Morgunblaðið - 30.11.1994, Blaðsíða 56

L#TT#
alltaf á
Miövikudögum
MORGUNBLAÐIÐ, KIUNGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTI 86
MIÐVIKUDAGUR 30. NÓVEMBER 1994
VERÐ í LAUSASÖLU 125 KR. MEÐ VSK
Islensk og norsk stjórnvöld ræddust við í gær
Samráð um tolla-
viðræður við ESB
UTANRÍKISRÁÐHERRA íslands
og utanríkisviðskiptaráðherra Nor-
egs ákváðu i gærmorgun að hafa
samráð áður en farið verður út í
formlegar viðræður við Evrópusam-
bandið um tollamál vegna inngöngu
annarra EFTA-ríkja í ESB en krafa
um slíkar viðræður verður nú sett
fram á ný.
Islenska ríkisstjórnin samþykkti
tillögu Jóns Baldvins Hannibalsson-
ar utanríkisráðherra um þetta efni
í gær. Um er að ræða viðræður um
þau viðskiptakjör sem ísland og
Noregur glata í Svíþjóð, Finnlandi
og Austurríki þegar þessi lönd
ganga í Evrópusambandið um ára-
mótin. Innan EFTA njóta íslending-
ar nú fríverslunarkjara með fiskaf-
urðir í þessum löndum og hafa sér-
staka tollfijálsa kvóta við innflutn-
ing á landbúnaðarvörum.
Semja þarf fyrir áramót
Jón Baldvin sagði við Morgun-
blaðið, að íslendingar hefðu óskað
eftir því í júlí við Evrópusambandið
að taka upp viðræður um þetta
mál. „Við fengum þau svör að Evr-
ópusambandið vildi ekki og gæti
ekki farið út í formlegar samninga-
viðræður meðan ekki væri vitað
hversu mörg lönd yrðu EFTA-meg-
in. Hins vegar yrði þeim ekkert að
vanbúnaði að semja um þetta þegar
það lægi fyrir. Þar er tímapressa
vegna þess að 1. janúar skella ytri
tollarnir á þannig að þessum samn-
ingum verður helst að ljúka fyrir
áramót,“ sagði Jón Baldvin.
Davíð Oddsson forsætisráðherra
sagði að niðurstaðan í Noregi hefði
í för með sér að vangaveltur á ís-
landi um að íslendingar ættu að
sækja um aðild að ESB yrðu úr
sögunni á næstu árum. íslendingar
hefðu fengið fyrirheit um að ekki
yrði vandamál við frágang EES-
samningsins í desember að lokinni
þjóðaratkvæðagreiðslunni í Noregi.
„Norðmenn höfðu hins vegar talað
dálítið ógætilega í kosningabarátt-
unni þannig að það gæti flækt
málin,“ sagði hann. Davíð sagðist
vera á þeirri skoðun að einfalt yrði
að þróa EES-samninginn að breytt-
um aðstæðum.
■ Viðbrögð við atkvæðagreiðsl-
unni í Noregi/6/12/29
Morgunblaðið/Gunnar Þór Hallgrímsson
Vill ekki brauð
SJALDSÉÐ skeiðönd hefur ver-
ið á Reykjavíkurtjörn að undan-
förnu. Þetta er kolla en hún er
sjónarmun minni en stokkönd
og goggurinn er flatur fremst.
Hún borðar ekki brauð með hin-
um öndunum heldur smjattar
fæðu úr tjörninni með þessum
sérhæfða goggi. Tegundin er
evrópsk og kemur hingað sem
gestur en þó verpa nokkur pör
á Norðurlandi.
Salt fyrir
29,5 millj.
á göturnar
ÁKVEÐIÐ hefur verið að
kaupa salt fyrir tæpar 29,5
milljónir króna til hálkueyð-
ingar á götum Reykjavíkur-
borgar í vetur.
4% ódýrara en í fyrra
í síðustu innkaupum á
salti, fyrir veturinn 1993 til
’94, var meðalverð á innfluttu
salti 5.133 krónur tonnið.
Tilboð Hafnarbakka hf., sem
gatnamálastjórinn í Reykja-
vík mælti með að yrði tekið,
hljóðar upp á 4.905 krónur
tonnið, sem er 4% lægra verð
en í fyrra.
Þrjú fyrirtæki gerðu
Reykjavíkurborg tilboð vegna
saltkaupanna, Hafnarbakki
hf., A. Jónsson og Co og
Saltkaup hf.

SlllÍílíÍft?
Morgunblaðið/Kristinn
Ok á miklnm hraða á kyrrstæðan bíl
••
„Oskraði á hann
að henda sér frá“
VIÐ stórslysi lá þegar bifreið var
ekið á miklum hraða á kyrrstæða
bifreið sem stóð á öfugum vegar-
helmingi eftir að tóm hestakerra sem
hún dró hafði oltið á þjóðveginum á
móts við Hvammsvík í Kjós laust
fyrir kl. 20 í gærkvöldi. Ökumaður-
inn var inní kyrrstæða bílnum þegar
áreksturinn varð og tveir menn sem
ætluðu að ýta bílnum yfir á réttan
vegarhelming náðu naumlega að
kasta sér frá áður en bílamir skullu
saman. Samkvæmt upplýsingum lög-
reglu slasaðist þó enginn alvarlega
í árekstrinum.
