Morgunblaðið - 25.01.1995, Blaðsíða 6
6 MIÐVIKUDAGUR 25. JANÚAR 1995
MORGUNBLAÐIÐ
SÚÐAVÍK
Jón Gauti Jónsson ráðinn tímabundið sveitarstjóri Súðavíkur
VILHJÁLMUR Þ. Vilhjálmsson,
formaður Sambands íslenskra
sveitarfélaga, segir að stefnt sé
að því að sveitarfélögin í landinu
leggi fram um 15 milljónir til
aðstoðar við sveitarsjóð Súðavík-
urhrepps. Fj'ármagnið verður
notað til að mæta útgjöldum
hreppsins vegna sjóflóðanna í
Súðavík. Á hreppsnefndarfundi
í gær var Jón Gauti Jónsson,
rekstrarhagfræðingur og fyrr-
verandi bæjarstjóri í Garðabæ,
ráðinn sveitarstjóri í Súðavík.
Ráðningin er til allt að þriggja
mánaða.
Sveitarstjórn Súðavíkur-
hrepps átti í gær fund með nýjum
sveitarstjóra og framkvæmda-
stjóra og formanni Sambands
íslenskra sveitarfélaga. Sigríður
Hrönn Elíasdóttir, fráfarandi
sveitarstjóri, sat fundinn, en hún
flaug síðan til Reykjavíkur.
Samvinna allra
sveitarfélaga
Samband íslenskra sveitarfé-
laga hefur ákveðið að beita sér
fyrir samvinnu allra sveitarfé-
laga í landinu um aðstoð við
Súðávíkurhrepp. Vilhjálmur
sagði aðstoðina beinast að því
að bæta sveitarsjóði upp tekju-
missinn sem hann verður fyrir
í kjölfar snjóflóðanna og útvega
honum tekjur til að standa
straum af kostnaði sem fylgir
uppbyggingarstarfinu.
I öðru lagi beinist aðstoðin
að því að skoða leiðir til að
bæta tjón á eignum sem ekki
voru tryggðar, í þriðja lagi að
veita tæknilega aðstoð, í fjórða
lagi að skoða framtíðarmögu-
leika byggðar í sveitarfélaginu
og í fimmta lagi að veita aðstoð
til að koma á skilvirkni í starf-
semi sveitarfélagsins.
Tekjur Súðavíkurhrepps
voru um 30 milljónir króna á
síðasta ári. Vilhjálmur sagði að
stefnt væri að því að sveitarfé-
lögin í landinu legðu Súðavíkur-
hreppi til um 15 milljónir króna
í aðstoð.
Brýnt að koma festu á mál
hreppsins
„Ég held að það sé brýnast
að reyna að koma festu á mál
hreppsins. Fólk hefur verið upp-
tekið við að hjálpa hvert öðru.
Allir hafa verið meira og minna
í uppnámi og það eru sterkar
tilfinningar í gangi. Nú þurfum
við að setjast niður og hjálpa
íbúum Súðavíkur við að finna
Sveitarfélög
leggi fram 15
milljónir króna
fótfestu,“ sagði Jón Gauti Jóns-
son, nýráðinn sveitarstjóri í
Súðavík.
Jón Gauti sagði mikilvægt að
aðstoða Súðvíkinga í sambandi
við húsnæðismál, tryggingamál,
hreinsunarstarf o.s.frv. Verkefn-
in væru óþijótandi. Jón Gauti
sagði að það yrði að ráðast
hvernig mál þróuðust, en hann
ætti allt eins von á að þörf yrði
fyrir sína krafta í einhverja mán-
uði.
Formaður og framkvæmdastjóri sambands
íslenskra sveitarfélaga, Almannavamaráð
og Jón Gauti Jónsson, sem tímabundið
hefur verið ráðinn sveitarstjóri Súðavíkur,
-----------------------------------------
heimsóttu staðinn í gær. I samtali við
Egil Olafsson segir Jón Gauti að brýnt
sé að hjálpa íbúum Súðavíkur að fínna
fótfestu á ný.
JÓN Gauti Jónsson, nýráðinn sveitarstjóri í Súðavík, Þorsteinn Jó-
hannsson, Iæknir, Friðgerður Baldvinsdóttir, oddviti, Krislján Þór
Júlíusson, bæjarstjóri á ísafirði og Salvar Baldursson, bóndi í Vig-
ur, skoða skenundir í einu húsanna í Súðavík í gær.
