Morgunblaðið - 19.01.1995, Blaðsíða 2

Heildarvelta með kreditkort
var 60,6 milljarðar í fyrra
Islendingar með
aðra mestu meðal-
eyðslu á korthafa
HEILDARVELTA greiðslukorta-
fyrirtækjanna Visa íslands og
Eurocard nam ails um 60,6 milljörð-
um í fyrra og jókst um nálægt 3,8%
milli ára. Þar af nam velta Visa
íslands 44,2 milljörðum króna og
jókst um 1,5 milljarða eða 3,5% frá
árinu á undan. Heildarvelta Euroc-
ard nam alls um 16,4 milljörðum
og jókst um 600 milljónir milli ára
eða 4,5%.'Debetkortavelta er ekki
meðtalin í þessum tölum.
Þetta er minnsta aukning í sögu
Visa íslands bæði hlutfallslega og
í krónum talið. Samkvæmt upplýs-
ingum fyrirtækisins er þróunin á
sl. ári í samræmi við spár um að
með tilkomu debetkortanna myndi
draga úr kreditkortaviðskiptum,
líkt og gerst hefur á öðrum mörkuð-
um.
Almennar greiðslur með Visa-
kortum jukust um 2,1% á árinu og
námu alls 29,6 milljörðum, boð-
greiðslur jukust um 10,3% og námu
4,9 milljörðum, en raðgreiðslur juk-
ust um 1% og námu 3,5 milljörðum.
Viðskipti erlendis jukust hins vegar
um 7,5% og námu alls 6,2 milljörð-
um.
Útgefín Visakort voru í árslok
alls 96.148 talsins auk rúmlega 70
þúsund debetkorta. Farkortum,
Gullkortum og Gullviðskiptakortum
íjölgaði en almennum kortum fækk-
aði lítilsháttar.
Færslufjöldi Visa nam 12,6 millj-
ónum og fjölgaði færslum um 417
þúsund milli ára eða 35 þúsund
færslur á mánuði. I árslok voru
rafræn viðskipti um 92% af heildar-
viðskiptum að meðtöldum boð- og
raðgreiðslum.
Velta Eurocard innanlands nam
alls 14,5 milljörðum í fyrra og jókst
um 4,3%. Velta erlendis nam 1,9
milljarði og jókst um 5,5%. Færslur
voru alls rösklega 4,5 milljónir inn-
anlands og 237 þúsund erlendis.
Gild kort eru nú um 33.500 talsins.
Miklar úttektir
vekja undrun erlendis
í nýlegu yfirliti sem birtist í
bandarísku sérfræðiriti á sviði
markaðsrannsókna, Nilson Report,
kemur fram að Visa ísland er í
146. sæti á listanum yfir stærstu
kortafyrirtæki heims með 640 millj-
ón dollara veltu. Hins vegar er ís-
land í öðru sæti á lista yfir hæstu
meðalviðskipti á hvert greiðslukort
en Kína er í fyrsta sæti. Nam meðal-
úttekt á hvert íslenskt greiðslukort
6.315 dollurum árið 1993. Norð-
menn voru aftur á móti í 12.. sæti
með 3.169 dollara meðalúttekt. Að
mati Visa íslands er nærtækasta
skýringin á háum úttektum Kín-
veija sú að um sé sé að ræða örfá
diplómata og stjórnarerindreka. ís-
land skipi því í raun efsta sætið og
hafi þessar háu úttektir vakið undr-
un erlendra bankamanna.
Búskiptum lokið
hjá Bílaborg hf.
LOKIÐ er skiptum í þrotabúi Bíla-
borgar hf. sem tekið var til gjald-
þrotaskipta árið 1990. Veðkröfur
voru samtals 298 milljónir og
greiddust 264 milljónir upp í þær
eða 88,8%. Forgangskröfur sem
voru samtals 23,5 milljónir greidd-
ust upp að fullu.
Almennar kröfur námu samtals
463 milljónum og fékkst alls tæp-
lega 21 milljón upp í þær eða 4,5%.
Þannig voru kröfur samtals tæplega
785 milljónir og fengust alls alls
um 309 milljónir greiddar úr búinu.
Eigendur Bílaborgar hf., sem
hafði umboð fyrir Mazda Motors í
Japan, óskuðu eftir því í mars árið
1990 að fyrirtækið yrði tekið til
gjaldþrotaskipta. Var hús fyrirtæk-
isins við Fossháls í Reykjavík slegið
Landsbanka íslands á þriðja og síð-
asta nauðungaruppboði fyrir 264,5
milljónir króna í desember sama ár.