Tveir bílar höfðu stöðvað á vegin-
um og ökumenn þeirra aðstoðuðu
eiganda hestakerrunnar við að draga
hana út af veginum. Annar þeirra,
Karl Gunnlaugsson, sagði í samtali
við Morgunblaðið að þeir hafí síðan
ætlað að ýta bílnum yfír á réttan
vegarhelming en annað afturhjól
bílsins var sprungið.
„Ökumaðurinn var sestur undir
stýri og hinn maðurinn var kominn
fram fyrir bílinn og var að reyna að
ýta honum yfir á réttan vegarhelm-
ing. Ég hafði labbað að mínum bíl
og var að koma aftur að bílnum þeg-
ar ég sá bíl koma á 80 til 90 km
hraða. Mér leist ekki á að hann
hægði ekkert á sér, þar var eins og
ökumaðurinn sæi ekki bílinn á vegin-
um. Ég öskraði þá á manninn sem
bograði yfir húddinu á bílnum að
henda sér frá.“
Munaði sekúndubrotum
Karl sagði að maðurinn hefði rétt
náð að skutla sér undan áður en bíll-
inn skall á þeim kyrrstæða. „Það
munaði aðeins örfáum sekúndubrot-
um að maðurinn yrði ekki á milli
þeirra. Ég kastaði mér aftur fyrir
kerruna til að forðast bílana en högg-
ið var það mikið að kyrrstæði bílinn
kastaðist um 10 metra og lenti fram-
an á sendibílnum sem ég var á,“
sagði Karl Gunnlaugsson.
Irving feðgar, eigendur olíufélagsins Irving Oil, komnir til Islands
Ekki áður reynt að bregða
fyrir þá fæti eins og hér
„ Ijóla-
skógi
STARFSMENN Skógræktar-
innar í Suðurhlíð, þeir ísleifur
Kristinsson og Einar Lúðvíks-
son, voru önnum kafnir við að
flokka og raða sígrænum jóla-
trjám sem voru að koma frá
Danmörku þegar ljósmyndar-
inn átti leið hjá.
''Nú skreyta aðventuljósin
glugga landsmanna og margir
eru farnir að huga að því að
velja sér jólatré svo skreyta
megi hús með greinum græn-
um. Lifandi jólatré njóta stöð-
ugra vinsælda, enda fylgir
þeim greniilmurinn sem er
orðinn ómissandi þáttur jól-
anna.
ÞRÍR aðaleigendur kanadíska
olíufélagsins Irving Oil hafa dvalið
hér á landi síðustu daga ásamt
aðstoðarmönnum til að undirbúa
stofnun olíufélags. Þetta eru þeir
Arthur Irving og synir hans, Art-
hur Irving jr. og Kenneth Irving.
Aðspurður um hvernig nýlegar
umsóknir íslensku olíufélaganna
um lóðir undir bensínstöðvar kæmu
feðgunum fyrir sjónir sagði Othar
Örn Petersen, fulltrúi Irving Oil hér
á landi, að þær sýndu að enginn
annar virtist eiga að fá að komast
að á markaðnum hér á landi. Hann
sagði Irving feðga aldrei áður hafa
orðið fyrir því að reynt væri að
bregða fyrir þá fæti með þessum
hætti. „Þeir vita það hins vegar að
allur alnienningur og íslenska þjóð-
in muni njóta góðs af, en auðvitað
ekki íslensku olíufélögin."
Að sögn Othars Arnar hafa feðg-
arnir átt viðræður við borgaryfir-
völd síðustu daga og munu ræða
við nágrannasveitarfélögin næstu
daga um möguleika á byggingu
birgðastöðvar og 6-8 bensínstöðva.
Sömuleiðis hafa þeir rætt við við-
skiptaráðherra um áform sín. Með
í för er verkfræðingur og arkitekt,
en innlend verkfræðiskrifstofa hef-
ur einnig verið fengin til aðstoðar.
Varðandi næstu skref í þessu máli
sagði Othar Örn að málið væri nú
að miklu leyti í höndum borgaryfir-
valda.
„Þetta er ekki
kurteisisheimsókn11
„Því er ekkert að leyna að Irving-
feðgum er full alvara og þetta er
ekki kurteisisheimsókn," sagði Oth-
ar ennfremur. „Þeir hafa komið
hingað af og til undanfarið ár og
oftar síðustu tvo mánuði. Þeim
finnst þetta mjög athyglisverðúr
markaður og munu áfram vinna að
undirbúningi með borgarskipulagi,
hafnaryfirvöldum o.fl. Við vonum
að niðurstaða fáist sem allra fýrst."
Ifving-olíufélagið rekur um
1.600 bensínstöðvar á austurströnd
Kanda, í Quebec, Main, Vermount
og New Hampshire. Félagið vinnur
allar olíuvörur í eigin olíuhreinsun-
arstöð í Kanada og hyggst nota
eigin olíuskip til flutninga til ís-
lands.