STÓRVIRKAR vinnuvélar eru nú notaðar við að
moka burt snjó og braki í Súðavík.
Hreppsskrifstofan aftur til
Súðavíkur
Á borgarafundi Súðvíkinga á
ísafirði í fyrrakvöld lögðu marg-
ir áherslu á að hreppsskrifstofan
yrði flutt til Súðavíkur sem fyrst.
Jón Gauti sagði að um þetta
hefði engin ákvörðun verið tekin.
Það væri að sjálfsögðu stefnt að
því að flytja skrifstofuna til
Súðavíkur og til skoðunar væri
að koma þar upp einhverri að-
stöðu strax. „Við verðum að
sinna fólkinu þar sem það er.“
Jón Gauti átti viðræður við
Rauða krossinn í gærkvöldi
um það hjálparstarf sem hann
hefur verið að vinna að. Jón
Gauti sagði mikilvægt fyrir
báða aðila að samhæfa kraft-
ana þannig að þjónustan við
íbúa Súðavíkur yrði sem best.
Hann sagðist hafa trú á
að sér gengi vel að setja sig
inn í mál Súðvíkinga. Hann
sagðist þekkja nokkuð til
mála á Vestfjörðum í tengsl-
um við vinnu sem hann hefði
unnið fyrir Vestfjarðanefnd
ríkisstjórnarinnar. Mestu
skipti þó reynsla sín af sveit-
arstj órnarmálum.
Skoðuðu aðstæður í
Súðavík
Vilhjálmur, Jón Gauti og
Þórður Skúlason, fram-
kvæmdastjóri Sambands ís-
lenskra sveitarfélaga, fóru til
Súðavíkur síðdegis í gær til
að skoða aðstæður á staðnum
og sjá með eigin augum af-
leiðingar snjóflóðanna.
Almannavarnaráð ríkisins
fór einnig til Súðavíkur í gær
til að skoða eyðilegginguna í
bænum. Ráðið hélt fund með
almannavarnanefnd ísafjarð-
ar að heimsókninni lokinni.
Farið var yfir stöðu mála, en
engar ákvarðanir teknar. Al-
mannavamaráð óskaði eftir
skýrslum um snjóflóðin í
Súðavík og björgunarstarfið.
Yfirmaður norsku rannsóknarstöðvarinnar um snjófióð til Súðavíkur
Norðmenn vilja
gjarna samstarf
KARSTEN Lid, yfirmaður norsku
rannsóknarstöðvarinnar um snjó-
flóð, skoðaði aðstæður í Súðavík
og í Hnífsdal í gær ásamt Össuri
Skarphéðinssyni umhverfísráð-
herra og Magnúsi Má Magnús-
syni, snjóflóðafræðingi á Veður-
stofunni.
Umhverfísráðherra sagði við
komuna til Reykjavíkur að að-
stæður hefðu verið skoðaðar í
Hnífsdal og í Súðavík. Meðal ann-
ars hefði verið farið á Eyrardals-
svæðið, sem talað hefði verið um
sem framtíðarbyggingarsvæði
Súðvíkinga, og hefði þeim litist
vel á það. Hins vegar væri of
snemmt að tala um hvert fram-
haldið yrði en talað hefði verið um
samstarf þeirra sem fást við snjó-
flóðavarnir á Veðurstofunni við
norska starfsbræður sína.
Þarf sérstaka útreikninga
Karsten Lid sagði að það væri
alltaf sláandi að sjá eyðileggingtf
eins og þá sem hann leit augum
í Súðavík í gær en hins vegar
væri ekki erfitt að skilja að snjó-
flóð hefði getað fallið úr hlíðinni
fyrir ofan bæinn. Það væri þó erf-
itt að segja til um hversu langt
flóð gæti runnið, til þess þyrfti að
hafa nákvæm kort og notast við
sérstaka útreikninga.
Hann sagði að í Hnífsdal væru
augljóslega aðstæður sem gætu
skapað snjóflóðahættu og þar
þyrfti að sama skapi að gæta vel
að hugsanlegri ógn og gera út-
reikninga.
