Morgunblaðið - 01.12.1994, Síða 19

MORGUNBLAÐIÐ
FIMMTUDAGUR 1. DESEMBER 1994 19
ÚRVERINU
Morgunblaðið/Sigurgeir
Þeir þreyttu pungaprófið
TÍU vaskir Eyjamenn þreyttu nýlega pungapróf frá Stýri-
mannaskólanum í Vestmannaeyjum. Það voru menn úr
ýmsum greinum atvinnulífins sem þarna viðuðu að sér þekk-
ingu á sjómennsku og öðru sem störfum til sjós tilheyrir.
Þarna voru t.a.m. bankafulltrúi, forstjóri, útgerðarmaður,
vörubílsijóri, vélsmiður, dekkjaviðgerðamaður og svo trillu-
karlar. Frá vinstri á myndinni eru Sigurgeir Jónsson kenn-
ari, Magnús Kristinsson, Sigurður Gunnarsson, Guðmundur
Rafn Gunnarsson, Héðinn Magnússon, Sigurgeir Bryiyar
Kristjánsson, Sveinn Hauksson, Haukur Guðjónsson, Pétur
Árnmarsson og Bragi Steingrímsson.
Hafrannsóknastofnun um vistfræði sjávar
Mikið góðæri í sjónum
og áta yfir meðallagi
MIKIÐ góðæri hefur verið í sjónum
umhverfis ísland á þessu ' ári og
magn átu víðast hvar langt yfir
meðallagi. Þetta kemur fram í
skýrslu Hafrannsóknastofnunar á
vistfræði sjávar 1994. Gott ástand
sjávar er talið geta örvað vöxt fisks
og aukið líkur á þvi að norsk-
íslenski síldarstofninn berist hingað
í ætisleit.
Helstu niðurstöðurnar í skýrslu
Hafrannsóknastofnunar eru að hlý-
sjór hafi verið áberandi fyrir norðan
land um vorið. Vegna langvarandi
hægviðris og hlýinda hitnuðu yfir-
borðslög sjávar yfir sumarið og
sterk lagskipting varð ríkjandi.
Talsverður svifgróður var um vorið
á flestum stöðum við landið en í
ágúst var sjór hins vegar víðast
hvar orðinn lagskiptur og lítill gróð-
ur í yfirborðslögum sjávar. Magn
átu var langt yfir meðallagi víðast
hvar og enn var mikil áta í júní og
júlí norður og norðaustur af
landinu.
„Það hefur verið góðæri í sjónum
á þessu ári og þetta getur haft þau
áhrif að hraða vöxt fiska. Það hafa
hins vegar ekki komið fram gögn
um það enn að vöxturinn hafi auk-
ist enda hefur árið ekki að fullu
verið gert upp. Við höfum átt mjög
erfitt með að nota þessar athuganir
til að spá fyrir um framtíðina,“ seg-
ir Jakob Jakobsson forstjóri Haf-
rannsóknastofnunar. Hann segir að
þessar niðurstöður svipi meira til
ástands sjávar fyrir hafískomurnar,
eða fyrir 1965.
Jakob segir ennfremur að haldist
þessi góðu skilyrði í hafinu aukist
líkurnar á því að norsk-íslenski síld-
arstofninn haldi á íslandsmið í ætis-
leit. „Til þess að það verði mjög
mikil breyting á göngu norsk-
íslensku síldarinnar þá þyrfti hún
að breyta um vetursetustöðvar. Þær
hafa verið nokkur undanfarin ár
við Lófóten en voru áður austur af
íslandi. Breyttar vetursetustöðvar
virðast hafa þau áhrif að síldin
staldrar stutt við hér á sumrin,"
segir Jakob.
Lágar seiðavísitölur bolfiska
í skýrslunni segir að aðalút-
breiðslusvæði þorskseiða hafi verið
út af Norðurlandi en vísitala þorsk-
seiða var með því lægsta sem mælst
hefur. Meðalstærð þeirra var einnig
með allra minnsta móti. Fyrstu vís-
bendingar eru því þær að þorskár-
gangurinn 1994 verði undir meðal-
lagi eða lítill. Sömu sögu er að segja
af ýsu en vísitala ýsuseiða var með
þvi lægsta síðan rannsóknir hófust.
Hins vegar hefur seiðavísitala loðnu
ekki mælst hærri síðan 1974. Vísi-
tala karfaseiða á hafsvæðinu við
Austur-Grænland var lág samanbor-
ið við fyrri athuganir.
Eitraðir
þörungar
á kúfisk-
miðum
FJÖLDI skoruþörunga hefur fund-
ist við rannsóknir Hafrannsókna-
stofnunar á þörungasvifi í Faxa-
flóa, en vitað er að þeir geta mynd-
að hættuleg eiturefni. Mest bar á
tveimur tegundum sem mynda hið
hættulega taugaeitur PSP en einn-
ig sáust þar þrjár aðrar tegundir
sem mynda eitrið DSP sem veldur
magaeitrun. Kísilþörungur sem
getur valdið eitrun fannst í miklu
mæli á kúfiskmiðum á Vestfjörð-
um.
í skýrslu Hafrannsóknastofnun-
ar um vistfræði sjávar segir að þar
sem vitað er að skelfisktínsla er
algeng í Hvalfirði hafi plöntusvif-
sýnum verið safnað þar 25. maí
síðastliðinn og fjöldi þeirra teg-
unda sem mynda PSP var yfir við-
vörunarmörkum.
Vegna fyrirhugaðs útflutnings á
kúfiski til Bandaríkjanna hafa
bandarísk yfirvöld gert kröfur um
viðamiklar rannsóknir á veiðisvæð-
um kúfisks. Hafrannsóknastofnun
safnaði sýnum á kúfiskmiðum í
Önundarfírði, Aðalvík og Fljótavík.
Mánaðarlega voru mæld þörunga-
eitrin PSP, DSP og ASP, sem veld-
ur m.a. minnisleysi. Helstu niður-
stöður voru þær að lítið bar á teg-
undum sem geta valdið PSP og
DSP eitrun en hins vegar var í
miklu magni kísilþörungur á öllum
svæðunum sem geta valdið ASP
eitrun. Mælingar á ASP eitrinu
hafa ekki verið gerðar.
á tilbodsverdi
Hagenuk ST 900 KX er þráðlaus sími
sem hentar vel við ólíkar aðstæður,
á heimilinu jafnt sem vinnustaðnum.
I honum er 20 númera skammvals-
minni, endurval, stillanleg hringing
og 24 stafa skjár. Hægt er að nota
Hagenuk símann
í rafmagnsleysi.
* i
Tilboðsverð kr.:
Hagenuk MT 2000
GSM farsíminn er
traustur og fjölhæfur
en jafnframt einfaldur
í notkun. Skjárinn er
óvenju stór og
leiðbeiningarnar
birtast jafnóðum og
síminn er notaður.
Trompið er svo
innbyggður símsvari
sem tekur við
töluðum skilaboðum
eða talnaboðum, ef
hringt er í hann úr
tónvalssíma. Hægt er
að lesa eigið ávarp inn
á símsvarann.
Tilboðsverð kr.:
19.947,- 35.900,-
Staðgr. m. vsk.
Staðgr. m. vsk.
Traust viðgerða- og varahlutaþjónusta. Greiðslukjör.
hagenuk
Söludeild Ármúla 27, sími 91-63 66 80.
Söludeild Kringlunni, sími 91-63 66 90. ,
Söludeild Kirkjustræti 27, sími 91-63 66 70 POSTUR
og á póst- og símstöðvum um land allt. OG SIMI