Morgunblaðið - 25.01.1995, Blaðsíða 13

MORGUNBLAÐIÐ
MIÐVIKUDAGUR 25. JANÚAR 1995 13
Mikið
óveður í
Breiðuvík í
Snæfellsbæ
LANDIÐ
Breytingar urðu í rekstri Sjúkrahúss Selfoss á síðastliðnu ári
Morgunblaðið/Sig. Jóns.
SÆNGURKONUR róma mjög alla aðstöðu á sængurkvenna-
gangi. A myndinní eru Guðrún Ingibjörg Amundadóttir frá
Þorlákshöfn með son sinn og Jóna Björk Jónsdóttir Selfossi
með dóttur sína. Báðar fæddu þær börn sin 16. janúar.
Selfossi - Innlagnir, þjónusta
ljósmæðra, fæðingar og aðgerð-
ir á skurðstofu hjá Sjúkrahúsi
Suðurlands hafa aukist verulega
á milli áranna 1993 og 1994.
Ástæður þessa má rekja til auk-
ins þjónustuframboðs með til-
komu sérfræðinga sem starfa á
sjúkrahúsinu. „Það er greinilegt
að traust fólks hér sunnanlands
á sjúkrahúsinu hefur aukist
mjög með tilkomu kvensjúk-
dómalæknis og annarra sér-
fræðinga sem leysa málin hér á
staðnum í stað þess að senda
fólk til Reykjavíkur,“ sagði Að-
alheiður Guðmundsdóttir hjúkr-
unarforstjóri.
Innlagnir sjúklinga jukust um
32,5% milli áranna 93 og 94 eða
um 332 einstaklinga. Ambulant-
þjónusta ljósmæðra fór úr 119
tilfellum 1993 í 515 1994 og
fæðingum fjölgaði um 42,3%
milli ára, úr því að vera 130
1993 í 185 á síðasta ári. Þá juk-
ust aðgerðir á skurðstofu um
21% milli ára úr 758 í 916 ásamt
því að þær urðu stærri og viða-
meiri en áður var.
Aðalheiður Guðmundsdóttir
hjúkrunarforsljóri segir að álag
á starfsfólk hafi aukist og aukn-
ing á stöðugildum sé nauðsyn-
leg. „Ég tel að það vanti stöðu-
gildi til þess að geta sinnt fólk-
inu nógu vel og þá einnig fleiri
rúm. Það bráðvantar nýbygg-
inguna sem búið er að tala um
í mörg ár. Við höfum núna 26
hjúkrunarpláss á Ljósheimum
hér á Selfossi og síðan 32 rúm
hér á sjúkrahúsinu sjálfu. Hluti
þeirra rúma er svo aftur á móti
stöðugt notaður fyrir langlegu-
sjúklinga eða 20-25 rúm,“ sagði
Aðalheiður.
Niðurskurði verði hætt
Hún sagði að sótt hefði verið
undanfarin ár um tvö stöðugildi
við hjúkrunardeildina á Ljós-
heimum en ekki fengist þó svo
sú deild væri með mun færri
stöðuheimildir en samsvarandi
deildir á höfuðborgarsvæðinu.
Nauðsynlegt væri að leiðrétta
þennan mismun og að hætta
þeim stöðuga niðurskurði sem
verið hefði á fé til reksturs
sjúkrahússins á undanförnum
árum.
Biðröð eftir aðgerðum
Aðgerðardagar á Sjúkrahúsi
Suðurlands eru tvisvar í viku.
Aðgerðum hefur þurft að fresta
þar sem ekki hafa verið til rúm
fyrir sjúklingana. Biðlistar eru
hjá læknunum í aðgerðir, eink-
um þjá Þorkeli Guðmundssyni
kvensjúkdómalækni og Páli
Stefánssyni háls-nef-og eyrna-
lækni. Þá er alltaf fullbókað hjá
Einari Hjaltasyni yfirlækni og
Þóri Njálssyni lýtalækni.
„Fólk Ieitar greinilega hingað
í aðgerðir og vill geta sótt þær
hér á sjúkrahúsinu. Það er því
greinilegt að fjármagnið þarf
að fara þangað sem fólkið leit-
ar,“ sagði Aðalheiður. Hún sagði
að í skýrslu heilbrigðisráðherra
frá því í nóvember 1993 væri
bent á að ef tækist að byggja
upp sérfræðiþjónustu við
Sjúkrahús Suðurlands þá væri
upptökusvæði þess 16 þúsund
manns sem væri með þeim
stærstu á landinu.
Aðalheiður sagði öryggisþátt
sjúkrahússins mjög mikilvægan
þegar alvarleg tilfelli kæmu upp
og sjúklingar þyldu ekki flutn-
ing til Reykjavíkur eins og dæm-
in hefðu sannað.
Laugarhóli - Norðanrok var hér
eftir síðustu helgi. Dagana 17. og
18. janúar var ofsaveður og man
fréttaritari ekki eftir eins miklu ster-
kviðri hér svo lengi sem þetta óveð-
ur stóð.
Mikið tjón varð í veðurofsanum
og skemmdist endurvarpsstöðin í
Axlarhólum í Breiðuvík mikið þegar
stöngin brotnaði. Á Knerri fauk allt
járn af þaki gamals íbúðarhúss en
súðin fauk ekki. Þá fauk nokkuð
af þaki af heyhlöðu og vörubíll fauk
á hliðina og skemmdist mikið. í
Húsanesi fauk þak af heyhlöðu,
rúður brotnuðu í íbúðarhúsinu og
klæðning á því skemmdist mikið þar
sem brak úr hlöðunni fauk á það.