Lid sagðist hafa lagt til að sam-
vinna um þessi mál gæti tekist
með Norðmönnum og íslending-
Morgunblaðið/Sverrir
ÖSSUR Skarphéðinsson umhverfisráðherra, Magnús Már Magn-
ússon snjóflóðafræðingur og Karsten Lid, yfirmaður norsku
rannsóknarstöðvarinnar um snjóflóð.
um. Hahn sagði að Norðmenn
hefðu fíillan hug á því og vonaðist
til að Islendingar væru sama sinn-
is. „Loftslagið, veðurfar og lands-
lag eru að mörgu leyti sambærileg
á íslandi og í Noregi þannig að
ég tel að beita megi sömu aðferð-
um að miklu leyti,“ sagði Lid.
Hann sagði að Norðmenn hefðu
um 30 ára reynslu í fræðunum.
„Við búum yfir einhverri þekk-
ingu, betri en engri,“ sagði Lid,
hógvær, að lokum.
Borgarafundur
Súðvíkinga
Grunn-
skólinn
fyrst
umsinn
á ísafirði
ísafirði. Morgunblaðið.
EKKI er talið mögulegt að færa
Grunnskóla Súðavíkur frá ísafirði
til Súðavíkur fyrr en búið er að
hreinsa allt snjóflóðasvæðið. For-
eldrar, sem ætla að flytja heim til
Súðavíkur á næstu dögum, leggja
áherslu á að fá börn sín heim sem
fyrst þannig að fjölskyldur geti
búið saman.
Skólamál voru efst á baugi á
borgarafundi Súðavíkinga sem
haldinn var á Hótel Isafírði í fyrra-
kvöld. Um 130 manns voru á fund-
inum. Flestir Súðvíkingar eru að
snúa aftur til vinnu nú þegar at-
vinnufyrirtækin í Súðavík eru að
hefja starfsemi að nýju. Margir
ætla að flytja inn í hús sín strax
í þessari viku. Það er hins vegar
ljóst að skólinn hefur ekki starf-
semi í Súðavík alveg á næstunni.
Á fundinum komu fram tvö
sjónarmið í skólamálum. Annars
vegar vildi fólk fá að hafa börnin
hjá sér og að fjölskyldurnar byggju
sameinaðar í Súðavík. Aðrir bentu
á að börnin hefðu ekki gott af því
að fara til Súðavíkur eins og nú
háttar og sjá eyðilegginguna sem
þar blasir við. Skólastjórinn sagði
að hægt væri að skipta yngri
bekkjunum og kenna bæði í Súða-
vík og á ísafirði ef vilji heima-
manna stæði til þess. Flestir lögðu
hins vegar áherslu á að börnin
fengju að vera saman í skóla.
Þó engin formleg niðurstaða
yrði á fundinum voru allir sam-
mála um að velferð barnanna yrði
að ráða ferðinni í þeim ákvörðun-
um sem teknar yrðu.
Snjóflóðavarnir
Talsvert var rætt um snjóflóða-
varnir á fundinum og greinilegt
var á fólki sem býr næst snjóflóða-
svæðunum, að það er hrætt við
að snúa aftur við þessar aðstæð-
ur. Einn fundarmaður spurði hvert
fólk gæti farið í vondum veðrum.
Fátt var um svör. Fram kom á
fundinum að búið er að skipa ann-
an snjóflóðaeftirlitsmann. I fram-
tíðinni verður stöðugt eftirlit með
hlíðinni fyrir ofan Súðavík.
Minningar-
reitur í
Súðavík
ísafirði. Morgunbiaðið.
HJÓNIN Berglind Krist-
jánsdóttir og Hafsteinn
Númason, sem misstu öll
þijú börn sín í siyoflóðinu
sem féll í Súðavík 16. jan-
úar, hafa óskað eftir því
við hreppsnefnd Súðavíkur
að gerður verði minningar-
reitur í Súðavík um þá sem
létust.
Hugmynd Berglindar og
Hafsteins er, að við Tún-
götu og Nesveg verði plant-
að tqám og komið fyrir
ininningarskjöldum um þá
sem létust í snjóflóðinu.
Hugmyndin var kynnt á
borgarafundi Súðvíkinga,
sem háldinn var á ísafirði
í fyrrakvöld.