram úr Irönum og orðið næst-
mestu olíuútflytjendur heims.
Norðmenn flytja nú út um 2,5
milljónir fata á dag. Olíufram-
leiðsla þeirra eykst um 10% á
ári og gæti að mati blaðsins
náð hámarki árið 1996 með
3,22 milljónum fata á dag.
Þjóðarat-
kvæði um
keisara?
HREYFING rússneskra keis-
arasinna tilkynnti í gær að hún
hefði safnað tilskildum fjölda
undirskrifta til að knýja fram
þjóðaratkvæði um að rússn-
eska keisaraættin kæmist aft-
ur til valda árið 1988. Lög
kveða á um að undirskrift
milljón manna nægi til að
knýja fram þjóðaratkvæði og
hreyfingin kveðst hafa náð því
marki. „Við teljum að stofnun
keisaraveldis sé raunhæf leið
til að koma á stöðugleika í
þjóðfélaginu . . . keisari myndi
stuðla að sáttum milli þjóðar
og ríkisvalds og vera hafinn
yfir pólitískan meting og öfg-
ar,“ sagði Vjatsjeslav
Gretsjnev, leiðtogi hreyfingar-
innar.
Frostið kem-
ur sér vel
VETRARKULDINN í norður-
hluta Rússlands gæti komið
sér vel í Komi-héraði, þar sem
olía hefur lekið í mýrlendi og
ógnar lífríkinu. Yevgeníj
Mínajev, yfirmaður umhverfis-
máladeildar rússneska orku-
málaráðuneytisins, sagði í gær
að blautur jarðvegurinn tefði
hreinsunarstarfið sem stendur
en frostið myndi hins vegar
auðvelda hreinsunina.
Kafbátur í
rússneskri
landhelgi
YFIRMAÐUR Norðurflotans í
Rússlandi, Oleg Jerofejev, lét
í gær í ljós óánægju með að
bandarískur kafbátur skyldi
hafa siglt inn fyrir landhelgi
Rússlands. Hann sagði að kaf-
bátsins hefði orðið vart aðeins
fimm mílum frá mynni Hvíta-
hafs og hann hefði ekki siglt
í burtu fyrr en eftir nokkrar
viðvaranir.
AFSI.ÁTTUR SEM NEMUR VIRÐISAIJKANUM
[Yfirjhafnir í miirgum gerðum.
Dragtir, hvítar skyrtur
og margt, margt fleira.
Kúllukragapeysur, 20 litir.
Treflar, ýmsar gerðir, 40 litir.
Illýjar peysur, 70 gerðir
OPIÐ 10-18, FOSTUDAG KL. 10-18.30, LAUGARDAG KL. 10-18, SUNNUDAG KL. 13-17.
Tryggjum atrinnu - Verslum heima
Laugavegi 97, sími 629875