Brunabótamat hússins var 788
milljónir króna. Fáum árum síðar
leigði bankinn húsið til nokkurra
aðila með langtímasamnigum.
Heildarvelta
í verslunargreinum
janúar til október 1993 og 1994
(í millj.kr. án vsk. á verðlagi hvers árs) Heildsöludreifing áfengis og tóbaks, smásala áfengis Heildsölu- og smásöludreifing jan.-október 1993 7.917,5 jan.-október 1994 8.148,6 Veltu- breyting 2,9%
á bensíni og olíum 19.093,5 19.035,4 -0,3%
Byggingavöruverslun 7.812,3 8.400,0 7,5%
Sala á bílum og bílavörum 12.404,5 12.343,7 -0,5%
Önnur heildverslun 49.945,0 55.449,3 11,0%
Heildverslun samtals: 97.172,8 103.377,1 6,4%
Fiskverslun 505,1 561,4 11,2%
Kjöt- og nýlenduvöruverslun,
mjólkur- og brauðsala 21.433,6 23.725,8 10,7%
Sala tóbaks, sælgætis
og gosdrykkja 6.812,4 6.717,9 -1,4%
Blómaverslun 1.177,3 1.161,8 -1,3%
Sala vefnaðar- og fatavöru 3.860,3 3.986,6 3,3%
Skófatnaður 598,7 627,2 4,8%
Bækur og ritföng 2.294,2 2.404,8 4,8%
Lyf og hjúkrunarvara 2.877,5 3.103,7 7,9%
Búsáhöld, heimilis- -
tæki, húsgögn 6.173,2 6.750,1 9,3%
Úr, skartgripir, Ijós-
myndavörur, sjóntæki 860,5 878,5 2,1%
Snyrti- og hreinlætisvörur Önnur sérverslun, s.s. sportvörur, 386,6 407,4 5,4%
leikföng, minjagripir, frímerki 2.744,9 2.855,2 4,0%
Blönduð verslun 27.851,2 25.293,9 -9,2%
Smásöluverslun samtals: 77.575,7 78.474,4 1,2%
SAMTALS: 174.748,5 181.851,5 4,1%
Smásalannær
óbreytt milli ára
HEILDARVELTA í smávöluversl-
un á íslandi án vsk. var alls um
78,5 miiyarðar króna fyrstu tíu
mánuðina 1994. Aukning í krónu-
tölu var 1,2% frá sama tímabili
1993 þegar heildarveltan nam 77,6
milljörðum. Að teknu tilliti til
verðlagshækkana á milli ára er
veltan nær óbreytt.
Velta í heildverslun jókst í
krónutölu um 6,4% eða úr 97,2
milljörðum í 103,4. Þar vega þungt
aukin umsvif í annarri heildversl-
un, en velta í heildsölu- og smá-
söludreifingu á bensíni og olíum
og bílum og bílavörum dróst sam-
an í krónutölu.
Hvað varðar einstaka flokka
smásölu varð mikil aukning í fis-
kverslun, kjöt- og nýlenduvöru-
verslun, mjólkur- og brauðsölu og
sölu búsáhalda, heimilistækja og
húsgagna.
Sala tóbaks, sælgætis og gos-
drykkja og blómaverslun dróst
saman á umræddu timabili. Hlut-
fallslega varð mestur samdráttur
í blandaðri verslun, en með þeim
fyrirvara að einhver tilfærsla get-
ur hafa orðið milli flokka.
Borð fyrir tvo og Djúsbarínn leigja húsnæðið af Sævarí Karli
Herrafataverslunin aftur í Kringluna
HÚSNÆÐI Sævars Karls Ólason-
ar í Kringlunni hefur verið leigt
út, en Sævar Karl hætti verslunar-
rekstri þar fyrir um hálfu ári. Að
sögn Sævars Karls verður hús-
næðinu skipt I þrennt þar sem
verslunin Borð fyrir tvo, sem ver-
ið hefur í Borgarkringlunni, fær
helming. Aðrar verslanir verða
Djúsbarinn, sem m.a. selur heilsu-
drykki, og herrafataverslun á veg-
úm Sævars Karls.