Á Stóra-Kambi brotnuðu rúður í
gluggum á gömlu íbúðarhúsi af
grjótkasti. Ekki var búið í húsinu.
Þá fuku þakplötur af útihúsum. Þak
fauk af sumarbústað sem er upp
undir hlíðinni fyrir ofan Húsanes. Á
Litla-Kambi fauk þak af hlöðu,
bæði járn, sperrur og súð. Tveir
bílar sem stóðu utan við húsið fuku
til en sluppu lítið skemmdir. Á Am-
arstapa fauk trillubátur, sem stóð í
hjólagrind uppi á bakka, á hliðina
og grindin með en ekki er talið að
trillan hafi skemmst.
í Breiðuvík, Arnarstapa og Helln-
um fór rafmagn af ki. 14.30 á mið-
vikudag en var komið aftur á alla
bæi kl. 12 á fimmtudagskvöld. Kalt
var orðið hjá þeim sem ekki höfðu
tæki til að hita upp með. Erfitt var
að komast í gripahús til gegninga.
Skipulagi í Fögru-
vík verður breytt
Vogum - Hreppsnefnd Vatns-
leysustrandarhrepps hefur falið
Skipulagi ríkisins að breyta skipu-
lagi við Fögruvík í landi Hvassa-
hrauns og gera ráð fyrir blandaðri
atvinnustarfsemi fyrir þjónustu og
iðnað.
Fyrir nokkrum áram var hafist
handa við að byggja stálbræðslu á
þessu svæði, en ekkert varð úr því
nema að eitt hús var byggt á lóð-
inni. Að sögn Jóhönnu Reynisdótt-
ur, sveitarstjóra, hafa margar fyr-
irspurnir borist um þennan stað
og hefur nú verið sótt um veitinga-
rekstur og bensínsölu á lóðinni.
Málið er í vinnslu hjá Skipulagi
ríkisins, en m.a. þarf að tryggja
aðgengi að svæðinu hjá Reykjanes-
brautinni.
Morgunblaðið/Eyjólfur M. Guðmundsson
HÚSIÐ við Fögruvík þar sem nú er unnið að breytingu á skipulagi.
Þvottahús KA
selt Gullfossi hf.
Selfossi - Kaupfélag Árnesinga á
Selfossi hefur selt efnalauginni
Gullfossi á Selfpssi tæki og rekstur
þvottahúss KÁ. Gullfoss hefur
jafnframt keypt hluta af húsi kjöt-
vinnslu KÁ þar sem áður var
brauðgerð og mun þar starfrækja
þvottahús og efnalaug.
Mikil endumýjun þurfti að fara
fram á tækjum og búnaði þvotta-
hússins, ásamt því sem húsakostur
þarfnaðist endurbóta. í stað þess
að ráðast í endurnýjun ákvað stjóm
KÁ að selja frekar rekstur þvotta-
hússins. Þeir sem störfuðu hjá
þvottahúsinu munu starfa áfram
hjá Gullfossi hf.
Sala þvottahúss KÁ er fjórða
salan sem fram fer á rekstrarein-
ingum KÁ. Áður hefur bifreiða-
þjónustuhluti bílasmiðjanna verið
seldur, rafmagnsverkstæði og
byggingavöruverslun í Vest-
mannaeyjum.
Morgunblaðið/Bernhard Jóhannesson
GRÓÐURHÚS Sveins Björnssonar á Varmalandi. Á myndinni er sonur hans, Björn Húnbogi.
150 rúður í gróðurhúsi
brotnuðu vegna fannfergis
Borgarfirði - Það era ótrúlega
margir sem urðu fyrir skaða í norð-
anveðrinu í vikunni sem leið. Afleið-
ingarnar koma ekki alltaf í ljós
strax og veður lægir. Sveinn
Björnsson á Varmalandi í Reyk-
holtsdal varð þó var við tjónið um
leið og veður lægði því að gróður-
húsið hjá honum hafði hreinlega
skafið í kaf.
Tveggja metra skafl var á húsinu
þar sem mest var og brotnuðu um
eitthundrað og fimmtíu rúður í hús-
inu. Nágrannar hans komu og
hjálpuðu við að moka af húsinu.
Ekki voru neinar plöntur í hús-
inu.
Hús hrundi yfir rútu
í svona veðri þegar mikill vindur
er verður mikil kæling í gróðurhús-
unum og seinkar þetta eitthvað
uppskerunni, sem getur þýtt að
verð á gróðurhúsaafurðum verði
eitthvað hærra til að byrja með í
vor.
Verkstæðishús Erlings Aðal-
steinssonar lagðist saman undan
snjó, sem skafið hafði yfír húsið.
Lagðist það saman og inni í því var
skólarúta sem skemmdist allnokk-
uð. Rafmagnsverkfæri og annað
smádót skemmdist einnig. Bæði
þessi tjón eru tilfinnanleg vegna
þess að tryggingar ná ekki til þeirra
því þau flokkast ekki sem snjóflóð.
Vertu ekki of seinn
að panta fermingar-
myndatökuna
Við vorum ódýrari í fyrra
og erum það enn, hjá
okkur færðu fermingar-
myndatöku frá
kr. 13.000,00
Ljósmyndastofan Mynd
sími: 65 42 07
Bama og
fjölsk yldul jósm yndir
sími: 887 644
Ljósmyndstofa
Kópavogs sími: 4 30 20
3 Ódýrari