Sævar Karls sagði í samtali við
Morgunblaðið að hann hefði haft
hug á selja húsnæðið en ekki feng-
ið tilboð sem hann taldi ásættan-
legt. „Ég er ánægður með þessa
niðurstöðu sem ég tel þá bestu úr
því sem komið er,“ sagði Sævar
Karl.
Aðspurður hvenær umræddar
verslanir tækju til starfa í nýja
húsnæðinu sagði Sævar Karl að
það yrði fljótlega. Um næstu helgi
SÆVAR Karl Ólason, klæðskeri, hætti rekstri herrafataverslun-
ar í Kringlunni fyrir nokkrum mánuðum. Hann hefur nú leigt
út húsnæði sitt í Kringlunni eftir að hafa reynt að selja það
án árangurs.
yrði kallað á smiði vegna þeira
breytinga sem þyrfti að gera á
húsnæðinu.
Um verslunina sem Sævar Karl
ætlar sjálfur að reka í Kringlunni
sagði hann að þar yrði á boðstól-
um ódýrari fatnaður fyrir unga
menn á aldrinum 18-25 ára. „Þetta
verður verslun með öðrum áhersl-
um en ég hef verið með til þessa.
Þessi verslun verður í fullri sam-
keppni við þær herrafataverslanir
sem fyrir eru í Kringlunni."
Stjórnarfundur á föstudag
Einar Halldórsson, fram-
kvæmdasljóri Kringlunnar, sagði
í samtali við Morgunblaðið að fjall-
að yrði um útleigai Sævars Karls
á húsnæði sínu í Kringlunni á
stjórnarfundi á morgun, föstudag,
með hliðsjón af þeim reglum sem
í gildi væru um meðferð húsnæðis
í Kringlunni.
Luxair
hafnar
samvinnu
við Sabena
Brtíssel. Reuter.
FLUGFÉLAGIÐ Luxair í Lúx-
emborg hefur hafnað tillögu
belgíska flugfélagsins Sabena
um_ samstarf.
Ákvörðunin er rökstudd
með því að hugmyndin feli í
sér áhættu fyrir Luxair og
félagið vilji auka núverandi
samvinnu við þýzka flugfélag-
ið Lufthansa, sem á 13% hlut
í því.
Sabena hafði stungið upp á
samstarfssamningi, sem mið-
aði að því að félögin skiptu
með sér flugvélum og flug-
mönnum.
Samkvæmt fyrri fréttum
vildi Sabena að flugmenn fé-
lagsins greiddu skatta í Lux-
emborg, því að þeir eru lægri
þar en í Belgíu. Félögin hafa
þegar samið um tæknisam-
starf.
Air France á 37.5% hlut í
Sabena, sem á í viðræðum við
Swissair um nánara samstarf.
Viacom til
liðs við Rob-
ert Redford
New York. Reuter.
SHOWTIME-rás Viacom-fyt^
irtækisins boðar að líkindum
innan skamms starfrækslu
nýrrar sjónvarpsrásar, Sund-
ance Film Channel, í félagi
við kvikmyndaleikstjórann og
leikarann Robert Redford að
sögn Wall Street Joumal.
Á rásinni verði sennilega
sýndar ýmsar óháðar kvik-
myndir frá Sundance-kvik-
myndahátíðinni, sem er haldin
árlega í Utah á vegum óháðr-
ar „kvikmyndasmiðju" Red-
fords.
Álit kostnaðarlítilla „há-
menningarmynda“ hefur auk-
izt að undanförnu vegna vin-
sælda mynda á borð við Reyf-
arann (Pulp Fiction) og The
Crying Game að sögn blaðs-
ins.
Umsvif óháðra kvikmynda-
gerðarmanna aukast jafnt og
þétt í skemmtanageiranum,
segir blaðið.
IBMvíUtaka
við Prodigy
New York. Rcuter.
IBM á í samningum um að
taka við stjórn hinnar bein-
tengdu tölvuþjónustu Prodigy
af Sears, Roebuck & Co, sam-
heija sínum í fyrirtækinu, að
sögn Wall Street Joumal.
IBM vill stuðla að betri sam-
hæfingu þjónustunnar og ann-
arra afurða sinna og endur-
skipuleggja starfsemi Prodig-
ys svo að hún beri sig að sögn
blaðsins.
Blaðið segir að IBM líafi
ekki rætt þann möguleika að
kaupa 50% hlut Sears í sam-
eignarfyrirtækinu. Það gæti
kostað IBM 300 milljónir doll-
ara.